𑌶𑍍𑌰𑍀 𑌶𑌿𑌵 𑌆𑌰𑌤𑍀

Collection of Spiritual and Devotional Literature in Various Indian Languages

View this in:

𑌶𑍍𑌰𑍀 𑌶𑌿𑌵 𑌆𑌰𑌤𑍀

𑌸𑌰𑍍𑌵𑍇𑌶𑌂 𑌪𑌰𑌮𑍇𑌶𑌂 𑌶𑍍𑌰𑍀𑌪𑌾𑌰𑍍𑌵𑌤𑍀𑌶𑌂 𑌵𑌂𑌦𑍇𑌽𑌹𑌂 𑌵𑌿𑌶𑍍𑌵𑍇𑌶𑌂 𑌶𑍍𑌰𑍀𑌪𑌨𑍍𑌨𑌗𑍇𑌶𑌮𑍍 ।
𑌶𑍍𑌰𑍀𑌸𑌾𑌂𑌬𑌂 𑌶𑌂𑌭𑍁𑌂 𑌶𑌿𑌵𑌂 𑌤𑍍𑌰𑍈𑌲𑍋𑌕𑍍𑌯𑌪𑍂𑌜𑍍𑌯𑌂 𑌵𑌂𑌦𑍇𑌽𑌹𑌂 𑌤𑍍𑌰𑍈𑌨𑍇𑌤𑍍𑌰𑌂 𑌶𑍍𑌰𑍀𑌕𑌂𑌠𑌮𑍀𑌶𑌮𑍍 ॥ 1॥

𑌭𑌸𑍍𑌮𑌾𑌂𑌬𑌰𑌧𑌰𑌮𑍀𑌶𑌂 𑌸𑍁𑌰𑌪𑌾𑌰𑌿𑌜𑌾𑌤𑌂 𑌬𑌿𑌲𑍍𑌵𑌾𑌰𑍍𑌚𑌿𑌤𑌪𑌦𑌯𑍁𑌗𑌲𑌂 𑌸𑍋𑌮𑌂 𑌸𑍋𑌮𑍇𑌶𑌮𑍍 ।
𑌜𑌗𑌦𑌾𑌲𑌯𑌪𑌰𑌿𑌶𑍋𑌭𑌿𑌤𑌦𑍇𑌵𑌂 𑌪𑌰𑌮𑌾𑌤𑍍𑌮𑌂 𑌵𑌂𑌦𑍇𑌽𑌹𑌂 𑌶𑌿𑌵𑌶𑌂𑌕𑌰𑌮𑍀𑌶𑌂 𑌦𑍇𑌵𑍇𑌶𑌮𑍍 ॥ 2॥

𑌕𑍈𑌲𑌾𑌸𑌪𑍍𑌰𑌿𑌯𑌵𑌾𑌸𑌂 𑌕𑌰𑍁𑌣𑌾𑌕𑌰𑌮𑍀𑌶𑌂 𑌕𑌾𑌤𑍍𑌯𑌾𑌯𑌨𑍀𑌵𑌿𑌲𑌸𑌿𑌤𑌪𑍍𑌰𑌿𑌯𑌵𑌾𑌮𑌭𑌾𑌗𑌮𑍍 ।
𑌪𑍍𑌰𑌣𑌵𑌾𑌰𑍍𑌚𑌿𑌤𑌮𑌾𑌤𑍍𑌮𑌾𑌰𑍍𑌚𑌿𑌤𑌂 𑌸𑌂𑌸𑍇𑌵𑌿𑌤𑌰𑍂𑌪𑌂 𑌵𑌂𑌦𑍇𑌽𑌹𑌂 𑌶𑌿𑌵𑌶𑌂𑌕𑌰𑌮𑍀𑌶𑌂 𑌦𑍇𑌵𑍇𑌶𑌮𑍍 ॥ 3॥

𑌮𑌨𑍍𑌮𑌥𑌨𑌿𑌜𑌮𑌦𑌦𑌹𑌨𑌂 𑌦𑌾𑌕𑍍𑌷𑌾𑌯𑌨𑍀𑌶𑌂 𑌨𑌿𑌰𑍍𑌗𑍁𑌣𑌗𑍁𑌣𑌸𑌂𑌭𑌰𑌿𑌤𑌂 𑌕𑍈𑌵𑌲𑍍𑌯𑌪𑍁𑌰𑍁𑌷𑌮𑍍 ।
𑌭𑌕𑍍𑌤𑌾𑌨𑍁𑌗𑍍𑌰𑌹𑌵𑌿𑌗𑍍𑌰𑌹𑌮𑌾𑌨𑌂𑌦𑌜𑍈𑌕𑌂 𑌵𑌂𑌦𑍇𑌽𑌹𑌂 𑌶𑌿𑌵𑌶𑌂𑌕𑌰𑌮𑍀𑌶𑌂 𑌦𑍇𑌵𑍇𑌶𑌮𑍍 ॥ 4॥

