શૃણુ નામાનિ રાહોશ્ચ સૈંહિકેયો વિધુંતુદઃ ।
સુરશત્રુસ્તમશ્ચૈવ ફણી ગાર્ગ્યાયણસ્તથા ॥ 1 ॥

સુરાગુર્નીલજીમૂતસંકાશશ્ચ ચતુર્ભુજઃ ।
ખડ્ગખેટકધારી ચ વરદાયકહસ્તકઃ ॥ 2 ॥

શૂલાયુધો મેઘવર્ણઃ કૃષ્ણધ્વજપતાકવાન્ ।
દક્ષિણાશામુખરતઃ તીક્ષ્ણદંષ્ટ્રધરાય ચ ॥ 3 ॥

શૂર્પાકારાસનસ્થશ્ચ ગોમેદાભરણપ્રિયઃ ।
માષપ્રિયઃ કશ્યપર્ષિનંદનો ભુજગેશ્વરઃ ॥ 4 ॥

ઉલ્કાપાતજનિઃ શૂલી નિધિપઃ કૃષ્ણસર્પરાટ્ ।
વિષજ્વલાવૃતાસ્યોઽર્ધશરીરો જાદ્યસંપ્રદઃ ॥ 5 ॥

રવીંદુભીકરશ્છાયાસ્વરૂપી કઠિનાંગકઃ ।
દ્વિષચ્ચક્રચ્છેદકોઽથ કરાળાસ્યો ભયંકરઃ ॥ 6 ॥

ક્રૂરકર્મા તમોરૂપઃ શ્યામાત્મા નીલલોહિતઃ ।
કિરીટી નીલવસનઃ શનિસામંતવર્ત્મગઃ ॥ 7 ॥

ચાંડાલવર્ણોઽથાશ્વ્યર્ક્ષભવો મેષભવસ્તથા ।
શનિવત્ફલદઃ શૂરોઽપસવ્યગતિરેવ ચ ॥ 8 ॥

ઉપરાગકરઃ સૂર્યહિમાંશુચ્છવિહારકઃ ।
નીલપુષ્પવિહારશ્ચ ગ્રહશ્રેષ્ઠોઽષ્ટમગ્રહઃ ॥ 9 ॥

કબંધમાત્રદેહશ્ચ યાતુધાનકુલોદ્ભવઃ ।
ગોવિંદવરપાત્રં ચ દેવજાતિપ્રવિષ્ટકઃ ॥ 10 ॥

ક્રૂરો ઘોરઃ શનેર્મિત્રં શુક્રમિત્રમગોચરઃ ।
માનેગંગાસ્નાનદાતા સ્વગૃહેપ્રબલાઢ્યકઃ ॥ 11 ॥

સદ્ગૃહેઽન્યબલધૃચ્ચતુર્થે માતૃનાશકઃ ।
ચંદ્રયુક્તે તુ ચંડાલજન્મસૂચક એવ તુ ॥ 12 ॥

જન્મસિંહે રાજ્યદાતા મહાકાયસ્તથૈવ ચ ।
જન્મકર્તા વિધુરિપુ મત્તકો જ્ઞાનદશ્ચ સઃ ॥ 13 ॥

જન્મકન્યારાજ્યદાતા જન્મહાનિદ એવ ચ ।
નવમે પિતૃહંતા ચ પંચમે શોકદાયકઃ ॥ 14 ॥

દ્યૂને કળત્રહંતા ચ સપ્તમે કલહપ્રદઃ ।
ષષ્ઠે તુ વિત્તદાતા ચ ચતુર્થે વૈરદાયકઃ ॥ 15 ॥

નવમે પાપદાતા ચ દશમે શોકદાયકઃ ।
આદૌ યશઃ પ્રદાતા ચ અંતે વૈરપ્રદાયકઃ ॥ 16 ॥

કાલાત્મા ગોચરાચારો ધને ચાસ્ય કકુત્પ્રદઃ ।
પંચમે ધિષણાશૃંગદઃ સ્વર્ભાનુર્બલી તથા ॥ 17 ॥

મહાસૌખ્યપ્રદાયી ચ ચંદ્રવૈરી ચ શાશ્વતઃ ।
સુરશત્રુઃ પાપગ્રહઃ શાંભવઃ પૂજ્યકસ્તથા ॥ 18 ॥

પાટીરપૂરણશ્ચાથ પૈઠીનસકુલોદ્ભવઃ ।
દીર્ઘકૃષ્ણોઽતનુર્વિષ્ણુનેત્રારિર્દેવદાનવૌ ॥ 19 ॥

ભક્તરક્ષો રાહુમૂર્તિઃ સર્વાભીષ્ટફલપ્રદઃ ।
એતદ્રાહુગ્રહસ્યોક્તં નામ્નામષ્ટોત્તરં શતમ્ ॥ 20 ॥

શ્રદ્ધયા યો જપેન્નિત્યં મુચ્યતે સર્વસંકટાત્ ।
સર્વસંપત્કરસ્તસ્ય રાહુરિષ્ટપ્રદાયકઃ ॥ 21 ॥

ઇતિ શ્રી રાહુ અષ્ટોત્તરશતનામ સ્તોત્રમ્ ।