ആ തൂ ന॑ ഇംദ്ര ക്ഷു॒മംതം᳚ ചി॒ത്രം ഗ്രാ॒ഭം സം ഗൃ॑ഭായ ।
മ॒ഹാ॒ഹ॒സ്തീ ദക്ഷി॑ണേന ॥ 1 ॥
വി॒ദ്മാ ഹി ത്വാ᳚ തുവികൂ॒ര്മിംതു॒വിദേ᳚ഷ്ണം തു॒വീമ॑ഘമ് ।
തു॒വി॒മാ॒ത്രമവോ᳚ഭിഃ ॥ 2 ॥
ന॒ ഹി ത്വാ᳚ ശൂര ദേ॒വാ ന മര്താ᳚സോ॒ ദിത്സം᳚തമ് ।
ഭീ॒മം ന ഗാം-വാഁ॒രയം᳚തേ ॥ 3 ॥
ഏതോ॒ന്വിംദ്രം॒ സ്തവാ॒മേശാ᳚നം॒-വഁസ്വഃ॑ സ്വ॒രാജമ്᳚ ।
ന രാധ॑സാ മര്ധിഷന്നഃ ॥ 4 ॥
പ്ര സ്തോ᳚ഷ॒ദുപ॑ ഗാസിഷ॒ച്ഛ്രവ॒ത്സാമ॑ ഗീ॒യമാ᳚നമ് ।
അ॒ഭിരാധ॑സാജുഗുരത് ॥ 5 ॥
ആ നോ᳚ ഭര॒ ദക്ഷി॑ണേനാ॒ഭി സ॒വ്യേന॒ പ്ര മൃ॑ശ ।
ഇംദ്ര॒ മാനോ॒ വസോ॒ര്നിര്ഭാ᳚ക് ॥ 6 ॥
ഉപ॑ക്രമ॒സ്വാ ഭ॑ര ധൃഷ॒താ ധൃ॑ഷ്ണോ॒ ജനാ᳚നാമ് ।
അദാ᳚ശൂഷ്ടരസ്യ॒ വേദഃ॑ ॥ 7 ॥
ഇംദ്ര॒ യ ഉ॒ നു തേ॒ അസ്തി॒ വാജോ॒ വിപ്രേ᳚ഭിഃ॒ സനി॑ത്വഃ ।
അ॒സ്മാഭിഃ॒ സുതം സ॑നുഹി ॥ 8 ॥
സ॒ദ്യോ॒ജുവ॑സ്തേ॒ വാജാ᳚ അ॒സ്മഭ്യം᳚-വിഁ॒ശ്വശ്ചം᳚ദ്രാഃ ।
വശൈ᳚ശ്ച മ॒ക്ഷൂ ജ॑രംതേ ॥ 9 ॥
ഗ॒ണാനാം᳚ ത്വാ ഗ॒ണപ॑തിം ഹവാമഹേ
ക॒വിം ക॑വീ॒നാമു॑പ॒മശ്ര॑വസ്തമമ് ।
ജ്യേ॒ഷ്ഠ॒രാജം॒ ബ്രഹ്മ॑ണാം ബ്രഹ്മണസ്പത॒
ആ നഃ॑ ശൃ॒ണ്വന്നൂ॒തിഭി॑സ്സീദ॒ സാദ॑നമ് ॥ 10 ॥
നി ഷു സീ᳚ദ ഗണപതേ ഗ॒ണേഷു॒ ത്വാമാ᳚ഹു॒ർവിപ്ര॑തമം കവീ॒നാമ് ।
ന ഋ॒തേ ത്വത്ക്രി॑യതേ॒ കിം ച॒നാരേ മ॒ഹാമ॒ര്കം മ॑ഘവംചി॒ത്രമ॑ര്ച ॥ 11 ॥
അ॒ഭി॒ഖ്യാനോ᳚ മഘവ॒ന്നാധ॑മാനാം॒ത്സഖേ᳚ ബോ॒ധി വ॑സുപതേ॒ സഖീ᳚നാമ് ।
രണം᳚ കൃധി രണകൃത്സത്യശു॒ഷ്മാഭ॑ക്തേ ചി॒ദാ ഭ॑ജാ രാ॒യേ അ॒സ്മാന് ॥ 12 ॥