𑌸𑍁𑌰𑌗𑌂𑌗𑌾𑌸𑌂𑌪𑍍𑌲𑌾𑌵𑌿𑌤𑌪𑌾𑌵𑌨𑌨𑌿𑌜𑌶𑌿𑌖𑌰𑌂 𑌸𑌮𑌭𑍂𑌷𑌿𑌤𑌶𑌶𑌿𑌬𑌿𑌂𑌬𑌂 𑌜𑌟𑌾𑌧𑌰𑌂 𑌦𑍇𑌵𑌮𑍍 ।
𑌨𑌿𑌰𑌤𑍋𑌜𑍍𑌜𑍍𑌵𑌲𑌦𑌾𑌵𑌾𑌨𑌲𑌨𑌯𑌨𑌫𑌾𑌲𑌭𑌾𑌗𑌂 𑌵𑌂𑌦𑍇𑌽𑌹𑌂 𑌶𑌿𑌵𑌶𑌂𑌕𑌰𑌮𑍀𑌶𑌂 𑌦𑍇𑌵𑍇𑌶𑌮𑍍 ॥ 5॥

𑌶𑌶𑌿𑌸𑍂𑌰𑍍𑌯𑌨𑍇𑌤𑍍𑌰𑌦𑍍𑌵𑌯𑌮𑌾𑌰𑌾𑌧𑍍𑌯𑌪𑍁𑌰𑍁𑌷𑌂 𑌸𑍁𑌰𑌕𑌿𑌨𑍍𑌨𑌰𑌪𑌨𑍍𑌨𑌗𑌮𑌯𑌮𑍀𑌶𑌂 𑌸𑌂𑌕𑌾𑌶𑌮𑍍 ।
𑌶𑌰𑌵𑌣𑌭𑌵𑌸𑌂𑌪𑍂𑌜𑌿𑌤𑌨𑌿𑌜𑌪𑌾𑌦𑌪𑌦𑍍𑌮𑌂 𑌵𑌂𑌦𑍇𑌽𑌹𑌂 𑌶𑌿𑌵𑌶𑌂𑌕𑌰𑌮𑍀𑌶𑌂 𑌦𑍇𑌵𑍇𑌶𑌮𑍍 ॥ 6॥

𑌶𑍍𑌰𑍀𑌶𑍈𑌲𑌪𑍁𑌰𑌵𑌾𑌸𑌂 𑌈𑌶𑌂 𑌮𑌲𑍍𑌲𑍀𑌶𑌂 𑌶𑍍𑌰𑍀𑌕𑌾𑌲𑌹𑌸𑍍𑌤𑍀𑌶𑌂 𑌸𑍍𑌵𑌰𑍍𑌣𑌮𑍁𑌖𑍀𑌵𑌾𑌸𑌮𑍍 ।
𑌕𑌾𑌂𑌚𑍀𑌪𑍁𑌰𑌮𑍀𑌶𑌂 𑌶𑍍𑌰𑍀𑌕𑌾𑌮𑌾𑌕𑍍𑌷𑍀𑌤𑍇𑌜𑌂 𑌵𑌂𑌦𑍇𑌽𑌹𑌂 𑌶𑌿𑌵𑌶𑌂𑌕𑌰𑌮𑍀𑌶𑌂 𑌦𑍇𑌵𑍇𑌶𑌮𑍍 ॥ 𑍭॥

𑌤𑍍𑌰𑌿𑌪𑍁𑌰𑌾𑌂𑌤𑌕𑌮𑍀𑌶𑌂 𑌅𑌰𑍁𑌣𑌾𑌚𑌲𑍇𑌶𑌂 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿𑌂 𑌗𑍁𑌰𑍁𑌂 𑌲𑍋𑌕𑌪𑍂𑌜𑍍𑌯𑌮𑍍 ।
𑌚𑌿𑌦𑌂𑌬𑌰𑌪𑍁𑌰𑌵𑌾𑌸𑌂 𑌪𑌂𑌚𑌲𑌿𑌂𑌗𑌮𑍂𑌰𑍍𑌤𑌿𑌂 𑌵𑌂𑌦𑍇𑌽𑌹𑌂 𑌶𑌿𑌵𑌶𑌂𑌕𑌰𑌮𑍀𑌶𑌂 𑌦𑍇𑌵𑍇𑌶𑌮𑍍 ॥ 𑍮॥

𑌜𑍍𑌯𑍋𑌤𑌿𑌰𑍍𑌮𑌯𑌶𑍁𑌭𑌲𑌿𑌂𑌗𑌂 𑌸𑌂𑌖𑍍𑌯𑌾𑌤𑍍𑌰𑌯𑌨𑌾𑌟𑍍𑌯𑌂 𑌤𑍍𑌰𑌯𑍀𑌵𑍇𑌦𑍍𑌯𑌮𑌾𑌦𑍍𑌯𑌂 𑌪𑌂𑌚𑌾𑌨𑌨𑌮𑍀𑌶𑌮𑍍 ।
𑌵𑍇𑌦𑌾𑌦𑍍𑌭𑍁𑌤𑌗𑌾𑌤𑍍𑌰𑌂 𑌵𑍇𑌦𑌾𑌰𑍍𑌣𑌵𑌜𑌨𑌿𑌤𑌂 𑌵𑍇𑌦𑌾𑌗𑍍𑌰𑌂 𑌵𑌿𑌶𑍍𑌵𑌾𑌗𑍍𑌰𑌂 𑌶𑍍𑌰𑍀𑌵𑌿𑌶𑍍𑌵𑌨𑌾𑌥𑌮𑍍 ॥ 𑍯॥

Browse Related Categories: