ഓം നിധ॑നപതയേ॒ നമഃ । നിധനപതാംതികായ॒ നമഃ ।
ഊര്ധ്വായ॒ നമഃ । ഊര്ധ്വലിംഗായ॒ നമഃ ।
ഹിരണ്യായ॒ നമഃ । ഹിരണ്യലിംഗായ॒ നമഃ ।
സുവര്ണായ॒ നമഃ । സുവര്ണലിംഗായ॒ നമഃ ।
ദിവ്യായ॒ നമഃ । ദിവ്യലിംഗായ॒ നമഃ ।
ഭവായഃ॒ നമഃ । ഭവലിംഗായ॒ നമഃ ।
ശർവായ॒ നമഃ । ശർവലിംഗായ॒ നമഃ ।
ശിവായ॒ നമഃ । ശിവലിംഗായ॒ നമഃ ।
ജ്വലായ॒ നമഃ । ജ്വലലിംഗായ॒ നമഃ ।
ആത്മായ॒ നമഃ । ആത്മലിംഗായ॒ നമഃ ।
പരമായ॒ നമഃ । പരമലിംഗായ॒ നമഃ ।
ഏതത്സോമസ്യ॑ സൂര്യ॒സ്യ സർവലിംഗഗ്ഗ്॑ സ്ഥാപ॒യ॒തി॒ പാണിമംത്രം പവി॒ത്രമ് ॥
സ॒ദ്യോ ജാ॒തം പ്ര॑പദ്യാ॒മി॒ സ॒ദ്യോ ജാ॒തായ॒ വൈ നമോ॒ നമഃ॑ ।
ഭ॒വേ ഭ॑വേ॒ നാതി॑ഭവേ ഭവസ്വ॒ മാമ് । ഭ॒വോ-ദ്ഭ॑വായ॒ നമഃ॑ ॥
വാ॒മ॒ദേ॒വായ॒ നമോ᳚ ജ്യേ॒ഷ്ഠായ॒ നമഃ॑ ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒
കാലാ॑യ॒ നമഃ॒ കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒ നമോ॒
ബല॑പ്രമഥനായ॒ നമ॒ സ്സർവ॑ഭൂതദമനായ॒ നമോ॑ മ॒നോന്മ॑നായ॒ നമഃ॑ ।
അ॒ഘോരേ᳚ഭ്യോ ഽഥ॒ഘോരേ᳚ഭ്യോ॒ ഘോര॒ഘോര॑തരേഭ്യഃ ।
സർവേ᳚ഭ്യഃ സർവ॒ ശർവേ᳚ഭ്യോ॒ നമ॑സ്തേ അസ്തു രു॒ദ്രരൂ॑പേഭ്യഃ ॥
തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി ।
തന്നോ॑ രുദ്രഃ പ്രചോ॒ദയാ᳚ത് ॥
ഈശാനഃ സർവ॑വിദ്യാ॒നാ॒-മീശ്വരസർവ॑ ഭൂതാ॒നാം॒
ബ്രഹ്മാധി॑പതി॒-ര്ബ്രഹ്മ॒ണോഽധി॑പതി॒-ര്ബ്രഹ്മാ॑ ശി॒വോ മേ॑ അസ്തു സദാശി॒വോമ് ॥
നമോ ഹിരണ്യബാഹവേ ഹിരണ്യവര്ണായ ഹിരണ്യരൂപായ ഹിരണ്യപതയേഽംബികാപതയ ഉമാപതയേ പശുപതയേ॑ നമോ॒ നമഃ ॥
ഋ॒തഗ്മ്ഋ॒തഗ്മ് സ॒ത്യം പ॑രം ബ്ര॒ഹ്മ॒ പു॒രുഷം॑ കൃഷ്ണ॒പിംഗ॑ലമ് ।
ഊ॒ര്ധ്വരേ॑തം-വിഁ ॑രൂപാ॒ക്ഷം॒-വിഁ॒ശ്വരൂ॑പായ॒ വൈ നമോ॒ നമഃ॑ ॥
സർവോ॒ ഹ്യേ॑ഷ രു॒ദ്രസ്തസ്മൈ॑ രു॒ദ്രായ॒ നമോ॑ അസ്തു॒ ।
പുരു॑ഷോ॒ വൈ രു॒ദ്രസ്സന്മ॒ഹോ നമോ॒ നമഃ॑ ।
വിശ്വം॑ ഭൂ॒തം ഭുവ॑നം ചി॒ത്രം ബ॑ഹു॒ധാ ജാ॒തം ജായ॑മാനം ച॒ യത് ।
സർവോ॒ ഹ്യേ॑ഷ രു॒ദ്രസ്തസ്മൈ॑ രു॒ദ്രായ॒ നമോ॑ അസ്തു॒ ।
ക-ദ്രു॒ദ്രായ॒ പ്രചേ॑തസേ മീ॒ഢുഷ്ട॑മായ॒ തവ്യ॑സേ । വോ॒ചേമ॒ ശംത॑മഗ്മ് ഹൃ॒ദേ ।
സർവോ॒ ഹ്യേ॑ഷ രു॒ദ്രസ്തസ്മൈ॑ രു॒ദ്രായ॒ നമോ॑ അസ്തു॒ ।
മാ നോ॑ മ॒ഹാംത॑മു॒ത മാ നോ॑ അര്ഭ॒കം മാ ന॒ ഉക്ഷം॑തമു॒ത മാ ന॑ ഉക്ഷി॒തമ് ।
മാ നോ॑ വധീഃ പി॒തരം॒ മോത മാ॒തരം॑ പ്രി॒യാ മാ ന॑സ്ത॒നുവോ॑ രുദ്ര രീരിഷഃ ।
മാ ന॑സ്തോ॒കേ തന॑യേ॒ മാ ന॒ ആയു॑ഷി॒ മാ നോ॒ ഗോഷു॒ മാ നോ॒ അശ്വേ॑ഷു രീരിഷഃ ।
വീ॒രാന്മാ നോ॑ രുദ്ര ഭാമി॒തോഽവ॑ധീര്ഹ॒വിഷ്മം॑തോ॒ നമ॑സാ വിധേമ തേ ।
ത്ര്യം॑ബകം-യഁജാമഹേ സുഗം॒ധിം പു॑ഷ്ടി॒വര്ധ॑നമ് ।
ഉ॒ർവാ॒രു॒കമി॑വ॒ ബംധ॑നാന്മൃ॒ത്യോര്മു॑ക്ഷീയ॒ മാഽമൃതാ᳚ത് ।
യേ തേ॑ സ॒ഹസ്ര॑മ॒യുതം॒ പാശാ॒ മൃത്യോ॒ മര്ത്യാ॑യ॒ ഹംത॑വേ ।
താന് യ॒ജ്ഞസ്യ॑ മാ॒യയാ॒ സർവാ॒നവ॑ യജാമഹേ ।
മൃ॒ത്യവേ॒ സ്വാഹാ॑ മൃ॒ത്യവേ॒ സ്വാഹാ᳚ ।
പ്രാണാനാം ഗ്രംഥിരസി രുദ്രോ മാ॑ വിശാം॒തകഃ ।
തേനാന്നേനാ᳚പ്യായ॒സ്വ ॥
നമോ രുദ്രായ വിഷ്ണവേ മൃത്യു॑ര്മേ പാ॒ഹി ॥
ത്വമ॑ഗ്നേ ദ്യുഭി॒സ്ത്വ-മാ॑ശുശു॒ക്ഷണി॒സ്ത്വ-മ॒ദ്ഭ്യസ്ത്വ-മശ്മ॑ന॒സ്പരി॑ । ത്വം-വഁനേ᳚ഭ്യ॒-സ്ത്വമോഷ॑ധീഭ്യ॒-സ്ത്വന്-നൃ॒ണാന് നൃ॑പതേ ജായസേ॒ ശുചിഃ॒ ॥
ശി॒വേന॑ മേ॒ സംതി॑ഷ്ഠസ്വ-സ്യോ॒നേന॑ മേ॒ സംതി॑ഷ്ഠസ്വ സുഭൂ॒തേന॑ മേ॒ സംതി॑ഷ്ഠസ്വ യ॒ജ്ഞസ്യദ്ഭി॒ര്മനു॒ സംതി॑ഷ്ഠസ്വോപ॑ തേ യജ്ഞ॒ നമ॒ ഉപ॑ തേ॒ നമ॒ ഉപ॑ തേ॒ നമഃ॑ ॥
ഓം ശാംതിഃ॒ ശാംതിഃ॒ ശാംതിഃ॑ ।
