അസ്യ ശ്രീലലിതാ കവച സ്തവരത്ന മംത്രസ്യ, ആനംദഭൈരവ ഋഷിഃ, അമൃതവിരാട് ഛംദഃ, ശ്രീ മഹാത്രിപുരസുംദരീ ലലിതാപരാംബാ ദേവതാ ഐം ബീജം ഹ്രീം ശക്തിഃ ശ്രീം കീലകം, മമ ശ്രീ ലലിതാംബാ പ്രസാദസിദ്ധ്യര്ഥേ ശ്രീ ലലിതാ കവചസ്തവരത്ന മംത്ര ജപേ വിനിയോഗഃ ।
കരന്യാസഃ ।
ഐം അംഗുഷ്ഠാഭ്യാം നമഃ ।
ഹ്രീം തര്ജനീഭ്യാം നമഃ ।
ശ്രീം മധ്യമാഭ്യാം നമഃ ।
ശ്രീം അനാമികാഭ്യാം നമഃ ।
ഹ്രീം കനിഷ്ഠികാഭ്യാം നമഃ ।
ഐം കരതലകരപൃഷ്ഠാഭ്യാം നമഃ ।
അംഗന്യാസഃ ।
ഐം ഹൃദയായ നമഃ ।
ഹ്രീം ശിരസേ സ്വാഹാ ।
ശ്രീം ശിഖായൈ വഷട് ।
ശ്രീം കവചായ ഹുമ് ।
ഹ്രീം നേത്രത്രയായ വൌഷട് ।
ഐം അസ്ത്രായ ഫട് ।
ഭൂര്ഭുവസ്സുവരോമിതി ദിഗ്ബംധഃ ।
ധ്യാനമ് –
ശ്രീവിദ്യാം പരിപൂര്ണമേരുശിഖരേ ബിംദുത്രികോണേസ്ഥിതാം
വാഗീശാദി സമസ്തഭൂതജനനീം മംചേ ശിവാകാരകേ ।
കാമാക്ഷീം കരുണാരസാര്ണവമയീം കാമേശ്വരാംകസ്ഥിതാം
കാംതാം ചിന്മയകാമകോടിനിലയാം ശ്രീബ്രഹ്മവിദ്യാം ഭജേ ॥ 1 ॥
ലമിത്യാദി പംചപൂജാം കുര്യാത് ।
ലം – പൃഥ്വീതത്ത്വാത്മികായൈ ശ്രീലലിതാദേവ്യൈ ഗംധം സമര്പയാമി ।
ഹം – ആകാശതത്ത്വാത്മികായൈ ശ്രീലലിതാദേവ്യൈ പുഷ്പം സമര്പയാമി ।
യം – വായുതത്ത്വാത്മികായൈ ശ്രീ ലലിതാദേവ്യൈ ധൂപം സമര്പയാമി ।
രം – വഹ്നിതത്ത്വാത്മികായൈ ശ്രീ ലലിതാദേവ്യൈ ദീപം സമര്പയാമി ।
വം – അമൃതതത്ത്വാത്മികായൈ ശ്രീ ലലിതാദേവ്യൈ അമൃതനൈവേദ്യം സമര്പയാമി ।
പംചപൂജാം കൃത്വാ യോനിമുദ്രാം പ്രദര്ശ്യ ।
അഥ കവചമ് ।
കകാരഃ പാതു ശീര്ഷം മേ ഏകാരഃ പാതു ഫാലകമ് ।
ഈകാരശ്ചക്ഷുഷീ പാതു ശ്രോത്രേ രക്ഷേല്ലകാരകഃ ॥ 2 ॥
ഹ്രീംകാരഃ പാതു നാസാഗ്രം വക്ത്രം വാഗ്ഭവസംജ്ഞികഃ ।
ഹകാരഃ പാതു കംഠം മേ സകാരഃ സ്കംധദേശകമ് ॥ 3 ॥
കകാരോ ഹൃദയം പാതു ഹകാരോ ജഠരം തഥാ ।
ലകാരോ നാഭിദേശം തു ഹ്രീംകാരഃ പാതു ഗുഹ്യകമ് ॥ 4 ॥
കാമകൂടഃ സദാ പാതു കടിദേശം മമാവതു ।
സകാരഃ പാതു ചോരൂ മേ കകാരഃ പാതു ജാനുനീ ॥ 5 ॥
ലകാരഃ പാതു ജംഘേ മേ ഹ്രീംകാരഃ പാതു ഗുല്ഫകൌ ।
ശക്തികൂടം സദാ പാതു പാദൌ രക്ഷതു സർവദാ ॥ 6 ॥
മൂലമംത്രകൃതം ചൈതത്കവചം യോ ജപേന്നരഃ ।
പ്രത്യഹം നിയതഃ പ്രാതസ്തസ്യ ലോകാ വശംവദാഃ ॥ 7 ॥
ഉത്തരന്യാസഃ ।
കരന്യാസഃ –
ഐം അംഗുഷ്ഠാഭ്യാം നമഃ ।
ഹ്രീം തര്ജനീഭ്യാം നമഃ ।
ശ്രീം മധ്യമാഭ്യാം നമഃ ।
ശ്രീം അനാമികാഭ്യാം നമഃ ।
ഹ്രീം കനിഷ്ഠികാഭ്യാം നമഃ ।
ഐം കരതലകരപൃഷ്ഠാഭ്യാം നമഃ ।
അംഗന്യാസഃ ।
ഐം ഹൃദയായ നമഃ ।
ഹ്രീം ശിരസേ സ്വാഹാ ।
ശ്രീം ശിഖായൈ വഷട് ।
ശ്രീം കവചായ ഹുമ് ।
ഹ്രീം നേത്രത്രയായ വൌഷട് ।
ഐം അസ്ത്രായ ഫട് ।
ഭൂര്ഭുവസ്സുവരോമിതി ദിഗ്വിമോകഃ ।
ഇതി ബ്രഹ്മകൃത ശ്രീ ലലിതാ മൂലമംത്ര കവചമ് ।
