ಅಥ ಮನ್ಯುಸೂಕ್ತಂ
ಋಗ್ವೇದ ಸಂಹಿತಾ; ಮಣ್ಡಲಂ 10; ಸೂಕ್ತಂ 83,84
ಯಸ್ತೇ᳚ ಮ॒ನ್ಯೋ-ಽವಿ॑ಧದ್ ವಜ್ರ ಸಾಯಕ॒ ಸಹ॒ ಓಜಃ॑ ಪುಷ್ಯತಿ॒ ವಿಶ್ವ॑ಮಾನು॒ಷಕ್ ।
ಸಾ॒ಹ್ಯಾಮ॒ ದಾಸ॒ಮಾರ್ಯ॒-ನ್ತ್ವಯಾ᳚ ಯು॒ಜಾ ಸಹ॑ಸ್ಕೃತೇನ॒ ಸಹ॑ಸಾ॒ ಸಹ॑ಸ್ವತಾ ॥ 1 ॥
ಮ॒ನ್ಯುರಿನ್ದ್ರೋ᳚ ಮ॒ನ್ಯುರೇ॒ವಾಸ॑ ದೇ॒ವೋ ಮ॒ನ್ಯುರ್ ಹೋತಾ॒ ವರು॑ಣೋ ಜಾ॒ತವೇ᳚ದಾಃ ।
ಮ॒ನ್ಯುಂ-ವಿಁಶ॑ ಈಳತೇ॒ ಮಾನು॑ಷೀ॒ರ್ಯಾಃ ಪಾ॒ಹಿ ನೋ᳚ ಮನ್ಯೋ॒ ತಪ॑ಸಾ ಸ॒ಜೋಷಾಃ᳚ ॥ 2 ॥
ಅ॒ಭೀ᳚ಹಿ ಮನ್ಯೋ ತ॒ವಸ॒ಸ್ತವೀ᳚ಯಾ॒-ನ್ತಪ॑ಸಾ ಯು॒ಜಾ ವಿ ಜ॑ಹಿ ಶತ್ರೂ᳚ನ್ ।
ಅ॒ಮಿ॒ತ್ರ॒ಹಾ ವೃ॑ತ್ರ॒ಹಾ ದ॑ಸ್ಯು॒ಹಾ ಚ॒ ವಿಶ್ವಾ॒ ವಸೂ॒ನ್ಯಾ ಭ॑ರಾ॒ ತ್ವ-ನ್ನಃ॑ ॥ 3 ॥
ತ್ವಂ ಹಿ ಮ᳚ನ್ಯೋ ಅ॒ಭಿಭೂ᳚ತ್ಯೋಜಾ-ಸ್ಸ್ವಯ॒ಮ್ಭೂರ್ಭಾಮೋ᳚ ಅಭಿಮಾತಿಷಾ॒ಹಃ ।
ವಿ॒ಶ್ವಚ॑ರ್-ಷಣಿ॒-ಸ್ಸಹು॑ರಿ॒-ಸ್ಸಹಾ᳚ವಾನ॒ಸ್ಮಾಸ್ವೋಜಃ॒ ಪೃತ॑ನಾಸು ಧೇಹಿ ॥ 4 ॥
ಅ॒ಭಾ॒ಗ-ಸ್ಸನ್ನಪ॒ ಪರೇ᳚ತೋ ಅಸ್ಮಿ॒ ತವ॒ ಕ್ರತ್ವಾ᳚ ತವಿ॒ಷಸ್ಯ॑ ಪ್ರಚೇತಃ ।
ತ-ನ್ತ್ವಾ᳚ ಮನ್ಯೋ ಅಕ್ರ॒ತುರ್ಜಿ॑ಹೀಳಾ॒ಹಂ ಸ್ವಾತ॒ನೂರ್ಬ॑ಲ॒ದೇಯಾ᳚ಯ॒ ಮೇಹಿ॑ ॥ 5 ॥
ಅ॒ಯ-ನ್ತೇ᳚ ಅ॒ಸ್ಮ್ಯುಪ॒ ಮೇಹ್ಯ॒ರ್ವಾಙ್ ಪ್ರ॑ತೀಚೀ॒ನ-ಸ್ಸ॑ಹುರೇ ವಿಶ್ವಧಾಯಃ ।
ಮನ್ಯೋ᳚ ವಜ್ರಿನ್ನ॒ಭಿ ಮಾಮಾ ವ॑ವೃತ್ಸ್ವಹನಾ᳚ವ॒ ದಸ್ಯೂ᳚ನ್ ಋ॒ತ ಬೋ᳚ಧ್ಯಾ॒ಪೇಃ ॥ 6 ॥
ಅ॒ಭಿ ಪ್ರೇಹಿ॑ ದಖ್ಷಿಣ॒ತೋ ಭ॑ವಾ॒ ಮೇ-ಽಧಾ᳚ ವೃ॒ತ್ರಾಣಿ॑ ಜಙ್ಘನಾವ॒ ಭೂರಿ॑ ।
ಜು॒ಹೋಮಿ॑ ತೇ ಧ॒ರುಣ॒-ಮ್ಮಧ್ವೋ॒ ಅಗ್ರ॑ಮುಭಾ ಉ॑ಪಾಂ॒ಶು ಪ್ರ॑ಥ॒ಮಾ ಪಿ॑ಬಾವ ॥ 7 ॥
ತ್ವಯಾ᳚ ಮನ್ಯೋ ಸ॒ರಥ॑ಮಾರು॒ಜನ್ತೋ॒ ಹರ್ಷ॑ಮಾಣಾಸೋ ಧೃಷಿ॒ತಾ ಮ॑ರುತ್ವಃ ।
ತಿ॒ಗ್ಮೇಷ॑ವ॒ ಆಯು॑ಧಾ ಸಂ॒ಶಿಶಾ᳚ನಾ ಅ॒ಭಿ ಪ್ರಯ᳚ನ್ತು॒ ನರೋ᳚ ಅ॒ಗ್ನಿರೂ᳚ಪಾಃ ॥ 8 ॥
ಅ॒ಗ್ನಿರಿ॑ವ ಮನ್ಯೋ ತ್ವಿಷಿ॒ತ-ಸ್ಸ॑ಹಸ್ವ ಸೇನಾ॒ನೀರ್ನ॑-ಸ್ಸಹುರೇ ಹೂ॒ತ ಏ᳚ಧಿ ।
ಹ॒ತ್ವಾಯ॒ ಶತ್ರೂ॒ನ್ ವಿ ಭ॑ಜಸ್ವ॒ ವೇದ॒ ಓಜೋ॒ ಮಿಮಾ᳚ನೋ॒ ವಿಮೃಧೋ᳚ ನುದಸ್ವ ॥ 9 ॥
ಸಹ॑ಸ್ವ ಮನ್ಯೋ ಅ॒ಭಿಮಾ᳚ತಿಮ॒ಸ್ಮೇ ರು॒ಜ-ನ್ಮೃ॒ಣ-ನ್ಪ್ರ॑ಮೃ॒ಣ-ನ್ಪ್ರೇಹಿ॒ ಶತ್ರೂ᳚ನ್ ।
ಉ॒ಗ್ರ-ನ್ತೇ॒ ಪಾಜೋ᳚ ನ॒ನ್ವಾ ರು॑ರುಧ್ರೇ ವ॒ಶೀ ವಶ᳚-ನ್ನಯಸ ಏಕಜ॒ ತ್ವಮ್ ॥ 10 ॥
ಏಕೋ᳚ ಬಹೂ॒ನಾಮ॑ಸಿ ಮನ್ಯವೀಳಿ॒ತೋ ವಿಶಂ᳚ವಿಁಶಂ-ಯುಁ॒ಧಯೇ॒ ಸಂ ಶಿ॑ಶಾಧಿ ।
ಅಕೃ॑ತ್ತರು॒-ಕ್ತ್ವಯಾ᳚ ಯು॒ಜಾ ವ॒ಯ-ನ್ದ್ಯು॒ಮನ್ತ॒-ಙ್ಘೋಷಂ᳚-ವಿಁಜ॒ಯಾಯ॑ ಕೃಣ್ಮಹೇ ॥ 11
ವಿ॒ಜೇ॒ಷ॒ಕೃದಿನ್ದ್ರ॑ ಇವಾನವಬ್ರ॒ವೋ॒(ಓ)3॑-ಽಸ್ಮಾಕ᳚-ಮ್ಮನ್ಯೋ ಅಧಿ॒ಪಾ ಭ॑ವೇ॒ಹ 3
ಪ್ರಿ॒ಯ-ನ್ತೇ॒ ನಾಮ॑ ಸಹುರೇ ಗೃಣೀಮಸಿ ವಿ॒ದ್ಮಾತಮುತ್ಸಂ॒-ಯಁತ॑ ಆಬ॒ಭೂಥ॑ ॥ 12 ॥
ಆಭೂ᳚ತ್ಯಾ ಸಹ॒ಜಾ ವ॑ಜ್ರ ಸಾಯಕ॒ ಸಹೋ᳚ ಬಿಭರ್ಷ್ಯಭಿಭೂತ॒ ಉತ್ತ॑ರಮ್ ।
ಕ್ರತ್ವಾ᳚ ನೋ ಮನ್ಯೋ ಸ॒ಹಮೇ॒ದ್ಯೇ᳚ಧಿ ಮಹಾಧ॒ನಸ್ಯ॑ ಪುರುಹೂತ ಸಂ॒ಸೃಜಿ॑ ॥ 13 ॥
ಸಂಸೃ॑ಷ್ಟ॒-ನ್ಧನ॑ಮು॒ಭಯಂ᳚ ಸ॒ಮಾಕೃ॑ತಮ॒ಸ್ಮಭ್ಯ᳚-ನ್ದತ್ತಾಂ॒-ವಁರು॑ಣಶ್ಚ ಮ॒ನ್ಯುಃ ।
ಭಿಯ॒-ನ್ದಧಾ᳚ನಾ॒ ಹೃದ॑ಯೇಷು॒ ಶತ್ರ॑ವಃ॒ ಪರಾ᳚ಜಿತಾಸೋ॒ ಅಪ॒ ನಿಲ॑ಯನ್ತಾಮ್ ॥ 14 ॥
ಧನ್ವ॑ನಾ॒ಗಾಧನ್ವ॑ ನಾ॒ಜಿಞ್ಜ॑ಯೇಮ॒ ಧನ್ವ॑ನಾ ತೀ॒ವ್ರಾ-ಸ್ಸ॒ಮದೋ᳚ ಜಯೇಮ ।
ಧನು-ಶ್ಶತ್ರೋ᳚ರಪಕಾ॒ಮ-ಙ್ಕೃ॑ಣೋತಿ॒ ಧನ್ವ॑ ನಾ॒ಸರ್ವಾಃ᳚ ಪ್ರ॒ದಿಶೋ᳚ ಜಯೇಮ ॥
ಓಂ ಶಾನ್ತಾ॑ ಪೃಥಿವೀ ಶಿ॑ವಮ॒ನ್ತರಿಖ್ಷ॒-ನ್ದ್ಯೌರ್ನೋ᳚ ದೇ॒ವ್ಯ-ಽಭ॑ಯನ್ನೋ ಅಸ್ತು ।
ಶಿ॒ವಾ॒ ದಿಶಃ॑ ಪ್ರ॒ದಿಶ॑ ಉ॒ದ್ದಿಶೋ᳚ ನ॒-ಽಆಪೋ᳚ ವಿ॒ಶ್ವತಃ॒ ಪರಿ॑ಪಾನ್ತು ಸ॒ರ್ವತ॒-ಶ್ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥
