බ්රහ්මෝවාච ।
නමඃ පිත්රේ ජන්මදාත්රේ සර්වදේවමයාය ච ।
සුඛදාය ප්රසන්නාය සුප්රීතාය මහාත්මනේ ॥ 1 ॥

සර්වයජ්ඤස්වරූපාය ස්වර්ගාය පරමේෂ්ඨිනේ ।
සර්වතීර්ථාවලෝකාය කරුණාසාගරාය ච ॥ 2 ॥

නමඃ සදාऽऽශුතෝෂාය ශිවරූපාය තේ නමඃ ।
සදාऽපරාධක්ෂමිණේ සුඛාය සුඛදාය ච ॥ 3 ॥

දුර්ලභං මානුෂමිදං යේන ලබ්ධං මයා වපුඃ ।
සංභාවනීයං ධර්මාර්ථේ තස්මෛ පිත්රේ නමෝ නමඃ ॥ 4 ॥

තීර්ථස්නානතපෝහෝමජපාදීන් යස්ය දර්ශනම් ।
මහාගුරෝශ්ච ගුරවේ තස්මෛ පිත්රේ නමෝ නමඃ ॥ 5 ॥

යස්ය ප්රණාම ස්තවනාත් කෝටිශඃ පිතෘතර්පණම් ।
අශ්වමේධශතෛස්තුල්යං තස්මෛ පිත්රේ නමෝ නමඃ ॥ 6 ॥

ඉදං ස්තෝත්රං පිතෘඃ පුණ්යං යඃ පඨේත් ප්රයතෝ නරඃ ।
ප්රත්යහං ප්රාතරුත්ථාය පිතෘශ්රාද්ධදිනේऽපි ච ॥ 7 ॥

ස්වජන්මදිවසේ සාක්ෂාත් පිතුරග්රේ ස්ථිතෝऽපි වා ।
න තස්ය දුර්ලභං කිංචිත් සර්වජ්ඤත්වාදි වාංඡිතම් ॥ 8 ॥

නානාපකර්ම කෘත්වාऽපි යඃ ස්තෞති පිතරං සුතඃ ।
ස ධෘවං ප්රවිධායෛව ප්රායශ්චිත්තං සුඛී භවේත් ।
පිතෘප්රීතිකරෛර්නිත්යං සර්වකර්මාණ්යථාර්හති ॥ 9 ॥

ඉති බෘහද්ධර්මපුරාණාංතර්ගත බ්රහ්මකෘත පිතෘ ස්තෝත්රම් ।