സ്കംദ ഉവാച ।
ഋണഗ്രസ്തനരാണാം തു ഋണമുക്തിഃ കഥം ഭവേത് ।

ബ്രഹ്മോവാച ।
വക്ഷ്യേഽഹം സർവലോകാനാം ഹിതാര്ഥം ഹിതകാമദമ് ॥

അസ്യ ശ്രീ അംഗാരക സ്തോത്ര മഹാമംത്രസ്യ ഗൌതമ ഋഷിഃ, അനുഷ്ടുപ് ഛംദഃ, അംഗാരകോ ദേവതാ മമ ഋണ വിമോചനാര്ഥേ ജപേ വിനിയോഗഃ ।

ധ്യാനമ് –
ധരണീ ഗര്ഭ സംഭൂതം വിദ്യുത്കാംതി സമപ്രഭമ് ।
കുമാരം ശക്തിഹസ്തം തം കുജം പ്രണമാമ്യഹമ് ॥ 1 ॥

രക്തമാല്യാംബരധരഃ ശൂലശക്തിഗദാധരഃ ।
ചതുര്ഭുജോ മേഷഗതോ വരദശ്ച ധരാസുതഃ ॥ 2 ॥

അഥ സ്തോത്രമ് –
മംഗളോ ഭൂമിപുത്രശ്ച ഋണഹര്താ ധനപ്രദഃ ।
സ്ഥിരാസനോ മഹാകായഃ സർവകര്മാവബോധകഃ ॥ 3 ॥

ലോഹിതോ ലോഹിതാംഗശ്ച സാമഗായീ കൃപാകരഃ ।
ധര്മരാജഃ കുജോ ഭൌമോ ഭൂമിജോ ഭൂമിനംദനഃ ॥ 4 ॥

അംഗാരകോ യമശ്ചൈവ സർവരോഗാപഹാരകഃ ।
സൃഷ്ടികര്താഽപഹര്താ ച സർവകാമഫലപ്രദഃ ॥ 5 ॥

ഭൂതിദോ ഗ്രഹപൂജ്യശ്ച വക്ത്രോ രക്തവപുഃ പ്രഭുഃ ।
ഏതാനി കുജനാമാനി യോ നിത്യം പ്രയതഃ പഠേത് ।
ഋണം ന ജായതേ തസ്യ ധനം പ്രാപ്നോത്യസംശയമ് ॥ 6 ॥

രക്തപുഷ്പൈശ്ച ഗംധൈശ്ച ദീപധൂപാദിഭിസ്തഥാ ।
മംഗളം പൂജയിത്വാ തു മംഗളേഽഹനി സർവദാ ॥ 7 ॥

ഋണരേഖാഃ പ്രകര്തവ്യാഃ ദഗ്ധാംഗാരൈസ്തദഗ്രതഃ ।
സപ്തവിംശതിനാമാനി പഠിത്വാ തു തദംതികേ ॥ 8 ॥

താശ്ച പ്രമാര്ജയേത്പശ്ചാദ്വാമപാദേന സംസ്പൃശന് ।
ഏവം കൃത്വാ ന സംദേഹോ ഋണഹീനോ ധനീ ഭവേത് ॥ 9 ॥

ഭൂമിജസ്യ പ്രസാദേന ഗ്രഹപീഡാ വിനശ്യതി ।
യേനാര്ജിതാ ജഗത്കീര്തിര്ഭൂമിപുത്രേണ ശാശ്വതീ ॥ 10 ॥

ശത്രവശ്ച ഹതാ യേന ഭൌമേന മഹിതാത്മനാ ।
സ പ്രീയതാം തു ഭൌമോഽദ്യ തുഷ്ടോ ഭൂയാത് സദാ മമ ॥ 11 ॥

മൂലമംത്രഃ –
അംഗാരക മഹീപുത്ര ഭഗവന് ഭക്തവത്സല ।
നമോഽസ്തു തേ മമാശേഷ ഋണമാശു വിമോചയ ॥ 12 ॥

അര്ഘ്യമ് –
ഭൂമിപുത്ര മഹാതേജഃ സ്വേദോദ്ഭവ പിനാകിനഃ ।
ഋണാര്തസ്ത്വാം പ്രപന്നോഽസ്മി ഗൃഹാണാര്ഘ്യം നമോഽസ്തു തേ ॥ 13 ॥

ഇതി ഋണ വിമോചന അംഗാരക സ്തോത്രമ് ॥