અસ્ય શ્રીલલિતા કવચ સ્તવરત્ન મંત્રસ્ય, આનંદભૈરવ ઋષિઃ, અમૃતવિરાટ્ છંદઃ, શ્રી મહાત્રિપુરસુંદરી લલિતાપરાંબા દેવતા ઐં બીજં હ્રીં શક્તિઃ શ્રીં કીલકં, મમ શ્રી લલિતાંબા પ્રસાદસિદ્ધ્યર્થે શ્રી લલિતા કવચસ્તવરત્ન મંત્ર જપે વિનિયોગઃ ।
કરન્યાસઃ ।
ઐં અંગુષ્ઠાભ્યાં નમઃ ।
હ્રીં તર્જનીભ્યાં નમઃ ।
શ્રીં મધ્યમાભ્યાં નમઃ ।
શ્રીં અનામિકાભ્યાં નમઃ ।
હ્રીં કનિષ્ઠિકાભ્યાં નમઃ ।
ઐં કરતલકરપૃષ્ઠાભ્યાં નમઃ ।
અંગન્યાસઃ ।
ઐં હૃદયાય નમઃ ।
હ્રીં શિરસે સ્વાહા ।
શ્રીં શિખાયૈ વષટ્ ।
શ્રીં કવચાય હુમ્ ।
હ્રીં નેત્રત્રયાય વૌષટ્ ।
ઐં અસ્ત્રાય ફટ્ ।
ભૂર્ભુવસ્સુવરોમિતિ દિગ્બંધઃ ।
ધ્યાનમ્ –
શ્રીવિદ્યાં પરિપૂર્ણમેરુશિખરે બિંદુત્રિકોણેસ્થિતાં
વાગીશાદિ સમસ્તભૂતજનનીં મંચે શિવાકારકે ।
કામાક્ષીં કરુણારસાર્ણવમયીં કામેશ્વરાંકસ્થિતાં
કાંતાં ચિન્મયકામકોટિનિલયાં શ્રીબ્રહ્મવિદ્યાં ભજે ॥ 1 ॥
લમિત્યાદિ પંચપૂજાં કુર્યાત્ ।
લં – પૃથ્વીતત્ત્વાત્મિકાયૈ શ્રીલલિતાદેવ્યૈ ગંધં સમર્પયામિ ।
હં – આકાશતત્ત્વાત્મિકાયૈ શ્રીલલિતાદેવ્યૈ પુષ્પં સમર્પયામિ ।
યં – વાયુતત્ત્વાત્મિકાયૈ શ્રી લલિતાદેવ્યૈ ધૂપં સમર્પયામિ ।
રં – વહ્નિતત્ત્વાત્મિકાયૈ શ્રી લલિતાદેવ્યૈ દીપં સમર્પયામિ ।
વં – અમૃતતત્ત્વાત્મિકાયૈ શ્રી લલિતાદેવ્યૈ અમૃતનૈવેદ્યં સમર્પયામિ ।
પંચપૂજાં કૃત્વા યોનિમુદ્રાં પ્રદર્શ્ય ।
અથ કવચમ્ ।
કકારઃ પાતુ શીર્ષં મે એકારઃ પાતુ ફાલકમ્ ।
ઈકારશ્ચક્ષુષી પાતુ શ્રોત્રે રક્ષેલ્લકારકઃ ॥ 2 ॥
હ્રીંકારઃ પાતુ નાસાગ્રં વક્ત્રં વાગ્ભવસંજ્ઞિકઃ ।
હકારઃ પાતુ કંઠં મે સકારઃ સ્કંધદેશકમ્ ॥ 3 ॥
કકારો હૃદયં પાતુ હકારો જઠરં તથા ।
લકારો નાભિદેશં તુ હ્રીંકારઃ પાતુ ગુહ્યકમ્ ॥ 4 ॥
કામકૂટઃ સદા પાતુ કટિદેશં મમાવતુ ।
સકારઃ પાતુ ચોરૂ મે કકારઃ પાતુ જાનુની ॥ 5 ॥
લકારઃ પાતુ જંઘે મે હ્રીંકારઃ પાતુ ગુલ્ફકૌ ।
શક્તિકૂટં સદા પાતુ પાદૌ રક્ષતુ સર્વદા ॥ 6 ॥
મૂલમંત્રકૃતં ચૈતત્કવચં યો જપેન્નરઃ ।
પ્રત્યહં નિયતઃ પ્રાતસ્તસ્ય લોકા વશંવદાઃ ॥ 7 ॥
ઉત્તરન્યાસઃ ।
કરન્યાસઃ –
ઐં અંગુષ્ઠાભ્યાં નમઃ ।
હ્રીં તર્જનીભ્યાં નમઃ ।
શ્રીં મધ્યમાભ્યાં નમઃ ।
શ્રીં અનામિકાભ્યાં નમઃ ।
હ્રીં કનિષ્ઠિકાભ્યાં નમઃ ।
ઐં કરતલકરપૃષ્ઠાભ્યાં નમઃ ।
અંગન્યાસઃ ।
ઐં હૃદયાય નમઃ ।
હ્રીં શિરસે સ્વાહા ।
શ્રીં શિખાયૈ વષટ્ ।
શ્રીં કવચાય હુમ્ ।
હ્રીં નેત્રત્રયાય વૌષટ્ ।
ઐં અસ્ત્રાય ફટ્ ।
ભૂર્ભુવસ્સુવરોમિતિ દિગ્વિમોકઃ ।
ઇતિ બ્રહ્મકૃત શ્રી લલિતા મૂલમંત્ર કવચમ્ ।
