ಸರ್ವೇಶಂ ಪರಮೇಶಂ ಶ್ರೀಪಾರ್ವತೀಶಂ ವನ್ದೇಽಹಂ ವಿಶ್ವೇಶಂ ಶ್ರೀಪನ್ನಗೇಶಮ್ ।
ಶ್ರೀಸಾಮ್ಬಂ ಶಮ್ಭುಂ ಶಿವಂ ತ್ರೈಲೋಕ್ಯಪೂಜ್ಯಂ ವನ್ದೇಽಹಂ ತ್ರೈನೇತ್ರಂ ಶ್ರೀಕಣ್ಠಮೀಶಮ್ ॥ 1॥
ಭಸ್ಮಾಮ್ಬರಧರಮೀಶಂ ಸುರಪಾರಿಜಾತಂ ಬಿಲ್ವಾರ್ಚಿತಪದಯುಗಲಂ ಸೋಮಂ ಸೋಮೇಶಮ್ ।
ಜಗದಾಲಯಪರಿಶೋಭಿತದೇವಂ ಪರಮಾತ್ಮಂ ವನ್ದೇಽಹಂ ಶಿವಶಙ್ಕರಮೀಶಂ ದೇವೇಶಮ್ ॥ 2॥
ಕೈಲಾಸಪ್ರಿಯವಾಸಂ ಕರುಣಾಕರಮೀಶಂ ಕಾತ್ಯಾಯನೀವಿಲಸಿತಪ್ರಿಯವಾಮಭಾಗಮ್ ।
ಪ್ರಣವಾರ್ಚಿತಮಾತ್ಮಾರ್ಚಿತಂ ಸಂಸೇವಿತರೂಪಂ ವನ್ದೇಽಹಂ ಶಿವಶಙ್ಕರಮೀಶಂ ದೇವೇಶಮ್ ॥ 3॥
ಮನ್ಮಥನಿಜಮದದಹನಂ ದಾಕ್ಷಾಯನೀಶಂ ನಿರ್ಗುಣಗುಣಸಮ್ಭರಿತಂ ಕೈವಲ್ಯಪುರುಷಮ್ ।
ಭಕ್ತಾನುಗ್ರಹವಿಗ್ರಹಮಾನನ್ದಜೈಕಂ ವನ್ದೇಽಹಂ ಶಿವಶಙ್ಕರಮೀಶಂ ದೇವೇಶಮ್ ॥ 4॥
ಸುರಗಙ್ಗಾಸಮ್ಪ್ಲಾವಿತಪಾವನನಿಜಶಿಖರಂ ಸಮಭೂಷಿತಶಶಿಬಿಮ್ಬಂ ಜಟಾಧರಂ ದೇವಮ್ ।
ನಿರತೋಜ್ಜ್ವಲದಾವಾನಲನಯನಫಾಲಭಾಗಂ ವನ್ದೇಽಹಂ ಶಿವಶಙ್ಕರಮೀಶಂ ದೇವೇಶಮ್ ॥ 5॥
ಶಶಿಸೂರ್ಯನೇತ್ರದ್ವಯಮಾರಾಧ್ಯಪುರುಷಂ ಸುರಕಿನ್ನರಪನ್ನಗಮಯಮೀಶಂ ಸಙ್ಕಾಶಮ್ ।
ಶರವಣಭವಸಮ್ಪೂಜಿತನಿಜಪಾದಪದ್ಮಂ ವನ್ದೇಽಹಂ ಶಿವಶಙ್ಕರಮೀಶಂ ದೇವೇಶಮ್ ॥ 6॥
ಶ್ರೀಶೈಲಪುರವಾಸಂ ಈಶಂ ಮಲ್ಲೀಶಂ ಶ್ರೀಕಾಲಹಸ್ತೀಶಂ ಸ್ವರ್ಣಮುಖೀವಾಸಮ್ ।
ಕಾಞ್ಚೀಪುರಮೀಶಂ ಶ್ರೀಕಾಮಾಕ್ಷೀತೇಜಂ ವನ್ದೇಽಹಂ ಶಿವಶಙ್ಕರಮೀಶಂ ದೇವೇಶಮ್ ॥ 7॥
ತ್ರಿಪುರಾನ್ತಕಮೀಶಂ ಅರುಣಾಚಲೇಶಂ ದಕ್ಷಿಣಾಮೂರ್ತಿಂ ಗುರುಂ ಲೋಕಪೂಜ್ಯಮ್ ।
ಚಿದಮ್ಬರಪುರವಾಸಂ ಪಞ್ಚಲಿಙ್ಗಮೂರ್ತಿಂ ವನ್ದೇಽಹಂ ಶಿವಶಙ್ಕರಮೀಶಂ ದೇವೇಶಮ್ ॥ 8॥
ಜ್ಯೋತಿರ್ಮಯಶುಭಲಿಙ್ಗಂ ಸಙ್ಖ್ಯಾತ್ರಯನಾಟ್ಯಂ ತ್ರಯೀವೇದ್ಯಮಾದ್ಯಂ ಪಞ್ಚಾನನಮೀಶಮ್ ।
ವೇದಾದ್ಭುತಗಾತ್ರಂ ವೇದಾರ್ಣವಜನಿತಂ ವೇದಾಗ್ರಂ ವಿಶ್ವಾಗ್ರಂ ಶ್ರೀವಿಶ್ವನಾಥಮ್ ॥ 9॥
