ભાસ્વાન્ કાશ્યપગોત્રજોઽરુણરુચિર્યઃ સિંહપોઽર્કઃ સમિ-
-ત્ષટ્ત્રિસ્થોઽદશશોભનો ગુરુશશી ભૌમાઃ સુમિત્રાઃ સદા ।
શુક્રો મંદરિપુઃ કળિંગજનપશ્ચાગ્નીશ્વરૌ દેવતે
મધ્યેવર્તુલપૂર્વદિગ્દિનકરઃ કુર્યાત્સદા મંગળમ્ ॥ 1 ॥

ચંદ્રઃ કર્કટકપ્રભુઃ સિતનિભશ્ચાત્રેયગોત્રોદ્ભવ-
-શ્ચાત્રેયશ્ચતુરશ્રવારુણમુખશ્ચાપે ઉમાધીશ્વરઃ ।
ષટ્સપ્તાગ્નિ દશૈકશોભનફલો નોરિર્બુધાર્કૌપ્રિયૌ
સ્વામી યામુનજશ્ચ પર્ણસમિધઃ કુર્યાત્સદા મંગળમ્ ॥ 2 ॥

ભૌમો દક્ષિણદિક્ત્રિકોણયમદિગ્વિંધ્યેશ્વરઃ ખાદિરઃ
સ્વામી વૃશ્ચિકમેષયોસ્તુ સુગુરુશ્ચાર્કઃ શશી સૌહૃદઃ ।
જ્ઞોઽરિઃ ષટ્ત્રિફલપ્રદશ્ચ વસુધાસ્કંદૌ ક્રમાદ્દેવતે
ભારદ્વાજકુલોદ્વહોઽરુણરુચિઃ કુર્યાત્સદા મંગળમ્ ॥ 3 ॥

સૌમ્યઃ પીત ઉદઙ્મુખઃ સમિદપામાર્ગોઽત્રિગોત્રોદ્ભવો
બાણેશાનદિશઃ સુહૃદ્રવિસુતઃ શાંતઃ સુતઃ શીતગોઃ ।
કન્યાયુગ્મપતિર્દશાષ્ટચતુરઃ ષણ્ણેત્રગઃ શોભનો
વિષ્ણુર્દેવ્યધિદેવતે મગધપઃ કુર્યાત્સદા મંગળમ્ ॥ 4 ॥

જીવશ્ચાંગિરગોત્રજોત્તરમુખો દીર્ઘોત્તરાશાસ્થિતઃ
પીતોઽશ્વત્થસમિચ્ચ સિંધુજનિતશ્ચાપોઽથ મીનાધિપઃ ।
સૂર્યેંદુક્ષિતિજાઃ પ્રિયા બુધસિતૌ શત્રૂ સમાશ્ચાપરે
સપ્તદ્વે નવપંચમે શુભકરઃ કુર્યાત્સદા મંગળમ્ ॥ 5 ॥

શુક્રો ભાર્ગવગોત્રજઃ સિતરુચિઃ પૂર્વામુખઃ પૂર્વદિક્
પાંચાલસ્થ વૃષસ્તુલાધિપમહારાષ્ટ્રાધિપૌદુંબરઃ ।
ઇંદ્રાણીમઘવા બુધશ્ચ રવિજો મિત્રોર્ક ચંદ્રાવરી
ષષ્ઠત્રિર્દશવર્જિતે ભૃગુસુતઃ કુર્યાત્સદા મંગળમ્ ॥ 6 ॥

મંદઃ કૃષ્ણનિભઃ સપશ્ચિમમુખઃ સૌરાષ્ટ્રપઃ કાશ્યપઃ
સ્વામી નક્રસુકુંભયોર્બુધસિતૌ મિત્રૌ કુજેંદૂ દ્વિષૌ ।
સ્થાનં પશ્ચિમદિક્ પ્રજાપતિયમૌ દેવૌ ધનુર્ધારકઃ
ષટ્ત્રિસ્થઃ શુભકૃચ્છની રવિસુતઃ કુર્યાત્સદા મંગળમ્ ॥ 7 ॥

રાહુઃ સિંહળદેશપોઽપિ સતમઃ કૃષ્ણાંગશૂર્પાસનો
યઃ પૈઠીનસગોત્રસંભવસમિદ્દૂર્વામુખો દક્ષિણઃ ।
યઃ સર્પઃ પશુદૈવતોઽખિલગતઃ સૂર્યગ્રહે છાદકઃ
ષટ્ત્રિસ્થઃ શુભકૃચ્ચ સિંહકસુતઃ કુર્યાત્સદા મંગળમ્ ॥ 8 ॥

કેતુર્જૈમિનિગોત્રજઃ કુશસમિદ્વાયવ્યકોણેસ્થિત-
-શ્ચિત્રાંકધ્વજલાંછનો હિ ભગવાન્ યો દક્ષિણાશામુખઃ ।
બ્રહ્મા ચૈવ તુ ચિત્રગુપ્તપતિમાન્ પ્રીત્યાધિદેવઃ સદા
ષટ્ત્રિસ્થઃ શુભકૃચ્ચ બર્બરપતિઃ કુર્યાત્સદા મંગળમ્ ॥ 9 ॥

ઇતિ નવગ્રહ મંગળ સ્તોત્રમ્ ।