[𑌕𑍃𑌷𑍍𑌣𑌯𑌜𑍁𑌰𑍍𑌵𑍇𑌦𑌂 𑌤𑍈𑌤𑍍𑌤𑌰𑍀𑌯 𑌬𑍍𑌰𑌾𑌹𑍍𑌮𑌣 3-4-1-1]

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹𑌰𑌿𑌃 𑌓𑌮𑍍 ।

𑌬𑍍𑌰𑌹𑍍𑌮॑𑌣𑍇 𑌬𑍍𑌰𑌾𑌹𑍍𑌮॒𑌣𑌮𑌾𑌲॑𑌭𑌤𑍇 । 𑌕𑍍𑌷॒𑌤𑍍𑌤𑍍𑌰𑌾𑌯॑ 𑌰𑌾𑌜॒𑌨𑍍𑌯𑌮𑍍᳚ ।
𑌮॒𑌰𑍁𑌦𑍍𑌭𑍍𑌯𑍋॒ 𑌵𑍈𑌶𑍍𑌯𑌮𑍍᳚ । 𑌤𑌪॑𑌸𑍇 𑌶𑍂॒𑌦𑍍𑌰𑌮𑍍 ।
𑌤𑌮॑𑌸𑍇॒ 𑌤𑌸𑍍𑌕॑𑌰𑌮𑍍 । 𑌨𑌾𑌰॑𑌕𑌾𑌯 𑌵𑍀𑌰॒𑌹𑌣𑌮𑍍᳚ ।
𑌪𑌾॒𑌪𑍍𑌮𑌨𑍇᳚ 𑌕𑍍𑌲𑍀॒𑌬𑌮𑍍 । 𑌆॒𑌕𑍍𑌰॒𑌯𑌾𑌯𑌾॑𑌯𑍋॒𑌗𑍂𑌮𑍍 ।
𑌕𑌾𑌮𑌾॑𑌯 𑌪𑍁𑌗𑍍𑌗𑍍‍𑌶𑍍𑌚॒𑌲𑍂𑌮𑍍 । 𑌅𑌤𑌿॑𑌕𑍍𑌰𑍁𑌷𑍍𑌟𑌾𑌯 𑌮𑌾𑌗॒𑌧𑌮𑍍 ॥ 1 ॥

𑌗𑍀॒𑌤𑌾𑌯॑ 𑌸𑍂॒𑌤𑌮𑍍 । 𑌨𑍃॒𑌤𑍍𑌤𑌾𑌯॑ 𑌶𑍈𑌲𑍂॒𑌷𑌮𑍍 ।
𑌧𑌰𑍍𑌮𑌾॑𑌯 𑌸𑌭𑌾𑌚॒𑌰𑌮𑍍 । 𑌨॒𑌰𑍍𑌮𑌾𑌯॑ 𑌰𑍇॒𑌭𑌮𑍍 ।
𑌨𑌰𑌿॑𑌷𑍍𑌠𑌾𑌯𑍈 𑌭𑍀𑌮॒𑌲𑌮𑍍 । 𑌹𑌸𑌾॑𑌯॒ 𑌕𑌾𑌰𑌿𑌮𑍍᳚ ।
𑌆॒𑌨𑌂॒𑌦𑌾𑌯॑ 𑌸𑍍𑌤𑍍𑌰𑍀𑌷॒𑌖𑌮𑍍 । 𑌪𑍍𑌰॒𑌮𑍁𑌦𑍇॑ 𑌕𑍁𑌮𑌾𑌰𑍀𑌪𑍁॒𑌤𑍍𑌰𑌮𑍍 ।
𑌮𑍇॒𑌧𑌾𑌯𑍈॑ 𑌰𑌥𑌕𑌾॒𑌰𑌮𑍍 । 𑌧𑍈𑌰𑍍𑌯𑌾॑𑌯॒ 𑌤𑌕𑍍𑌷𑌾॑𑌣𑌮𑍍 ॥ 2 ॥

𑌶𑍍𑌰𑌮𑌾॑𑌯 𑌕𑍌𑌲𑌾॒𑌲𑌮𑍍 । 𑌮𑌾॒𑌯𑌾𑌯𑍈॑ 𑌕𑌾𑌰𑍍𑌮𑌾॒𑌰𑌮𑍍 ।
𑌰𑍂॒𑌪𑌾𑌯॑ 𑌮𑌣𑌿𑌕𑌾॒𑌰𑌮𑍍 । 𑌶𑍁𑌭𑍇॑ 𑌵॒𑌪𑌮𑍍 ।
𑌶॒𑌰॒𑌵𑍍𑌯𑌾॑𑌯𑌾 𑌇𑌷𑍁𑌕𑌾॒𑌰𑌮𑍍 । 𑌹𑍇॒𑌤𑍍𑌯𑍈 𑌧॑𑌨𑍍𑌵𑌕𑌾॒𑌰𑌮𑍍 ।
𑌕𑌰𑍍𑌮॑𑌣𑍇 𑌜𑍍𑌯𑌾𑌕𑌾॒𑌰𑌮𑍍 । 𑌦𑌿॒𑌷𑍍𑌟𑌾𑌯॑ 𑌰𑌜𑍍𑌜𑍁𑌸॒𑌰𑍍𑌗𑌮𑍍 ।
𑌮𑍃॒𑌤𑍍𑌯𑌵𑍇॑ 𑌮𑍃𑌗॒𑌯𑍁𑌮𑍍 । 𑌅𑌂𑌤॑𑌕𑌾𑌯 𑌶𑍍𑌵॒𑌨𑌿𑌤𑌮𑍍᳚ ॥ 3 ॥

