ಓಂ ಅಗ್ನಾ॑ವಿಷ್ಣೋ ಸ॒ಜೋಷ॑ಸೇ॒ಮಾವ॑ರ್ಧನ್ತು ವಾ॒-ಙ್ಗಿರಃ॑ ।
ದ್ಯು॒ಮ್ನೈರ್ವಾಜೇ॑ಭಿ॒ರಾಗ॑ತಮ್ ।
ವಾಜ॑ಶ್ಚ ಮೇ ಪ್ರಸ॒ವಶ್ಚ॑ ಮೇ॒
ಪ್ರಯ॑ತಿಶ್ಚ ಮೇ॒ ಪ್ರಸಿ॑ತಿಶ್ಚ ಮೇ
ಧೀ॒ತಿಶ್ಚ॑ ಮೇ॒ ಕ್ರತು॑ಶ್ಚ ಮೇ॒
ಸ್ವರ॑ಶ್ಚ ಮೇ॒ ಶ್ಲೋಕ॑ಶ್ಚ ಮೇ
ಶ್ರಾ॒ವಶ್ಚ॑ ಮೇ॒ ಶ್ರುತಿ॑ಶ್ಚ ಮೇ॒
ಜ್ಯೋತಿ॑ಶ್ಚ ಮೇ॒ ಸುವ॑ಶ್ಚ ಮೇ
ಪ್ರಾ॒ಣಶ್ಚ॑ ಮೇ-ಽಪಾ॒ನಶ್ಚ॑ ಮೇ
ವ್ಯಾ॒ನಶ್ಚ॒ ಮೇ-ಽಸು॑ಶ್ಚ ಮೇ
ಚಿ॒ತ್ತ-ಞ್ಚ॑ ಮ॒ ಆಧೀ॑ತ-ಞ್ಚ ಮೇ॒
ವಾಕ್ಚ॑ ಮೇ॒ ಮನ॑ಶ್ಚ ಮೇ॒
ಚಖ್ಷು॑ಶ್ಚ ಮೇ॒ ಶ್ರೋತ್ರ॑-ಞ್ಚ ಮೇ॒
ದಖ್ಷ॑ಶ್ಚ ಮೇ॒ ಬಲ॑-ಞ್ಚ ಮ॒
ಓಜ॑ಶ್ಚ ಮೇ॒ ಸಹ॑ಶ್ಚ ಮ॒
ಆಯು॑ಶ್ಚ ಮೇ ಜ॒ರಾ ಚ॑ ಮ
ಆ॒ತ್ಮಾ ಚ॑ ಮೇ ತ॒ನೂಶ್ಚ॑ ಮೇ॒
ಶರ್ಮ॑ ಚ ಮೇ॒ ವರ್ಮ॑ ಚ॒ ಮೇ-ಽಙ್ಗಾ॑ನಿ ಚ ಮೇ॒-ಽಸ್ಥಾನಿ॑ ಚ ಮೇ॒
ಪರೂಗ್ಂ॑ಷಿ ಚ ಮೇ॒ ಶರೀ॑ರಾಣಿ ಚ ಮೇ ॥ 1 ॥

ಜೈಷ್ಠ್ಯ॑-ಞ್ಚ ಮ॒ ಆಧಿ॑ಪತ್ಯ-ಞ್ಚ ಮೇ
ಮ॒ನ್ಯುಶ್ಚ॑ ಮೇ॒ ಭಾಮ॑ಶ್ಚ॒ ಮೇ-ಽಮ॑ಶ್ಚ॒ ಮೇ-ಽಮ್ಭ॑ಶ್ಚ ಮೇ
ಜೇ॒ಮಾ ಚ॑ ಮೇ ಮಹಿ॒ಮಾ ಚ॑ ಮೇ
ವರಿ॒ಮಾ ಚ॑ ಮೇ ಪ್ರಥಿ॒ಮಾ ಚ॑ ಮೇ
ವ॒ರ್​ಷ್ಮಾ ಚ॑ ಮೇ ದ್ರಾಘು॒ಯಾ ಚ॑ ಮೇ
