ಶ್ರೀರಾಮಸೌಮಿತ್ರಿಜಟಾಯುವೇದ ಷಡಾನನಾದಿತ್ಯ ಕುಜಾರ್ಚಿತಾಯ ।
ಶ್ರೀನೀಲಕಣ್ಠಾಯ ದಯಾಮಯಾಯ ಶ್ರೀವೈದ್ಯನಾಥಾಯ ನಮಃಶಿವಾಯ ॥ 1॥
ಶಮ್ಭೋ ಮಹಾದೇವ ಶಮ್ಭೋ ಮಹಾದೇವ ಶಮ್ಭೋ ಮಹಾದೇವ ಶಮ್ಭೋ ಮಹಾದೇವ ।
ಶಮ್ಭೋ ಮಹಾದೇವ ಶಮ್ಭೋ ಮಹಾದೇವ ಶಮ್ಭೋ ಮಹಾದೇವ ಶಮ್ಭೋ ಮಹಾದೇವ ॥
ಗಙ್ಗಾಪ್ರವಾಹೇನ್ದು ಜಟಾಧರಾಯ ತ್ರಿಲೋಚನಾಯ ಸ್ಮರ ಕಾಲಹನ್ತ್ರೇ ।
ಸಮಸ್ತ ದೇವೈರಭಿಪೂಜಿತಾಯ ಶ್ರೀವೈದ್ಯನಾಥಾಯ ನಮಃ ಶಿವಾಯ ॥ 2॥
(ಶಮ್ಭೋ ಮಹಾದೇವ)
ಭಕ್ತಃಪ್ರಿಯಾಯ ತ್ರಿಪುರಾನ್ತಕಾಯ ಪಿನಾಕಿನೇ ದುಷ್ಟಹರಾಯ ನಿತ್ಯಮ್ ।
ಪ್ರತ್ಯಕ್ಷಲೀಲಾಯ ಮನುಷ್ಯಲೋಕೇ ಶ್ರೀವೈದ್ಯನಾಥಾಯ ನಮಃ ಶಿವಾಯ ॥ 3॥
(ಶಮ್ಭೋ ಮಹಾದೇವ)
ಪ್ರಭೂತವಾತಾದಿ ಸಮಸ್ತರೋಗ ಪ್ರನಾಶಕರ್ತ್ರೇ ಮುನಿವನ್ದಿತಾಯ ।
ಪ್ರಭಾಕರೇನ್ದ್ವಗ್ನಿ ವಿಲೋಚನಾಯ ಶ್ರೀವೈದ್ಯನಾಥಾಯ ನಮಃ ಶಿವಾಯ ॥ 4॥
(ಶಮ್ಭೋ ಮಹಾದೇವ)
ವಾಕ್ ಶ್ರೋತ್ರ ನೇತ್ರಾಙ್ಘ್ರಿ ವಿಹೀನಜನ್ತೋಃ ವಾಕ್ಶ್ರೋತ್ರನೇತ್ರಾಙ್ಘ್ರಿಸುಖಪ್ರದಾಯ ।
ಕುಷ್ಠಾದಿಸರ್ವೋನ್ನತರೋಗಹನ್ತ್ರೇ ಶ್ರೀವೈದ್ಯನಾಥಾಯ ನಮಃ ಶಿವಾಯ ॥ 5॥
(ಶಮ್ಭೋ ಮಹಾದೇವ)
ವೇದಾನ್ತವೇದ್ಯಾಯ ಜಗನ್ಮಯಾಯ ಯೋಗೀಶ್ವರದ್ಯೇಯ ಪದಾಮ್ಬುಜಾಯ ।
ತ್ರಿಮೂರ್ತಿರೂಪಾಯ ಸಹಸ್ರನಾಮ್ನೇ ಶ್ರೀವೈದ್ಯನಾಥಾಯ ನಮಃ ಶಿವಾಯ ॥ 6॥
(ಶಮ್ಭೋ ಮಹಾದೇವ)
ಸ್ವತೀರ್ಥಮೃದ್ಭಸ್ಮಭೃತಾಙ್ಗಭಾಜಾಂ ಪಿಶಾಚದುಃಖಾರ್ತಿಭಯಾಪಹಾಯ ।
ಆತ್ಮಸ್ವರೂಪಾಯ ಶರೀರಭಾಜಾಂ ಶ್ರೀವೈದ್ಯನಾಥಾಯ ನಮಃ ಶಿವಾಯ ॥ 7॥
(ಶಮ್ಭೋ ಮಹಾದೇವ)
ಶ್ರೀನೀಲಕಣ್ಠಾಯ ವೃಷಧ್ವಜಾಯ ಸ್ರಕ್ಗನ್ಧ ಭಸ್ಮಾದ್ಯಭಿಶೋಭಿತಾಯ ।
ಸುಪುತ್ರದಾರಾದಿ ಸುಭಾಗ್ಯದಾಯ ಶ್ರೀವೈದ್ಯನಾಥಾಯ ನಮಃ ಶಿವಾಯ ॥ 8॥
(ಶಮ್ಭೋ ಮಹಾದೇವ)
ಬಾಲಾಮ್ಬಿಕೇಶ ವೈದ್ಯೇಶ ಭವರೋಗ ಹರೇತಿ ಚ ।
ಜಪೇನ್ನಾಮತ್ರಯಂ ನಿತ್ಯಂ ಮಹಾರೋಗನಿವಾರಣಮ್ ॥ 9॥
(ಶಮ್ಭೋ ಮಹಾದೇವ)
॥ ಇತಿ ಶ್ರೀ ವೈದ್ಯನಾಥಾಷ್ಟಕಮ್ ॥
