ଓଂ ଅଗ୍ନା॑ଵିଷ୍ଣୋ ସ॒ଜୋଷ॑ସେ॒ମାଵ॑ର୍ଧଂତୁ ଵାଂ॒ ଗିରଃ॑ ।
ଦ୍ୟୁ॒ମ୍ନୈର୍ଵାଜେ॑ଭି॒ରାଗ॑ତମ୍ ।
ଵାଜ॑ଶ୍ଚ ମେ ପ୍ରସ॒ଵଶ୍ଚ॑ ମେ॒
ପ୍ରୟ॑ତିଶ୍ଚ ମେ॒ ପ୍ରସି॑ତିଶ୍ଚ ମେ
ଧୀ॒ତିଶ୍ଚ॑ ମେ॒ କ୍ରତୁ॑ଶ୍ଚ ମେ॒
ସ୍ଵର॑ଶ୍ଚ ମେ॒ ଶ୍ଲୋକ॑ଶ୍ଚ ମେ
ଶ୍ରା॒ଵଶ୍ଚ॑ ମେ॒ ଶ୍ରୁତି॑ଶ୍ଚ ମେ॒
ଜ୍ୟୋତି॑ଶ୍ଚ ମେ॒ ସୁଵ॑ଶ୍ଚ ମେ
ପ୍ରା॒ଣଶ୍ଚ॑ ମେଽପା॒ନଶ୍ଚ॑ ମେ
ଵ୍ୟା॒ନଶ୍ଚ॒ ମେଽସୁ॑ଶ୍ଚ ମେ
ଚି॒ତ୍ତଂ ଚ॑ ମ॒ ଆଧୀ॑ତଂ ଚ ମେ॒
ଵାକ୍ଚ॑ ମେ॒ ମନ॑ଶ୍ଚ ମେ॒
ଚକ୍ଷୁ॑ଶ୍ଚ ମେ॒ ଶ୍ରୋତ୍ରଂ॑ ଚ ମେ॒
ଦକ୍ଷ॑ଶ୍ଚ ମେ॒ ବଲଂ॑ ଚ ମ॒
ଓଜ॑ଶ୍ଚ ମେ॒ ସହ॑ଶ୍ଚ ମ॒
ଆୟୁ॑ଶ୍ଚ ମେ ଜ॒ରା ଚ॑ ମ
ଆ॒ତ୍ମା ଚ॑ ମେ ତ॒ନୂଶ୍ଚ॑ ମେ॒
ଶର୍ମ॑ ଚ ମେ॒ ଵର୍ମ॑ ଚ॒ ମେଽଂଗା॑ନି ଚ ମେ॒ଽସ୍ଥାନି॑ ଚ ମେ॒
ପରୂଗ୍ମ୍॑ଷି ଚ ମେ॒ ଶରୀ॑ରାଣି ଚ ମେ ॥ 1 ॥
ଜୈଷ୍ଠ୍ୟଂ॑ ଚ ମ॒ ଆଧି॑ପତ୍ୟଂ ଚ ମେ
ମ॒ନ୍ୟୁଶ୍ଚ॑ ମେ॒ ଭାମ॑ଶ୍ଚ॒ ମେଽମ॑ଶ୍ଚ॒ ମେଽଂଭ॑ଶ୍ଚ ମେ
ଜେ॒ମା ଚ॑ ମେ ମହି॒ମା ଚ॑ ମେ
ଵରି॒ମା ଚ॑ ମେ ପ୍ରଥି॒ମା ଚ॑ ମେ
ଵ॒ର୍ଷ୍ମା ଚ॑ ମେ ଦ୍ରାଘୁ॒ୟା ଚ॑ ମେ
ଵୃ॒ଦ୍ଧଂ ଚ॑ ମେ॒ ଵୃଦ୍ଧି॑ଶ୍ଚ ମେ
ସ॒ତ୍ୟଂ ଚ॑ ମେ ଶ୍ର॒ଦ୍ଧା ଚ॑ ମେ॒
ଜଗ॑ଚ୍ଚ ମେ॒ ଧନଂ॑ ଚ ମେ॒
ଵଶ॑ଶ୍ଚ ମେ॒ ତ୍ଵିଷି॑ଶ୍ଚ ମେ
