పఠత సంస్కృతమ్, వదత సంస్కృతం
లసతు సంస్కృతం చిరం గృహే గృహే చ పునరపి ॥ పఠత ॥

జ్ఞానవైభవం వేదవాఙ్మయం
లసతి యత్ర భవభయాపహారి మునిభిరార్జితమ్ ।
కీర్తిరార్జితా యస్య ప్రణయనాత్
వ్యాస-భాస-కాలిదాస-బాణ-ముఖ్యకవిభిః ॥ 1॥

స్థానమూర్జితం యస్య మన్వతే
వాగ్విచిన్తకా హి వాక్షు యస్య వీక్ష్య మధురతామ్ ।
యద్వినా జనా నైవ జానతే
భారతీయసంస్కృతిం సనాతనాభిధాం వరామ్ ॥ 2॥

జయతు సంస్కృతమ్, సంస్కృతిస్తథా
సంస్కృతస్య సంస్కృతేశ్చ ప్రణయనాచ్చ మనుకులమ్ ।
జయతు సంస్కృతమ్, జయతు మనుకులం
జయతు జయతు సంస్కృతమ్, జయతు జయతు మనుకులమ్ ॥ 3॥

రచన: మఞ్జునాథశర్మా