[କୃଷ୍ଣୟଜୁର୍ଵେଦଂ ତୈତ୍ତରୀୟ ବ୍ରାହ୍ମଣ 3-4-1-1]
ଶ୍ରୀ ଗୁରୁଭ୍ୟୋ ନମଃ । ହରିଃ ଓମ୍ ।
ବ୍ରହ୍ମ॑ଣେ ବ୍ରାହ୍ମ॒ଣମାଲ॑ଭତେ । କ୍ଷ॒ତ୍ତ୍ରାୟ॑ ରାଜ॒ନ୍ୟମ୍᳚ ।
ମ॒ରୁଦ୍ଭ୍ୟୋ॒ ଵୈଶ୍ୟମ୍᳚ । ତପ॑ସେ ଶୂ॒ଦ୍ରମ୍ ।
ତମ॑ସେ॒ ତସ୍କ॑ରମ୍ । ନାର॑କାୟ ଵୀର॒ହଣମ୍᳚ ।
ପା॒ପ୍ମନେ᳚ କ୍ଲୀ॒ବମ୍ । ଆ॒କ୍ର॒ୟାୟା॑ୟୋ॒ଗୂମ୍ ।
କାମା॑ୟ ପୁଗ୍ଗ୍ଶ୍ଚ॒ଲୂମ୍ । ଅତି॑କ୍ରୁଷ୍ଟାୟ ମାଗ॒ଧମ୍ ॥ 1 ॥
ଗୀ॒ତାୟ॑ ସୂ॒ତମ୍ । ନୃ॒ତ୍ତାୟ॑ ଶୈଲୂ॒ଷମ୍ ।
ଧର୍ମା॑ୟ ସଭାଚ॒ରମ୍ । ନ॒ର୍ମାୟ॑ ରେ॒ଭମ୍ ।
ନରି॑ଷ୍ଠାୟୈ ଭୀମ॒ଲମ୍ । ହସା॑ୟ॒ କାରିମ୍᳚ ।
ଆ॒ନଂ॒ଦାୟ॑ ସ୍ତ୍ରୀଷ॒ଖମ୍ । ପ୍ର॒ମୁଦେ॑ କୁମାରୀପୁ॒ତ୍ରମ୍ ।
ମେ॒ଧାୟୈ॑ ରଥକା॒ରମ୍ । ଧୈର୍ୟା॑ୟ॒ ତକ୍ଷା॑ଣମ୍ ॥ 2 ॥
ଶ୍ରମା॑ୟ କୌଲା॒ଲମ୍ । ମା॒ୟାୟୈ॑ କାର୍ମା॒ରମ୍ ।
ରୂ॒ପାୟ॑ ମଣିକା॒ରମ୍ । ଶୁଭେ॑ ଵ॒ପମ୍ ।
ଶ॒ର॒ଵ୍ୟା॑ୟା ଇଷୁକା॒ରମ୍ । ହେ॒ତ୍ୟୈ ଧ॑ନ୍ଵକା॒ରମ୍ ।
କର୍ମ॑ଣେ ଜ୍ୟାକା॒ରମ୍ । ଦି॒ଷ୍ଟାୟ॑ ରଜ୍ଜୁସ॒ର୍ଗମ୍ ।
ମୃ॒ତ୍ୟଵେ॑ ମୃଗ॒ୟୁମ୍ । ଅଂତ॑କାୟ ଶ୍ଵ॒ନିତମ୍᳚ ॥ 3 ॥
ସଂ॒ଧୟେ॑ ଜା॒ରମ୍ । ଗେ॒ହାୟୋ॑ପପ॒ତିମ୍ ।
ନିର୍ଋ॑ତ୍ୟୈ ପରିଵି॒ତ୍ତମ୍ । ଆର୍ତ୍ୟୈ॑ ପରିଵିଵିଦା॒ନମ୍ ।