କ୍ରୀ॒ଡା ଚ॑ ମେ॒ ମୋଦ॑ଶ୍ଚ ମେ
ଜା॒ତଂ ଚ॑ ମେ ଜନି॒ଷ୍ୟମା॑ଣଂ ଚ ମେ
ସୂ॒କ୍ତଂ ଚ॑ ମେ ସୁକୃ॒ତଂ ଚ॑ ମେ
ଵି॒ତ୍ତଂ ଚ॑ ମେ॒ ଵେଦ୍ୟଂ॑ ଚ ମେ
ଭୂ॒ତଂ ଚ॑ ମେ ଭଵି॒ଷ୍ୟଚ୍ଚ॑ ମେ
ସୁ॒ଗଂ ଚ॑ ମେ ସୁ॒ପଥଂ॑ ଚ ମ
ଋ॒ଦ୍ଧଂ ଚ॑ ମ॒ ଋଦ୍ଧି॑ଶ୍ଚ ମେ
କୢ॒ପ୍ତଂ ଚ॑ ମେ॒ କୢପ୍ତି॑ଶ୍ଚ ମେ
ମ॒ତିଶ୍ଚ॑ ମେ ସୁମ॒ତିଶ୍ଚ॑ ମେ ॥ 2 ॥
ଶଂ ଚ॑ ମେ॒ ମୟ॑ଶ୍ଚ ମେ
ପ୍ରି॒ୟଂ ଚ॑ ମେଽନୁକା॒ମଶ୍ଚ॑ ମେ॒ କାମ॑ଶ୍ଚ ମେ
ସୌମନ॒ସଶ୍ଚ॑ ମେ ଭ॒ଦ୍ରଂ ଚ॑ ମେ॒
ଶ୍ରେୟ॑ଶ୍ଚ ମେ॒ ଵସ୍ୟ॑ଶ୍ଚ ମେ॒
ୟଶ॑ଶ୍ଚ ମେ॒ ଭଗ॑ଶ୍ଚ ମେ॒ ଦ୍ରଵି॑ଣଂ ଚ ମେ
ୟଂ॒ତା ଚ॑ ମେ ଧ॒ର୍ତା ଚ॑ ମେ॒
କ୍ଷେମ॑ଶ୍ଚ ମେ॒ ଧୃତି॑ଶ୍ଚ ମେ॒
ଵିଶ୍ଵଂ॑ ଚ ମେ॒ ମହ॑ଶ୍ଚ ମେ
ସଂ॒ଵିଁଚ୍ଚ॑ ମେ॒ ଜ୍ଞାତ୍ରଂ॑ ଚ ମେ॒
ସୂଶ୍ଚ॑ ମେ ପ୍ର॒ସୂଶ୍ଚ॑ ମେ॒
ସୀରଂ॑ ଚ ମେ ଲ॒ୟଶ୍ଚ॑ ମ
ଋ॒ତଂ ଚ॑ ମେ॒ଽମୃତଂ॑ ଚ ମେଽୟ॒କ୍ଷ୍ମଂ ଚ॒ ମେଽନା॑ମୟଚ୍ଚ ମେ
ଜୀ॒ଵାତୁ॑ଶ୍ଚ ମେ ଦୀର୍ଘାୟୁ॒ତ୍ଵଂ ଚ॑ ମେଽନମି॒ତ୍ରଂ ଚ॒ ମେଽଭ॑ୟଂ ଚ ମେ
ସୁ॒ଗଂ ଚ॑ ମେ॒ ଶୟ॑ନଂ ଚ ମେ
ସୂ॒ଷା ଚ॑ ମେ ସୁ॒ଦିନଂ॑ ଚ ମେ ॥ 3 ॥
ଊର୍କ୍ଚ॑ ମେ ସୂ॒ନୃତା॑ ଚ ମେ॒
ପୟ॑ଶ୍ଚ ମେ॒ ରସ॑ଶ୍ଚ ମେ
ଘୃ॒ତଂ ଚ॑ ମେ॒ ମଧୁ॑ ଚ ମେ॒
ସଗ୍ଧି॑ଶ୍ଚ ମେ॒ ସପୀ॑ତିଶ୍ଚ ମେ
