𑌵𑌿𑌶𑍍𑌵𑌾𑌮𑌿𑌤𑍍𑌰𑌤𑌪𑌃𑌫𑌲𑌾𑌂 𑌪𑍍𑌰𑌿𑌯𑌤𑌰𑌾𑌂 𑌵𑌿𑌪𑍍𑌰𑌾𑌲𑌿𑌸𑌂𑌸𑍇𑌵𑌿𑌤𑌾𑌂
𑌨𑌿𑌤𑍍𑌯𑌾𑌨𑌿𑌤𑍍𑌯𑌵𑌿𑌵𑍇𑌕𑌦𑌾𑌂 𑌸𑍍𑌮𑌿𑌤𑌮𑍁𑌖𑍀𑌂 𑌖𑌂𑌡𑍇𑌂𑌦𑍁𑌭𑍂𑌷𑍋𑌜𑍍𑌜𑍍𑌵𑌲𑌾𑌮𑍍 ।
𑌤𑌾𑌂𑌬𑍂𑌲𑌾𑌰𑍁𑌣𑌭𑌾𑌸𑌮𑌾𑌨𑌵𑌦𑌨𑌾𑌂 𑌮𑌾𑌰𑍍𑌤𑌾𑌂𑌡𑌮𑌧𑍍𑌯𑌸𑍍𑌥𑌿𑌤𑌾𑌂
𑌗𑌾𑌯𑌤𑍍𑌰𑍀𑌂 𑌹𑌰𑌿𑌵𑌲𑍍𑌲𑌭𑌾𑌂 𑌤𑍍𑌰𑌿𑌣𑌯𑌨𑌾𑌂 𑌧𑍍𑌯𑌾𑌯𑌾𑌮𑌿 𑌪𑌂𑌚𑌾𑌨𑌨𑌾𑌮𑍍 ॥ 1 ॥
𑌜𑌾𑌤𑍀𑌪𑌂𑌕𑌜𑌕𑍇𑌤𑌕𑍀𑌕𑍁𑌵𑌲𑌯𑍈𑌃 𑌸𑌂𑌪𑍂𑌜𑌿𑌤𑌾𑌂𑌘𑍍𑌰𑌿𑌦𑍍𑌵𑌯𑌾𑌂
𑌤𑌤𑍍𑌤𑍍𑌵𑌾𑌰𑍍𑌥𑌾𑌤𑍍𑌮𑌿𑌕𑌵𑌰𑍍𑌣𑌪𑌂𑌕𑍍𑌤𑌿𑌸𑌹𑌿𑌤𑌾𑌂 𑌤𑌤𑍍𑌤𑍍𑌵𑌾𑌰𑍍𑌥𑌬𑍁𑌦𑍍𑌧𑌿𑌪𑍍𑌰𑌦𑌾𑌮𑍍 ।
𑌪𑍍𑌰𑌾𑌣𑌾𑌯𑌾𑌮𑌪𑌰𑌾𑌯𑌣𑍈𑌰𑍍𑌬𑍁𑌧𑌜𑌨𑍈𑌃 𑌸𑌂𑌸𑍇𑌵𑍍𑌯𑌮𑌾𑌨𑌾𑌂 𑌶𑌿𑌵𑌾𑌂
𑌗𑌾𑌯𑌤𑍍𑌰𑍀𑌂 𑌹𑌰𑌿𑌵𑌲𑍍𑌲𑌭𑌾𑌂 𑌤𑍍𑌰𑌿𑌣𑌯𑌨𑌾𑌂 𑌧𑍍𑌯𑌾𑌯𑌾𑌮𑌿 𑌪𑌂𑌚𑌾𑌨𑌨𑌾𑌮𑍍 ॥ 2 ॥
𑌮𑌂𑌜𑍀𑌰𑌧𑍍𑌵𑌨𑌿𑌭𑌿𑌃 𑌸𑌮𑌸𑍍𑌤𑌜𑌗𑌤𑌾𑌂 𑌮𑌂𑌜𑍁𑌤𑍍𑌵𑌸𑌂𑌵𑌰𑍍𑌧𑌨𑍀𑌂
