𑌸𑍍𑌕𑌂𑌦 𑌉𑌵𑌾𑌚 ।
𑌋𑌣𑌗𑍍𑌰𑌸𑍍𑌤𑌨𑌰𑌾𑌣𑌾𑌂 𑌤𑍁 𑌋𑌣𑌮𑍁𑌕𑍍𑌤𑌿𑌃 𑌕𑌥𑌂 𑌭𑌵𑍇𑌤𑍍 ।

𑌬𑍍𑌰𑌹𑍍𑌮𑍋𑌵𑌾𑌚 ।
𑌵𑌕𑍍𑌷𑍍𑌯𑍇𑌽𑌹𑌂 𑌸𑌰𑍍𑌵𑌲𑍋𑌕𑌾𑌨𑌾𑌂 𑌹𑌿𑌤𑌾𑌰𑍍𑌥𑌂 𑌹𑌿𑌤𑌕𑌾𑌮𑌦𑌮𑍍 ॥

𑌅𑌸𑍍𑌯 𑌶𑍍𑌰𑍀 𑌅𑌂𑌗𑌾𑌰𑌕 𑌸𑍍𑌤𑍋𑌤𑍍𑌰 𑌮𑌹𑌾𑌮𑌂𑌤𑍍𑌰𑌸𑍍𑌯 𑌗𑍌𑌤𑌮 𑌋𑌷𑌿𑌃, 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃, 𑌅𑌂𑌗𑌾𑌰𑌕𑍋 𑌦𑍇𑌵𑌤𑌾 𑌮𑌮 𑌋𑌣 𑌵𑌿𑌮𑍋𑌚𑌨𑌾𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑌧𑍍𑌯𑌾𑌨𑌮𑍍 –
𑌧𑌰𑌣𑍀 𑌗𑌰𑍍𑌭 𑌸𑌂𑌭𑍂𑌤𑌂 𑌵𑌿𑌦𑍍𑌯𑍁𑌤𑍍𑌕𑌾𑌂𑌤𑌿 𑌸𑌮𑌪𑍍𑌰𑌭𑌮𑍍 ।
𑌕𑍁𑌮𑌾𑌰𑌂 𑌶𑌕𑍍𑌤𑌿𑌹𑌸𑍍𑌤𑌂 𑌤𑌂 𑌕𑍁𑌜𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 1 ॥

𑌰𑌕𑍍𑌤𑌮𑌾𑌲𑍍𑌯𑌾𑌂𑌬𑌰𑌧𑌰𑌃 𑌶𑍂𑌲𑌶𑌕𑍍𑌤𑌿𑌗𑌦𑌾𑌧𑌰𑌃 ।
𑌚𑌤𑍁𑌰𑍍𑌭𑍁𑌜𑍋 𑌮𑍇𑌷𑌗𑌤𑍋 𑌵𑌰𑌦𑌶𑍍𑌚 𑌧𑌰𑌾𑌸𑍁𑌤𑌃 ॥ 2 ॥

𑌅𑌥 𑌸𑍍𑌤𑍋𑌤𑍍𑌰𑌮𑍍 –
𑌮𑌂𑌗𑌳𑍋 𑌭𑍂𑌮𑌿𑌪𑍁𑌤𑍍𑌰𑌶𑍍𑌚 𑌋𑌣𑌹𑌰𑍍𑌤𑌾 𑌧𑌨𑌪𑍍𑌰𑌦𑌃 ।
𑌸𑍍𑌥𑌿𑌰𑌾𑌸𑌨𑍋 𑌮𑌹𑌾𑌕𑌾𑌯𑌃 𑌸𑌰𑍍𑌵𑌕𑌰𑍍𑌮𑌾𑌵𑌬𑍋𑌧𑌕𑌃 ॥ 3 ॥