କୃ॒ଷିଶ୍ଚ॑ ମେ॒ ଵୃଷ୍ଟି॑ଶ୍ଚ ମେ॒
ଜୈତ୍ରଂ॑ ଚ ମ॒ ଔଦ୍ଭି॑ଦ୍ୟଂ ଚ ମେ
ର॒ୟିଶ୍ଚ॑ ମେ॒ ରାୟ॑ଶ୍ଚ ମେ
ପୁ॒ଷ୍ଟଂ ଚ॑ ମେ॒ ପୁଷ୍ଟି॑ଶ୍ଚ ମେ
ଵି॒ଭୁ ଚ॑ ମେ ପ୍ର॒ଭୁ ଚ॑ ମେ
ବ॒ହୁ ଚ॑ ମେ॒ ଭୂୟ॑ଶ୍ଚ ମେ
ପୂ॒ର୍ଣଂ ଚ॑ ମେ ପୂ॒ର୍ଣତ॑ରଂ ଚ॒ ମେଽକ୍ଷି॑ତିଶ୍ଚ ମେ॒ କୂୟ॑ଵାଶ୍ଚ॒ ମେଽନ୍ନଂ॑ ଚ॒ ମେଽକ୍ଷୁ॑ଚ୍ଚ ମେ
ଵ୍ରୀ॒ହୟ॑ଶ୍ଚ ମେ॒ ୟଵା᳚ଶ୍ଚ ମେ॒
ମାଷା᳚ଶ୍ଚ ମେ॒ ତିଲା᳚ଶ୍ଚ ମେ
ମୁ॒ଦ୍ଗାଶ୍ଚ॑ ମେ ଖ॒ଲ୍ଵା᳚ଶ୍ଚ ମେ
ଗୋ॒ଧୂମା᳚ଶ୍ଚ ମେ ମ॒ସୁରା᳚ଶ୍ଚ ମେ
ପ୍ରି॒ୟଂଗ॑ଵଶ୍ଚ॒ ମେଽଣ॑ଵଶ୍ଚ ମେ
ଶ୍ୟା॒ମାକା᳚ଶ୍ଚ ମେ ନୀ॒ଵାରା᳚ଶ୍ଚ ମେ ॥ 4 ॥
ଅଶ୍ମା॑ ଚ ମେ॒ ମୃତ୍ତି॑କା ଚ ମେ
ଗି॒ରୟ॑ଶ୍ଚ ମେ॒ ପର୍ଵ॑ତାଶ୍ଚ ମେ॒
ସିକ॑ତାଶ୍ଚ ମେ॒ ଵନ॒ସ୍ପତ॑ୟଶ୍ଚ ମେ॒
ହିର॑ଣ୍ୟଂ ଚ॒ ମେଽୟ॑ଶ୍ଚ ମେ॒
ସୀସଂ॑ ଚ॒ ମେ ତ୍ରପୁ॑ଶ୍ଚ ମେ
ଶ୍ୟା॒ମଂ ଚ॑ ମେ ଲୋ॒ହଂ ଚ॑ ମେ॒ଽଗ୍ନିଶ୍ଚ॑ ମ॒
ଆପ॑ଶ୍ଚ ମେ ଵୀ॒ରୁଧ॑ଶ୍ଚ ମ॒ ଓଷ॑ଧୟଶ୍ଚ ମେ
କୃଷ୍ଟପ॒ଚ୍ୟଂ ଚ॑ ମେଽକୃଷ୍ଟପ॒ଚ୍ୟଂ ଚ॑ ମେ
ଗ୍ରା॒ମ୍ୟାଶ୍ଚ॑ ମେ ପ॒ଶଵ॑ ଆର॒ଣ୍ୟାଶ୍ଚ॑ ୟ॒ଜ୍ଞେନ॑ କଲ୍ପଂତାଂ
ଵି॒ତ୍ତଂ ଚ॑ ମେ॒ ଵିତ୍ତି॑ଶ୍ଚ ମେ
ଭୂ॒ତଂ ଚ॑ ମେ॒ ଭୂତି॑ଶ୍ଚ ମେ॒
ଵସୁ॑ ଚ ମେ ଵସ॒ତିଶ୍ଚ॑ ମେ॒