𑌸𑌂॒𑌧𑌯𑍇॑ 𑌜𑌾॒𑌰𑌮𑍍 । 𑌗𑍇॒𑌹𑌾𑌯𑍋॑𑌪𑌪॒𑌤𑌿𑌮𑍍 ।
𑌨𑌿𑌰𑍍​𑌋॑𑌤𑍍𑌯𑍈 𑌪𑌰𑌿𑌵𑌿॒𑌤𑍍𑌤𑌮𑍍 । 𑌆𑌰𑍍𑌤𑍍𑌯𑍈॑ 𑌪𑌰𑌿𑌵𑌿𑌵𑌿𑌦𑌾॒𑌨𑌮𑍍 ।
𑌅𑌰𑌾᳚𑌧𑍍𑌯𑍈 𑌦𑌿𑌧𑌿𑌷𑍂॒𑌪𑌤𑌿𑌮𑍍᳚ । 𑌪॒𑌵𑌿𑌤𑍍𑌰𑌾॑𑌯 𑌭𑌿॒𑌷𑌜𑌮𑍍᳚ ।
𑌪𑍍𑌰॒𑌜𑍍𑌞𑌾𑌨𑌾॑𑌯 𑌨𑌕𑍍𑌷𑌤𑍍𑌰𑌦॒𑌰𑍍​𑌶𑌮𑍍 । 𑌨𑌿𑌷𑍍𑌕𑍃॑𑌤𑍍𑌯𑍈 𑌪𑍇𑌶𑌸𑍍𑌕𑌾॒𑌰𑍀𑌮𑍍 ।
𑌬𑌲𑌾॑𑌯𑍋𑌪॒𑌦𑌾𑌮𑍍 । 𑌵𑌰𑍍𑌣𑌾॑𑌯𑌾𑌨𑍂॒𑌰𑍁𑌧𑌮𑍍᳚ ॥ 4 ॥

𑌨॒𑌦𑍀𑌭𑍍𑌯𑌃॑ 𑌪𑍌𑌂𑌜𑌿॒𑌷𑍍𑌟𑌮𑍍 । 𑌋॒𑌕𑍍𑌷𑍀𑌕𑌾᳚𑌭𑍍𑌯𑍋॒ 𑌨𑍈𑌷𑌾॑𑌦𑌮𑍍 ।
𑌪𑍁॒𑌰𑍁॒𑌷॒𑌵𑍍𑌯𑌾॒𑌘𑍍𑌰𑌾𑌯॑ 𑌦𑍁॒𑌰𑍍𑌮𑌦𑌮𑍍᳚ । 𑌪𑍍𑌰॒𑌯𑍁𑌦𑍍𑌭𑍍𑌯॒ 𑌉𑌨𑍍𑌮॑𑌤𑍍𑌤𑌮𑍍 ।
𑌗𑌂॒𑌧॒𑌰𑍍𑌵𑌾॒𑌪𑍍𑌸॒𑌰𑌾𑌭𑍍𑌯𑍋॒ 𑌵𑍍𑌰𑌾𑌤𑍍𑌯𑌮𑍍᳚ । 𑌸॒𑌰𑍍𑌪॒𑌦𑍇॒𑌵॒𑌜॒𑌨𑍇𑌭𑍍𑌯𑍋𑌽𑌪𑍍𑌰॑𑌤𑌿𑌪𑌦𑌮𑍍 ।
𑌅𑌵𑍇᳚𑌭𑍍𑌯𑌃 𑌕𑌿𑌤॒𑌵𑌮𑍍 । 𑌇॒𑌰𑍍𑌯𑌤𑌾॑𑌯𑌾॒ 𑌅𑌕𑌿॑𑌤𑌵𑌮𑍍 ।
𑌪𑌿॒𑌶𑌾॒𑌚𑍇𑌭𑍍𑌯𑍋॑ 𑌬𑌿𑌦𑌲𑌕𑌾॒𑌰𑌮𑍍 । 𑌯𑌾॒𑌤𑍁॒𑌧𑌾𑌨𑍇᳚𑌭𑍍𑌯𑌃 𑌕𑌂𑌟𑌕𑌕𑌾॒𑌰𑌮𑍍 ॥ 5 ॥