𑌲𑍋𑌹𑌿𑌤𑍋 𑌲𑍋𑌹𑌿𑌤𑌾𑌂𑌗𑌶𑍍𑌚 𑌸𑌾𑌮𑌗𑌾𑌯𑍀 𑌕𑍃𑌪𑌾𑌕𑌰𑌃 ।
𑌧𑌰𑍍𑌮𑌰𑌾𑌜𑌃 𑌕𑍁𑌜𑍋 𑌭𑍌𑌮𑍋 𑌭𑍂𑌮𑌿𑌜𑍋 𑌭𑍂𑌮𑌿𑌨𑌂𑌦𑌨𑌃 ॥ 4 ॥

𑌅𑌂𑌗𑌾𑌰𑌕𑍋 𑌯𑌮𑌶𑍍𑌚𑍈𑌵 𑌸𑌰𑍍𑌵𑌰𑍋𑌗𑌾𑌪𑌹𑌾𑌰𑌕𑌃 ।
𑌸𑍃𑌷𑍍𑌟𑌿𑌕𑌰𑍍𑌤𑌾𑌽𑌪𑌹𑌰𑍍𑌤𑌾 𑌚 𑌸𑌰𑍍𑌵𑌕𑌾𑌮𑌫𑌲𑌪𑍍𑌰𑌦𑌃 ॥ 5 ॥

𑌭𑍂𑌤𑌿𑌦𑍋 𑌗𑍍𑌰𑌹𑌪𑍂𑌜𑍍𑌯𑌶𑍍𑌚 𑌵𑌕𑍍𑌤𑍍𑌰𑍋 𑌰𑌕𑍍𑌤𑌵𑌪𑍁𑌃 𑌪𑍍𑌰𑌭𑍁𑌃 ।
𑌏𑌤𑌾𑌨𑌿 𑌕𑍁𑌜𑌨𑌾𑌮𑌾𑌨𑌿 𑌯𑍋 𑌨𑌿𑌤𑍍𑌯𑌂 𑌪𑍍𑌰𑌯𑌤𑌃 𑌪𑌠𑍇𑌤𑍍 ।
𑌋𑌣𑌂 𑌨 𑌜𑌾𑌯𑌤𑍇 𑌤𑌸𑍍𑌯 𑌧𑌨𑌂 𑌪𑍍𑌰𑌾𑌪𑍍𑌨𑍋𑌤𑍍𑌯𑌸𑌂𑌶𑌯𑌮𑍍 ॥ 6 ॥

𑌰𑌕𑍍𑌤𑌪𑍁𑌷𑍍𑌪𑍈𑌶𑍍𑌚 𑌗𑌂𑌧𑍈𑌶𑍍𑌚 𑌦𑍀𑌪𑌧𑍂𑌪𑌾𑌦𑌿𑌭𑌿𑌸𑍍𑌤𑌥𑌾 ।
𑌮𑌂𑌗𑌳𑌂 𑌪𑍂𑌜𑌯𑌿𑌤𑍍𑌵𑌾 𑌤𑍁 𑌮𑌂𑌗𑌳𑍇𑌽𑌹𑌨𑌿 𑌸𑌰𑍍𑌵𑌦𑌾 ॥ 𑍭 ॥

𑌋𑌣𑌰𑍇𑌖𑌾𑌃 𑌪𑍍𑌰𑌕𑌰𑍍𑌤𑌵𑍍𑌯𑌾𑌃 𑌦𑌗𑍍𑌧𑌾𑌂𑌗𑌾𑌰𑍈𑌸𑍍𑌤𑌦𑌗𑍍𑌰𑌤𑌃 ।
𑌸𑌪𑍍𑌤𑌵𑌿𑌂𑌶𑌤𑌿𑌨𑌾𑌮𑌾𑌨𑌿 𑌪𑌠𑌿𑌤𑍍𑌵𑌾 𑌤𑍁 𑌤𑌦𑌂𑌤𑌿𑌕𑍇 ॥ 𑍮 ॥