ವೃ॒ದ್ಧ-ಞ್ಚ॑ ಮೇ॒ ವೃದ್ಧಿ॑ಶ್ಚ ಮೇ
ಸ॒ತ್ಯ-ಞ್ಚ॑ ಮೇ ಶ್ರ॒ದ್ಧಾ ಚ॑ ಮೇ॒
ಜಗ॑ಚ್ಚ ಮೇ॒ ಧನ॑-ಞ್ಚ ಮೇ॒
ವಶ॑ಶ್ಚ ಮೇ॒ ತ್ವಿಷಿ॑ಶ್ಚ ಮೇ
ಕ್ರೀ॒ಡಾ ಚ॑ ಮೇ॒ ಮೋದ॑ಶ್ಚ ಮೇ
ಜಾ॒ತ-ಞ್ಚ॑ ಮೇ ಜನಿ॒ಷ್ಯಮಾ॑ಣ-ಞ್ಚ ಮೇ
ಸೂ॒ಕ್ತ-ಞ್ಚ॑ ಮೇ ಸುಕೃ॒ತ-ಞ್ಚ॑ ಮೇ
ವಿ॒ತ್ತ-ಞ್ಚ॑ ಮೇ॒ ವೇದ್ಯ॑-ಞ್ಚ ಮೇ
ಭೂ॒ತ-ಞ್ಚ॑ ಮೇ ಭವಿ॒ಷ್ಯಚ್ಚ॑ ಮೇ
ಸು॒ಗ-ಞ್ಚ॑ ಮೇ ಸು॒ಪಥ॑-ಞ್ಚ ಮ
ಋ॒ದ್ಧ-ಞ್ಚ॑ ಮ॒ ಋದ್ಧಿ॑ಶ್ಚ ಮೇ
ಕೢ॒ಪ್ತ-ಞ್ಚ॑ ಮೇ॒ ಕೢಪ್ತಿ॑ಶ್ಚ ಮೇ
ಮ॒ತಿಶ್ಚ॑ ಮೇ ಸುಮ॒ತಿಶ್ಚ॑ ಮೇ ॥ 2 ॥

ಶ-ಞ್ಚ॑ ಮೇ॒ ಮಯ॑ಶ್ಚ ಮೇ
ಪ್ರಿ॒ಯ-ಞ್ಚ॑ ಮೇ-ಽನುಕಾ॒ಮಶ್ಚ॑ ಮೇ॒ ಕಾಮ॑ಶ್ಚ ಮೇ
ಸೌಮನ॒ಸಶ್ಚ॑ ಮೇ ಭ॒ದ್ರ-ಞ್ಚ॑ ಮೇ॒
ಶ್ರೇಯ॑ಶ್ಚ ಮೇ॒ ವಸ್ಯ॑ಶ್ಚ ಮೇ॒
ಯಶ॑ಶ್ಚ ಮೇ॒ ಭಗ॑ಶ್ಚ ಮೇ॒ ದ್ರವಿ॑ಣ-ಞ್ಚ ಮೇ
ಯ॒ನ್ತಾ ಚ॑ ಮೇ ಧ॒ರ್ತಾ ಚ॑ ಮೇ॒
ಖ್ಷೇಮ॑ಶ್ಚ ಮೇ॒ ಧೃತಿ॑ಶ್ಚ ಮೇ॒
ವಿಶ್ವ॑-ಞ್ಚ ಮೇ॒ ಮಹ॑ಶ್ಚ ಮೇ
ಸಂ॒​ವಿಁಚ್ಚ॑ ಮೇ॒ ಜ್ಞಾತ್ರ॑-ಞ್ಚ ಮೇ॒
ಸೂಶ್ಚ॑ ಮೇ ಪ್ರ॒ಸೂಶ್ಚ॑ ಮೇ॒
ಸೀರ॑-ಞ್ಚ ಮೇ ಲ॒ಯಶ್ಚ॑ ಮ
ಋ॒ತ-ಞ್ಚ॑ ಮೇ॒-ಽಮೃತ॑-ಞ್ಚ ಮೇ-ಽಯ॒ಖ್ಷ್ಮ-ಞ್ಚ॒ ಮೇ-ಽನಾ॑ಮಯಚ್ಚ ಮೇ
