కృత్వా నవదృఢసఙ్కల్పమ్
వితరన్తో నవసన్దేశమ్
ఘటయామో నవ సఙ్ఘటనమ్
రచయామో నవమితిహాసమ్ ॥

నవమన్వన్తర శిల్పీనః
రాష్ట్రసమున్నతి కాఙ్క్షిణః
త్యాగధనాః కార్యేకరతాః
కృతినిపుణాః వయమవిషణ్ణాః ॥ కృత్వా ॥

భేదభావనాం నిరాసయన్తః
దినదరిద్రాన్ సముద్ధరన్తః
దుఃఖవితప్తాన్ సమాశ్వసన్తః
కృతసఙ్కల్పాన్ సదా స్మరన్తః ॥ కృత్వా ॥

ప్రగతిపథాన్నహి విచలేమ
పరమ్పరాం సంరక్షేమ
సమోత్సాహినో నిరుద్వేగీనో
నిత్య నిరన్తర గతిశీలాః ॥ కృత్వా ॥

రచన: శ్రీ జనార్దన హెగ్డే