𑌸𑌾𑌵𑌿𑌤𑍍𑌰𑍍𑌯𑍁𑌵𑌾𑌚 ।
𑌤𑌪𑌸𑌾 𑌧𑌰𑍍𑌮𑌮𑌾𑌰𑌾𑌧𑍍𑌯 𑌪𑍁𑌷𑍍𑌕𑌰𑍇 𑌭𑌾𑌸𑍍𑌕𑌰𑌃 𑌪𑍁𑌰𑌾 ।
𑌧𑌰𑍍𑌮𑌂 𑌸𑍂𑌰𑍍𑌯𑌃𑌸𑍁𑌤𑌂 𑌪𑍍𑌰𑌾𑌪 𑌧𑌰𑍍𑌮𑌰𑌾𑌜𑌂 𑌨𑌮𑌾𑌮𑍍𑌯𑌹𑌮𑍍 ॥ 1 ॥

𑌸𑌮𑌤𑌾 𑌸𑌰𑍍𑌵𑌭𑍂𑌤𑍇𑌷𑍁 𑌯𑌸𑍍𑌯 𑌸𑌰𑍍𑌵𑌸𑍍𑌯 𑌸𑌾𑌕𑍍𑌷𑌿𑌣𑌃 ।
𑌅𑌤𑍋 𑌯𑌨𑍍𑌨𑌾𑌮 𑌶𑌮𑌨𑌮𑌿𑌤𑌿 𑌤𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 2 ॥

𑌯𑍇𑌨𑌾𑌂𑌤𑌶𑍍𑌚 𑌕𑍃𑌤𑍋 𑌵𑌿𑌶𑍍𑌵𑍇 𑌸𑌰𑍍𑌵𑍇𑌷𑌾𑌂 𑌜𑍀𑌵𑌿𑌨𑌾𑌂 𑌪𑌰𑌮𑍍 ।
𑌕𑌾𑌮𑌾𑌨𑍁𑌰𑍂𑌪𑌂 𑌕𑌾𑌲𑍇𑌨 𑌤𑌂 𑌕𑍃𑌤𑌾𑌂𑌤𑌂 𑌨𑌮𑌾𑌮𑍍𑌯𑌹𑌮𑍍 ॥ 3 ॥

𑌬𑌿𑌭𑌰𑍍𑌤𑌿 𑌦𑌂𑌡𑌂 𑌦𑌂𑌡𑌾𑌯 𑌪𑌾𑌪𑌿𑌨𑌾𑌂 𑌶𑍁𑌦𑍍𑌧𑌿𑌹𑍇𑌤𑌵𑍇 ।
𑌨𑌮𑌾𑌮𑌿 𑌤𑌂 𑌦𑌂𑌡𑌧𑌰𑌂 𑌯𑌃 𑌶𑌾𑌸𑍍𑌤𑌾 𑌸𑌰𑍍𑌵𑌜𑍀𑌵𑌿𑌨𑌾𑌮𑍍 ॥ 4 ॥

𑌵𑌿𑌶𑍍𑌵𑌂 𑌚 𑌕𑌲𑌯𑌤𑍍𑌯𑍇𑌵 𑌯𑌃 𑌸𑌰𑍍𑌵𑍇𑌷𑍁 𑌚 𑌸𑌂𑌤𑌤𑌮𑍍 ।
𑌅𑌤𑍀𑌵 𑌦𑍁𑌰𑍍𑌨𑌿𑌵𑌾𑌰𑍍𑌯𑌂 𑌚 𑌤𑌂 𑌕𑌾𑌲𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 5 ॥

𑌤𑌪𑌸𑍍𑌵𑍀 𑌬𑍍𑌰𑌹𑍍𑌮𑌨𑌿𑌷𑍍𑌠𑍋 𑌯𑌃 𑌸𑌂𑌯𑌮𑍀 𑌸𑌂𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌜𑍀𑌵𑌾𑌨𑌾𑌂 𑌕𑌰𑍍𑌮𑌫𑌲𑌦𑌸𑍍𑌤𑌂 𑌯𑌮𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 6 ॥

𑌸𑍍𑌵𑌾𑌤𑍍𑌮𑌾𑌰𑌾𑌮𑌶𑍍𑌚 𑌸𑌰𑍍𑌵𑌜𑍍𑌞𑍋 𑌮𑌿𑌤𑍍𑌰𑌂 𑌪𑍁𑌣𑍍𑌯𑌕𑍃𑌤𑌾𑌂 𑌭𑌵𑍇𑌤𑍍 ।
𑌪𑌾𑌪𑌿𑌨𑌾𑌂 𑌕𑍍𑌲𑍇𑌶𑌦𑍋 𑌯𑌸𑍍𑌤𑌂 𑌪𑍁𑌣𑍍𑌯𑌮𑌿𑌤𑍍𑌰𑌂 𑌨𑌮𑌾𑌮𑍍𑌯𑌹𑌮𑍍 ॥ 𑍭 ॥

𑌯𑌜𑍍𑌜𑌨𑍍𑌮 𑌬𑍍𑌰𑌹𑍍𑌮𑌣𑍋𑌂𑌽𑌶𑍇𑌨 𑌜𑍍𑌵𑌲𑌂𑌤𑌂 𑌬𑍍𑌰𑌹𑍍𑌮𑌤𑍇𑌜𑌸𑌾 ।
𑌯𑍋 𑌧𑍍𑌯𑌾𑌯𑌤𑌿 𑌪𑌰𑌂 𑌬𑍍𑌰𑌹𑍍𑌮 𑌤𑌮𑍀𑌶𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 𑍮 ॥

𑌇𑌤𑍍𑌯𑍁𑌕𑍍𑌤𑍍𑌵𑌾 𑌸𑌾 𑌚 𑌸𑌾𑌵𑌿𑌤𑍍𑌰𑍀 𑌪𑍍𑌰𑌣𑌨𑌾𑌮 𑌯𑌮𑌂 𑌮𑍁𑌨𑍇 ।
𑌯𑌮𑌸𑍍𑌤𑌾𑌂 𑌶𑌕𑍍𑌤𑌿𑌭𑌜𑌨𑌂 𑌕𑌰𑍍𑌮𑌪𑌾𑌕𑌮𑍁𑌵𑌾𑌚 𑌹 ॥ 𑍯 ॥

𑌇𑌦𑌂 𑌯𑌮𑌷𑍍𑌟𑌕𑌂 𑌨𑌿𑌤𑍍𑌯𑌂 𑌪𑍍𑌰𑌾𑌤𑌰𑍁𑌤𑍍𑌥𑌾𑌯 𑌯𑌃 𑌪𑌠𑍇𑌤𑍍 ।
𑌯𑌮𑌾𑌤𑍍𑌤𑌸𑍍𑌯 𑌭𑌯𑌂 𑌨𑌾𑌸𑍍𑌤𑌿 𑌸𑌰𑍍𑌵𑌪𑌾𑌪𑌾𑌤𑍍𑌪𑍍𑌰𑌮𑍁𑌚𑍍𑌯𑌤𑍇 ॥ 10 ॥

𑌮𑌹𑌾𑌪𑌾𑌪𑍀 𑌯𑌦𑌿 𑌪𑌠𑍇𑌨𑍍𑌨𑌿𑌤𑍍𑌯𑌂 𑌭𑌕𑍍𑌤𑌿𑌸𑌮𑌨𑍍𑌵𑌿𑌤𑌃 ।
𑌯𑌮𑌃 𑌕𑌰𑍋𑌤𑌿 𑌸𑌂𑌶𑍁𑌦𑍍𑌧𑌂 𑌕𑌾𑌯𑌵𑍍𑌯𑍂𑌹𑍇𑌨 𑌨𑌿𑌶𑍍𑌚𑌿𑌤𑌮𑍍 ॥ 11 ॥

𑌇𑌤𑌿 𑌶𑍍𑌰𑍀𑌮𑌦𑍍𑌦𑍇𑌵𑍀𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌨𑌵𑌮𑌸𑍍𑌕𑌂𑌧𑍇 𑌏𑌕𑌤𑍍𑌰𑌿𑌂𑌶𑍋𑌽𑌧𑍍𑌯𑌾𑌯𑌃 ।