ମହାଶାସ୍ତା ମହାଦେଵୋ ମହାଦେଵସୁତୋଽଵ୍ୟୟଃ ।
ଲୋକକର୍ତା ଲୋକଭର୍ତା ଲୋକହର୍ତା ପରାତ୍ପରଃ ॥ 1 ॥

ତ୍ରିଲୋକରକ୍ଷକୋ ଧନ୍ଵୀ ତପସ୍ଵୀ ଭୂତସୈନିକଃ ।
ମଂତ୍ରଵେଦୀ ମହାଵେଦୀ ମାରୁତୋ ଜଗଦୀଶ୍ଵରଃ ॥ 2 ॥

ଲୋକାଧ୍ୟକ୍ଷୋଽଗ୍ରଣୀଃ ଶ୍ରୀମାନପ୍ରମେୟପରାକ୍ରମଃ ।
ସିଂହାରୂଢୋ ଗଜାରୂଢୋ ହୟାରୂଢୋ ମହେଶ୍ଵରଃ ॥ 3 ॥

ନାନାଶସ୍ତ୍ରଧରୋଽନର୍ଘୋ ନାନାଵିଦ୍ୟାଵିଶାରଦଃ ।
ନାନାରୂପଧରୋ ଵୀରୋ ନାନାପ୍ରାଣିନିଷେଵିତଃ ॥ 4 ॥

ଭୂତେଶୋ ଭୂତିତୋ ଭୃତ୍ୟୋ ଭୁଜଂଗାଭରଣୋଜ୍ଵଲଃ ।
ଇକ୍ଷୁଧନ୍ଵୀ ପୁଷ୍ପବାଣୋ ମହାରୂପୋ ମହାପ୍ରଭୁଃ ॥ 5 ॥

ମାୟାଦେଵୀସୁତୋ ମାନ୍ୟୋ ମହନୀୟୋ ମହାଗୁଣଃ ।
ମହାଶୈଵୋ ମହାରୁଦ୍ରୋ ଵୈଷ୍ଣଵୋ ଵିଷ୍ଣୁପୂଜକଃ ॥ 6 ॥

ଵିଘ୍ନେଶୋ ଵୀରଭଦ୍ରେଶୋ ଭୈରଵୋ ଷଣ୍ମୁଖପ୍ରିୟଃ ।
ମେରୁଶୃଂଗସମାସୀନୋ ମୁନିସଂଘନିଷେଵିତଃ ॥ 7 ॥

ଦେଵୋ ଭଦ୍ରୋ ଜଗନ୍ନାଥୋ ଗଣନାଥୋ ଗଣେଶ୍ଵରଃ ।
ମହାୟୋଗୀ ମହାମାୟୀ ମହାଜ୍ଞାନୀ ମହାସ୍ଥିରଃ ॥ 8 ॥

ଦେଵଶାସ୍ତା ଭୂତଶାସ୍ତା ଭୀମହାସପରାକ୍ରମଃ ।
ନାଗହାରୋ ନାଗକେଶୋ ଵ୍ୟୋମକେଶଃ ସନାତନଃ ॥ 9 ॥

ସଗୁଣୋ ନିର୍ଗୁଣୋ ନିତ୍ୟୋ ନିତ୍ୟତୃପ୍ତୋ ନିରାଶ୍ରୟଃ ।
ଲୋକାଶ୍ରୟୋ ଗଣାଧୀଶଶ୍ଚତୁଷ୍ଷଷ୍ଟିକଲାମୟଃ ॥ 10 ॥

ଋଗ୍ୟଜୁଃସାମଥର୍ଵାତ୍ମା ମଲ୍ଲକାସୁରଭଂଜନଃ ।
ତ୍ରିମୂର୍ତି ଦୈତ୍ୟମଥନଃ ପ୍ରକୃତିଃ ପୁରୁଷୋତ୍ତମଃ ॥ 11 ॥

କାଲଜ୍ଞାନୀ ମହାଜ୍ଞାନୀ କାମଦଃ କମଲେକ୍ଷଣଃ ।
କଲ୍ପଵୃକ୍ଷୋ ମହାଵୃକ୍ଷୋ ଵିଦ୍ୟାଵୃକ୍ଷୋ ଵିଭୂତିଦଃ ॥ 12 ॥

ସଂସାରତାପଵିଚ୍ଛେତ୍ତା ପଶୁଲୋକଭୟଂକରଃ ।
ରୋଗହଂତା ପ୍ରାଣଦାତା ପରଗର୍ଵଵିଭଂଜନଃ ॥ 13 ॥

ସର୍ଵଶାସ୍ତ୍ରାର୍ଥତତ୍ଵଜ୍ଞୋ ନୀତିମାନ୍ ପାପଭଂଜନଃ ।
ପୁଷ୍କଲାପୂର୍ଣାସଂୟୁକ୍ତଃ ପରମାତ୍ମା ସତାଂଗତିଃ ॥ 14 ॥

ଅନଂତାଦିତ୍ୟସଂକାଶଃ ସୁବ୍ରହ୍ମଣ୍ୟାନୁଜୋ ବଲୀ ।
ଭକ୍ତାନୁକଂପୀ ଦେଵେଶୋ ଭଗଵାନ୍ ଭକ୍ତଵତ୍ସଲଃ ॥ 15 ॥