କର୍ମ॑ ଚ ମେ॒ ଶକ୍ତି॑ଶ୍ଚ॒ ମେଽର୍ଥ॑ଶ୍ଚ ମ॒
ଏମ॑ଶ୍ଚ ମ॒ ଇତି॑ଶ୍ଚ ମେ॒ ଗତି॑ଶ୍ଚ ମେ ॥ 5 ॥
ଅ॒ଗ୍ନିଶ୍ଚ॑ ମ॒ ଇଂଦ୍ର॑ଶ୍ଚ ମେ॒
ସୋମ॑ଶ୍ଚ ମ॒ ଇଂଦ୍ର॑ଶ୍ଚ ମେ
ସଵି॒ତା ଚ॑ ମ॒ ଇଂଦ୍ର॑ଶ୍ଚ ମେ॒
ସର॑ସ୍ଵତୀ ଚ ମ॒ ଇଂଦ୍ର॑ଶ୍ଚ ମେ
ପୂ॒ଷା ଚ॑ ମ॒ ଇଂଦ୍ର॑ଶ୍ଚ ମେ॒
ବୃହ॒ସ୍ପତି॑ଶ୍ଚ ମ॒ ଇଂଦ୍ର॑ଶ୍ଚ ମେ
ମି॒ତ୍ରଶ୍ଚ॑ ମ॒ ଇଂଦ୍ର॑ଶ୍ଚ ମେ॒
ଵରୁ॑ଣଶ୍ଚ ମ॒ ଇଂଦ୍ର॑ଶ୍ଚ ମେ॒
ତ୍ଵଷ୍ଠା॑ ଚ ମ॒ ଇଂଦ୍ର॑ଶ୍ଚ ମେ
ଧା॒ତା ଚ॑ ମ॒ ଇଂଦ୍ର॑ଶ୍ଚ ମେ॒
ଵିଷ୍ଣୁ॑ଶ୍ଚ ମ॒ ଇଂଦ୍ର॑ଶ୍ଚ ମେ॒ଽଶ୍ଵିନୌ॑ ଚ ମ॒ ଇଂଦ୍ର॑ଶ୍ଚ ମେ
ମ॒ରୁତ॑ଶ୍ଚ ମ॒ ଇଂଦ୍ର॑ଶ୍ଚ ମେ॒
ଵିଶ୍ଵେ॑ ଚ ମେ ଦେ॒ଵା ଇଂଦ୍ର॑ଶ୍ଚ ମେ
ପୃଥି॒ଵୀ ଚ॑ ମ॒ ଇଂଦ୍ର॑ଶ୍ଚ ମେ॒ଽଂତରି॑କ୍ଷଂ ଚ ମ॒ ଇଂଦ୍ର॑ଶ୍ଚ ମେ॒
ଦ୍ୟୌଶ୍ଚ॑ ମ॒ ଇଂଦ୍ର॑ଶ୍ଚ ମେ॒
ଦିଶ॑ଶ୍ଚ ମ॒ ଇଂଦ୍ର॑ଶ୍ଚ ମେ
ମୂ॒ର୍ଧା ଚ॑ ମ॒ ଇଂଦ୍ର॑ଶ୍ଚ ମେ
ପ୍ର॒ଜାପ॑ତିଶ୍ଚ ମ॒ ଇଂଦ୍ର॑ଶ୍ଚ ମେ ॥ 6 ॥
ଅ॒ଗ୍ମ୍॒ଶୁଶ୍ଚ॑ ମେ ର॒ଶ୍ମିଶ୍ଚ॒ ମେଽଦା᳚ଭ୍ୟଶ୍ଚ॒ ମେଽଧି॑ପତିଶ୍ଚ ମ
ଉପା॒ଗ୍ମ୍॒ଶୁଶ୍ଚ॑ ମେଽଂତର୍ୟା॒ମଶ୍ଚ॑ ମ
ଐଂଦ୍ରଵାୟ॒ଵଶ୍ଚ॑ ମେ ମୈତ୍ରାଵରୁ॒ଣଶ୍ଚ॑ ମ
ଆଶ୍ଵି॒ନଶ୍ଚ॑ ମେ ପ୍ରତିପ୍ର॒ସ୍ଥାନ॑ଶ୍ଚ ମେ
ଶୁ॒କ୍ରଶ୍ଚ॑ ମେ ମଂ॒ଥୀ ଚ॑ ମ