ଅରା᳚ଧ୍ୟୈ ଦିଧିଷୂ॒ପତିମ୍᳚ । ପ॒ଵିତ୍ରା॑ୟ ଭି॒ଷଜମ୍᳚ ।
ପ୍ର॒ଜ୍ଞାନା॑ୟ ନକ୍ଷତ୍ରଦ॒ର୍ଶମ୍ । ନିଷ୍କୃ॑ତ୍ୟୈ ପେଶସ୍କା॒ରୀମ୍ ।
ବଲା॑ୟୋପ॒ଦାମ୍ । ଵର୍ଣା॑ୟାନୂ॒ରୁଧମ୍᳚ ॥ 4 ॥
ନ॒ଦୀଭ୍ୟଃ॑ ପୌଂଜି॒ଷ୍ଟମ୍ । ଋ॒କ୍ଷୀକା᳚ଭ୍ୟୋ॒ ନୈଷା॑ଦମ୍ ।
ପୁ॒ରୁ॒ଷ॒ଵ୍ୟା॒ଘ୍ରାୟ॑ ଦୁ॒ର୍ମଦମ୍᳚ । ପ୍ର॒ୟୁଦ୍ଭ୍ୟ॒ ଉନ୍ମ॑ତ୍ତମ୍ ।
ଗଂ॒ଧ॒ର୍ଵା॒ପ୍ସ॒ରାଭ୍ୟୋ॒ ଵ୍ରାତ୍ୟମ୍᳚ । ସ॒ର୍ପ॒ଦେ॒ଵ॒ଜ॒ନେଭ୍ୟୋଽପ୍ର॑ତିପଦମ୍ ।
ଅଵେ᳚ଭ୍ୟଃ କିତ॒ଵମ୍ । ଇ॒ର୍ୟତା॑ୟା॒ ଅକି॑ତଵମ୍ ।
ପି॒ଶା॒ଚେଭ୍ୟୋ॑ ବିଦଲକା॒ରମ୍ । ୟା॒ତୁ॒ଧାନେ᳚ଭ୍ୟଃ କଂଟକକା॒ରମ୍ ॥ 5 ॥
ଉ॒ଥ୍ସା॒ଦେଭ୍ୟଃ॑ କୁ॒ବ୍ଜମ୍ । ପ୍ର॒ମୁଦେ॑ ଵାମ॒ନମ୍ ।
ଦ୍ଵା॒ର୍ଭ୍ୟଃ ସ୍ରା॒ମମ୍ । ସ୍ଵପ୍ନା॑ୟାଂ॒ଧମ୍ ।
ଅଧ॑ର୍ମାୟ ବଧି॒ରମ୍ । ସଂ॒ଜ୍ଞାନା॑ୟ ସ୍ମରକା॒ରୀମ୍ ।
ପ୍ର॒କା॒ମୋଦ୍ୟା॑ୟୋପ॒ସଦମ୍᳚ । ଆ॒ଶି॒କ୍ଷାୟୈ᳚ ପ୍ର॒ଶ୍ନିନମ୍᳚ ।
ଉ॒ପ॒ଶି॒କ୍ଷାୟା॑ ଅଭିପ୍ର॒ଶ୍ନିନମ୍᳚ । ମ॒ର୍ୟାଦା॑ୟୈ ପ୍ରଶ୍ନଵିଵା॒କମ୍ ॥ 6 ॥
ଋତ୍ୟୈ᳚ ସ୍ତେ॒ନହୃ॑ଦୟମ୍ । ଵୈର॑ହତ୍ୟାୟ॒ ପିଶୁ॑ନମ୍ ।
ଵିଵି॑ତ୍ତ୍ୟୈ କ୍ଷ॒ତ୍ତାରମ୍᳚ । ଔପ॑ଦ୍ରଷ୍ଟାୟ ସଂଗ୍ରହୀ॒ତାରମ୍᳚ ।
ବଲା॑ୟାନୁଚ॒ରମ୍ । ଭୂ॒ମ୍ନେ ପ॑ରିଷ୍କଂ॒ଦମ୍ ।
ପ୍ରି॒ୟାୟ॑ ପ୍ରିୟଵା॒ଦିନମ୍᳚ । ଅରି॑ଷ୍ଟ୍ୟା ଅଶ୍ଵସା॒ଦମ୍ ।
ମେଧା॑ୟ ଵାସଃ ପଲ୍ପୂ॒ଲୀମ୍ । ପ୍ର॒କା॒ମାୟ॑ ରଜୟି॒ତ୍ରୀମ୍ ॥ 7 ॥
ଭାୟୈ॑ ଦାର୍ଵାହା॒ରମ୍ । ପ୍ର॒ଭାୟା॑ ଆଗ୍ନେଂ॒ଧମ୍ ।
ନାକ॑ସ୍ୟ ପୃ॒ଷ୍ଠାୟା॑ଭିଷେ॒କ୍ତାରମ୍᳚ ।
ବ୍ର॒ଧ୍ନସ୍ୟ॑ ଵି॒ଷ୍ଟପା॑ୟ ପାତ୍ରନିର୍ଣେ॒ଗମ୍ ।
ଦେ॒ଵ॒ଲୋ॒କାୟ॑ ପେଶି॒ତାରମ୍᳚ । ମ॒ନୁ॒ଷ୍ୟ॒ଲୋ॒କାୟ॑ ପ୍ରକରି॒ତାରମ୍᳚ ।
ସର୍ଵେ᳚ଭ୍ୟୋ ଲୋ॒କେଭ୍ୟ॑ ଉପସେ॒କ୍ତାରମ୍᳚ ।
ଅଵ॑ର୍ତ୍ୟୈ ଵ॒ଧାୟୋ॑ପମଂଥି॒ତାରମ୍᳚ । ସୁ॒ଵ॒ର୍ଗାୟ॑ ଲୋ॒କାୟ॑ ଭାଗ॒ଦୁଘମ୍᳚ ।
ଵର୍ଷି॑ଷ୍ଠାୟ॒ ନାକା॑ୟ ପରିଵେ॒ଷ୍ଟାରମ୍᳚ ॥ 8 ॥
ଅର୍ମେ᳚ଭ୍ୟୋ ହସ୍ତି॒ପମ୍ । ଜ॒ଵାୟା᳚ଶ୍ଵ॒ପମ୍ ।
ପୁଷ୍ଟ୍ୟୈ॑ ଗୋପା॒ଲମ୍ । ତେଜ॑ସେଽଜପା॒ଲମ୍ ।
ଵୀ॒ର୍ୟା॑ୟାଵିପା॒ଲମ୍ । ଇରା॑ୟୈ କୀ॒ନାଶମ୍᳚ ।
କୀ॒ଲାଲା॑ୟ ସୁରାକା॒ରମ୍ । ଭ॒ଦ୍ରାୟ॑ ଗୃହ॒ପମ୍ ।
ଶ୍ରେୟ॑ସେ ଵିତ୍ତ॒ଧମ୍ । ଅଧ୍ୟ॑କ୍ଷାୟାନୁକ୍ଷ॒ତ୍ତାରମ୍᳚ ॥ 9 ॥
ମ॒ନ୍ୟଵେ॑ଽୟସ୍ତା॒ପମ୍ । କ୍ରୋଧା॑ୟ ନିସ॒ରମ୍ ।
ଶୋକା॑ୟାଭିସ॒ରମ୍ । ଉ॒ତ୍କୂ॒ଲ॒ଵି॒କୂ॒ଲାଭ୍ୟାଂ᳚ ତ୍ରି॒ସ୍ଥିନମ୍᳚ ।