𑌉॒𑌥𑍍𑌸𑌾॒𑌦𑍇𑌭𑍍𑌯𑌃॑ 𑌕𑍁॒𑌬𑍍𑌜𑌮𑍍 । 𑌪𑍍𑌰॒𑌮𑍁𑌦𑍇॑ 𑌵𑌾𑌮॒𑌨𑌮𑍍 ।
𑌦𑍍𑌵𑌾॒𑌰𑍍𑌭𑍍𑌯𑌃 𑌸𑍍𑌰𑌾॒𑌮𑌮𑍍 । 𑌸𑍍𑌵𑌪𑍍𑌨𑌾॑𑌯𑌾𑌂॒𑌧𑌮𑍍 ।
𑌅𑌧॑𑌰𑍍𑌮𑌾𑌯 𑌬𑌧𑌿॒𑌰𑌮𑍍 । 𑌸𑌂॒𑌜𑍍𑌞𑌾𑌨𑌾॑𑌯 𑌸𑍍𑌮𑌰𑌕𑌾॒𑌰𑍀𑌮𑍍 ।
𑌪𑍍𑌰॒𑌕𑌾॒𑌮𑍋𑌦𑍍𑌯𑌾॑𑌯𑍋𑌪॒𑌸𑌦𑌮𑍍᳚ । 𑌆॒𑌶𑌿॒𑌕𑍍𑌷𑌾𑌯𑍈᳚ 𑌪𑍍𑌰॒𑌶𑍍𑌨𑌿𑌨𑌮𑍍᳚ ।
𑌉॒𑌪॒𑌶𑌿॒𑌕𑍍𑌷𑌾𑌯𑌾॑ 𑌅𑌭𑌿𑌪𑍍𑌰॒𑌶𑍍𑌨𑌿𑌨𑌮𑍍᳚ । 𑌮॒𑌰𑍍𑌯𑌾𑌦𑌾॑𑌯𑍈 𑌪𑍍𑌰𑌶𑍍𑌨𑌵𑌿𑌵𑌾॒𑌕𑌮𑍍 ॥ 6 ॥

𑌋𑌤𑍍𑌯𑍈᳚ 𑌸𑍍𑌤𑍇॒𑌨𑌹𑍃॑𑌦𑌯𑌮𑍍 । 𑌵𑍈𑌰॑𑌹𑌤𑍍𑌯𑌾𑌯॒ 𑌪𑌿𑌶𑍁॑𑌨𑌮𑍍 ।
𑌵𑌿𑌵𑌿॑𑌤𑍍𑌤𑍍𑌯𑍈 𑌕𑍍𑌷॒𑌤𑍍𑌤𑌾𑌰𑌮𑍍᳚ । 𑌔𑌪॑𑌦𑍍𑌰𑌷𑍍𑌟𑌾𑌯 𑌸𑌂𑌗𑍍𑌰𑌹𑍀॒𑌤𑌾𑌰𑌮𑍍᳚ ।
𑌬𑌲𑌾॑𑌯𑌾𑌨𑍁𑌚॒𑌰𑌮𑍍 । 𑌭𑍂॒𑌮𑍍𑌨𑍇 𑌪॑𑌰𑌿𑌷𑍍𑌕𑌂॒𑌦𑌮𑍍 ।
𑌪𑍍𑌰𑌿॒𑌯𑌾𑌯॑ 𑌪𑍍𑌰𑌿𑌯𑌵𑌾॒𑌦𑌿𑌨𑌮𑍍᳚ । 𑌅𑌰𑌿॑𑌷𑍍𑌟𑍍𑌯𑌾 𑌅𑌶𑍍𑌵𑌸𑌾॒𑌦𑌮𑍍 ।
𑌮𑍇𑌧𑌾॑𑌯 𑌵𑌾𑌸𑌃 𑌪𑌲𑍍𑌪𑍂॒𑌲𑍀𑌮𑍍 । 𑌪𑍍𑌰॒𑌕𑌾॒𑌮𑌾𑌯॑ 𑌰𑌜𑌯𑌿॒𑌤𑍍𑌰𑍀𑌮𑍍 ॥ 𑍭 ॥

𑌭𑌾𑌯𑍈॑ 𑌦𑌾𑌰𑍍𑌵𑌾𑌹𑌾॒𑌰𑌮𑍍 । 𑌪𑍍𑌰॒𑌭𑌾𑌯𑌾॑ 𑌆𑌗𑍍𑌨𑍇𑌂॒𑌧𑌮𑍍 ।
𑌨𑌾𑌕॑𑌸𑍍𑌯 𑌪𑍃॒𑌷𑍍𑌠𑌾𑌯𑌾॑𑌭𑌿𑌷𑍇॒𑌕𑍍𑌤𑌾𑌰𑌮𑍍᳚ ।
𑌬𑍍𑌰॒𑌧𑍍𑌨𑌸𑍍𑌯॑ 𑌵𑌿॒𑌷𑍍𑌟𑌪𑌾॑𑌯 𑌪𑌾𑌤𑍍𑌰𑌨𑌿𑌰𑍍𑌣𑍇॒𑌗𑌮𑍍 ।
𑌦𑍇॒𑌵॒𑌲𑍋॒𑌕𑌾𑌯॑ 𑌪𑍇𑌶𑌿॒𑌤𑌾𑌰𑌮𑍍᳚ । 𑌮॒𑌨𑍁॒𑌷𑍍𑌯॒𑌲𑍋॒𑌕𑌾𑌯॑ 𑌪𑍍𑌰𑌕𑌰𑌿॒𑌤𑌾𑌰𑌮𑍍᳚ ।
𑌸𑌰𑍍𑌵𑍇᳚𑌭𑍍𑌯𑍋 𑌲𑍋॒𑌕𑍇𑌭𑍍𑌯॑ 𑌉𑌪𑌸𑍇॒𑌕𑍍𑌤𑌾𑌰𑌮𑍍᳚ ।
𑌅𑌵॑𑌰𑍍𑌤𑍍𑌯𑍈 𑌵॒𑌧𑌾𑌯𑍋॑𑌪𑌮𑌂𑌥𑌿॒𑌤𑌾𑌰𑌮𑍍᳚ । 𑌸𑍁॒𑌵॒𑌰𑍍𑌗𑌾𑌯॑ 𑌲𑍋॒𑌕𑌾𑌯॑ 𑌭𑌾𑌗॒𑌦𑍁𑌘𑌮𑍍᳚ ।
𑌵𑌰𑍍​𑌷𑌿॑𑌷𑍍𑌠𑌾𑌯॒ 𑌨𑌾𑌕𑌾॑𑌯 𑌪𑌰𑌿𑌵𑍇॒𑌷𑍍𑌟𑌾𑌰𑌮𑍍᳚ ॥ 𑍮 ॥

𑌅𑌰𑍍𑌮𑍇᳚𑌭𑍍𑌯𑍋 𑌹𑌸𑍍𑌤𑌿॒𑌪𑌮𑍍 । 𑌜॒𑌵𑌾𑌯𑌾᳚𑌶𑍍𑌵॒𑌪𑌮𑍍 ।
𑌪𑍁𑌷𑍍𑌟𑍍𑌯𑍈॑ 𑌗𑍋𑌪𑌾॒𑌲𑌮𑍍 । 𑌤𑍇𑌜॑𑌸𑍇𑌽𑌜𑌪𑌾॒𑌲𑌮𑍍 ।
𑌵𑍀॒𑌰𑍍𑌯𑌾॑𑌯𑌾𑌵𑌿𑌪𑌾॒𑌲𑌮𑍍 । 𑌇𑌰𑌾॑𑌯𑍈 𑌕𑍀॒𑌨𑌾𑌶𑌮𑍍᳚ ।
𑌕𑍀॒𑌲𑌾𑌲𑌾॑𑌯 𑌸𑍁𑌰𑌾𑌕𑌾॒𑌰𑌮𑍍 । 𑌭॒𑌦𑍍𑌰𑌾𑌯॑ 𑌗𑍃𑌹॒𑌪𑌮𑍍 ।
𑌶𑍍𑌰𑍇𑌯॑𑌸𑍇 𑌵𑌿𑌤𑍍𑌤॒𑌧𑌮𑍍 । 𑌅𑌧𑍍𑌯॑𑌕𑍍𑌷𑌾𑌯𑌾𑌨𑍁𑌕𑍍𑌷॒𑌤𑍍𑌤𑌾𑌰𑌮𑍍᳚ ॥ 𑍯 ॥

𑌮॒𑌨𑍍𑌯𑌵𑍇॑𑌽𑌯𑌸𑍍𑌤𑌾॒𑌪𑌮𑍍 । 𑌕𑍍𑌰𑍋𑌧𑌾॑𑌯 𑌨𑌿𑌸॒𑌰𑌮𑍍 ।
𑌶𑍋𑌕𑌾॑𑌯𑌾𑌭𑌿𑌸॒𑌰𑌮𑍍 । 𑌉॒𑌤𑍍𑌕𑍂॒𑌲॒𑌵𑌿॒𑌕𑍂॒𑌲𑌾𑌭𑍍𑌯𑌾𑌂᳚ 𑌤𑍍𑌰𑌿॒𑌸𑍍𑌥𑌿𑌨𑌮𑍍᳚ ।
𑌯𑍋𑌗𑌾॑𑌯 𑌯𑍋॒𑌕𑍍𑌤𑌾𑌰𑌮𑍍᳚ । 𑌕𑍍𑌷𑍇𑌮𑌾॑𑌯 𑌵𑌿𑌮𑍋॒𑌕𑍍𑌤𑌾𑌰𑌮𑍍᳚ ।
𑌵𑌪𑍁॑𑌷𑍇 𑌮𑌾𑌨𑌸𑍍𑌕𑍃॒𑌤𑌮𑍍 । 𑌶𑍀𑌲𑌾॑𑌯𑌾𑌂𑌜𑌨𑍀𑌕𑌾॒𑌰𑌮𑍍 ।
𑌨𑌿𑌰𑍍​𑌋॑𑌤𑍍𑌯𑍈 𑌕𑍋𑌶𑌕𑌾॒𑌰𑍀𑌮𑍍 । 𑌯॒𑌮𑌾𑌯𑌾॒𑌸𑍂𑌮𑍍 ॥ 10 ॥

𑌯॒𑌮𑍍𑌯𑍈॑ 𑌯𑌮॒𑌸𑍂𑌮𑍍 । 𑌅𑌥॑𑌰𑍍𑌵॒𑌭𑍍𑌯𑍋𑌽𑌵॑𑌤𑍋𑌕𑌾𑌮𑍍 ।
𑌸𑌂॒​𑌵𑌁॒𑌥𑍍𑌸॒𑌰𑌾𑌯॑ 𑌪𑌰𑍍𑌯𑌾॒𑌰𑌿𑌣𑍀᳚𑌮𑍍 । 𑌪॒𑌰𑌿॒𑌵॒𑌥𑍍𑌸॒𑌰𑌾𑌯𑌾𑌵𑌿॑𑌜𑌾𑌤𑌾𑌮𑍍 ।
𑌇॒𑌦𑌾॒𑌵॒𑌥𑍍𑌸॒𑌰𑌾𑌯𑌾॑𑌪॒𑌸𑍍𑌕𑌦𑍍𑌵॑𑌰𑍀𑌮𑍍 । 𑌇॒𑌦𑍍𑌵॒𑌤𑍍𑌸॒𑌰𑌾𑌯𑌾॒𑌤𑍀𑌤𑍍𑌵॑𑌰𑍀𑌮𑍍 ।
𑌵॒𑌥𑍍𑌸॒𑌰𑌾𑌯॒ 𑌵𑌿𑌜॑𑌰𑍍𑌜𑌰𑌾𑌮𑍍 । 𑌸𑌂॒​𑌵𑌁॒𑌥𑍍𑌸॒𑌰𑌾𑌯॒ 𑌪𑌲𑌿॑𑌕𑍍𑌨𑍀𑌮𑍍 ।
𑌵𑌨𑌾॑𑌯 𑌵𑌨॒𑌪𑌮𑍍 । 𑌅॒𑌨𑍍𑌯𑌤𑍋॑𑌽𑌰𑌣𑍍𑌯𑌾𑌯 𑌦𑌾𑌵॒𑌪𑌮𑍍 ॥ 11 ॥

𑌸𑌰𑍋᳚𑌭𑍍𑌯𑍋 𑌧𑍈𑌵॒𑌰𑌮𑍍 । 𑌵𑍇𑌶𑌂॑𑌤𑌾𑌭𑍍𑌯𑍋॒ 𑌦𑌾𑌶𑌮𑍍᳚ ।
𑌉॒𑌪॒𑌸𑍍𑌥𑌾𑌵॑𑌰𑍀𑌭𑍍𑌯𑍋॒ 𑌬𑍈𑌂𑌦𑌮𑍍᳚ । 𑌨॒𑌡𑍍𑌵॒𑌲𑌾𑌭𑍍𑌯𑌃॑ 𑌶𑍌𑌷𑍍𑌕॒𑌲𑌮𑍍 ।
𑌪𑌾॒𑌰𑍍𑌯𑌾॑𑌯 𑌕𑍈𑌵॒𑌰𑍍𑌤𑌮𑍍 । 𑌅॒𑌵𑌾॒𑌰𑍍𑌯𑌾॑𑌯 𑌮𑌾𑌰𑍍𑌗𑌾॒𑌰𑌮𑍍 ।
𑌤𑍀॒𑌰𑍍𑌥𑍇𑌭𑍍𑌯॑ 𑌆𑌂॒𑌦𑌮𑍍 । 𑌵𑌿𑌷॑𑌮𑍇𑌭𑍍𑌯𑍋 𑌮𑍈𑌨𑌾॒𑌲𑌮𑍍 ।
𑌸𑍍𑌵𑌨𑍇᳚𑌭𑍍𑌯𑌃॒ 𑌪𑌰𑍍𑌣॑𑌕𑌮𑍍 । 𑌗𑍁𑌹𑌾᳚𑌭𑍍𑌯𑌃॒ 𑌕𑌿𑌰𑌾॑𑌤𑌮𑍍 ।
𑌸𑌾𑌨𑍁॑𑌭𑍍𑌯𑍋॒ 𑌜𑌂𑌭॑𑌕𑌮𑍍 । 𑌪𑌰𑍍𑌵॑𑌤𑍇𑌭𑍍𑌯𑌃॒ 𑌕𑌿𑌂𑌪𑍂॑𑌰𑍁𑌷𑌮𑍍 ॥ 12 ॥

𑌪𑍍𑌰॒𑌤𑌿॒𑌶𑍍𑌰𑍁𑌤𑍍𑌕𑌾॑𑌯𑌾..𑌋𑌤𑍁॒𑌲𑌮𑍍 । 𑌘𑍋𑌷𑌾॑𑌯 𑌭॒𑌷𑌮𑍍 ।
𑌅𑌂𑌤𑌾॑𑌯 𑌬𑌹𑍁𑌵𑌾॒𑌦𑌿𑌨𑌮𑍍᳚ । 𑌅॒𑌨𑌂॒𑌤𑌾𑌯॒ 𑌮𑍂𑌕𑌮𑍍᳚ ।
𑌮𑌹॑𑌸𑍇 𑌵𑍀𑌣𑌾𑌵𑌾॒𑌦𑌮𑍍 । 𑌕𑍍𑌰𑍋𑌶𑌾॑𑌯 𑌤𑍂𑌣𑌵॒𑌧𑍍𑌮𑌮𑍍 ।
𑌆॒𑌕𑍍𑌰𑌂॒𑌦𑌾𑌯॑ 𑌦𑍁𑌂𑌦𑍁𑌭𑍍𑌯𑌾𑌘𑌾॒𑌤𑌮𑍍 । 𑌅॒𑌵॒𑌰॒𑌸𑍍𑌪॒𑌰𑌾𑌯॑ 𑌶𑌂𑌖॒𑌧𑍍𑌮𑌮𑍍 ।
𑌋॒𑌭𑍁𑌭𑍍𑌯𑍋॑𑌽𑌜𑌿𑌨𑌸𑌂𑌧𑌾॒𑌯𑌮𑍍 । 𑌸𑌾॒𑌧𑍍𑌯𑍇𑌭𑍍𑌯॑𑌶𑍍𑌚𑌰𑍍𑌮॒𑌮𑍍𑌣𑌮𑍍 ॥ 13 ॥

𑌬𑍀॒𑌭॒𑌥𑍍𑌸𑌾𑌯𑍈॑ 𑌪𑍌𑌲𑍍𑌕॒𑌸𑌮𑍍 । 𑌭𑍂𑌤𑍍𑌯𑍈॑ 𑌜𑌾𑌗𑌰॒𑌣𑌮𑍍 ।
𑌅𑌭𑍂᳚𑌤𑍍𑌯𑍈 𑌸𑍍𑌵𑌪॒𑌨𑌮𑍍 । 𑌤𑍁॒𑌲𑌾𑌯𑍈॑ 𑌵𑌾𑌣𑌿॒𑌜𑌮𑍍 ।
𑌵𑌰𑍍𑌣𑌾॑𑌯 𑌹𑌿𑌰𑌣𑍍𑌯𑌕𑌾॒𑌰𑌮𑍍 । 𑌵𑌿𑌶𑍍𑌵𑍇᳚𑌭𑍍𑌯𑍋 𑌦𑍇॒𑌵𑍇𑌭𑍍𑌯𑌃॑ 𑌸𑌿𑌧𑍍𑌮॒𑌲𑌮𑍍 ।
𑌪॒𑌶𑍍𑌚𑌾॒𑌦𑍍𑌦𑍋॒𑌷𑌾𑌯॑ 𑌗𑍍𑌲𑌾॒𑌵𑌮𑍍 । 𑌋𑌤𑍍𑌯𑍈॑ 𑌜𑌨𑌵𑌾॒𑌦𑌿𑌨𑌮𑍍᳚ ।
𑌵𑍍𑌯𑍃॑𑌦𑍍𑌧𑍍𑌯𑌾 𑌅𑌪𑌗॒𑌲𑍍𑌭𑌮𑍍 । 𑌸॒𑌗𑍍​𑌮𑍍॒‍𑌶॒𑌰𑌾𑌯॑ 𑌪𑍍𑌰॒𑌚𑍍𑌛𑌿𑌦𑌮𑍍᳚ ॥ 14 ॥

