શુક્રઃ શુચિઃ શુભગુણઃ શુભદઃ શુભલક્ષણઃ ।
શોભનાક્ષઃ શુભ્રરૂપઃ શુદ્ધસ્ફટિકભાસ્વરઃ ॥ 1 ॥

દીનાર્તિહારકો દૈત્યગુરુઃ દેવાભિવંદિતઃ ।
કાવ્યાસક્તઃ કામપાલઃ કવિઃ કળ્યાણદાયકઃ ॥ 2 ॥

ભદ્રમૂર્તિર્ભદ્રગુણો ભાર્ગવો ભક્તપાલનઃ ।
ભોગદો ભુવનાધ્યક્ષો ભુક્તિમુક્તિફલપ્રદઃ ॥ 3 ॥

ચારુશીલશ્ચારુરૂપશ્ચારુચંદ્રનિભાનનઃ ।
નિધિર્નિખિલશાસ્ત્રજ્ઞો નીતિવિદ્યાધુરંધરઃ ॥ 4 ॥

સર્વલક્ષણસંપન્નઃ સર્વાવગુણવર્જિતઃ ।
સમાનાધિકનિર્મુક્તઃ સકલાગમપારગઃ ॥ 5 ॥

ભૃગુર્ભોગકરો ભૂમિસુરપાલનતત્પરઃ ।
મનસ્વી માનદો માન્યો માયાતીતો મહાશયઃ ॥ 6 ॥

બલિપ્રસન્નોઽભયદો બલી બલપરાક્રમઃ ।
ભવપાશપરિત્યાગો બલિબંધવિમોચકઃ ॥ 7 ॥

ઘનાશયો ઘનાધ્યક્ષો કંબુગ્રીવઃ કળાધરઃ ।
કારુણ્યરસસંપૂર્ણઃ કળ્યાણગુણવર્ધનઃ ॥ 8 ॥

શ્વેતાંબરઃ શ્વેતવપુશ્ચતુર્ભુજસમન્વિતઃ ।
અક્ષમાલાધરોઽચિંત્યો અક્ષીણગુણભાસુરઃ ॥ 9 ॥

નક્ષત્રગણસંચારો નયદો નીતિમાર્ગદઃ ।
વર્ષપ્રદો હૃષીકેશઃ ક્લેશનાશકરઃ કવિઃ ॥ 10 ॥

ચિંતિતાર્થપ્રદઃ શાંતમતિઃ ચિત્તસમાધિકૃત્ ।
આધિવ્યાધિહરો ભૂરિવિક્રમઃ પુણ્યદાયકઃ ॥ 11 ॥

પુરાણપુરુષઃ પૂજ્યઃ પુરુહૂતાદિસન્નુતઃ ।
અજેયો વિજિતારાતિર્વિવિધાભરણોજ્જ્વલઃ ॥ 12 ॥

કુંદપુષ્પપ્રતીકાશો મંદહાસો મહામતિઃ ।
મુક્તાફલસમાનાભો મુક્તિદો મુનિસન્નુતઃ ॥ 13 ॥

રત્નસિંહાસનારૂઢો રથસ્થો રજતપ્રભઃ ।
સૂર્યપ્રાગ્દેશસંચારઃ સુરશત્રુસુહૃત્ કવિઃ ॥ 14 ॥

તુલાવૃષભરાશીશો દુર્ધરો ધર્મપાલકઃ ।
ભાગ્યદો ભવ્યચારિત્રો ભવપાશવિમોચકઃ ॥ 15 ॥

ગૌડદેશેશ્વરો ગોપ્તા ગુણી ગુણવિભૂષણઃ ।
જ્યેષ્ઠાનક્ષત્રસંભૂતો જ્યેષ્ઠઃ શ્રેષ્ઠઃ શુચિસ્મિતઃ ॥ 16 ॥

અપવર્ગપ્રદોઽનંતઃ સંતાનફલદાયકઃ ।
સર્વૈશ્વર્યપ્રદઃ સર્વગીર્વાણગણસન્નુતઃ ॥ 17 ॥

એવં શુક્રગ્રહસ્યૈવ ક્રમાદષ્ટોત્તરં શતમ્ ।
સર્વપાપપ્રશમનં સર્વપુણ્યફલપ્રદમ્ ।
યઃ પઠેચ્છૃણુયાદ્વાપિ સર્વાન્ કામાનવાપ્નુયાત્ ॥ 18 ॥

ઇતિ શ્રી શુક્ર અષ્ટોત્તરશતનામ સ્તોત્રમ્ ।