අස්ය ශ්රීලලිතා කවච ස්තවරත්න මංත්රස්ය, ආනංදභෛරව ඍෂිඃ, අමෘතවිරාට් ඡංදඃ, ශ්රී මහාත්රිපුරසුංදරී ලලිතාපරාංබා දේවතා ඓං බීජං හ්රීං ශක්තිඃ ශ්රීං කීලකං, මම ශ්රී ලලිතාංබා ප්රසාදසිද්ධ්යර්ථේ ශ්රී ලලිතා කවචස්තවරත්න මංත්ර ජපේ විනියෝගඃ ।
කරන්යාසඃ ।
ඓං අංගුෂ්ඨාභ්යාං නමඃ ।
හ්රීං තර්ජනීභ්යාං නමඃ ।
ශ්රීං මධ්යමාභ්යාං නමඃ ।
ශ්රීං අනාමිකාභ්යාං නමඃ ।
හ්රීං කනිෂ්ඨිකාභ්යාං නමඃ ।
ඓං කරතලකරපෘෂ්ඨාභ්යාං නමඃ ।
අංගන්යාසඃ ।
ඓං හෘදයාය නමඃ ।
හ්රීං ශිරසේ ස්වාහා ।
ශ්රීං ශිඛායෛ වෂට් ।
ශ්රීං කවචාය හුම් ।
හ්රීං නේත්රත්රයාය වෞෂට් ।
ඓං අස්ත්රාය ඵට් ।
භූර්භුවස්සුවරෝමිති දිග්බංධඃ ।
ධ්යානම් –
ශ්රීවිද්යාං පරිපූර්ණමේරුශිඛරේ බිංදුත්රිකෝණේස්ථිතාං
වාගීශාදි සමස්තභූතජනනීං මංචේ ශිවාකාරකේ ।
කාමාක්ෂීං කරුණාරසාර්ණවමයීං කාමේශ්වරාංකස්ථිතාං
කාංතාං චින්මයකාමකෝටිනිලයාං ශ්රීබ්රහ්මවිද්යාං භජේ ॥ 1 ॥
ලමිත්යාදි පංචපූජාං කුර්යාත් ।
ලං – පෘථ්වීතත්ත්වාත්මිකායෛ ශ්රීලලිතාදේව්යෛ ගංධං සමර්පයාමි ।
හං – ආකාශතත්ත්වාත්මිකායෛ ශ්රීලලිතාදේව්යෛ පුෂ්පං සමර්පයාමි ।
යං – වායුතත්ත්වාත්මිකායෛ ශ්රී ලලිතාදේව්යෛ ධූපං සමර්පයාමි ।
රං – වහ්නිතත්ත්වාත්මිකායෛ ශ්රී ලලිතාදේව්යෛ දීපං සමර්පයාමි ।
වං – අමෘතතත්ත්වාත්මිකායෛ ශ්රී ලලිතාදේව්යෛ අමෘතනෛවේද්යං සමර්පයාමි ।
පංචපූජාං කෘත්වා යෝනිමුද්රාං ප්රදර්ශ්ය ।
අථ කවචම් ।
කකාරඃ පාතු ශීර්ෂං මේ ඒකාරඃ පාතු ඵාලකම් ।
ඊකාරශ්චක්ෂුෂී පාතු ශ්රෝත්රේ රක්ෂේල්ලකාරකඃ ॥ 2 ॥
හ්රීංකාරඃ පාතු නාසාග්රං වක්ත්රං වාග්භවසංජ්ඤිකඃ ।
හකාරඃ පාතු කංඨං මේ සකාරඃ ස්කංධදේශකම් ॥ 3 ॥
කකාරෝ හෘදයං පාතු හකාරෝ ජඨරං තථා ।
ලකාරෝ නාභිදේශං තු හ්රීංකාරඃ පාතු ගුහ්යකම් ॥ 4 ॥
කාමකූටඃ සදා පාතු කටිදේශං මමාවතු ।
සකාරඃ පාතු චෝරූ මේ කකාරඃ පාතු ජානුනී ॥ 5 ॥
ලකාරඃ පාතු ජංඝේ මේ හ්රීංකාරඃ පාතු ගුල්ඵකෞ ।
ශක්තිකූටං සදා පාතු පාදෞ රක්ෂතු සර්වදා ॥ 6 ॥
මූලමංත්රකෘතං චෛතත්කවචං යෝ ජපේන්නරඃ ।
ප්රත්යහං නියතඃ ප්රාතස්තස්ය ලෝකා වශංවදාඃ ॥ 7 ॥
උත්තරන්යාසඃ ।
කරන්යාසඃ –
ඓං අංගුෂ්ඨාභ්යාං නමඃ ।
හ්රීං තර්ජනීභ්යාං නමඃ ।
ශ්රීං මධ්යමාභ්යාං නමඃ ।
ශ්රීං අනාමිකාභ්යාං නමඃ ।
හ්රීං කනිෂ්ඨිකාභ්යාං නමඃ ।
ඓං කරතලකරපෘෂ්ඨාභ්යාං නමඃ ।
අංගන්යාසඃ ।
ඓං හෘදයාය නමඃ ।
හ්රීං ශිරසේ ස්වාහා ।
ශ්රීං ශිඛායෛ වෂට් ।
ශ්රීං කවචාය හුම් ।
හ්රීං නේත්රත්රයාය වෞෂට් ।
ඓං අස්ත්රාය ඵට් ।
භූර්භුවස්සුවරෝමිති දිග්විමෝකඃ ।
ඉති බ්රහ්මකෘත ශ්රී ලලිතා මූලමංත්ර කවචම් ।
