શૃણુ નામાનિ જપ્યાનિ કેતો રથ મહામતે ।
કેતુઃ સ્થૂલશિરાશ્ચૈવ શિરોમાત્રો ધ્વજાકૃતિઃ ॥ 1 ॥

નવગ્રહયુતઃ સિંહિકાસુરીગર્ભસંભવઃ ।
મહાભીતિકરશ્ચિત્રવર્ણો વૈ પિંગળાક્ષકઃ ॥ 2 ॥

સ ફલોધૂમ્રસંકાશઃ તીક્ષ્ણદંષ્ટ્રો મહોરગઃ ।
રક્તનેત્રશ્ચિત્રકારી તીવ્રકોપો મહાસુરઃ ॥ 3 ॥

ક્રૂરકંઠઃ ક્રોધનિધિશ્છાયાગ્રહવિશેષકઃ ।
અંત્યગ્રહો મહાશીર્ષો સૂર્યારિઃ પુષ્પવદ્ગ્રહી ॥ 4 ॥

વરહસ્તો ગદાપાણિશ્ચિત્રવસ્ત્રધરસ્તથા ।
ચિત્રધ્વજપતાકશ્ચ ઘોરશ્ચિત્રરથઃ શિખી ॥ 5 ॥

કુળુત્થભક્ષકશ્ચૈવ વૈડૂર્યાભરણસ્તથા ।
ઉત્પાતજનકઃ શુક્રમિત્રં મંદસખસ્તથા ॥ 6 ॥

ગદાધરઃ નાકપતિઃ અંતર્વેદીશ્વરસ્તથા ।
જૈમિનીગોત્રજશ્ચિત્રગુપ્તાત્મા દક્ષિણામુખઃ ॥ 7 ॥

મુકુંદવરપાત્રં ચ મહાસુરકુલોદ્ભવઃ ।
ઘનવર્ણો લંબદેહો મૃત્યુપુત્રસ્તથૈવ ચ ॥ 8 ॥

ઉત્પાતરૂપધારી ચાઽદૃશ્યઃ કાલાગ્નિસન્નિભઃ ।
નૃપીડો ગ્રહકારી ચ સર્વોપદ્રવકારકઃ ॥ 9 ॥

ચિત્રપ્રસૂતો હ્યનલઃ સર્વવ્યાધિવિનાશકઃ ।
અપસવ્યપ્રચારી ચ નવમે પાપદાયકઃ ॥ 10 ॥

પંચમે શોકદશ્ચોપરાગખેચર એવ ચ ।
અતિપુરુષકર્મા ચ તુરીયે (તુ) સુખપ્રદઃ ॥ 11 ॥

તૃતીયે વૈરદઃ પાપગ્રહશ્ચ સ્ફોટકારકઃ ।
પ્રાણનાથઃ પંચમે તુ શ્રમકારક એવ ચ ॥ 12 ॥

દ્વિતીયેઽસ્ફુટવાગ્દાતા વિષાકુલિતવક્ત્રકઃ ।
કામરૂપી સિંહદંતઃ સત્યેપ્યનૃતવાનપિ ॥ 13 ॥

ચતુર્થે માતૃનાશશ્ચ નવમે પિતૃનાશકઃ ।
અંત્યે વૈરપ્રદશ્ચૈવ સુતાનંદનબંધકઃ ॥ 14 ॥

સર્પાક્ષિજાતોઽનંગશ્ચ કર્મરાશ્યુદ્ભવસ્તથા ।
ઉપાંતે કીર્તિદશ્ચૈવ સપ્તમે કલહપ્રદઃ ॥ 15 ॥

અષ્ટમે વ્યાધિકર્તા ચ ધને બહુસુખપ્રદઃ ।
જનને રોગદશ્ચોર્ધ્વમૂર્ધજો ગ્રહનાયકઃ ॥ 16 ॥

પાપદૃષ્ટિઃ ખેચરશ્ચ શાંભવોઽશેષપૂજિતઃ ।
શાશ્વતશ્ચ નટશ્ચૈવ શુભાઽશુભફલપ્રદઃ ॥ 17 ॥

ધૂમ્રશ્ચૈવ સુધાપાયી હ્યજિતો ભક્તવત્સલઃ ।
સિંહાસનઃ કેતુમૂર્તી રવીંદુદ્યુતિનાશકઃ ॥ 18 ॥

અમરઃ પીડકોઽમર્ત્યો વિષ્ણુદૃષ્ટોઽસુરેશ્વરઃ ।
ભક્તરક્ષોઽથ વૈચિત્ર્યકપટસ્યંદનસ્તથા ॥ 19 ॥

વિચિત્રફલદાયી ચ ભક્તાભીષ્ટફલપ્રદઃ ।
એતત્કેતુગ્રહસ્યોક્તં નામ્નામષ્ટોત્તરં શતમ્ ॥ 20 ॥

યો ભક્ત્યેદં જપેત્કેતુર્નામ્નામષ્ટોત્તરં શતમ્ ।
સ તુ કેતોઃ પ્રસાદેન સર્વાભીષ્ટં સમાપ્નુયાત્ ॥ 21 ॥

ઇતિ શ્રી કેતુ અષ્ટોત્તરશતનામ સ્તોત્રમ્ ।