ಚನ್ದ್ರಶೇಖರ ಚನ್ದ್ರಶೇಖರ ಚನ್ದ್ರಶೇಖರ ಪಾಹಿಮಾಮ್ ।
ಚನ್ದ್ರಶೇಖರ ಚನ್ದ್ರಶೇಖರ ಚನ್ದ್ರಶೇಖರ ರಕ್ಷಮಾಮ್ ॥ (2)
ರತ್ನಸಾನು ಶರಾಸನಂ ರಜತಾದ್ರಿ ಶೃಙ್ಗ ನಿಕೇತನಂ
ಶಿಞ್ಜಿನೀಕೃತ ಪನ್ನಗೇಶ್ವರ ಮಚ್ಯುತಾನಲ ಸಾಯಕಮ್ ।
ಕ್ಷಿಪ್ರದಗ್ದ ಪುರತ್ರಯಂ ತ್ರಿದಶಾಲಯೈ-ರಭಿವನ್ದಿತಂ
ಚನ್ದ್ರಶೇಖರಮಾಶ್ರಯೇ ಮಮ ಕಿಂ ಕರಿಷ್ಯತಿ ವೈ ಯಮಃ ॥ 1 ॥
ಪಞ್ಚಪಾದಪ ಪುಷ್ಪಗನ್ಧ ಪದಾಮ್ಬುಜ ದ್ವಯಶೋಭಿತಂ
ಫಾಲಲೋಚನ ಜಾತಪಾವಕ ದಗ್ಧ ಮನ್ಮಧ ವಿಗ್ರಹಮ್ ।
ಭಸ್ಮದಿಗ್ಧ ಕಳೇಬರಂ ಭವನಾಶನಂ ಭವ ಮವ್ಯಯಂ
ಚನ್ದ್ರಶೇಖರ ಚನ್ದ್ರಶೇಖರ ಚನ್ದ್ರಶೇಖರ ರಕ್ಷಮಾಮ್ ॥ 2 ॥
ಮತ್ತವಾರಣ ಮುಖ್ಯಚರ್ಮ ಕೃತೋತ್ತರೀಯ ಮನೋಹರಂ
ಪಙ್ಕಜಾಸನ ಪದ್ಮಲೋಚನ ಪೂಜಿತಾಙ್ಘ್ರಿ ಸರೋರುಹಮ್ ।
ದೇವ ಸಿನ್ಧು ತರಙ್ಗ ಶ್ರೀಕರ ಸಿಕ್ತ ಶುಭ್ರ ಜಟಾಧರಂ
ಚನ್ದ್ರಶೇಖರ ಚನ್ದ್ರಶೇಖರ ಚನ್ದ್ರಶೇಖರ ಪಾಹಿಮಾಮ್ ॥ 3 ॥
ಯಕ್ಷ ರಾಜಸಖಂ ಭಗಾಕ್ಷ ಹರಂ ಭುಜಙ್ಗ ವಿಭೂಷಣಮ್
ಶೈಲರಾಜ ಸುತಾ ಪರಿಷ್ಕೃತ ಚಾರುವಾಮ ಕಳೇಬರಮ್ ।
ಕ್ಷೇಳ ನೀಲಗಳಂ ಪರಶ್ವಧ ಧಾರಿಣಂ ಮೃಗಧಾರಿಣಮ್
ಚನ್ದ್ರಶೇಖರ ಚನ್ದ್ರಶೇಖರ ಚನ್ದ್ರಶೇಖರ ಪಾಹಿಮಾಮ್ ॥ 4 ॥
ಕುಣ್ಡಲೀಕೃತ ಕುಣ್ಡಲೀಶ್ವರ ಕುಣ್ಡಲಂ ವೃಷವಾಹನಂ
ನಾರದಾದಿ ಮುನೀಶ್ವರ ಸ್ತುತವೈಭವಂ ಭುವನೇಶ್ವರಮ್ ।
ಅನ್ಧಕಾನ್ತಕ ಮಾಶ್ರಿತಾಮರ ಪಾದಪಂ ಶಮನಾನ್ತಕಂ
ಚನ್ದ್ರಶೇಖರ ಚನ್ದ್ರಶೇಖರ ಚನ್ದ್ರಶೇಖರ ರಕ್ಷಮಾಮ್ ॥ 5 ॥
ಭೇಷಜಂ ಭವರೋಗಿಣಾ ಮಖಿಲಾಪದಾ ಮಪಹಾರಿಣಂ
ದಕ್ಷಯಜ್ಞ ವಿನಾಶನಂ ತ್ರಿಗುಣಾತ್ಮಕಂ ತ್ರಿವಿಲೋಚನಮ್ ।
ಭಕ್ತಿ ಮುಕ್ತಿ ಫಲಪ್ರದಂ ಸಕಲಾಘ ಸಙ್ಘ ನಿಬರ್ಹಣಂ
ಚನ್ದ್ರಶೇಖರ ಚನ್ದ್ರಶೇಖರ ಚನ್ದ್ರಶೇಖರ ರಕ್ಷಮಾಮ್ ॥ 6 ॥
ಭಕ್ತವತ್ಸಲ-ಮರ್ಚಿತಂ ನಿಧಿಮಕ್ಷಯಂ ಹರಿದಮ್ಬರಂ
ಸರ್ವಭೂತ ಪತಿಂ ಪರಾತ್ಪರ-ಮಪ್ರಮೇಯ ಮನುತ್ತಮಮ್ ।
ಸೋಮವಾರುಣ ಭೂಹುತಾಶನ ಸೋಮ ಪಾದ್ಯಖಿಲಾಕೃತಿಂ
ಚನ್ದ್ರಶೇಖರ ಚನ್ದ್ರಶೇಖರ ಚನ್ದ್ರಶೇಖರ ಪಾಹಿಮಾಮ್ ॥ 7 ॥
ವಿಶ್ವಸೃಷ್ಟಿ ವಿಧಾಯಕಂ ಪುನರೇವಪಾಲನ ತತ್ಪರಂ
ಸಂಹರಂ ತಮಪಿ ಪ್ರಪಞ್ಚ ಮಶೇಷಲೋಕ ನಿವಾಸಿನಮ್ ।
ಕ್ರೀಡಯನ್ತ ಮಹರ್ನಿಶಂ ಗಣನಾಥ ಯೂಥ ಸಮನ್ವಿತಂ
ಚನ್ದ್ರಶೇಖರ ಚನ್ದ್ರಶೇಖರ ಚನ್ದ್ರಶೇಖರ ರಕ್ಷಮಾಮ್ ॥ 8 ॥
ಮೃತ್ಯುಭೀತ ಮೃಕಣ್ಡುಸೂನುಕೃತಸ್ತವಂ ಶಿವಸನ್ನಿಧೌ
ಯತ್ರ ಕುತ್ರ ಚ ಯಃ ಪಠೇನ್ನ ಹಿ ತಸ್ಯ ಮೃತ್ಯುಭಯಂ ಭವೇತ್ ।
ಪೂರ್ಣಮಾಯುರರೋಗತಾಮಖಿಲಾರ್ಥಸಮ್ಪದಮಾದರಂ
ಚನ್ದ್ರಶೇಖರ ಏವ ತಸ್ಯ ದದಾತಿ ಮುಕ್ತಿಮಯತ್ನತಃ ॥ 9 ॥