ଆଗ୍ରୟ॒ଣଶ୍ଚ॑ ମେ ଵୈଶ୍ଵଦେ॒ଵଶ୍ଚ॑ ମେ
ଧ୍ରୁ॒ଵଶ୍ଚ॑ ମେ ଵୈଶ୍ଵାନ॒ରଶ୍ଚ॑ ମ
ଋତୁଗ୍ର॒ହାଶ୍ଚ॑ ମେଽତିଗ୍ରା॒ହ୍ୟା᳚ଶ୍ଚ ମ
ଐଂଦ୍ରା॒ଗ୍ନଶ୍ଚ॑ ମେ ଵୈଶ୍ଵଦେ॒ଵଶ୍ଚ॑ ମେ
ମରୁତ୍ଵ॒ତୀୟା᳚ଶ୍ଚ ମେ ମାହେଂ॒ଦ୍ରଶ୍ଚ॑ ମ
ଆଦି॒ତ୍ୟଶ୍ଚ॑ ମେ ସାଵି॒ତ୍ରଶ୍ଚ॑ ମେ
ସାରସ୍ଵ॒ତଶ୍ଚ॑ ମେ ପୌ॒ଷ୍ଣଶ୍ଚ॑ ମେ
ପାତ୍ନୀଵ॒ତଶ୍ଚ॑ ମେ ହାରିୟୋଜ॒ନଶ୍ଚ॑ ମେ ॥ 7 ॥
ଇ॒ଧ୍ମଶ୍ଚ॑ ମେ ବ॒ର୍॒ହିଶ୍ଚ॑ ମେ॒
ଵେଦି॑ଶ୍ଚ ମେ॒ ଦିଷ୍ଣି॑ୟାଶ୍ଚ ମେ॒
ସ୍ରୁଚ॑ଶ୍ଚ ମେ ଚମ॒ସାଶ୍ଚ॑ ମେ॒
ଗ୍ରାଵା॑ଣଶ୍ଚ ମେ॒ ସ୍ଵର॑ଵଶ୍ଚ ମ
ଉପର॒ଵାଶ୍ଚ॑ ମେଽଧି॒ଷଵ॑ଣେ ଚ ମେ
ଦ୍ରୋଣକଲ॒ଶଶ୍ଚ॑ ମେ ଵାୟ॒ଵ୍ୟା॑ନି ଚ ମେ
ପୂତ॒ଭୃଚ୍ଚ॑ ମ ଆଧଵ॒ନୀୟ॑ଶ୍ଚ ମ॒
ଆଗ୍ନୀ᳚ଧ୍ରଂ ଚ ମେ ହଵି॒ର୍ଧାନଂ॑ ଚ ମେ
ଗୃ॒ହାଶ୍ଚ॑ ମେ॒ ସଦ॑ଶ୍ଚ ମେ ପୁରୋ॒ଡାଶା᳚ଶ୍ଚ ମେ
ପଚ॒ତାଶ୍ଚ॑ ମେଽଵଭୃ॒ଥଶ୍ଚ॑ ମେ ସ୍ଵଗାକା॒ରଶ୍ଚ॑ ମେ ॥ 8 ॥
ଅ॒ଗ୍ନିଶ୍ଚ॑ ମେ ଘ॒ର୍ମଶ୍ଚ॑ ମେ॒ଽର୍କଶ୍ଚ॑ ମେ॒
ସୂର୍ୟ॑ଶ୍ଚ ମେ ପ୍ରା॒ଣଶ୍ଚ॑ ମେଽଶ୍ଵମେ॒ଧଶ୍ଚ॑ ମେ
ପୃଥି॒ଵୀ ଚ॒ ମେଽଦି॑ତିଶ୍ଚ ମେ॒ ଦିତି॑ଶ୍ଚ ମେ॒
ଦ୍ୟୌଶ୍ଚ॑ ମେ॒ ଶକ୍ଵ॑ରୀରଂ॒ଗୁଲ॑ୟୋ॒ ଦିଶ॑ଶ୍ଚ ମେ
ୟ॒ଜ୍ଞେନ॑ କଲ୍ପଂତା॒ମୃକ୍ଚ॑ ମେ॒
ସାମ॑ ଚ ମେ॒ ସ୍ତୋମ॑ଶ୍ଚ ମେ॒
ୟଜୁ॑ଶ୍ଚ ମେ ଦୀ॒କ୍ଷା ଚ॑ ମେ॒
