ઓં નિધ॑નપતયે॒ નમઃ । નિધનપતાંતિકાય॒ નમઃ ।
ઊર્ધ્વાય॒ નમઃ । ઊર્ધ્વલિંગાય॒ નમઃ ।
હિરણ્યાય॒ નમઃ । હિરણ્યલિંગાય॒ નમઃ ।
સુવર્ણાય॒ નમઃ । સુવર્ણલિંગાય॒ નમઃ ।
દિવ્યાય॒ નમઃ । દિવ્યલિંગાય॒ નમઃ ।
ભવાયઃ॒ નમઃ । ભવલિંગાય॒ નમઃ ।
શર્વાય॒ નમઃ । શર્વલિંગાય॒ નમઃ ।
શિવાય॒ નમઃ । શિવલિંગાય॒ નમઃ ।
જ્વલાય॒ નમઃ । જ્વલલિંગાય॒ નમઃ ।
આત્માય॒ નમઃ । આત્મલિંગાય॒ નમઃ ।
પરમાય॒ નમઃ । પરમલિંગાય॒ નમઃ ।
એતત્સોમસ્ય॑ સૂર્ય॒સ્ય સર્વલિંગગ્ગ્॑ સ્થાપ॒ય॒તિ॒ પાણિમંત્રં પવિ॒ત્રમ્ ॥
સ॒દ્યો જા॒તં પ્ર॑પદ્યા॒મિ॒ સ॒દ્યો જા॒તાય॒ વૈ નમો॒ નમઃ॑ ।
ભ॒વે ભ॑વે॒ નાતિ॑ભવે ભવસ્વ॒ મામ્ । ભ॒વો-દ્ભ॑વાય॒ નમઃ॑ ॥
વા॒મ॒દે॒વાય॒ નમો᳚ જ્યે॒ષ્ઠાય॒ નમઃ॑ શ્રે॒ષ્ઠાય॒ નમો॑ રુ॒દ્રાય॒ નમઃ॒
કાલા॑ય॒ નમઃ॒ કલ॑વિકરણાય॒ નમો॒ બલ॑વિકરણાય॒ નમો॒ બલા॑ય॒ નમો॒
બલ॑પ્રમથનાય॒ નમ॒ સ્સર્વ॑ભૂતદમનાય॒ નમો॑ મ॒નોન્મ॑નાય॒ નમઃ॑ ।
અ॒ઘોરે᳚ભ્યો ઽથ॒ઘોરે᳚ભ્યો॒ ઘોર॒ઘોર॑તરેભ્યઃ ।
સર્વે᳚ભ્યઃ સર્વ॒ શર્વે᳚ભ્યો॒ નમ॑સ્તે અસ્તુ રુ॒દ્રરૂ॑પેભ્યઃ ॥
તત્પુરુ॑ષાય વિ॒દ્મહે॑ મહાદે॒વાય॑ ધીમહિ ।
તન્નો॑ રુદ્રઃ પ્રચો॒દયા᳚ત્ ॥
ઈશાનઃ સર્વ॑વિદ્યા॒ના॒-મીશ્વરસર્વ॑ ભૂતા॒નાં॒
બ્રહ્માધિ॑પતિ॒-ર્બ્રહ્મ॒ણોઽધિ॑પતિ॒-ર્બ્રહ્મા॑ શિ॒વો મે॑ અસ્તુ સદાશિ॒વોમ્ ॥
નમો હિરણ્યબાહવે હિરણ્યવર્ણાય હિરણ્યરૂપાય હિરણ્યપતયેઽંબિકાપતય ઉમાપતયે પશુપતયે॑ નમો॒ નમઃ ॥
ઋ॒તગ્મ્ઋ॒તગ્મ્ સ॒ત્યં પ॑રં બ્ર॒હ્મ॒ પુ॒રુષં॑ કૃષ્ણ॒પિંગ॑લમ્ ।
ઊ॒ર્ધ્વરે॑તં-વિઁ॑રૂપા॒ક્ષં॒-વિઁ॒શ્વરૂ॑પાય॒ વૈ નમો॒ નમઃ॑ ॥
સર્વો॒ હ્યે॑ષ રુ॒દ્રસ્તસ્મૈ॑ રુ॒દ્રાય॒ નમો॑ અસ્તુ॒ ।
પુરુ॑ષો॒ વૈ રુ॒દ્રસ્સન્મ॒હો નમો॒ નમઃ॑ ।
વિશ્વં॑ ભૂ॒તં ભુવ॑નં ચિ॒ત્રં બ॑હુ॒ધા જા॒તં જાય॑માનં ચ॒ યત્ ।
સર્વો॒ હ્યે॑ષ રુ॒દ્રસ્તસ્મૈ॑ રુ॒દ્રાય॒ નમો॑ અસ્તુ॒ ।
ક-દ્રુ॒દ્રાય॒ પ્રચે॑તસે મી॒ઢુષ્ટ॑માય॒ તવ્ય॑સે । વો॒ચેમ॒ શંત॑મગ્મ્ હૃ॒દે ।
સર્વો॒ હ્યે॑ષ રુ॒દ્રસ્તસ્મૈ॑ રુ॒દ્રાય॒ નમો॑ અસ્તુ॒ ।
મા નો॑ મ॒હાંત॑મુ॒ત મા નો॑ અર્ભ॒કં મા ન॒ ઉક્ષં॑તમુ॒ત મા ન॑ ઉક્ષિ॒તમ્ ।
મા નો॑ વધીઃ પિ॒તરં॒ મોત મા॒તરં॑ પ્રિ॒યા મા ન॑સ્ત॒નુવો॑ રુદ્ર રીરિષઃ ।
મા ન॑સ્તો॒કે તન॑યે॒ મા ન॒ આયુ॑ષિ॒ મા નો॒ ગોષુ॒ મા નો॒ અશ્વે॑ષુ રીરિષઃ ।
વી॒રાન્મા નો॑ રુદ્ર ભામિ॒તોઽવ॑ધીર્હ॒વિષ્મં॑તો॒ નમ॑સા વિધેમ તે ।
ત્ર્યં॑બકં-યઁજામહે સુગં॒ધિં પુ॑ષ્ટિ॒વર્ધ॑નમ્ ।
ઉ॒ર્વા॒રુ॒કમિ॑વ॒ બંધ॑નાન્મૃ॒ત્યોર્મુ॑ક્ષીય॒ માઽમૃતા᳚ત્ ।
યે તે॑ સ॒હસ્ર॑મ॒યુતં॒ પાશા॒ મૃત્યો॒ મર્ત્યા॑ય॒ હંત॑વે ।
તાન્ ય॒જ્ઞસ્ય॑ મા॒યયા॒ સર્વા॒નવ॑ યજામહે ।
મૃ॒ત્યવે॒ સ્વાહા॑ મૃ॒ત્યવે॒ સ્વાહા᳚ ।
પ્રાણાનાં ગ્રંથિરસિ રુદ્રો મા॑ વિશાં॒તકઃ ।
તેનાન્નેના᳚પ્યાય॒સ્વ ॥
નમો રુદ્રાય વિષ્ણવે મૃત્યુ॑ર્મે પા॒હિ ॥
ત્વમ॑ગ્ને દ્યુભિ॒સ્ત્વ-મા॑શુશુ॒ક્ષણિ॒સ્ત્વ-મ॒દ્ભ્યસ્ત્વ-મશ્મ॑ન॒સ્પરિ॑ । ત્વં-વઁને᳚ભ્ય॒-સ્ત્વમોષ॑ધીભ્ય॒-સ્ત્વન્-નૃ॒ણાન્ નૃ॑પતે જાયસે॒ શુચિઃ॒ ॥
શિ॒વેન॑ મે॒ સંતિ॑ષ્ઠસ્વ-સ્યો॒નેન॑ મે॒ સંતિ॑ષ્ઠસ્વ સુભૂ॒તેન॑ મે॒ સંતિ॑ષ્ઠસ્વ ય॒જ્ઞસ્યદ્ભિ॒ર્મનુ॒ સંતિ॑ષ્ઠસ્વોપ॑ તે યજ્ઞ॒ નમ॒ ઉપ॑ તે॒ નમ॒ ઉપ॑ તે॒ નમઃ॑ ॥
ઓં શાંતિઃ॒ શાંતિઃ॒ શાંતિઃ॑ ।
