[කෘෂ්ණයජුර්වේදං තෛත්තරීය බ්රාහ්මණ 3-4-1-1]
ශ්රී ගුරුභ්යෝ නමඃ । හරිඃ ඕම් ।
බ්රහ්ම॑ණේ බ්රාහ්ම॒ණමාල॑භතේ । ක්ෂ॒ත්ත්රාය॑ රාජ॒න්යම්᳚ ।
ම॒රුද්භ්යෝ॒ වෛශ්යම්᳚ । තප॑සේ ශූ॒ද්රම් ।
තම॑සේ॒ තස්ක॑රම් । නාර॑කාය වීර॒හණම්᳚ ।
පා॒ප්මනේ᳚ ක්ලී॒බම් । ආ॒ක්ර॒යායා॑යෝ॒ගූම් ।
කාමා॑ය පුග්ග්‍ශ්ච॒ලූම් । අති॑ක්රුෂ්ටාය මාග॒ධම් ॥ 1 ॥
ගී॒තාය॑ සූ॒තම් । නෘ॒ත්තාය॑ ශෛලූ॒ෂම් ।
ධර්මා॑ය සභාච॒රම් । න॒ර්මාය॑ රේ॒භම් ।
නරි॑ෂ්ඨායෛ භීම॒ලම් । හසා॑ය॒ කාරිම්᳚ ।
ආ॒නං॒දාය॑ ස්ත්රීෂ॒ඛම් । ප්ර॒මුදේ॑ කුමාරීපු॒ත්රම් ।
මේ॒ධායෛ॑ රථකා॒රම් । ධෛර්යා॑ය॒ තක්ෂා॑ණම් ॥ 2 ॥
ශ්රමා॑ය කෞලා॒ලම් । මා॒යායෛ॑ කාර්මා॒රම් ।
රූ॒පාය॑ මණිකා॒රම් । ශුභේ॑ ව॒පම් ।
ශ॒ර॒ව්යා॑යා ඉෂුකා॒රම් । හේ॒ත්යෛ ධ॑න්වකා॒රම් ।
කර්ම॑ණේ ජ්යාකා॒රම් । දි॒ෂ්ටාය॑ රජ්ජුස॒ර්ගම් ।
මෘ॒ත්යවේ॑ මෘග॒යුම් । අංත॑කාය ශ්ව॒නිතම්᳚ ॥ 3 ॥
සං॒ධයේ॑ ජා॒රම් । ගේ॒හායෝ॑පප॒තිම් ।
නිර්ඍ॑ත්යෛ පරිවි॒ත්තම් । ආර්ත්යෛ॑ පරිවිවිදා॒නම් ।
අරා᳚ධ්යෛ දිධිෂූ॒පතිම්᳚ । ප॒විත්රා॑ය භි॒ෂජම්᳚ ।
ප්ර॒ජ්ඤානා॑ය නක්ෂත්රද॒ර්ශම් । නිෂ්කෘ॑ත්යෛ පේශස්කා॒රීම් ।
බලා॑යෝප॒දාම් । වර්ණා॑යානූ॒රුධම්᳚ ॥ 4 ॥
න॒දීභ්යඃ॑ පෞංජි॒ෂ්ටම් । ඍ॒ක්ෂීකා᳚භ්යෝ॒ නෛෂා॑දම් ।
පු॒රු॒ෂ॒ව්යා॒ඝ්රාය॑ දු॒ර්මදම්᳚ । ප්ර॒යුද්භ්ය॒ උන්ම॑ත්තම් ।
ගං॒ධ॒ර්වා॒ප්ස॒රාභ්යෝ॒ ව්රාත්යම්᳚ । ස॒ර්ප॒දේ॒ව॒ජ॒නේභ්යෝऽප්ර॑තිපදම් ।
අවේ᳚භ්යඃ කිත॒වම් । ඉ॒ර්යතා॑යා॒ අකි॑තවම් ।