ಜೀ॒ವಾತು॑ಶ್ಚ ಮೇ ದೀರ್ಘಾಯು॒ತ್ವ-ಞ್ಚ॑ ಮೇ-ಽನಮಿ॒ತ್ರ-ಞ್ಚ॒ ಮೇ-ಽಭ॑ಯ-ಞ್ಚ ಮೇ
ಸು॒ಗ-ಞ್ಚ॑ ಮೇ॒ ಶಯ॑ನ-ಞ್ಚ ಮೇ
ಸೂ॒ಷಾ ಚ॑ ಮೇ ಸು॒ದಿನ॑-ಞ್ಚ ಮೇ ॥ 3 ॥

ಊರ್ಕ್ಚ॑ ಮೇ ಸೂ॒ನೃತಾ॑ ಚ ಮೇ॒
ಪಯ॑ಶ್ಚ ಮೇ॒ ರಸ॑ಶ್ಚ ಮೇ
ಘೃ॒ತ-ಞ್ಚ॑ ಮೇ॒ ಮಧು॑ ಚ ಮೇ॒
ಸಗ್ಧಿ॑ಶ್ಚ ಮೇ॒ ಸಪೀ॑ತಿಶ್ಚ ಮೇ
ಕೃ॒ಷಿಶ್ಚ॑ ಮೇ॒ ವೃಷ್ಟಿ॑ಶ್ಚ ಮೇ॒
ಜೈತ್ರ॑-ಞ್ಚ ಮ॒ ಔದ್ಭಿ॑ದ್ಯ-ಞ್ಚ ಮೇ
ರ॒ಯಿಶ್ಚ॑ ಮೇ॒ ರಾಯ॑ಶ್ಚ ಮೇ
ಪು॒ಷ್ಟ-ಞ್ಚ॑ ಮೇ॒ ಪುಷ್ಟಿ॑ಶ್ಚ ಮೇ
ವಿ॒ಭು ಚ॑ ಮೇ ಪ್ರ॒ಭು ಚ॑ ಮೇ
ಬ॒ಹು ಚ॑ ಮೇ॒ ಭೂಯ॑ಶ್ಚ ಮೇ
ಪೂ॒ರ್ಣ-ಞ್ಚ॑ ಮೇ ಪೂ॒ರ್ಣತ॑ರ-ಞ್ಚ॒ ಮೇ-ಽಖ್ಷಿ॑ತಿಶ್ಚ ಮೇ॒ ಕೂಯ॑ವಾಶ್ಚ॒ ಮೇ-ಽನ್ನ॑-ಞ್ಚ॒ ಮೇ-ಽಖ್ಷು॑ಚ್ಚ ಮೇ
ವ್ರೀ॒ಹಯ॑ಶ್ಚ ಮೇ॒ ಯವಾ᳚ಶ್ಚ ಮೇ॒
ಮಾಷಾ᳚ಶ್ಚ ಮೇ॒ ತಿಲಾ᳚ಶ್ಚ ಮೇ
ಮು॒ದ್ಗಾಶ್ಚ॑ ಮೇ ಖ॒ಲ್ವಾ᳚ಶ್ಚ ಮೇ
ಗೋ॒ಧೂಮಾ᳚ಶ್ಚ ಮೇ ಮ॒ಸುರಾ᳚ಶ್ಚ ಮೇ
ಪ್ರಿ॒ಯಙ್ಗ॑ವಶ್ಚ॒ ಮೇ-ಽಣ॑ವಶ್ಚ ಮೇ
ಶ್ಯಾ॒ಮಾಕಾ᳚ಶ್ಚ ಮೇ ನೀ॒ವಾರಾ᳚ಶ್ಚ ಮೇ ॥ 4 ॥

ಅಶ್ಮಾ॑ ಚ ಮೇ॒ ಮೃತ್ತಿ॑ಕಾ ಚ ಮೇ
ಗಿ॒ರಯ॑ಶ್ಚ ಮೇ॒ ಪರ್ವ॑ತಾಶ್ಚ ಮೇ॒