ୟୋଗା॑ୟ ୟୋ॒କ୍ତାରମ୍᳚ । କ୍ଷେମା॑ୟ ଵିମୋ॒କ୍ତାରମ୍᳚ ।
ଵପୁ॑ଷେ ମାନସ୍କୃ॒ତମ୍ । ଶୀଲା॑ୟାଂଜନୀକା॒ରମ୍ ।
ନିର୍ଋ॑ତ୍ୟୈ କୋଶକା॒ରୀମ୍ । ୟ॒ମାୟା॒ସୂମ୍ ॥ 10 ॥
ୟ॒ମ୍ୟୈ॑ ୟମ॒ସୂମ୍ । ଅଥ॑ର୍ଵ॒ଭ୍ୟୋଽଵ॑ତୋକାମ୍ ।
ସଂ॒ଵଁ॒ଥ୍ସ॒ରାୟ॑ ପର୍ୟା॒ରିଣୀ᳚ମ୍ । ପ॒ରି॒ଵ॒ଥ୍ସ॒ରାୟାଵି॑ଜାତାମ୍ ।
ଇ॒ଦା॒ଵ॒ଥ୍ସ॒ରାୟା॑ପ॒ସ୍କଦ୍ଵ॑ରୀମ୍ । ଇ॒ଦ୍ଵ॒ତ୍ସ॒ରାୟା॒ତୀତ୍ଵ॑ରୀମ୍ ।
ଵ॒ଥ୍ସ॒ରାୟ॒ ଵିଜ॑ର୍ଜରାମ୍ । ସଂ॒ଵଁ॒ଥ୍ସ॒ରାୟ॒ ପଲି॑କ୍ନୀମ୍ ।
ଵନା॑ୟ ଵନ॒ପମ୍ । ଅ॒ନ୍ୟତୋ॑ଽରଣ୍ୟାୟ ଦାଵ॒ପମ୍ ॥ 11 ॥
ସରୋ᳚ଭ୍ୟୋ ଧୈଵ॒ରମ୍ । ଵେଶଂ॑ତାଭ୍ୟୋ॒ ଦାଶମ୍᳚ ।
ଉ॒ପ॒ସ୍ଥାଵ॑ରୀଭ୍ୟୋ॒ ବୈଂଦମ୍᳚ । ନ॒ଡ୍ଵ॒ଲାଭ୍ୟଃ॑ ଶୌଷ୍କ॒ଲମ୍ ।
ପା॒ର୍ୟା॑ୟ କୈଵ॒ର୍ତମ୍ । ଅ॒ଵା॒ର୍ୟା॑ୟ ମାର୍ଗା॒ରମ୍ ।
ତୀ॒ର୍ଥେଭ୍ୟ॑ ଆଂ॒ଦମ୍ । ଵିଷ॑ମେଭ୍ୟୋ ମୈନା॒ଲମ୍ ।
ସ୍ଵନେ᳚ଭ୍ୟଃ॒ ପର୍ଣ॑କମ୍ । ଗୁହା᳚ଭ୍ୟଃ॒ କିରା॑ତମ୍ ।
ସାନୁ॑ଭ୍ୟୋ॒ ଜଂଭ॑କମ୍ । ପର୍ଵ॑ତେଭ୍ୟଃ॒ କିଂପୂ॑ରୁଷମ୍ ॥ 12 ॥
ପ୍ର॒ତି॒ଶ୍ରୁତ୍କା॑ୟା..ଋତୁ॒ଲମ୍ । ଘୋଷା॑ୟ ଭ॒ଷମ୍ ।
ଅଂତା॑ୟ ବହୁଵା॒ଦିନମ୍᳚ । ଅ॒ନଂ॒ତାୟ॒ ମୂକମ୍᳚ ।
ମହ॑ସେ ଵୀଣାଵା॒ଦମ୍ । କ୍ରୋଶା॑ୟ ତୂଣଵ॒ଧ୍ମମ୍ ।
ଆ॒କ୍ରଂ॒ଦାୟ॑ ଦୁଂଦୁଭ୍ୟାଘା॒ତମ୍ । ଅ॒ଵ॒ର॒ସ୍ପ॒ରାୟ॑ ଶଂଖ॒ଧ୍ମମ୍ ।
ଋ॒ଭୁଭ୍ୟୋ॑ଽଜିନସଂଧା॒ୟମ୍ । ସା॒ଧ୍ୟେଭ୍ୟ॑ଶ୍ଚର୍ମ॒ମ୍ଣମ୍ ॥ 13 ॥
ବୀ॒ଭ॒ଥ୍ସାୟୈ॑ ପୌଲ୍କ॒ସମ୍ । ଭୂତ୍ୟୈ॑ ଜାଗର॒ଣମ୍ ।
ଅଭୂ᳚ତ୍ୟୈ ସ୍ଵପ॒ନମ୍ । ତୁ॒ଲାୟୈ॑ ଵାଣି॒ଜମ୍ ।
ଵର୍ଣା॑ୟ ହିରଣ୍ୟକା॒ରମ୍ । ଵିଶ୍ଵେ᳚ଭ୍ୟୋ ଦେ॒ଵେଭ୍ୟଃ॑ ସିଧ୍ମ॒ଲମ୍ ।
ପ॒ଶ୍ଚା॒ଦ୍ଦୋ॒ଷାୟ॑ ଗ୍ଲା॒ଵମ୍ । ଋତ୍ୟୈ॑ ଜନଵା॒ଦିନମ୍᳚ ।
ଵ୍ୟୃ॑ଦ୍ଧ୍ୟା ଅପଗ॒ଲ୍ଭମ୍ । ସ॒ଗ୍ମ୍॒ଶ॒ରାୟ॑ ପ୍ର॒ଚ୍ଛିଦମ୍᳚ ॥ 14 ॥
ହସା॑ୟ ପୁଗ୍ଗ୍ଶ୍ଚ॒ଲୂମାଲ॑ଭତେ । ଵୀ॒ଣା॒ଵା॒ଦଂ ଗଣ॑କଂ ଗୀ॒ତାୟ॑ ।
ୟାଦ॑ସେ ଶାବୁ॒ଲ୍ୟାମ୍ । ନ॒ର୍ମାୟ॑ ଭଦ୍ରଵ॒ତୀମ୍ ।
ତୂ॒ଷ୍ଣ॒ଵ॒ଧ୍ମଂ ଗ୍ରା॑ମ॒ଣ୍ୟଂ॑ ପାଣିସଂଘା॒ତଂ ନୃ॒ତ୍ତାୟ॑ ।
ମୋଦା॑ୟାନୁ॒କ୍ରୋଶ॑କମ୍ । ଆ॒ନଂ॒ଦାୟ॑ ତଲ॒ଵମ୍ ॥ 15 ॥
ଅ॒କ୍ଷ॒ରା॒ଜାୟ॑ କିତ॒ଵମ୍ । କୃ॒ତାୟ॑ ସଭା॒ଵିନମ୍᳚ ।
ତ୍ରେତା॑ୟା ଆଦିନଵଦ॒ର୍ଶମ୍ । ଦ୍ଵା॒ପ॒ରାୟ॑ ବହିଃ॒ ସଦମ୍᳚ ।
କଲ॑ୟେ ସଭାସ୍ଥା॒ଣୁମ୍ । ଦୁ॒ଷ୍କୃ॒ତାୟ॑ ଚ॒ରକା॑ଚାର୍ୟମ୍ ।
ଅଧ୍ଵ॑ନେ ବ୍ରହ୍ମଚା॒ରିଣମ୍᳚ । ପି॒ଶା॒ଚେଭ୍ୟଃ॑ ସୈଲ॒ଗମ୍ ।
ପି॒ପା॒ସାୟୈ॑ ଗୋଵ୍ୟ॒ଚ୍ଛମ୍ । ନିର୍ଋ॑ତ୍ୟୈ ଗୋଘା॒ତମ୍ ।
