𑌶𑍍𑌰𑍁𑌤𑍀𑌨𑌾𑌮𑍁𑌤𑍍𑌤𑌰𑌂 𑌭𑌾𑌗𑌂 𑌵𑍇𑌗𑌵𑌤𑍍𑌯𑌾𑌶𑍍𑌚 𑌦𑌕𑍍𑌷𑌿𑌣𑌮𑍍 ।
𑌕𑌾𑌮𑌾𑌦𑌧𑌿𑌵𑌸𑌨𑍍 𑌜𑍀𑌯𑌾𑌤𑍍 𑌕𑌶𑍍𑌚𑌿𑌦𑌦𑍍𑌭𑍁𑌤 𑌕𑍇𑌸𑌰𑍀 ॥ 1 ॥
𑌤𑌪𑌨𑍇𑌂𑌦𑍍𑌵𑌗𑍍𑌨𑌿𑌨𑌯𑌨𑌃 𑌤𑌾𑌪𑌾𑌨𑌪𑌚𑌿𑌨𑍋𑌤𑍁 𑌨𑌃 ।
𑌤𑌾𑌪𑌨𑍀𑌯𑌰𑌹𑌸𑍍𑌯𑌾𑌨𑌾𑌂 𑌸𑌾𑌰𑌃 𑌕𑌾𑌮𑌾𑌸𑌿𑌕𑌾 𑌹𑌰𑌿𑌃 ॥ 2 ॥
𑌆𑌕𑌂𑌠𑌮𑌾𑌦𑌿𑌪𑍁𑌰𑍁𑌷𑌂
𑌕𑌂𑌠𑍀𑌰𑌵𑌮𑍁𑌪𑌰𑌿 𑌕𑍁𑌂𑌠𑌿𑌤𑌾𑌰𑌾𑌤𑌿𑌮𑍍 ।
𑌵𑍇𑌗𑍋𑌪𑌕𑌂𑌠𑌸𑌂𑌗𑌾𑌤𑍍
𑌵𑌿𑌮𑍁𑌕𑍍𑌤𑌵𑍈𑌕𑍁𑌂𑌠𑌬𑌹𑍁𑌮𑌤𑌿𑌮𑍁𑌪𑌾𑌸𑍇 ॥ 3 ॥
𑌬𑌂𑌧𑍁𑌮𑌖𑌿𑌲𑌸𑍍𑌯 𑌜𑌂𑌤𑍋𑌃
𑌬𑌂𑌧𑍁𑌰𑌪𑌰𑍍𑌯𑌂𑌕𑌬𑌂𑌧𑌰𑌮𑌣𑍀𑌯𑌮𑍍 ।
𑌵𑌿𑌷𑌮𑌵𑌿𑌲𑍋𑌚𑌨𑌮𑍀𑌡𑍇
𑌵𑍇𑌗𑌵𑌤𑍀𑌪𑍁𑌳𑌿𑌨𑌕𑍇𑌳𑌿𑌨𑌰𑌸𑌿𑌂𑌹𑌮𑍍 ॥ 4 ॥
𑌸𑍍𑌵𑌸𑍍𑌥𑌾𑌨𑍇𑌷𑍁 𑌮𑌰𑍁𑌦𑍍𑌗𑌣𑌾𑌨𑍍 𑌨𑌿𑌯𑌮𑌯𑌨𑍍 𑌸𑍍𑌵𑌾𑌧𑍀𑌨𑌸𑌰𑍍𑌵𑍇𑌂𑌦𑍍𑌰𑌿𑌯𑌃
𑌪𑌰𑍍𑌯𑌂𑌕𑌸𑍍𑌥𑌿𑌰𑌧𑌾𑌰𑌣𑌾 𑌪𑍍𑌰𑌕𑌟𑌿𑌤𑌪𑍍𑌰𑌤𑍍𑌯𑌙𑍍𑌮𑍁𑌖𑌾𑌵𑌸𑍍𑌥𑌿𑌤𑌿𑌃 ।
𑌪𑍍𑌰𑌾𑌯𑍇𑌣 𑌪𑍍𑌰𑌣𑌿𑌪𑍇𑌦𑍁𑌷𑌃 𑌪𑍍𑌰𑌭𑍁𑌰𑌸𑍌 𑌯𑍋𑌗𑌂 𑌨𑌿𑌜𑌂 𑌶𑌿𑌕𑍍𑌷𑌯𑌨𑍍
𑌕𑌾𑌮𑌾𑌨𑌾𑌤𑌨𑍁𑌤𑌾𑌦𑌶𑍇𑌷𑌜𑌗𑌤𑌾𑌂 𑌕𑌾𑌮𑌾𑌸𑌿𑌕𑌾 𑌕𑍇𑌸𑌰𑍀 ॥ 5 ॥
𑌵𑌿𑌕𑌸𑍍𑌵𑌰𑌨𑌖𑌸𑍍𑌵𑌰𑍁𑌕𑍍𑌷𑌤𑌹𑌿𑌰𑌣𑍍𑌯𑌵𑌕𑍍𑌷𑌃𑌸𑍍𑌥𑌲𑍀-
-𑌨𑌿𑌰𑌰𑍍𑌗𑌲𑌵𑌿𑌨𑌿𑌰𑍍𑌗𑌲𑌦𑍍𑌰𑍁𑌧𑌿𑌰𑌸𑌿𑌂𑌧𑍁𑌸𑌂𑌧𑍍𑌯𑌾𑌯𑌿𑌤𑌾𑌃 ।
𑌅𑌵𑌂𑌤𑍁 𑌮𑌦𑌨𑌾𑌸𑌿𑌕𑌾𑌮𑌨𑍁𑌜𑌪𑌂𑌚𑌵𑌕𑍍𑌤𑍍𑌰𑌸𑍍𑌯 𑌮𑌾𑌂
𑌅𑌹𑌂𑌪𑍍𑌰𑌥𑌮𑌿𑌕𑌾𑌮𑌿𑌥𑌃 𑌪𑍍𑌰𑌕𑌟𑌿𑌤𑌾𑌹𑌵𑌾 𑌬𑌾𑌹𑌵𑌃 ॥ 6 ॥
𑌸𑌟𑌾𑌪𑌟𑌲𑌭𑍀𑌷𑌣𑍇 𑌸𑌰𑌭𑌸𑌾𑌟𑍍𑌟𑌹𑌾𑌸𑍋𑌦𑍍𑌭𑌟𑍇
𑌸𑍍𑌫𑍁𑌰𑌤𑍍 𑌕𑍍𑌰𑍁𑌧𑌿𑌪𑌰𑌿𑌸𑍍𑌫𑍁𑌟 𑌭𑍍𑌰𑍁𑌕𑍁𑌟𑌿𑌕𑍇𑌽𑌪𑌿 𑌵𑌕𑍍𑌤𑍍𑌰𑍇 𑌕𑍃𑌤𑍇 ।
𑌕𑍃𑌪𑌾𑌕𑌪𑌟𑌕𑍇𑌸𑌰𑌿𑌨𑍍 𑌦𑌨𑍁𑌜𑌡𑌿𑌂𑌭𑌦𑌤𑍍𑌤𑌸𑍍𑌤𑌨𑌾
𑌸𑌰𑍋𑌜𑌸𑌦𑍃𑌶𑌾 𑌦𑍃𑌶𑌾 𑌵𑍍𑌯𑌤𑌿𑌵𑌿𑌷𑌜𑍍𑌯 𑌤𑍇 𑌵𑍍𑌯𑌜𑍍𑌯𑌤𑍇 ॥ ॥
𑌤𑍍𑌵𑌯𑌿 𑌰𑌕𑍍𑌷𑌤𑌿 𑌰𑌕𑍍𑌷𑌕𑍈𑌃 𑌕𑌿𑌮𑌨𑍍𑌯𑍈-
-𑌸𑍍𑌤𑍍𑌵𑌯𑌿 𑌚𑌾𑌰𑌕𑍍𑌷𑌤𑌿 𑌰𑌕𑍍𑌷𑌕𑍈𑌃 𑌕𑌿𑌮𑌨𑍍𑌯𑍈𑌃 ।
𑌇𑌤𑌿 𑌨𑌿𑌶𑍍𑌚𑌿𑌤𑌧𑍀𑌃 𑌶𑍍𑌰𑌯𑌾𑌮𑌿 𑌨𑌿𑌤𑍍𑌯𑌂
𑌨𑍃𑌹𑌰𑍇 𑌵𑍇𑌗𑌵𑌤𑍀𑌤𑌟𑌾𑌶𑍍𑌰𑌯𑌂 𑌤𑍍𑌵𑌾𑌮𑍍 ॥ ॥
𑌇𑌤𑍍𑌥𑌂 𑌸𑍍𑌤𑍁𑌤𑌃 𑌸𑌕𑍃𑌦𑌿𑌹𑌾𑌷𑍍𑌟𑌭𑌿𑌰𑍇𑌷 𑌪𑌦𑍍𑌯𑍈𑌃
𑌶𑍍𑌰𑍀𑌵𑍇𑌂𑌕𑌟𑍇𑌶𑌰𑌚𑌿𑌤𑍈𑌸𑍍𑌤𑍍𑌰𑌿𑌦𑌶𑍇𑌂𑌦𑍍𑌰𑌵𑌂𑌦𑍍𑌯𑌃 ।
𑌦𑍁𑌰𑍍𑌦𑌾𑌂𑌤𑌘𑍋𑌰𑌦𑍁𑌰𑌿𑌤𑌦𑍍𑌵𑌿𑌰𑌦𑍇𑌂𑌦𑍍𑌰𑌭𑍇𑌦𑍀
𑌕𑌾𑌮𑌾𑌸𑌿𑌕𑌾𑌨𑌰𑌹𑌰𑌿𑌰𑍍𑌵𑌿𑌤𑌨𑍋𑌤𑍁 𑌕𑌾𑌮𑌾𑌨𑍍 ॥ ॥
𑌇𑌤𑌿 𑌶𑍍𑌰𑍀𑌵𑍇𑌦𑌾𑌂𑌤𑌦𑍇𑌶𑌿𑌕𑌕𑍃𑌤𑌂 𑌕𑌾𑌮𑌾𑌸𑌿𑌕𑌾𑌷𑍍𑌟𑌕𑌮𑍍 ।