ಸಿಕ॑ತಾಶ್ಚ ಮೇ॒ ವನ॒ಸ್ಪತ॑ಯಶ್ಚ ಮೇ॒
ಹಿರ॑ಣ್ಯ-ಞ್ಚ॒ ಮೇ-ಽಯ॑ಶ್ಚ ಮೇ॒
ಸೀಸ॑-ಞ್ಚ॒ ಮೇ ತ್ರಪು॑ಶ್ಚ ಮೇ
ಶ್ಯಾ॒ಮ-ಞ್ಚ॑ ಮೇ ಲೋ॒ಹ-ಞ್ಚ॑ ಮೇ॒-ಽಗ್ನಿಶ್ಚ॑ ಮ॒
ಆಪ॑ಶ್ಚ ಮೇ ವೀ॒ರುಧ॑ಶ್ಚ ಮ॒ ಓಷ॑ಧಯಶ್ಚ ಮೇ
ಕೃಷ್ಟಪ॒ಚ್ಯ-ಞ್ಚ॑ ಮೇ-ಽಕೃಷ್ಟಪ॒ಚ್ಯ-ಞ್ಚ॑ ಮೇ
ಗ್ರಾ॒ಮ್ಯಾಶ್ಚ॑ ಮೇ ಪ॒ಶವ॑ ಆರ॒ಣ್ಯಾಶ್ಚ॑ ಯ॒ಜ್ಞೇನ॑ ಕಲ್ಪನ್ತಾಂ
ವಿ॒ತ್ತ-ಞ್ಚ॑ ಮೇ॒ ವಿತ್ತಿ॑ಶ್ಚ ಮೇ
ಭೂ॒ತ-ಞ್ಚ॑ ಮೇ॒ ಭೂತಿ॑ಶ್ಚ ಮೇ॒
ವಸು॑ ಚ ಮೇ ವಸ॒ತಿಶ್ಚ॑ ಮೇ॒
ಕರ್ಮ॑ ಚ ಮೇ॒ ಶಕ್ತಿ॑ಶ್ಚ॒ ಮೇ-ಽರ್ಥ॑ಶ್ಚ ಮ॒
ಏಮ॑ಶ್ಚ ಮ॒ ಇತಿ॑ಶ್ಚ ಮೇ॒ ಗತಿ॑ಶ್ಚ ಮೇ ॥ 5 ॥

ಅ॒ಗ್ನಿಶ್ಚ॑ ಮ॒ ಇನ್ದ್ರ॑ಶ್ಚ ಮೇ॒
ಸೋಮ॑ಶ್ಚ ಮ॒ ಇನ್ದ್ರ॑ಶ್ಚ ಮೇ
ಸವಿ॒ತಾ ಚ॑ ಮ॒ ಇನ್ದ್ರ॑ಶ್ಚ ಮೇ॒
ಸರ॑ಸ್ವತೀ ಚ ಮ॒ ಇನ್ದ್ರ॑ಶ್ಚ ಮೇ
ಪೂ॒ಷಾ ಚ॑ ಮ॒ ಇನ್ದ್ರ॑ಶ್ಚ ಮೇ॒
ಬೃಹ॒ಸ್ಪತಿ॑ಶ್ಚ ಮ॒ ಇನ್ದ್ರ॑ಶ್ಚ ಮೇ
ಮಿ॒ತ್ರಶ್ಚ॑ ಮ॒ ಇನ್ದ್ರ॑ಶ್ಚ ಮೇ॒
ವರು॑ಣಶ್ಚ ಮ॒ ಇನ್ದ್ರ॑ಶ್ಚ ಮೇ॒
ತ್ವಷ್ಠಾ॑ ಚ ಮ॒ ಇನ್ದ್ರ॑ಶ್ಚ ಮೇ
ಧಾ॒ತಾ ಚ॑ ಮ॒ ಇನ್ದ್ರ॑ಶ್ಚ ಮೇ॒
ವಿಷ್ಣು॑ಶ್ಚ ಮ॒ ಇನ್ದ್ರ॑ಶ್ಚ ಮೇ॒-ಽಶ್ವಿನೌ॑ ಚ ಮ॒ ಇನ್ದ್ರ॑ಶ್ಚ ಮೇ