କ୍ଷୁ॒ଧେ ଗୋ॑ଵିକ॒ର୍ତମ୍ । କ୍ଷୁ॒ତ୍ତୃ॒ଷ୍ଣାଭ୍ୟାଂ॒ ତମ୍ ।
ୟୋ ଗାଂ-ଵିଁ॒କୃଂତଂ॑ତଂ ମା॒ଗ୍ମ୍॒ସଂ ଭିକ୍ଷ॑ମାଣ ଉପ॒ତିଷ୍ଠ॑ତେ ॥ 16 ॥
ଭୂମ୍ୟୈ॑ ପୀଠସ॒ର୍ପିଣ॒ମାଲ॑ଭତେ । ଅ॒ଗ୍ନୟେଽଗ୍ମ୍॑ସ॒ଲମ୍ ।
ଵା॒ୟଵେ॑ ଚାଂଡା॒ଲମ୍ । ଅଂ॒ତରି॑କ୍ଷାୟ ଵଗ୍ମ୍ଶନ॒ର୍ତିନମ୍᳚ ।
ଦି॒ଵେ ଖ॑ଲ॒ତିମ୍ । ସୂର୍ୟା॑ୟ ହର୍ୟ॒କ୍ଷମ୍ ।
ଚଂ॒ଦ୍ରମ॑ସେ ମିର୍ମି॒ରମ୍ । ନକ୍ଷ॑ତ୍ରେଭ୍ୟଃ କି॒ଲାସମ୍᳚ ।
ଅହ୍ନେ॑ ଶୁ॒କ୍ଲଂ ପିଂ॑ଗ॒ଲମ୍ । ରାତ୍ରି॑ୟୈ କୃ॒ଷ୍ଣଂ ପିଂ॑ଗା॒କ୍ଷମ୍ ॥ 17 ॥
ଵା॒ଚେ ପୁରୁ॑ଷ॒ମାଲ॑ଭତେ । ପ୍ରା॒ଣମ॑ପା॒ନଂ-ଵ୍ୟାଁ॒ନମୁ॑ଦା॒ନଗ୍ମ୍ ସ॑ମା॒ନଂ ତାନ୍ଵା॒ୟଵେ᳚ ।
ସୂର୍ୟା॑ୟ॒ ଚକ୍ଷୁ॒ରାଲ॑ଭତେ । ମନ॑ଶ୍ଚଂ॒ଦ୍ରମ॑ସେ ।
ଦି॒ଗ୍ଭ୍ୟଃ ଶ୍ରୋତ୍ରମ୍᳚ । ପ୍ର॒ଜାପ॑ତୟେ॒ ପୁରୁ॑ଷମ୍ ॥ 18 ॥
ଅଥୈ॒ତାନରୂ॑ପେଭ୍ୟ॒ ଆଲ॑ଭତେ । ଅତି॑ହ୍ରସ୍ଵ॒ମତି॑ଦୀର୍ଘମ୍ ।
ଅତି॑କୃଶ॒ମତ୍ୟଗ୍ମ୍॑ସଲମ୍ । ଅତି॑ଶୁକ୍ଲ॒ମତି॑କୃଷ୍ଣମ୍ ।
ଅତି॑ଶ୍ଲକ୍ଷ୍ଣ॒ମତି॑ଲୋମଶମ୍ । ଅତି॑କିରିଟ॒ମତି॑ଦଂତୁରମ୍ ।
ଅତି॑ମିର୍ମିର॒ମତି॑ମେମିଷମ୍ । ଆ॒ଶାୟୈ॑ ଜା॒ମିମ୍ । ପ୍ର॒ତୀ॒କ୍ଷାୟୈ॑ କୁମା॒ରୀମ୍ ॥ 19 ॥