ତପ॑ଶ୍ଚ ମ ଋ॒ତୁଶ୍ଚ॑ ମେ
ଵ୍ର॒ତଂ ଚ॑ ମେଽହୋରା॒ତ୍ରୟୋ᳚ର୍ଵୃ॒ଷ୍ଟ୍ୟା ବୃ॑ହଦ୍ରଥଂତ॒ରେ ଚ॑ ମେ
ୟ॒ଜ୍ଞେନ॑ କଲ୍ପେତାମ୍ ॥ 9 ॥
ଗର୍ଭା᳚ଶ୍ଚ ମେ ଵ॒ତ୍ସାଶ୍ଚ॑ ମେ॒
ତ୍ର୍ୟଵି॑ଶ୍ଚ ମେ ତ୍ର୍ୟ॒ଵୀଚ॑ ମେ
ଦିତ୍ୟ॒ଵାଟ୍ ଚ॑ ମେ ଦିତ୍ୟୌ॒ହୀ ଚ॑ ମେ॒
ପଂଚା॑ଵିଶ୍ଚ ମେ ପଂଚା॒ଵୀ ଚ॑ ମେ
ତ୍ରିଵ॒ତ୍ସଶ୍ଚ॑ ମେ ତ୍ରିଵ॒ତ୍ସା ଚ॑ ମେ
ତୁର୍ୟ॒ଵାଟ୍ ଚ॑ ମେ ତୁର୍ୟୌ॒ହୀ ଚ॑ ମେ
ପଷ୍ଠ॒ଵାଟ୍ ଚ॑ ମେ ପଷ୍ଠୌ॒ହୀ ଚ॑ ମ
ଉ॒କ୍ଷା ଚ॑ ମେ ଵ॒ଶା ଚ॑ ମ
ଋଷ॒ଭଶ୍ଚ॑ ମେ ଵେ॒ହଚ୍ଚ॑ ମେଽନ॒ଡ୍ଵାଂଚ॑ ମେ
ଧେ॒ନୁଶ୍ଚ॑ ମ॒ ଆୟୁ॑ର୍ୟ॒ଜ୍ଞେନ॑ କଲ୍ପତାଂ
ପ୍ରା॒ଣୋ ୟ॒ଜ୍ଞେନ॑ କଲ୍ପତାମପା॒ନୋ ୟ॒ଜ୍ଞେନ॑ କଲ୍ପତାଂ
ଵ୍ୟା॒ନୋ ୟ॒ଜ୍ଞେନ॑ କଲ୍ପତାଂ॒
ଚକ୍ଷୁ॑ର୍ୟ॒ଜ୍ଞେନ॑ କଲ୍ପତା॒ଗ୍॒ ଶ୍ରୋତ୍ରଂ॑-ୟଁ॒ଜ୍ଞେନ॑ କଲ୍ପତାଂ॒
ମନୋ॑ ୟ॒ଜ୍ଞେନ॑ କଲ୍ପତାଂ॒
ଵାଗ୍ୟ॒ଜ୍ଞେନ॑ କଲ୍ପତାମା॒ତ୍ମା ୟ॒ଜ୍ଞେନ॑ କଲ୍ପତାଂ
ୟ॒ଜ୍ଞୋ ୟ॒ଜ୍ଞେନ॑ କଲ୍ପତାମ୍ ॥ 10 ॥
ଏକା॑ ଚ ମେ ତି॒ସ୍ରଶ୍ଚ॑ ମେ॒
ପଂଚ॑ ଚ ମେ ସ॒ପ୍ତ ଚ॑ ମେ॒
ନଵ॑ ଚ ମ॒ ଏକା॑ଦଶ ଚ ମେ॒
ତ୍ରୟୋ॑ଦଶ ଚ ମେ॒ ପଂଚ॑ଦଶ ଚ ମେ
ସ॒ପ୍ତଦ॑ଶ ଚ ମେ॒ ନଵ॑ଦଶ ଚ ମ॒
ଏକ॑ଵିଗ୍ମ୍ଶତିଶ୍ଚ ମେ॒ ତ୍ରୟୋ॑ଵିଗ୍ମ୍ଶତିଶ୍ଚ ମେ॒