𑌤𑌾𑌶𑍍𑌚 𑌪𑍍𑌰𑌮𑌾𑌰𑍍𑌜𑌯𑍇𑌤𑍍𑌪𑌶𑍍𑌚𑌾𑌦𑍍𑌵𑌾𑌮𑌪𑌾𑌦𑍇𑌨 𑌸𑌂𑌸𑍍𑌪𑍃𑌶𑌨𑍍 ।
𑌏𑌵𑌂 𑌕𑍃𑌤𑍍𑌵𑌾 𑌨 𑌸𑌂𑌦𑍇𑌹𑍋 𑌋𑌣𑌹𑍀𑌨𑍋 𑌧𑌨𑍀 𑌭𑌵𑍇𑌤𑍍 ॥ 𑍯 ॥

𑌭𑍂𑌮𑌿𑌜𑌸𑍍𑌯 𑌪𑍍𑌰𑌸𑌾𑌦𑍇𑌨 𑌗𑍍𑌰𑌹𑌪𑍀𑌡𑌾 𑌵𑌿𑌨𑌶𑍍𑌯𑌤𑌿 ।
𑌯𑍇𑌨𑌾𑌰𑍍𑌜𑌿𑌤𑌾 𑌜𑌗𑌤𑍍𑌕𑍀𑌰𑍍𑌤𑌿𑌰𑍍𑌭𑍂𑌮𑌿𑌪𑍁𑌤𑍍𑌰𑍇𑌣 𑌶𑌾𑌶𑍍𑌵𑌤𑍀 ॥ 10 ॥

𑌶𑌤𑍍𑌰𑌵𑌶𑍍𑌚 𑌹𑌤𑌾 𑌯𑍇𑌨 𑌭𑍌𑌮𑍇𑌨 𑌮𑌹𑌿𑌤𑌾𑌤𑍍𑌮𑌨𑌾 ।
𑌸 𑌪𑍍𑌰𑍀𑌯𑌤𑌾𑌂 𑌤𑍁 𑌭𑍌𑌮𑍋𑌽𑌦𑍍𑌯 𑌤𑍁𑌷𑍍𑌟𑍋 𑌭𑍂𑌯𑌾𑌤𑍍 𑌸𑌦𑌾 𑌮𑌮 ॥ 11 ॥

𑌮𑍂𑌲𑌮𑌂𑌤𑍍𑌰𑌃 –
𑌅𑌂𑌗𑌾𑌰𑌕 𑌮𑌹𑍀𑌪𑍁𑌤𑍍𑌰 𑌭𑌗𑌵𑌨𑍍 𑌭𑌕𑍍𑌤𑌵𑌤𑍍𑌸𑌲 ।
𑌨𑌮𑍋𑌽𑌸𑍍𑌤𑍁 𑌤𑍇 𑌮𑌮𑌾𑌶𑍇𑌷 𑌋𑌣𑌮𑌾𑌶𑍁 𑌵𑌿𑌮𑍋𑌚𑌯 ॥ 12 ॥

𑌅𑌰𑍍𑌘𑍍𑌯𑌮𑍍 –
𑌭𑍂𑌮𑌿𑌪𑍁𑌤𑍍𑌰 𑌮𑌹𑌾𑌤𑍇𑌜𑌃 𑌸𑍍𑌵𑍇𑌦𑍋𑌦𑍍𑌭𑌵 𑌪𑌿𑌨𑌾𑌕𑌿𑌨𑌃 ।
𑌋𑌣𑌾𑌰𑍍𑌤𑌸𑍍𑌤𑍍𑌵𑌾𑌂 𑌪𑍍𑌰𑌪𑌨𑍍𑌨𑍋𑌽𑌸𑍍𑌮𑌿 𑌗𑍃𑌹𑌾𑌣𑌾𑌰𑍍𑌘𑍍𑌯𑌂 𑌨𑌮𑍋𑌽𑌸𑍍𑌤𑍁 𑌤𑍇 ॥ 13 ॥

𑌇𑌤𑌿 𑌋𑌣 𑌵𑌿𑌮𑍋𑌚𑌨 𑌅𑌂𑌗𑌾𑌰𑌕 𑌸𑍍𑌤𑍋𑌤𑍍𑌰𑌮𑍍 ॥