॥ ଅଥ କେନୋପନିଷତ୍ ॥

ଓଂ ସ॒ହ ନା॑ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟଂ॑ କରଵାଵହୈ । ତେ॒ଜ॒ସ୍ଵିନା॒ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ।

ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥

ଓଂ ଆପ୍ୟାୟଂତୁ ମମାଂଗାନି ଵାକ୍ପ୍ରାଣଶ୍ଚକ୍ଷୁଃ ଶ୍ରୋତ୍ରମଥୋ ବଲମିଂଦ୍ରିୟାଣି ଚ ସର୍ଵାଣି । ସର୍ଵଂ ବ୍ରହ୍ମୌପନିଷଦଂ ମାଽହଂ ବ୍ରହ୍ମ ନିରାକୁର୍ୟାଂ ମା ମା ବ୍ରହ୍ମ ନିରାକରୋଦନିରାକରଣମସ୍ତ୍ଵନିରାକରଣଂ ମେଽସ୍ତୁ । ତଦାତ୍ମନି ନିରତେ ୟ ଉପନିଷତ୍ସୁ ଧର୍ମାସ୍ତେ ମୟି ସଂତୁ ତେ ମୟି ସଂତୁ ।

ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥

କେନେଷିତଂ ପତତି ପ୍ରେଷିତଂ ମନଃ
କେନ ପ୍ରାଣଃ ପ୍ରଥମଃ ପ୍ରୈତି ୟୁକ୍ତଃ ।
କେନେଷିତାଂ-ଵାଁଚମିମାଂ-ଵଁଦଂତି
ଚକ୍ଷୁଃ ଶ୍ରୋତ୍ରଂ କ ଉ ଦେଵୋ ୟୁନକ୍ତି ॥ 1 ॥

ଶ୍ରୋତ୍ରସ୍ୟ ଶ୍ରୋତ୍ରଂ ମନସୋ ମନୋ ୟଦ୍
ଵାଚୋ ହ ଵାଚଂ ସ ଉ ପ୍ରାଣସ୍ୟ ପ୍ରାଣଃ ।
ଚକ୍ଷୁଷଶ୍ଚକ୍ଷୁରତିମୁଚ୍ୟ ଧୀରାଃ
ପ୍ରେତ୍ୟାସ୍ମାଲ୍ଲୋକାଦମୃତା ଭଵଂତି ॥ 2 ॥

ନ ତତ୍ର ଚକ୍ଷୁର୍ଗଚ୍ଛତି ନ ଵାଗ୍ଗଚ୍ଛତି ନୋ ମନଃ ।
ନ ଵିଦ୍ମୋ ନ ଵିଜାନୀମୋ ୟଥୈତଦନୁଶିଷ୍ୟାତ୍ ॥ 3 ॥

ଅନ୍ୟଦେଵ ତଦ୍ଵିଦିତାଦଥୋ ଅଵିଦିତାଦଧି ।
ଇତି ଶୁଶ୍ରୁମ ପୂର୍ଵେଷାଂ-ୟେଁ ନସ୍ତଦ୍ଵ୍ୟାଚଚକ୍ଷିରେ ॥ 4 ॥

ୟଦ୍ଵାଚାଽନଭ୍ୟୁଦିତଂ-ୟେଁନ ଵାଗଭ୍ୟୁଦ୍ୟତେ ।
ତଦେଵ ବ୍ରହ୍ମ ତ୍ଵଂ-ଵିଁଦ୍ଧି ନେଦଂ-ୟଁଦିଦମୁପାସତେ ॥ 5 ॥

ୟନ୍ମନସା ନ ମନୁତେ ୟେନାହୁର୍ମନୋ ମତମ୍ ।
ତଦେଵ ବ୍ରହ୍ମ ତ୍ଵଂ-ଵିଁଦ୍ଧି ନେଦଂ-ୟଁଦିଦମୁପାସତେ ॥ 6 ॥

ୟଚ୍ଚକ୍ଷୁଷା ନ ପଶ୍ୟତି ୟେନ ଚକ୍ଷୂଂଷି ପଶ୍ୟତି ।
ତଦେଵ ବ୍ରହ୍ମ ତ୍ଵଂ-ଵିଁଦ୍ଧି ନେଦଂ-ୟଁଦିଦମୁପାସତେ ॥ 7 ॥

ୟଚ୍ଛ୍ରୋତ୍ରେଣ ନ ଶ‍ଋଣୋତି ୟେନ ଶ୍ରୋତ୍ରମିଦଂ ଶ୍ରୁତମ୍ ।
ତଦେଵ ବ୍ରହ୍ମ ତ୍ଵଂ-ଵିଁଦ୍ଧି ନେଦଂ-ୟଁଦିଦମୁପାସତେ ॥ 8 ॥

ୟତ୍ପ୍ରାଣେନ ନ ପ୍ରାଣିତି ୟେନ ପ୍ରାଣଃ ପ୍ରଣୀୟତେ ।
ତଦେଵ ବ୍ରହ୍ମ ତ୍ଵଂ-ଵିଁଦ୍ଧି ନେଦଂ-ୟଁଦିଦମୁପାସତେ ॥ 9 ॥

॥ ଇତି କେନୋପନିଷଦି ପ୍ରଥମଃ ଖଂଡଃ ॥