ପଂଚ॑ଵିଗ୍ମ୍ଶତିଶ୍ଚ ମେ ସ॒ପ୍ତଵିଗ୍ମ୍॑ଶତିଶ୍ଚ ମେ॒
ନଵ॑ଵିଗ୍ମ୍ଶତିଶ୍ଚ ମ॒ ଏକ॑ତ୍ରିଗ୍ମ୍ଶଚ୍ଚ ମେ॒
ତ୍ରୟ॑ସ୍ତ୍ରିଗ୍ମ୍ଶଚ୍ଚ ମେ॒ ଚତ॑ସ୍ରଶ୍ଚ ମେ॒ଽଷ୍ଟୌ ଚ॑ ମେ॒
ଦ୍ଵାଦ॑ଶ ଚ ମେ॒ ଷୋଡ॑ଶ ଚ ମେ
ଵିଗ୍ମ୍ଶ॒ତିଶ୍ଚ॑ ମେ॒ ଚତୁ॑ର୍ଵିଗ୍ମ୍ଶତିଶ୍ଚ ମେ॒ଽଷ୍ଟାଵିଗ୍ମ୍॑ଶତିଶ୍ଚ ମେ॒
ଦ୍ଵାତ୍ରିଗ୍ମ୍॑ଶଚ୍ଚ ମେ॒ ଷଟ୍-ତ୍ରିଗ୍ମ୍॑ଶଚ୍ଚ ମେ
ଚତ୍ଵାରି॒ଗ୍ମ୍॒ଶଚ୍ଚ॑ ମେ॒ ଚତୁ॑ଶ୍ଚତ୍ଵାରିଗ୍ମ୍ଶଚ୍ଚ ମେ॒ଽଷ୍ଟାଚ॑ତ୍ଵାରିଗ୍ମ୍ଶଚ୍ଚ ମେ॒
ଵାଜ॑ଶ୍ଚ ପ୍ରସ॒ଵଶ୍ଚା॑ପି॒ଜଶ୍ଚ॒
କ୍ରତୁ॑ଶ୍ଚ॒ ସୁଵ॑ଶ୍ଚ ମୂ॒ର୍ଧା ଚ॒
ଵ୍ୟଶ୍ନି॑ୟଶ୍ଚାଂତ୍ୟାୟ॒ନଶ୍ଚାଂତ୍ୟ॑ଶ୍ଚ
ଭୌଵ॒ନଶ୍ଚ॒ ଭୁଵ॑ନ॒ଶ୍ଚାଧି॑ପତିଶ୍ଚ ॥ 11 ॥
ଓଂ ଇଡା॑ ଦେଵ॒ହୂ-ର୍ମନୁ॑ର୍ୟଜ୍ଞ॒ନୀ-ର୍ବୃହ॒ସ୍ପତି॑ରୁକ୍ଥାମ॒ଦାନି॑
ଶଗ୍ମ୍ସିଷ॒ଦ୍ଵିଶ୍ଵେ॑ ଦେ॒ଵାଃ ସୂ᳚କ୍ତ॒ଵାଚଃ॒ ପୃଥି॑ଵିମାତ॒ର୍ମା
ମା॑ ହିଗ୍ମ୍ସୀ॒ର୍ମଧୁ॑ ମନିଷ୍ୟେ॒ ମଧୁ॑ ଜନିଷ୍ୟେ॒
ମଧୁ॑ ଵକ୍ଷ୍ୟାମି॒ ମଧୁ॑ ଵଦିଷ୍ୟାମି॒
ମଧୁ॑ମତୀଂ ଦେ॒ଵେଭ୍ୟୋ॒ ଵାଚ॒ମୁଦ୍ୟାସଗ୍ମ୍ଶୁଶ୍ରୂଷେ॒ଣ୍ୟା᳚ମ୍
ମନୁ॒ଷ୍ୟେ᳚ଭ୍ୟ॒ସ୍ତଂ
ମା॑ ଦେ॒ଵା ଅ॑ଵଂତୁ ଶୋ॒ଭାୟୈ॑ ପି॒ତରୋଽନୁ॑ମଦଂତୁ ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥
