અથ કથમપિ મદ્રાસનાં ત્વદ્ગુણલેશૈર્વિશોધયામિ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 1 ॥
આખંડલમદખંડનપંડિત તંડુપ્રિય ચંડીશ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 2 ॥
ઇભચર્માંબર શંબરરિપુવપુરપહરણોજ્જ્વલનયન વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 3 ॥
ઈશ ગિરીશ નરેશ પરેશ મહેશ બિલેશયભૂષણ ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 4 ॥
ઉમયા દિવ્યસુમંગળવિગ્રહયાલિંગિતવામાંગ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 5 ॥
ઊરીકુરુ મામજ્ઞમનાથં દૂરીકુરુ મે દુરિતં ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 6 ॥
ઋષિવરમાનસહંસ ચરાચરજનનસ્થિતિલયકારણ ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 7 ॥
ૠક્ષાધીશકિરીટ મહોક્ષારૂઢ વિધૃતરુદ્રાક્ષ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 8 ॥
લુવર્ણદ્વંદ્વમવૃંતસુકુસુમમિવાંઘ્રૌ તવાર્પયામિ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 9 ॥
એકં સદિતિ શ્રુત્યા ત્વમેવ સદસીત્યુપાસ્મહે મૃડ ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 10 ॥
ઐક્યં નિજભક્તેભ્યો વિતરસિ વિશ્વંભરોઽત્ર સાક્ષી ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 11 ॥
ઓમિતિ તવ નિર્દેષ્ટ્રી માયાસ્માકં મૃડોપકર્ત્રી ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 12 ॥
ઔદાસ્યં સ્ફુટયતિ વિષયેષુ દિગંબરતા ચ તવૈવ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 13 ॥
અંતઃકરણવિશુદ્ધિં ભક્તિં ચ ત્વયિ સતીં પ્રદેહિ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 14 ॥
અસ્તોપાધિસમસ્તવ્યસ્તૈ રૂપૈર્જગન્મયોઽસિ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 15 ॥
કરુણાવરુણાલય મયિ દાસ ઉદાસસ્તવોચિતો ન હિ ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 16 ॥
ખલસહવાસં વિઘટય ઘટય સતામેવ સંગમનિશં ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 17 ॥
ગરળં જગદુપકૃતયે ગિલિતં ભવતા સમોઽસ્તિ કોઽત્ર વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 18 ॥
ઘનસારગૌરગાત્ર પ્રચુરજટાજૂટબદ્ધગંગ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 19 ॥
જ્ઞપ્તિઃ સર્વશરીરેષ્વખંડિતા યા વિભાતિ સા ત્વં ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 20 ॥
ચપલં મમ હૃદયકપિં વિષયદ્રુચરં દૃઢં બધાન વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 21 ॥
છાયા સ્થાણોરપિ તવ તાપં નમતાં હરત્યહો શિવ ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 22 ॥
જય કૈલાસનિવાસ પ્રમથગણાધીશ ભૂસુરાર્ચિત ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 23 ॥
ઝણુતકઝંકિણુઝણુતત્કિટતક-શબ્દૈર્નટસિ મહાનટ ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 24 ॥
જ્ઞાનં વિક્ષેપાવૃતિરહિતં કુરુ મે ગુરુસ્ત્વમેવ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 25 ॥
ટંકારસ્તવ ધનુષો દલયતિ હૃદયં દ્વિષામશનિરિવ ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 26 ॥
ઠાકૃતિરિવ તવ માયા બહિરંતઃ શૂન્યરૂપિણી ખલુ ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 27 ॥
ડંબરમંબુરુહામપિ દલયત્યનઘં ત્વદંઘ્રિયુગળં ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 28 ॥
ઢક્કાક્ષસૂત્રશૂલદ્રુહિણકરોટીસમુલ્લસત્કર ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 29 ॥
ણાકારગર્ભિણી ચેચ્છુભદા તે શરગતિર્નૃણામિહ ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 30 ॥
તવ મન્વતિસંજપતઃ સદ્યસ્તરતિ નરો હિ ભવાબ્ધિં ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 31 ॥
થૂત્કારસ્તસ્ય મુખે ભૂયાત્તે નામ નાસ્તિ યસ્ય વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 32 ॥
દયનીયશ્ચ દયાળુઃ કોઽસ્તિ મદન્યસ્ત્વદન્ય ઇહ વદ ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 33 ॥
ધર્મસ્થાપનદક્ષ ત્ર્યક્ષ ગુરો દક્ષયજ્ઞશિક્ષક ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 34 ॥
નનુ તાડિતોઽસિ ધનુષા લુબ્ધધિયા ત્વં પુરા નરેણ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 35 ॥
પરિમાતું તવ મૂર્તિં નાલમજસ્તત્પરાત્પરોઽસિ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 36 ॥
ફલમિહ નૃતયા જનુષસ્ત્વત્પદસેવા સનાતનેશ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 37 ॥
બલમારોગ્યં ચાયુસ્ત્વદ્ગુણરુચિતાં ચિરં પ્રદેહિ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 38 ॥
ભગવન્ભર્ગ ભયાપહ ભૂતપતે ભૂતિભૂષિતાંગ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 39 ॥
મહિમા તવ ન હિ માતિ શ્રુતિષુ હિમાનીધરાત્મજાધવ ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 40 ॥
યમનિયમાદિભિરંગૈર્યમિનો હૃદયે ભજંતિ સ ત્વં ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 41 ॥
રજ્જાવહિરિવ શુક્તૌ રજતમિવ ત્વયિ જગંતિ ભાંતિ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 42 ॥
લબ્ધ્વા ભવત્પ્રસાદાચ્ચક્રં વિધુરવતિ લોકમખિલં ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 43 ॥
વસુધાતદ્ધરતચ્છયરથમૌર્વીશર પરાકૃતાસુર ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 44 ॥
શર્વ દેવ સર્વોત્તમ સર્વદ દુર્વૃત્તગર્વહરણ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 45 ॥
ષડ્રિપુષડૂર્મિષડ્વિકારહર સન્મુખ ષણ્મુખજનક વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 46 ॥
સત્યં જ્ઞાનમનંતં બ્રહ્મેત્યેતલ્લક્ષણલક્ષિત ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 47 ॥
હાહાહૂહૂમુખસુરગાયકગીતાપદાનપદ્ય વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 48 ॥
ળાદિર્ન હિ પ્રયોગસ્તદંતમિહ મંગળં સદાસ્તુ વિભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 49 ॥
ક્ષણમિવ દિવસાન્નેષ્યતિ ત્વત્પદસેવાક્ષણોત્સુકઃ શિવ ભો ।
સાંબ સદાશિવ શંભો શંકર શરણં મે તવ ચરણયુગમ્ ॥ 50 ॥
ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિંદભગવત્પૂજ્યપાદશિષ્યસ્ય શ્રીમચ્છંકરભગવતઃ કૃતૌ સુવર્ણમાલા સ્તુતિઃ સંપૂર્ણા ॥