ಮ॒ರುತ॑ಶ್ಚ ಮ॒ ಇನ್ದ್ರ॑ಶ್ಚ ಮೇ॒
ವಿಶ್ವೇ॑ ಚ ಮೇ ದೇ॒ವಾ ಇನ್ದ್ರ॑ಶ್ಚ ಮೇ
ಪೃಥಿ॒ವೀ ಚ॑ ಮ॒ ಇನ್ದ್ರ॑ಶ್ಚ ಮೇ॒-ಽನ್ತರಿ॑ಖ್ಷ-ಞ್ಚ ಮ॒ ಇನ್ದ್ರ॑ಶ್ಚ ಮೇ॒
ದ್ಯೌಶ್ಚ॑ ಮ॒ ಇನ್ದ್ರ॑ಶ್ಚ ಮೇ॒
ದಿಶ॑ಶ್ಚ ಮ॒ ಇನ್ದ್ರ॑ಶ್ಚ ಮೇ
ಮೂ॒ರ್ಧಾ ಚ॑ ಮ॒ ಇನ್ದ್ರ॑ಶ್ಚ ಮೇ
ಪ್ರ॒ಜಾಪ॑ತಿಶ್ಚ ಮ॒ ಇನ್ದ್ರ॑ಶ್ಚ ಮೇ ॥ 6 ॥

ಅ॒ಗ್ಂ॒ಶುಶ್ಚ॑ ಮೇ ರ॒ಶ್ಮಿಶ್ಚ॒ ಮೇ-ಽದಾ᳚ಭ್ಯಶ್ಚ॒ ಮೇ-ಽಧಿ॑ಪತಿಶ್ಚ ಮ
ಉಪಾ॒ಗ್ಂ॒ಶುಶ್ಚ॑ ಮೇ-ಽನ್ತರ್ಯಾ॒ಮಶ್ಚ॑ ಮ
ಐನ್ದ್ರವಾಯ॒ವಶ್ಚ॑ ಮೇ ಮೈತ್ರಾವರು॒ಣಶ್ಚ॑ ಮ
ಆಶ್ವಿ॒ನಶ್ಚ॑ ಮೇ ಪ್ರತಿಪ್ರ॒ಸ್ಥಾನ॑ಶ್ಚ ಮೇ
ಶು॒ಕ್ರಶ್ಚ॑ ಮೇ ಮ॒ನ್ಥೀ ಚ॑ ಮ
ಆಗ್ರಯ॒ಣಶ್ಚ॑ ಮೇ ವೈಶ್ವದೇ॒ವಶ್ಚ॑ ಮೇ
ಧ್ರು॒ವಶ್ಚ॑ ಮೇ ವೈಶ್ವಾನ॒ರಶ್ಚ॑ ಮ
ಋತುಗ್ರ॒ಹಾಶ್ಚ॑ ಮೇ-ಽತಿಗ್ರಾ॒ಹ್ಯಾ᳚ಶ್ಚ ಮ
ಐನ್ದ್ರಾ॒ಗ್ನಶ್ಚ॑ ಮೇ ವೈಶ್ವದೇ॒ವಶ್ಚ॑ ಮೇ
ಮರುತ್ವ॒ತೀಯಾ᳚ಶ್ಚ ಮೇ ಮಾಹೇ॒ನ್ದ್ರಶ್ಚ॑ ಮ
ಆದಿ॒ತ್ಯಶ್ಚ॑ ಮೇ ಸಾವಿ॒ತ್ರಶ್ಚ॑ ಮೇ
ಸಾರಸ್ವ॒ತಶ್ಚ॑ ಮೇ ಪೌ॒ಷ್ಣಶ್ಚ॑ ಮೇ
ಪಾತ್ನೀವ॒ತಶ್ಚ॑ ಮೇ ಹಾರಿಯೋಜ॒ನಶ್ಚ॑ ಮೇ ॥ 7 ॥

ಇ॒ಧ್ಮಶ್ಚ॑ ಮೇ ಬ॒ರ್॒ಹಿಶ್ಚ॑ ಮೇ॒
ವೇದಿ॑ಶ್ಚ ಮೇ॒ ದಿಷ್ಣಿ॑ಯಾಶ್ಚ ಮೇ॒
ಸ್ರುಚ॑ಶ್ಚ ಮೇ ಚಮ॒ಸಾಶ್ಚ॑ ಮೇ॒
ಗ್ರಾವಾ॑ಣಶ್ಚ ಮೇ॒ ಸ್ವರ॑ವಶ್ಚ ಮ
ಉಪರ॒ವಾಶ್ಚ॑ ಮೇ-ಽಧಿ॒ಷವ॑ಣೇ ಚ ಮೇ
ದ್ರೋಣಕಲ॒ಶಶ್ಚ॑ ಮೇ ವಾಯ॒ವ್ಯಾ॑ನಿ ಚ ಮೇ
ಪೂತ॒ಭೃಚ್ಚ॑ ಮ ಆಧವ॒ನೀಯ॑ಶ್ಚ ಮ॒
ಆಗ್ನೀ᳚ಧ್ರ-ಞ್ಚ ಮೇ ಹವಿ॒ರ್ಧಾನ॑-ಞ್ಚ ಮೇ
ಗೃ॒ಹಾಶ್ಚ॑ ಮೇ॒ ಸದ॑ಶ್ಚ ಮೇ ಪುರೋ॒ಡಾಶಾ᳚ಶ್ಚ ಮೇ
ಪಚ॒ತಾಶ್ಚ॑ ಮೇ-ಽವಭೃ॒ಥಶ್ಚ॑ ಮೇ ಸ್ವಗಾಕಾ॒ರಶ್ಚ॑ ಮೇ ॥ 8 ॥

ಅ॒ಗ್ನಿಶ್ಚ॑ ಮೇ ಘ॒ರ್ಮಶ್ಚ॑ ಮೇ॒-ಽರ್ಕಶ್ಚ॑ ಮೇ॒
ಸೂರ್ಯ॑ಶ್ಚ ಮೇ ಪ್ರಾ॒ಣಶ್ಚ॑ ಮೇ-ಽಶ್ವಮೇ॒ಧಶ್ಚ॑ ಮೇ
ಪೃಥಿ॒ವೀ ಚ॒ ಮೇ-ಽದಿ॑ತಿಶ್ಚ ಮೇ॒ ದಿತಿ॑ಶ್ಚ ಮೇ॒
ದ್ಯೌಶ್ಚ॑ ಮೇ॒ ಶಕ್ವ॑ರೀರ॒ಙ್ಗುಲ॑ಯೋ॒ ದಿಶ॑ಶ್ಚ ಮೇ
ಯ॒ಜ್ಞೇನ॑ ಕಲ್ಪನ್ತಾ॒ಮೃಕ್ಚ॑ ಮೇ॒
ಸಾಮ॑ ಚ ಮೇ॒ ಸ್ತೋಮ॑ಶ್ಚ ಮೇ॒
ಯಜು॑ಶ್ಚ ಮೇ ದೀ॒ಖ್ಷಾ ಚ॑ ಮೇ॒
ತಪ॑ಶ್ಚ ಮ ಋ॒ತುಶ್ಚ॑ ಮೇ
ವ್ರ॒ತ-ಞ್ಚ॑ ಮೇ-ಽಹೋರಾ॒ತ್ರಯೋ᳚ರ್ವೃ॒ಷ್ಟ್ಯಾ ಬೃ॑ಹದ್ರಥನ್ತ॒ರೇ ಚ॑ ಮೇ
ಯ॒ಜ್ಞೇನ॑ ಕಲ್ಪೇತಾಮ್ ॥ 9 ॥

ಗರ್ಭಾ᳚ಶ್ಚ ಮೇ ವ॒ತ್ಸಾಶ್ಚ॑ ಮೇ॒
ತ್ರ್ಯವಿ॑ಶ್ಚ ಮೇ ತ್ರ್ಯ॒ವೀಚ॑ ಮೇ