𑌹𑌸𑌾॑𑌯 𑌪𑍁𑌗𑍍𑌗𑍍‍𑌶𑍍𑌚॒𑌲𑍂𑌮𑌾𑌲॑𑌭𑌤𑍇 । 𑌵𑍀॒𑌣𑌾॒𑌵𑌾॒𑌦𑌂 𑌗𑌣॑𑌕𑌂 𑌗𑍀॒𑌤𑌾𑌯॑ ।
𑌯𑌾𑌦॑𑌸𑍇 𑌶𑌾𑌬𑍁॒𑌲𑍍𑌯𑌾𑌮𑍍 । 𑌨॒𑌰𑍍𑌮𑌾𑌯॑ 𑌭𑌦𑍍𑌰𑌵॒𑌤𑍀𑌮𑍍 ।
𑌤𑍂॒𑌷𑍍𑌣॒𑌵॒𑌧𑍍𑌮𑌂 𑌗𑍍𑌰𑌾॑𑌮॒𑌣𑍍𑌯𑌂॑ 𑌪𑌾𑌣𑌿𑌸𑌂𑌘𑌾॒𑌤𑌂 𑌨𑍃॒𑌤𑍍𑌤𑌾𑌯॑ ।
𑌮𑍋𑌦𑌾॑𑌯𑌾𑌨𑍁॒𑌕𑍍𑌰𑍋𑌶॑𑌕𑌮𑍍 । 𑌆॒𑌨𑌂॒𑌦𑌾𑌯॑ 𑌤𑌲॒𑌵𑌮𑍍 ॥ 15 ॥

𑌅॒𑌕𑍍𑌷॒𑌰𑌾॒𑌜𑌾𑌯॑ 𑌕𑌿𑌤॒𑌵𑌮𑍍 । 𑌕𑍃॒𑌤𑌾𑌯॑ 𑌸𑌭𑌾॒𑌵𑌿𑌨𑌮𑍍᳚ ।
𑌤𑍍𑌰𑍇𑌤𑌾॑𑌯𑌾 𑌆𑌦𑌿𑌨𑌵𑌦॒𑌰𑍍​𑌶𑌮𑍍 । 𑌦𑍍𑌵𑌾॒𑌪॒𑌰𑌾𑌯॑ 𑌬𑌹𑌿𑌃॒ 𑌸𑌦𑌮𑍍᳚ ।
𑌕𑌲॑𑌯𑍇 𑌸𑌭𑌾𑌸𑍍𑌥𑌾॒𑌣𑍁𑌮𑍍 । 𑌦𑍁॒𑌷𑍍𑌕𑍃॒𑌤𑌾𑌯॑ 𑌚॒𑌰𑌕𑌾॑𑌚𑌾𑌰𑍍𑌯𑌮𑍍 ।
𑌅𑌧𑍍𑌵॑𑌨𑍇 𑌬𑍍𑌰𑌹𑍍𑌮𑌚𑌾॒𑌰𑌿𑌣𑌮𑍍᳚ । 𑌪𑌿॒𑌶𑌾॒𑌚𑍇𑌭𑍍𑌯𑌃॑ 𑌸𑍈𑌲॒𑌗𑌮𑍍 ।
𑌪𑌿॒𑌪𑌾॒𑌸𑌾𑌯𑍈॑ 𑌗𑍋𑌵𑍍𑌯॒𑌚𑍍𑌛𑌮𑍍 । 𑌨𑌿𑌰𑍍​𑌋॑𑌤𑍍𑌯𑍈 𑌗𑍋𑌘𑌾॒𑌤𑌮𑍍 ।
𑌕𑍍𑌷𑍁॒𑌧𑍇 𑌗𑍋॑𑌵𑌿𑌕॒𑌰𑍍𑌤𑌮𑍍 । 𑌕𑍍𑌷𑍁॒𑌤𑍍𑌤𑍃॒𑌷𑍍𑌣𑌾𑌭𑍍𑌯𑌾𑌂॒ 𑌤𑌮𑍍 ।
𑌯𑍋 𑌗𑌾𑌂-𑌵𑌿𑌁॒𑌕𑍃𑌂𑌤𑌂॑𑌤𑌂 𑌮𑌾॒𑌗𑍍​𑌮𑍍॒𑌸𑌂 𑌭𑌿𑌕𑍍𑌷॑𑌮𑌾𑌣 𑌉𑌪॒𑌤𑌿𑌷𑍍𑌠॑𑌤𑍇 ॥ 16 ॥

