గ్రామే నగరే సమస్తరాష్ట్రే
రచయేమ సంస్కృతభవనం
ఇష్టికాం వినా మృత్తికాం వినా
కేవలసమ్భాషణవిధయా
సంస్కృతసమ్భాషణకలయా ॥

శిశుబాలానాం స్మితమృదువచనే
యువయువతీనాం మఞ్జుభాషణే
వృద్ధగురూణాం వత్సలహృదయే
రచయేమ సంస్కృతభవనమ్ ॥ 1 ॥

అరుణోదయతః సుప్రభాతం
శుభరాత్రిం నిశి సంవదేమ
దివానిశం సంస్కృతవచనేన
రచయేమ సంస్కృతభవనమ్ ॥ 2 ॥

సోదర-సోదరీ-భావ-బన్ధురం
మాతృప్రేమతో బహుజనరుచిరం
వచనలలితం శ్రవణమధురం
రచయేమ సంస్కృతభవనమ్ ॥ 3 ॥

మూలశిలా సమ్భాషణమస్య
హిన్దుజనైక్యం శిఖరమున్నతం
సోపానం శ్రవణాదివిధానం
రచయేమ సంస్కృతభవనమ్ ॥ 4 ॥

రచన: గు. గణపయ్యహోళ్ళః