පි॒ශා॒චේභ්යෝ॑ බිදලකා॒රම් । යා॒තු॒ධානේ᳚භ්යඃ කංටකකා॒රම් ॥ 5 ॥
උ॒ථ්සා॒දේභ්යඃ॑ කු॒බ්ජම් । ප්ර॒මුදේ॑ වාම॒නම් ।
ද්වා॒ර්භ්යඃ ස්රා॒මම් । ස්වප්නා॑යාං॒ධම් ।
අධ॑ර්මාය බධි॒රම් । සං॒ජ්ඤානා॑ය ස්මරකා॒රීම් ।
ප්ර॒කා॒මෝද්යා॑යෝප॒සදම්᳚ । ආ॒ශි॒ක්ෂායෛ᳚ ප්ර॒ශ්නිනම්᳚ ।
උ॒ප॒ශි॒ක්ෂායා॑ අභිප්ර॒ශ්නිනම්᳚ । ම॒ර්යාදා॑යෛ ප්රශ්නවිවා॒කම් ॥ 6 ॥
ඍත්යෛ᳚ ස්තේ॒නහෘ॑දයම් । වෛර॑හත්යාය॒ පිශු॑නම් ।
විවි॑ත්ත්යෛ ක්ෂ॒ත්තාරම්᳚ । ඖප॑ද්රෂ්ටාය සංග්රහී॒තාරම්᳚ ।
බලා॑යානුච॒රම් । භූ॒ම්නේ ප॑රිෂ්කං॒දම් ।
ප්රි॒යාය॑ ප්රියවා॒දිනම්᳚ । අරි॑ෂ්ට්යා අශ්වසා॒දම් ।
මේධා॑ය වාසඃ පල්පූ॒ලීම් । ප්ර॒කා॒මාය॑ රජයි॒ත්රීම් ॥ 7 ॥
භායෛ॑ දාර්වාහා॒රම් । ප්ර॒භායා॑ ආග්නේං॒ධම් ।
නාක॑ස්ය පෘ॒ෂ්ඨායා॑භිෂේ॒ක්තාරම්᳚ ।
බ්ර॒ධ්නස්ය॑ වි॒ෂ්ටපා॑ය පාත්රනිර්ණේ॒ගම් ।
දේ॒ව॒ලෝ॒කාය॑ පේශි॒තාරම්᳚ । ම॒නු॒ෂ්ය॒ලෝ॒කාය॑ ප්රකරි॒තාරම්᳚ ।
සර්වේ᳚භ්යෝ ලෝ॒කේභ්ය॑ උපසේ॒ක්තාරම්᳚ ।
අව॑ර්ත්යෛ ව॒ධායෝ॑පමංථි॒තාරම්᳚ । සු॒ව॒ර්ගාය॑ ලෝ॒කාය॑ භාග॒දුඝම්᳚ ।
වර්ෂි॑ෂ්ඨාය॒ නාකා॑ය පරිවේ॒ෂ්ටාරම්᳚ ॥ 8 ॥
අර්මේ᳚භ්යෝ හස්ති॒පම් । ජ॒වායා᳚ශ්ව॒පම් ।
පුෂ්ට්යෛ॑ ගෝපා॒ලම් । තේජ॑සේऽජපා॒ලම් ।
වී॒ර්යා॑යාවිපා॒ලම් । ඉරා॑යෛ කී॒නාශම්᳚ ।
කී॒ලාලා॑ය සුරාකා॒රම් । භ॒ද්රාය॑ ගෘහ॒පම් ।
ශ්රේය॑සේ විත්ත॒ධම් । අධ්ය॑ක්ෂායානුක්ෂ॒ත්තාරම්᳚ ॥ 9 ॥
ම॒න්යවේ॑ऽයස්තා॒පම් । ක්රෝධා॑ය නිස॒රම් ।
ශෝකා॑යාභිස॒රම් । උ॒ත්කූ॒ල॒වි॒කූ॒ලාභ්යාං᳚ ත්රි॒ස්ථිනම්᳚ ।
යෝගා॑ය යෝ॒ක්තාරම්᳚ । ක්ෂේමා॑ය විමෝ॒ක්තාරම්᳚ ।
වපු॑ෂේ මානස්කෘ॒තම් । ශීලා॑යාංජනීකා॒රම් ।
නිර්ඍ॑ත්යෛ කෝශකා॒රීම් । ය॒මායා॒සූම් ॥ 10 ॥
ය॒ම්යෛ॑ යම॒සූම් । අථ॑ර්ව॒භ්යෝऽව॑තෝකාම් ।
සං॒වඁ॒ථ්ස॒රාය॑ පර්යා॒රිණී᳚ම් । ප॒රි॒ව॒ථ්ස॒රායාවි॑ජාතාම් ।
ඉ॒දා॒ව॒ථ්ස॒රායා॑ප॒ස්කද්ව॑රීම් । ඉ॒ද්ව॒ත්ස॒රායා॒තීත්ව॑රීම් ।
ව॒ථ්ස॒රාය॒ විජ॑ර්ජරාම් । සං॒වඁ॒ථ්ස॒රාය॒ පලි॑ක්නීම් ।
වනා॑ය වන॒පම් । අ॒න්යතෝ॑ऽරණ්යාය දාව॒පම් ॥ 11 ॥
සරෝ᳚භ්යෝ ධෛව॒රම් । වේශං॑තාභ්යෝ॒ දාශම්᳚ ।
උ॒ප॒ස්ථාව॑රීභ්යෝ॒ බෛංදම්᳚ । න॒ඩ්ව॒ලාභ්යඃ॑ ශෞෂ්ක॒ලම් ।
පා॒ර්යා॑ය කෛව॒ර්තම් । අ॒වා॒ර්යා॑ය මාර්ගා॒රම් ।
තී॒ර්ථේභ්ය॑ ආං॒දම් । විෂ॑මේභ්යෝ මෛනා॒ලම් ।
ස්වනේ᳚භ්යඃ॒ පර්ණ॑කම් । ගුහා᳚භ්යඃ॒ කිරා॑තම් ।
සානු॑භ්යෝ॒ ජංභ॑කම් । පර්ව॑තේභ්යඃ॒ කිංපූ॑රුෂම් ॥ 12 ॥
ප්ර॒ති॒ශ්රුත්කා॑යා..ඍතු॒ලම් । ඝෝෂා॑ය භ॒ෂම් ।
අංතා॑ය බහුවා॒දිනම්᳚ । අ॒නං॒තාය॒ මූකම්᳚ ।
මහ॑සේ වීණාවා॒දම් । ක්රෝශා॑ය තූණව॒ධ්මම් ।
ආ॒ක්රං॒දාය॑ දුංදුභ්යාඝා॒තම් । අ॒ව॒ර॒ස්ප॒රාය॑ ශංඛ॒ධ්මම් ।
ඍ॒භුභ්යෝ॑ऽජිනසංධා॒යම් । සා॒ධ්යේභ්ය॑ශ්චර්ම॒ම්ණම් ॥ 13 ॥
බී॒භ॒ථ්සායෛ॑ පෞල්ක॒සම් । භූත්යෛ॑ ජාගර॒ණම් ।
අභූ᳚ත්යෛ ස්වප॒නම් । තු॒ලායෛ॑ වාණි॒ජම් ।
වර්ණා॑ය හිරණ්යකා॒රම් । විශ්වේ᳚භ්යෝ දේ॒වේභ්යඃ॑ සිධ්ම॒ලම් ।
ප॒ශ්චා॒ද්දෝ॒ෂාය॑ ග්ලා॒වම් । ඍත්යෛ॑ ජනවා॒දිනම්᳚ ।
ව්යෘ॑ද්ධ්යා අපග॒ල්භම් । ස॒ග්ම්॒ශ॒රාය॑ ප්ර॒ච්ඡිදම්᳚ ॥ 14 ॥
හසා॑ය පුග්ග්‍ශ්ච॒ලූමාල॑භතේ । වී॒ණා॒වා॒දං ගණ॑කං ගී॒තාය॑ ।
යාද॑සේ ශාබු॒ල්යාම් । න॒ර්මාය॑ භද්රව॒තීම් ।
තූ॒ෂ්ණ॒ව॒ධ්මං ග්රා॑ම॒ණ්යං॑ පාණිසංඝා॒තං නෘ॒ත්තාය॑ ।
මෝදා॑යානු॒ක්රෝශ॑කම් । ආ॒නං॒දාය॑ තල॒වම් ॥ 15 ॥
අ॒ක්ෂ॒රා॒ජාය॑ කිත॒වම් । කෘ॒තාය॑ සභා॒විනම්᳚ ।
ත්රේතා॑යා ආදිනවද॒ර්ශම් । ද්වා॒ප॒රාය॑ බහිඃ॒ සදම්᳚ ।
කල॑යේ සභාස්ථා॒ණුම් । දු॒ෂ්කෘ॒තාය॑ ච॒රකා॑චාර්යම් ।
අධ්ව॑නේ බ්රහ්මචා॒රිණම්᳚ । පි॒ශා॒චේභ්යඃ॑ සෛල॒ගම් ।
පි॒පා॒සායෛ॑ ගෝව්ය॒ච්ඡම් । නිර්ඍ॑ත්යෛ ගෝඝා॒තම් ।
ක්ෂු॒ධේ ගෝ॑වික॒ර්තම් । ක්ෂු॒ත්තෘ॒ෂ්ණාභ්යාං॒ තම් ।
යෝ ගාං-විඁ॒කෘංතං॑තං මා॒ග්ම්॒සං භික්ෂ॑මාණ උප॒තිෂ්ඨ॑තේ ॥ 16 ॥
භූම්යෛ॑ පීඨස॒ර්පිණ॒මාල॑භතේ । අ॒ග්නයේऽග්ම්॑ස॒ලම් ।
වා॒යවේ॑ චාංඩා॒ලම් । අං॒තරි॑ක්ෂාය වග්ම්ශන॒ර්තිනම්᳚ ।
දි॒වේ ඛ॑ල॒තිම් । සූර්යා॑ය හර්ය॒ක්ෂම් ।
චං॒ද්රම॑සේ මිර්මි॒රම් । නක්ෂ॑ත්රේභ්යඃ කි॒ලාසම්᳚ ।
අහ්නේ॑ ශු॒ක්ලං පිං॑ග॒ලම් । රාත්රි॑යෛ කෘ॒ෂ්ණං පිං॑ගා॒ක්ෂම් ॥ 17 ॥
වා॒චේ පුරු॑ෂ॒මාල॑භතේ । ප්රා॒ණම॑පා॒නං-ව්යාඁ॒නමු॑දා॒නග්ම් ස॑මා॒නං තාන්වා॒යවේ᳚ ।
සූර්යා॑ය॒ චක්ෂු॒රාල॑භතේ । මන॑ශ්චං॒ද්රම॑සේ ।
දි॒ග්භ්යඃ ශ්රෝත්රම්᳚ । ප්ර॒ජාප॑තයේ॒ පුරු॑ෂම් ॥ 18 ॥
අථෛ॒තානරූ॑පේභ්ය॒ ආල॑භතේ । අති॑හ්රස්ව॒මති॑දීර්ඝම් ।
අති॑කෘශ॒මත්යග්ම්॑සලම් । අති॑ශුක්ල॒මති॑කෘෂ්ණම් ।
අති॑ශ්ලක්ෂ්ණ॒මති॑ලෝමශම් । අති॑කිරිට॒මති॑දංතුරම් ।
අති॑මිර්මිර॒මති॑මේමිෂම් । ආ॒ශායෛ॑ ජා॒මිම් । ප්ර॒තී॒ක්ෂායෛ॑ කුමා॒රීම් ॥ 19 ॥