𑌭𑍂𑌮𑍍𑌯𑍈॑ 𑌪𑍀𑌠𑌸॒𑌰𑍍𑌪𑌿𑌣॒𑌮𑌾𑌲॑𑌭𑌤𑍇 । 𑌅॒𑌗𑍍𑌨𑌯𑍇𑌽𑌗𑍍​𑌮𑍍॑𑌸॒𑌲𑌮𑍍 ।
𑌵𑌾॒𑌯𑌵𑍇॑ 𑌚𑌾𑌂𑌡𑌾॒𑌲𑌮𑍍 । 𑌅𑌂॒𑌤𑌰𑌿॑𑌕𑍍𑌷𑌾𑌯 𑌵𑌗𑍍​𑌮𑍍𑌶𑌨॒𑌰𑍍𑌤𑌿𑌨𑌮𑍍᳚ ।
𑌦𑌿॒𑌵𑍇 𑌖॑𑌲॒𑌤𑌿𑌮𑍍 । 𑌸𑍂𑌰𑍍𑌯𑌾॑𑌯 𑌹𑌰𑍍𑌯॒𑌕𑍍𑌷𑌮𑍍 ।
𑌚𑌂॒𑌦𑍍𑌰𑌮॑𑌸𑍇 𑌮𑌿𑌰𑍍𑌮𑌿॒𑌰𑌮𑍍 । 𑌨𑌕𑍍𑌷॑𑌤𑍍𑌰𑍇𑌭𑍍𑌯𑌃 𑌕𑌿॒𑌲𑌾𑌸𑌮𑍍᳚ ।
𑌅𑌹𑍍𑌨𑍇॑ 𑌶𑍁॒𑌕𑍍𑌲𑌂 𑌪𑌿𑌂॑𑌗॒𑌲𑌮𑍍 । 𑌰𑌾𑌤𑍍𑌰𑌿॑𑌯𑍈 𑌕𑍃॒𑌷𑍍𑌣𑌂 𑌪𑌿𑌂॑𑌗𑌾॒𑌕𑍍𑌷𑌮𑍍 ॥ 1𑍭 ॥

𑌵𑌾॒𑌚𑍇 𑌪𑍁𑌰𑍁॑𑌷॒𑌮𑌾𑌲॑𑌭𑌤𑍇 । 𑌪𑍍𑌰𑌾॒𑌣𑌮॑𑌪𑌾॒𑌨𑌂-𑌵𑍍𑌯𑌾𑌁॒𑌨𑌮𑍁॑𑌦𑌾॒𑌨𑌗𑍍​𑌮𑍍 𑌸॑𑌮𑌾॒𑌨𑌂 𑌤𑌾𑌨𑍍𑌵𑌾॒𑌯𑌵𑍇᳚ ।
𑌸𑍂𑌰𑍍𑌯𑌾॑𑌯॒ 𑌚𑌕𑍍𑌷𑍁॒𑌰𑌾𑌲॑𑌭𑌤𑍇 । 𑌮𑌨॑𑌶𑍍𑌚𑌂॒𑌦𑍍𑌰𑌮॑𑌸𑍇 ।
𑌦𑌿॒𑌗𑍍𑌭𑍍𑌯𑌃 𑌶𑍍𑌰𑍋𑌤𑍍𑌰𑌮𑍍᳚ । 𑌪𑍍𑌰॒𑌜𑌾𑌪॑𑌤𑌯𑍇॒ 𑌪𑍁𑌰𑍁॑𑌷𑌮𑍍 ॥ 1𑍮 ॥

𑌅𑌥𑍈॒𑌤𑌾𑌨𑌰𑍂॑𑌪𑍇𑌭𑍍𑌯॒ 𑌆𑌲॑𑌭𑌤𑍇 । 𑌅𑌤𑌿॑𑌹𑍍𑌰𑌸𑍍𑌵॒𑌮𑌤𑌿॑𑌦𑍀𑌰𑍍𑌘𑌮𑍍 ।
𑌅𑌤𑌿॑𑌕𑍃𑌶॒𑌮𑌤𑍍𑌯𑌗𑍍​𑌮𑍍॑𑌸𑌲𑌮𑍍 । 𑌅𑌤𑌿॑𑌶𑍁𑌕𑍍𑌲॒𑌮𑌤𑌿॑𑌕𑍃𑌷𑍍𑌣𑌮𑍍 ।
𑌅𑌤𑌿॑𑌶𑍍𑌲𑌕𑍍𑌷𑍍𑌣॒𑌮𑌤𑌿॑𑌲𑍋𑌮𑌶𑌮𑍍 । 𑌅𑌤𑌿॑𑌕𑌿𑌰𑌿𑌟॒𑌮𑌤𑌿॑𑌦𑌂𑌤𑍁𑌰𑌮𑍍 ।
𑌅𑌤𑌿॑𑌮𑌿𑌰𑍍𑌮𑌿𑌰॒𑌮𑌤𑌿॑𑌮𑍇𑌮𑌿𑌷𑌮𑍍 । 𑌆॒𑌶𑌾𑌯𑍈॑ 𑌜𑌾॒𑌮𑌿𑌮𑍍 । 𑌪𑍍𑌰॒𑌤𑍀॒𑌕𑍍𑌷𑌾𑌯𑍈॑ 𑌕𑍁𑌮𑌾॒𑌰𑍀𑌮𑍍 ॥ 1𑍯 ॥