దేవవాణీం వేదవాణీం మాతరం వన్దామహే ।
చిరనవీనా చిరపురాణీం సాదరం వన్దామహే ॥ ధ్రు॥

దివ్యసంస్కృతిరక్షణాయ తత్పరా భువనే భ్రమన్తః ।
లోకజాగరణాయ సిద్ధాః సఙ్ఘటనమన్త్రం జపన్తః ।
కృతిపరా లక్ష్యైకనిష్ఠా భారతం సేవామహే ॥ 1॥

భేదభావనివారణాయ బన్ధుతామనుభావయేమ ।
కర్మణా మనసా చ వచసా మాతృవన్దనమాచరేమ ।
కీర్తిధనపదకామనాభిర్విరహితా మోదామహే ॥ 2॥

సంస్కృతేర్విముఖం సమాజం జీవనేన శిక్షయేమ ।
మానుకూలాదర్శం వయం వై పాలయిత్వా దర్శయేమ ।
జీవనం సంస్కృత హితార్థం హ్యర్పితం మన్యామహే ॥ 3॥

వయమసాధ్యం లక్ష్యమేతత్ సంస్కృతేన సాధయన్తః ।
త్యాగధైర్యసమర్పణేన నవలమితిహాసం లిఖన్తః ।
జన్మభూమిసమర్చనేన సర్వతః స్పన్దామహే ॥ 4॥

భారతాః సోదరాః స్మో భావనేయం హృది నిధాయ ।
వయం సంస్కృతసైనికాః సజ్జీతా నైజం విహాయ ।
పరమవైభవసాధనాయా వరమహో యాచామహే ॥ 5॥

దేవవాణీం వేదవాణీం మాతరం వన్దామహే
చిరనవీనాం చిరపురాణీం సాదరం వన్దామహే ॥