ઓમિત્યેકાક્ષરં બ્રહ્મ વ્યાહરંતિ ત્રયશ્શિખાઃ ।
તસ્મૈતારાત્મને મેધાદક્ષિણામૂર્તયે નમઃ ॥ 1 ॥
નત્વા યં મુનયસ્સર્વે પરંયાંતિ દુરાસદમ્ ।
નકારરૂપિણે મેધાદક્ષિણામૂર્તયે નમઃ ॥ 2 ॥
મોહજાલવિનિર્મુક્તો બ્રહ્મવિદ્યાતિ યત્પદમ્ ।
મોકારરૂપિણે મેધાદક્ષિણામૂર્તયે નમઃ ॥ 3 ॥
ભવમાશ્રિત્યયં વિદ્વાન્ નભવોહ્યભવત્પરઃ ।
ભકારરૂપિણે મેધાદક્ષિણામૂર્તયે નમઃ ॥ 4 ॥
ગગનાકારવદ્ભાંતમનુભાત્યખિલં જગત્ ।
ગકારરૂપિણે મેધાદક્ષિણામૂર્તયે નમઃ ॥ 5 ॥
વટમૂલનિવાસો યો લોકાનાં પ્રભુરવ્યયઃ ।
વકારરૂપિણે મેધાદક્ષિણામૂર્તયે નમઃ ॥ 6 ॥
તેજોભિર્યસ્યસૂર્યોઽસૌ કાલક્લૃપ્તિકરો ભવેત્ ।
તેકારરૂપિણે મેધાદક્ષિણામૂર્તયે નમઃ ॥ 7 ॥
દક્ષત્રિપુરસંહારે યઃ કાલવિષભંજને ।
દકારરૂપિણે મેધાદક્ષિણામૂર્તયે નમઃ ॥ 8 ॥
ક્ષિપ્રં ભવતિ વાક્સિદ્ધિર્યન્નામસ્મરણાન્નૃણામ્ ।
ક્ષિકારરૂપિણે મેધાદક્ષિણામૂર્તયે નમઃ ॥ 9 ॥
ણાકારવાચ્યોયસ્સુપ્તં સંદીપયતિ મે મનઃ ।
ણાકારરૂપિણે મેધાદક્ષિણામૂર્તયે નમઃ ॥ 10 ॥
મૂર્તયો હ્યષ્ટધાયસ્ય જગજ્જન્માદિકારણમ્ ।
મૂકારરૂપિણે મેધાદક્ષિણામૂર્તયે નમઃ ॥ 11 ॥
તત્ત્વં બ્રહ્માસિ પરમમિતિ યદ્ગુરુબોધિતઃ ।
સરેફતાત્મને મેધાદક્ષિણામૂર્તયે નમઃ ॥ 12 ॥
યેયં વિદિત્વા બ્રહ્માદ્યા ઋષયો યાંતિ નિર્વૃતિમ્ ।
યેકારરૂપિણે મેધાદક્ષિણામૂર્તયે નમઃ ॥ 13 ॥
મહતાં દેવમિત્યાહુર્નિગમાગમયોશ્શિવઃ ।
મકારરૂપિણે મેધાદક્ષિણામૂર્તયે નમઃ ॥ 14 ॥
સર્વસ્યજગતો હ્યંતર્બહિર્યો વ્યાપ્યસંસ્થિતઃ ।
હ્યકારરૂપિણે મેધાદક્ષિણામૂર્તયે નમઃ ॥ 15 ॥
ત્વમેવ જગતસ્સાક્ષી સૃષ્ટિસ્થિત્યંતકારણમ્ ।
મેકારરૂપિણે મેધાદક્ષિણામૂર્તયે નમઃ ॥ 16 ॥
ધામેતિ ધાતૃસૃષ્ટેર્યત્કારણં કાર્યમુચ્યતે ।
ધાંકારરૂપિણે મેધાદક્ષિણામૂર્તયે નમઃ ॥ 17 ॥
પ્રકૃતેર્યત્પરં ધ્યાત્વા તાદાત્મ્યં યાતિ વૈ મુનિઃ ।
પ્રકારરૂપિણે મેધાદક્ષિણામૂર્તયે નમઃ ॥ 18 ॥
જ્ઞાનિનોયમુપાસ્યંતિ તત્ત્વાતીતં ચિદાત્મકમ્ ।
જ્ઞાકારરૂપિણે મેધાદક્ષિણામૂર્તયે નમઃ ॥ 19 ॥
પ્રજ્ઞા સંજાયતે યસ્ય ધ્યાનનામાર્ચનાદિભિઃ ।
પ્રકારરૂપિણે મેધાદક્ષિણામૂર્તયે નમઃ ॥ 20 ॥
યસ્ય સ્મરણમાત્રેણ નરોમુક્તસ્સબંધનાત્ । [ સરોમુક્ત ]
યકારરૂપિણે મેધાદક્ષિણામૂર્તયે નમઃ ॥ 21 ॥
છવેર્યન્નેંદ્રિયાણ્યાપુર્વિષયેષ્વિહ જાડ્યતામ્ ।
છકારરૂપિણે મેધાદક્ષિણામૂર્તયે નમઃ ॥ 22 ॥
સ્વાંતેવિદાં જડાનાં યો દૂરેતિષ્ઠતિ ચિન્મયઃ ।
સ્વાકારરૂપિણે મેધાદક્ષિણામૂર્તયે નમઃ ॥ 23 ॥
હારપ્રાયફણીંદ્રાય સર્વવિદ્યાપ્રદાયિને ।
હાકારરૂપિણે મેધાદક્ષિણામૂર્તયે નમઃ ॥ 24 ॥
ઇતિ શ્રી મેધાદક્ષિણામૂર્તિ મંત્રવર્ણપદ સ્તુતિઃ ॥