ದಿತ್ಯ॒ವಾಟ್ ಚ॑ ಮೇ ದಿತ್ಯೌ॒ಹೀ ಚ॑ ಮೇ॒
ಪಞ್ಚಾ॑ವಿಶ್ಚ ಮೇ ಪಞ್ಚಾ॒ವೀ ಚ॑ ಮೇ
ತ್ರಿವ॒ತ್ಸಶ್ಚ॑ ಮೇ ತ್ರಿವ॒ತ್ಸಾ ಚ॑ ಮೇ
ತುರ್ಯ॒ವಾಟ್ ಚ॑ ಮೇ ತುರ್ಯೌ॒ಹೀ ಚ॑ ಮೇ
ಪಷ್ಠ॒ವಾಟ್ ಚ॑ ಮೇ ಪಷ್ಠೌ॒ಹೀ ಚ॑ ಮ
ಉ॒ಖ್ಷಾ ಚ॑ ಮೇ ವ॒ಶಾ ಚ॑ ಮ
ಋಷ॒ಭಶ್ಚ॑ ಮೇ ವೇ॒ಹಚ್ಚ॑ ಮೇ-ಽನ॒ಡ್ವಾಞ್ಚ॑ ಮೇ
ಧೇ॒ನುಶ್ಚ॑ ಮ॒ ಆಯು॑ರ್ಯ॒ಜ್ಞೇನ॑ ಕಲ್ಪತಾಂ
ಪ್ರಾ॒ಣೋ ಯ॒ಜ್ಞೇನ॑ ಕಲ್ಪತಾಮಪಾ॒ನೋ ಯ॒ಜ್ಞೇನ॑ ಕಲ್ಪತಾಂ
ವ್ಯಾ॒ನೋ ಯ॒ಜ್ಞೇನ॑ ಕಲ್ಪತಾಂ॒
ಚಖ್ಷು॑ರ್ಯ॒ಜ್ಞೇನ॑ ಕಲ್ಪತಾ॒ಗ್॒ ಶ್ರೋತ್ರಂ॑-ಯಁ॒ಜ್ಞೇನ॑ ಕಲ್ಪತಾಂ॒
ಮನೋ॑ ಯ॒ಜ್ಞೇನ॑ ಕಲ್ಪತಾಂ॒
ವಾಗ್ಯ॒ಜ್ಞೇನ॑ ಕಲ್ಪತಾಮಾ॒ತ್ಮಾ ಯ॒ಜ್ಞೇನ॑ ಕಲ್ಪತಾಂ
ಯ॒ಜ್ಞೋ ಯ॒ಜ್ಞೇನ॑ ಕಲ್ಪತಾಮ್ ॥ 10 ॥

ಏಕಾ॑ ಚ ಮೇ ತಿ॒ಸ್ರಶ್ಚ॑ ಮೇ॒
ಪಞ್ಚ॑ ಚ ಮೇ ಸ॒ಪ್ತ ಚ॑ ಮೇ॒
ನವ॑ ಚ ಮ॒ ಏಕಾ॑ದಶ ಚ ಮೇ॒
ತ್ರಯೋ॑ದಶ ಚ ಮೇ॒ ಪಞ್ಚ॑ದಶ ಚ ಮೇ
ಸ॒ಪ್ತದ॑ಶ ಚ ಮೇ॒ ನವ॑ದಶ ಚ ಮ॒
ಏಕ॑ವಿಗ್ಂಶತಿಶ್ಚ ಮೇ॒ ತ್ರಯೋ॑ವಿಗ್ಂಶತಿಶ್ಚ ಮೇ॒
ಪಞ್ಚ॑ವಿಗ್ಂಶತಿಶ್ಚ ಮೇ ಸ॒ಪ್ತವಿಗ್ಂ॑ಶತಿಶ್ಚ ಮೇ॒
ನವ॑ವಿಗ್ಂಶತಿಶ್ಚ ಮ॒ ಏಕ॑ತ್ರಿಗ್ಂಶಚ್ಚ ಮೇ॒
