ස්කංද උවාච ।
ඍණග්රස්තනරාණාං තු ඍණමුක්තිඃ කථං භවේත් ।

බ්රහ්මෝවාච ।
වක්ෂ්යේऽහං සර්වලෝකානාං හිතාර්ථං හිතකාමදම් ॥

අස්ය ශ්රී අංගාරක ස්තෝත්ර මහාමංත්රස්ය ගෞතම ඍෂිඃ, අනුෂ්ටුප් ඡංදඃ, අංගාරකෝ දේවතා මම ඍණ විමෝචනාර්ථේ ජපේ විනියෝගඃ ।

ධ්යානම් –
ධරණී ගර්භ සංභූතං විද්යුත්කාංති සමප්රභම් ।
කුමාරං ශක්තිහස්තං තං කුජං ප්රණමාම්යහම් ॥ 1 ॥

රක්තමාල්යාංබරධරඃ ශූලශක්තිගදාධරඃ ।
චතුර්භුජෝ මේෂගතෝ වරදශ්ච ධරාසුතඃ ॥ 2 ॥

අථ ස්තෝත්රම් –
මංගළෝ භූමිපුත්රශ්ච ඍණහර්තා ධනප්රදඃ ।
ස්ථිරාසනෝ මහාකායඃ සර්වකර්මාවබෝධකඃ ॥ 3 ॥

ලෝහිතෝ ලෝහිතාංගශ්ච සාමගායී කෘපාකරඃ ।
ධර්මරාජඃ කුජෝ භෞමෝ භූමිජෝ භූමිනංදනඃ ॥ 4 ॥

අංගාරකෝ යමශ්චෛව සර්වරෝගාපහාරකඃ ।
සෘෂ්ටිකර්තාऽපහර්තා ච සර්වකාමඵලප්රදඃ ॥ 5 ॥

භූතිදෝ ග්රහපූජ්යශ්ච වක්ත්රෝ රක්තවපුඃ ප්රභුඃ ।
ඒතානි කුජනාමානි යෝ නිත්යං ප්රයතඃ පඨේත් ।
ඍණං න ජායතේ තස්ය ධනං ප්රාප්නෝත්යසංශයම් ॥ 6 ॥

රක්තපුෂ්පෛශ්ච ගංධෛශ්ච දීපධූපාදිභිස්තථා ।
මංගළං පූජයිත්වා තු මංගළේऽහනි සර්වදා ॥ 7 ॥

ඍණරේඛාඃ ප්රකර්තව්යාඃ දග්ධාංගාරෛස්තදග්රතඃ ।
සප්තවිංශතිනාමානි පඨිත්වා තු තදංතිකේ ॥ 8 ॥

තාශ්ච ප්රමාර්ජයේත්පශ්චාද්වාමපාදේන සංස්පෘශන් ।
ඒවං කෘත්වා න සංදේහෝ ඍණහීනෝ ධනී භවේත් ॥ 9 ॥

භූමිජස්ය ප්රසාදේන ග්රහපීඩා විනශ්යති ।
යේනාර්ජිතා ජගත්කීර්තිර්භූමිපුත්රේණ ශාශ්වතී ॥ 10 ॥

ශත්රවශ්ච හතා යේන භෞමේන මහිතාත්මනා ।
ස ප්රීයතාං තු භෞමෝऽද්ය තුෂ්ටෝ භූයාත් සදා මම ॥ 11 ॥

මූලමංත්රඃ –
අංගාරක මහීපුත්ර භගවන් භක්තවත්සල ।
නමෝऽස්තු තේ මමාශේෂ ඍණමාශු විමෝචය ॥ 12 ॥

අර්ඝ්යම් –
භූමිපුත්ර මහාතේජඃ ස්වේදෝද්භව පිනාකිනඃ ।
ඍණාර්තස්ත්වාං ප්රපන්නෝऽස්මි ගෘහාණාර්ඝ්යං නමෝऽස්තු තේ ॥ 13 ॥

ඉති ඍණ විමෝචන අංගාරක ස්තෝත්රම් ॥