𑌵𑌿𑌪𑍍𑌰𑌪𑍍𑌰𑍇𑌂𑌖𑌿𑌤𑌵𑌾𑌰𑌿𑌵𑌾𑌰𑌿𑌤𑌮𑌹𑌾𑌰𑌕𑍍𑌷𑍋𑌗𑌣𑌾𑌂 𑌮𑍃𑌣𑍍𑌮𑌯𑍀𑌮𑍍 ।
𑌜𑌪𑍍𑌤𑍁𑌃 𑌪𑌾𑌪𑌹𑌰𑌾𑌂 𑌜𑌪𑌾𑌸𑍁𑌮𑌨𑌿𑌭𑌾𑌂 𑌹𑌂𑌸𑍇𑌨 𑌸𑌂𑌶𑍋𑌭𑌿𑌤𑌾𑌂
𑌗𑌾𑌯𑌤𑍍𑌰𑍀𑌂 𑌹𑌰𑌿𑌵𑌲𑍍𑌲𑌭𑌾𑌂 𑌤𑍍𑌰𑌿𑌣𑌯𑌨𑌾𑌂 𑌧𑍍𑌯𑌾𑌯𑌾𑌮𑌿 𑌪𑌂𑌚𑌾𑌨𑌨𑌾𑌮𑍍 ॥ 3 ॥
𑌕𑌾𑌂𑌚𑍀𑌚𑍇𑌲𑌵𑌿𑌭𑍂𑌷𑌿𑌤𑌾𑌂 𑌶𑌿𑌵𑌮𑌯𑍀𑌂 𑌮𑌾𑌲𑌾𑌰𑍍𑌧𑌮𑌾𑌲𑌾𑌦𑌿𑌕𑌾-
-𑌨𑍍𑌬𑌿𑌭𑍍𑌰𑌾𑌣𑌾𑌂 𑌪𑌰𑌮𑍇𑌶𑍍𑌵𑌰𑍀𑌂 𑌶𑌰𑌣𑌦𑌾𑌂 𑌮𑍋𑌹𑌾𑌂𑌧𑌬𑍁𑌦𑍍𑌧𑌿𑌚𑍍𑌛𑌿𑌦𑌾𑌮𑍍 ।
𑌭𑍂𑌰𑌾𑌦𑌿𑌤𑍍𑌰𑌿𑌪𑍁𑌰𑌾𑌂 𑌤𑍍𑌰𑌿𑌲𑍋𑌕𑌜𑌨𑌨𑍀𑌮𑌧𑍍𑌯𑌾𑌤𑍍𑌮𑌶𑌾𑌖𑌾𑌨𑍁𑌤𑌾𑌂
𑌗𑌾𑌯𑌤𑍍𑌰𑍀𑌂 𑌹𑌰𑌿𑌵𑌲𑍍𑌲𑌭𑌾𑌂 𑌤𑍍𑌰𑌿𑌣𑌯𑌨𑌾𑌂 𑌧𑍍𑌯𑌾𑌯𑌾𑌮𑌿 𑌪𑌂𑌚𑌾𑌨𑌨𑌾𑌮𑍍 ॥ 4 ॥
𑌧𑍍𑌯𑌾𑌤𑍁𑌰𑍍𑌗𑌰𑍍𑌭𑌕𑍃𑌶𑌾𑌨𑍁𑌤𑌾𑌪𑌹𑌰𑌣𑌾𑌂 𑌸𑌾𑌮𑌾𑌤𑍍𑌮𑌿𑌕𑌾𑌂 𑌸𑌾𑌮𑌗𑌾𑌂
𑌸𑌾𑌯𑌂𑌕𑌾𑌲𑌸𑍁𑌸𑍇𑌵𑌿𑌤𑌾𑌂 𑌸𑍍𑌵𑌰𑌮𑌯𑍀𑌂 𑌦𑍂𑌰𑍍𑌵𑌾𑌦𑌲𑌶𑍍𑌯𑌾𑌮𑌲𑌾𑌮𑍍 ।
𑌮𑌾𑌤𑍁𑌰𑍍𑌦𑌾𑌸𑍍𑌯𑌵𑌿𑌲𑍋𑌚𑌨𑍈𑌕𑌮𑌤𑌿𑌮𑌤𑍍𑌖𑍇𑌟𑍀𑌂𑌦𑍍𑌰𑌸𑌂𑌰𑌾𑌜𑌿𑌤𑌾𑌂
𑌗𑌾𑌯𑌤𑍍𑌰𑍀𑌂 𑌹𑌰𑌿𑌵𑌲𑍍𑌲𑌭𑌾𑌂 𑌤𑍍𑌰𑌿𑌣𑌯𑌨𑌾𑌂 𑌧𑍍𑌯𑌾𑌯𑌾𑌮𑌿 𑌪𑌂𑌚𑌾𑌨𑌨𑌾𑌮𑍍 ॥ 5 ॥
𑌸𑌂𑌧𑍍𑌯𑌾𑌰𑌾𑌗𑌵𑌿𑌚𑌿𑌤𑍍𑌰𑌵𑌸𑍍𑌤𑍍𑌰𑌵𑌿𑌲𑌸𑌦𑍍𑌵𑌿𑌪𑍍𑌰𑍋𑌤𑍍𑌤𑌮𑍈𑌃 𑌸𑍇𑌵𑌿𑌤𑌾𑌂
𑌤𑌾𑌰𑌾𑌹𑌾𑌰𑌸𑍁𑌮𑌾𑌲𑌿𑌕𑌾𑌂 𑌸𑍁𑌵𑌿𑌲𑌸𑌦𑍍𑌰𑌤𑍍𑌨𑍇𑌂𑌦𑍁𑌕𑍁𑌂𑌭𑌾𑌂𑌤𑌰𑌾𑌮𑍍 ।
𑌰𑌾𑌕𑌾𑌚𑌂𑌦𑍍𑌰𑌮𑍁𑌖𑍀𑌂 𑌰𑌮𑌾𑌪𑌤𑌿𑌨𑍁𑌤𑌾𑌂 𑌶𑌂𑌖𑌾𑌦𑌿𑌭𑌾𑌸𑍍𑌵𑌤𑍍𑌕𑌰𑌾𑌂
𑌗𑌾𑌯𑌤𑍍𑌰𑍀𑌂 𑌹𑌰𑌿𑌵𑌲𑍍𑌲𑌭𑌾𑌂 𑌤𑍍𑌰𑌿𑌣𑌯𑌨𑌾𑌂 𑌧𑍍𑌯𑌾𑌯𑌾𑌮𑌿 𑌪𑌂𑌚𑌾𑌨𑌨𑌾𑌮𑍍 ॥ 6 ॥
𑌵𑍇𑌣𑍀𑌭𑍂𑌷𑌿𑌤𑌮𑌾𑌲𑌕𑌧𑍍𑌵𑌨𑌿𑌕𑌰𑍈𑌰𑍍𑌭𑍃𑌂𑌗𑍈𑌃 𑌸𑌦𑌾 𑌶𑍋𑌭𑌿𑌤𑌾𑌂
𑌤𑌤𑍍𑌤𑍍𑌵𑌜𑍍𑌞𑌾𑌨𑌰𑌸𑌾𑌯𑌨𑌜𑍍𑌞𑌰𑌸𑌨𑌾𑌸𑍌𑌧𑌭𑍍𑌰𑌮𑌦𑍍𑌭𑍍𑌰𑌾𑌮𑌰𑍀𑌮𑍍 ।
𑌨𑌾𑌸𑌾𑌲𑌂𑌕𑍃𑌤𑌮𑍌𑌕𑍍𑌤𑌿𑌕𑍇𑌂𑌦𑍁𑌕𑌿𑌰𑌣𑍈𑌃 𑌸𑌾𑌯𑌂𑌤𑌮𑌶𑍍𑌛𑍇𑌦𑌿𑌨𑍀𑌂
𑌗𑌾𑌯𑌤𑍍𑌰𑍀𑌂 𑌹𑌰𑌿𑌵𑌲𑍍𑌲𑌭𑌾𑌂 𑌤𑍍𑌰𑌿𑌣𑌯𑌨𑌾𑌂 𑌧𑍍𑌯𑌾𑌯𑌾𑌮𑌿 𑌪𑌂𑌚𑌾𑌨𑌨𑌾𑌮𑍍 ॥ ॥
𑌪𑌾𑌦𑌾𑌬𑍍𑌜𑌾𑌂𑌤𑌰𑌰𑍇𑌣𑍁𑌕𑍁𑌂𑌕𑍁𑌮𑌲𑌸𑌤𑍍𑌫𑌾𑌲𑌦𑍍𑌯𑍁𑌰𑌾𑌮𑌾𑌵𑍃𑌤𑌾𑌂
𑌰𑌂𑌭𑌾𑌨𑌾𑌟𑍍𑌯𑌵𑌿𑌲𑍋𑌕𑌨𑍈𑌕𑌰𑌸𑌿𑌕𑌾𑌂 𑌵𑍇𑌦𑌾𑌂𑌤𑌬𑍁𑌦𑍍𑌧𑌿𑌪𑍍𑌰𑌦𑌾𑌮𑍍 ।
𑌵𑍀𑌣𑌾𑌵𑍇𑌣𑍁𑌮𑍃𑌦𑌂𑌗𑌕𑌾𑌹𑌲𑌰𑌵𑌾𑌨𑍍 𑌦𑍇𑌵𑍈𑌃 𑌕𑍃𑌤𑌾𑌂𑌛𑍃𑌣𑍍𑌵𑌤𑍀𑌂
𑌗𑌾𑌯𑌤𑍍𑌰𑍀𑌂 𑌹𑌰𑌿𑌵𑌲𑍍𑌲𑌭𑌾𑌂 𑌤𑍍𑌰𑌿𑌣𑌯𑌨𑌾𑌂 𑌧𑍍𑌯𑌾𑌯𑌾𑌮𑌿 𑌪𑌂𑌚𑌾𑌨𑌨𑌾𑌮𑍍 ॥ ॥
𑌹𑌤𑍍𑌯𑌾𑌪𑌾𑌨𑌸𑍁𑌵𑌰𑍍𑌣𑌤𑌸𑍍𑌕𑌰𑌮𑌹𑌾𑌗𑍁𑌰𑍍𑌵𑌂𑌗𑌨𑌾𑌸𑌂𑌗𑌮𑌾-
-𑌂𑌦𑍋𑌷𑌾𑌂𑌛𑍈𑌲𑌸𑌮𑌾𑌨𑍍 𑌪𑍁𑌰𑌂𑌦𑌰𑌸𑌮𑌾𑌃 𑌸𑌂𑌚𑍍𑌛𑌿𑌦𑍍𑌯 𑌸𑍂𑌰𑍍𑌯𑍋𑌪𑌮𑌾𑌃 ।
𑌗𑌾𑌯𑌤𑍍𑌰𑍀𑌂 𑌶𑍍𑌰𑍁𑌤𑌿𑌮𑌾𑌤𑍁𑌰𑍇𑌕𑌮𑌨𑌸𑌾 𑌸𑌂𑌧𑍍𑌯𑌾𑌸𑍁 𑌯𑍇 𑌭𑍂𑌸𑍁𑌰𑌾
𑌜𑌪𑍍𑌤𑍍𑌵𑌾 𑌯𑌾𑌂𑌤𑌿 𑌪𑌰𑌾𑌂 𑌗𑌤𑌿𑌂 𑌮𑌨𑍁𑌮𑌿𑌮𑌂 𑌦𑍇𑌵𑍍𑌯𑌾𑌃 𑌪𑌰𑌂 𑌵𑍈𑌦𑌿𑌕𑌾𑌃 ॥ ॥
𑌇𑌤𑌿 𑌶𑍍𑌰𑍀𑌮𑌚𑍍𑌛𑌂𑌕𑌰𑌾𑌚𑌾𑌰𑍍𑌯 𑌵𑌿𑌰𑌚𑌿𑌤𑌂 𑌶𑍍𑌰𑍀 𑌗𑌾𑌯𑌤𑍍𑌰𑍍𑌯𑌷𑍍𑌟𑌕𑌮𑍍 ।