ತ್ರಯ॑ಸ್ತ್ರಿಗ್ಂಶಚ್ಚ ಮೇ॒ ಚತ॑ಸ್ರಶ್ಚ ಮೇ॒-ಽಷ್ಟೌ ಚ॑ ಮೇ॒
ದ್ವಾದ॑ಶ ಚ ಮೇ॒ ಷೋಡ॑ಶ ಚ ಮೇ
ವಿಗ್ಂಶ॒ತಿಶ್ಚ॑ ಮೇ॒ ಚತು॑ರ್ವಿಗ್ಂಶತಿಶ್ಚ ಮೇ॒-ಽಷ್ಟಾವಿಗ್ಂ॑ಶತಿಶ್ಚ ಮೇ॒
ದ್ವಾತ್ರಿಗ್ಂ॑ಶಚ್ಚ ಮೇ॒ ಷಟ್-ತ್ರಿಗ್ಂ॑ಶಚ್ಚ ಮೇ
ಚತ್ವಾರಿ॒ಗ್ಂ॒ಶಚ್ಚ॑ ಮೇ॒ ಚತು॑ಶ್ಚತ್ವಾರಿಗ್ಂಶಚ್ಚ ಮೇ॒-ಽಷ್ಟಾಚ॑ತ್ವಾರಿಗ್ಂಶಚ್ಚ ಮೇ॒
ವಾಜ॑ಶ್ಚ ಪ್ರಸ॒ವಶ್ಚಾ॑ಪಿ॒ಜಶ್ಚ॒
ಕ್ರತು॑ಶ್ಚ॒ ಸುವ॑ಶ್ಚ ಮೂ॒ರ್ಧಾ ಚ॒
ವ್ಯಶ್ನಿ॑ಯಶ್ಚಾನ್ತ್ಯಾಯ॒ನಶ್ಚಾನ್ತ್ಯ॑ಶ್ಚ
ಭೌವ॒ನಶ್ಚ॒ ಭುವ॑ನ॒ಶ್ಚಾಧಿ॑ಪತಿಶ್ಚ ॥ 11 ॥

ಓಂ ಇಡಾ॑ ದೇವ॒ಹೂ-ರ್ಮನು॑ರ್ಯಜ್ಞ॒ನೀ-ರ್ಬೃಹ॒ಸ್ಪತಿ॑ರುಕ್ಥಾಮ॒ದಾನಿ॑
ಶಗ್ಂಸಿಷ॒ದ್ವಿಶ್ವೇ॑ ದೇ॒ವಾ-ಸ್ಸೂ᳚ಕ್ತ॒ವಾಚಃ॒ ಪೃಥಿ॑ವಿಮಾತ॒ರ್ಮಾ
ಮಾ॑ ಹಿಗ್ಂಸೀ॒ರ್ಮಧು॑ ಮನಿಷ್ಯೇ॒ ಮಧು॑ ಜನಿಷ್ಯೇ॒
ಮಧು॑ ವಖ್ಷ್ಯಾಮಿ॒ ಮಧು॑ ವದಿಷ್ಯಾಮಿ॒
ಮಧು॑ಮತೀ-ನ್ದೇ॒ವೇಭ್ಯೋ॒ ವಾಚ॒ಮುದ್ಯಾಸಗ್ಂಶುಶ್ರೂಷೇ॒ಣ್ಯಾ᳚ಮ್
ಮನು॒ಷ್ಯೇ᳚ಭ್ಯ॒ಸ್ತಂ
ಮಾ॑ ದೇ॒ವಾ ಅ॑ವನ್ತು ಶೋ॒ಭಾಯೈ॑ ಪಿ॒ತರೋ-ಽನು॑ಮದನ್ತು ॥

ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