ഓമിത്യേകാക്ഷരം ബ്രഹ്മ വ്യാഹരംതി ത്രയശ്ശിഖാഃ ।
തസ്മൈതാരാത്മനേ മേധാദക്ഷിണാമൂര്തയേ നമഃ ॥ 1 ॥
നത്വാ യം മുനയസ്സർവേ പരംയാംതി ദുരാസദമ് ।
നകാരരൂപിണേ മേധാദക്ഷിണാമൂര്തയേ നമഃ ॥ 2 ॥
മോഹജാലവിനിര്മുക്തോ ബ്രഹ്മവിദ്യാതി യത്പദമ് ।
മോകാരരൂപിണേ മേധാദക്ഷിണാമൂര്തയേ നമഃ ॥ 3 ॥
ഭവമാശ്രിത്യയം വിദ്വാന് നഭവോഹ്യഭവത്പരഃ ।
ഭകാരരൂപിണേ മേധാദക്ഷിണാമൂര്തയേ നമഃ ॥ 4 ॥
ഗഗനാകാരവദ്ഭാംതമനുഭാത്യഖിലം ജഗത് ।
ഗകാരരൂപിണേ മേധാദക്ഷിണാമൂര്തയേ നമഃ ॥ 5 ॥
വടമൂലനിവാസോ യോ ലോകാനാം പ്രഭുരവ്യയഃ ।
വകാരരൂപിണേ മേധാദക്ഷിണാമൂര്തയേ നമഃ ॥ 6 ॥
തേജോഭിര്യസ്യസൂര്യോഽസൌ കാലക്ലൃപ്തികരോ ഭവേത് ।
തേകാരരൂപിണേ മേധാദക്ഷിണാമൂര്തയേ നമഃ ॥ 7 ॥
ദക്ഷത്രിപുരസംഹാരേ യഃ കാലവിഷഭംജനേ ।
ദകാരരൂപിണേ മേധാദക്ഷിണാമൂര്തയേ നമഃ ॥ 8 ॥
ക്ഷിപ്രം ഭവതി വാക്സിദ്ധിര്യന്നാമസ്മരണാന്നൃണാമ് ।
ക്ഷികാരരൂപിണേ മേധാദക്ഷിണാമൂര്തയേ നമഃ ॥ 9 ॥
ണാകാരവാച്യോയസ്സുപ്തം സംദീപയതി മേ മനഃ ।
ണാകാരരൂപിണേ മേധാദക്ഷിണാമൂര്തയേ നമഃ ॥ 10 ॥
മൂര്തയോ ഹ്യഷ്ടധായസ്യ ജഗജ്ജന്മാദികാരണമ് ।
മൂകാരരൂപിണേ മേധാദക്ഷിണാമൂര്തയേ നമഃ ॥ 11 ॥
തത്ത്വം ബ്രഹ്മാസി പരമമിതി യദ്ഗുരുബോധിതഃ ।
സരേഫതാത്മനേ മേധാദക്ഷിണാമൂര്തയേ നമഃ ॥ 12 ॥
യേയം വിദിത്വാ ബ്രഹ്മാദ്യാ ഋഷയോ യാംതി നിർവൃതിമ് ।
യേകാരരൂപിണേ മേധാദക്ഷിണാമൂര്തയേ നമഃ ॥ 13 ॥
മഹതാം ദേവമിത്യാഹുര്നിഗമാഗമയോശ്ശിവഃ ।
മകാരരൂപിണേ മേധാദക്ഷിണാമൂര്തയേ നമഃ ॥ 14 ॥
സർവസ്യജഗതോ ഹ്യംതര്ബഹിര്യോ വ്യാപ്യസംസ്ഥിതഃ ।
ഹ്യകാരരൂപിണേ മേധാദക്ഷിണാമൂര്തയേ നമഃ ॥ 15 ॥
ത്വമേവ ജഗതസ്സാക്ഷീ സൃഷ്ടിസ്ഥിത്യംതകാരണമ് ।
മേകാരരൂപിണേ മേധാദക്ഷിണാമൂര്തയേ നമഃ ॥ 16 ॥
ധാമേതി ധാതൃസൃഷ്ടേര്യത്കാരണം കാര്യമുച്യതേ ।
ധാംകാരരൂപിണേ മേധാദക്ഷിണാമൂര്തയേ നമഃ ॥ 17 ॥
പ്രകൃതേര്യത്പരം ധ്യാത്വാ താദാത്മ്യം യാതി വൈ മുനിഃ ।
പ്രകാരരൂപിണേ മേധാദക്ഷിണാമൂര്തയേ നമഃ ॥ 18 ॥
ജ്ഞാനിനോയമുപാസ്യംതി തത്ത്വാതീതം ചിദാത്മകമ് ।
ജ്ഞാകാരരൂപിണേ മേധാദക്ഷിണാമൂര്തയേ നമഃ ॥ 19 ॥
പ്രജ്ഞാ സംജായതേ യസ്യ ധ്യാനനാമാര്ചനാദിഭിഃ ।
പ്രകാരരൂപിണേ മേധാദക്ഷിണാമൂര്തയേ നമഃ ॥ 20 ॥
യസ്യ സ്മരണമാത്രേണ നരോമുക്തസ്സബംധനാത് । [ സരോമുക്ത ]
യകാരരൂപിണേ മേധാദക്ഷിണാമൂര്തയേ നമഃ ॥ 21 ॥
ഛവേര്യന്നേംദ്രിയാണ്യാപുർവിഷയേഷ്വിഹ ജാഡ്യതാമ് ।
ഛകാരരൂപിണേ മേധാദക്ഷിണാമൂര്തയേ നമഃ ॥ 22 ॥
സ്വാംതേവിദാം ജഡാനാം യോ ദൂരേതിഷ്ഠതി ചിന്മയഃ ।
സ്വാകാരരൂപിണേ മേധാദക്ഷിണാമൂര്തയേ നമഃ ॥ 23 ॥
ഹാരപ്രായഫണീംദ്രായ സർവവിദ്യാപ്രദായിനേ ।
ഹാകാരരൂപിണേ മേധാദക്ഷിണാമൂര്തയേ നമഃ ॥ 24 ॥
ഇതി ശ്രീ മേധാദക്ഷിണാമൂര്തി മംത്രവര്ണപദ സ്തുതിഃ ॥
