𑌓𑌮𑌿𑌤𑍍𑌯𑍇𑌕𑌾𑌕𑍍𑌷𑌰𑌂 𑌬𑍍𑌰𑌹𑍍𑌮 𑌵𑍍𑌯𑌾𑌹𑌰𑌂𑌤𑌿 𑌤𑍍𑌰𑌯𑌶𑍍𑌶𑌿𑌖𑌾𑌃 ।
𑌤𑌸𑍍𑌮𑍈𑌤𑌾𑌰𑌾𑌤𑍍𑌮𑌨𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 1 ॥
𑌨𑌤𑍍𑌵𑌾 𑌯𑌂 𑌮𑍁𑌨𑌯𑌸𑍍𑌸𑌰𑍍𑌵𑍇 𑌪𑌰𑌂𑌯𑌾𑌂𑌤𑌿 𑌦𑍁𑌰𑌾𑌸𑌦𑌮𑍍 ।
𑌨𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 2 ॥
𑌮𑍋𑌹𑌜𑌾𑌲𑌵𑌿𑌨𑌿𑌰𑍍𑌮𑍁𑌕𑍍𑌤𑍋 𑌬𑍍𑌰𑌹𑍍𑌮𑌵𑌿𑌦𑍍𑌯𑌾𑌤𑌿 𑌯𑌤𑍍𑌪𑌦𑌮𑍍 ।
𑌮𑍋𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 3 ॥
𑌭𑌵𑌮𑌾𑌶𑍍𑌰𑌿𑌤𑍍𑌯𑌯𑌂 𑌵𑌿𑌦𑍍𑌵𑌾𑌨𑍍 𑌨𑌭𑌵𑍋𑌹𑍍𑌯𑌭𑌵𑌤𑍍𑌪𑌰𑌃 ।
𑌭𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 4 ॥
𑌗𑌗𑌨𑌾𑌕𑌾𑌰𑌵𑌦𑍍𑌭𑌾𑌂𑌤𑌮𑌨𑍁𑌭𑌾𑌤𑍍𑌯𑌖𑌿𑌲𑌂 𑌜𑌗𑌤𑍍 ।
𑌗𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 5 ॥
𑌵𑌟𑌮𑍂𑌲𑌨𑌿𑌵𑌾𑌸𑍋 𑌯𑍋 𑌲𑍋𑌕𑌾𑌨𑌾𑌂 𑌪𑍍𑌰𑌭𑍁𑌰𑌵𑍍𑌯𑌯𑌃 ।
𑌵𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 6 ॥
𑌤𑍇𑌜𑍋𑌭𑌿𑌰𑍍𑌯𑌸𑍍𑌯𑌸𑍂𑌰𑍍𑌯𑍋𑌽𑌸𑍌 𑌕𑌾𑌲𑌕𑍍𑌲𑍃𑌪𑍍𑌤𑌿𑌕𑌰𑍋 𑌭𑌵𑍇𑌤𑍍 ।
𑌤𑍇𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ ॥
𑌦𑌕𑍍𑌷𑌤𑍍𑌰𑌿𑌪𑍁𑌰𑌸𑌂𑌹𑌾𑌰𑍇 𑌯𑌃 𑌕𑌾𑌲𑌵𑌿𑌷𑌭𑌂𑌜𑌨𑍇 ।
𑌦𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ ॥
𑌕𑍍𑌷𑌿𑌪𑍍𑌰𑌂 𑌭𑌵𑌤𑌿 𑌵𑌾𑌕𑍍𑌸𑌿𑌦𑍍𑌧𑌿𑌰𑍍𑌯𑌨𑍍𑌨𑌾𑌮𑌸𑍍𑌮𑌰𑌣𑌾𑌨𑍍𑌨𑍃𑌣𑌾𑌮𑍍 ।
𑌕𑍍𑌷𑌿𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ ॥
𑌣𑌾𑌕𑌾𑌰𑌵𑌾𑌚𑍍𑌯𑍋𑌯𑌸𑍍𑌸𑍁𑌪𑍍𑌤𑌂 𑌸𑌂𑌦𑍀𑌪𑌯𑌤𑌿 𑌮𑍇 𑌮𑌨𑌃 ।
𑌣𑌾𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 10 ॥
𑌮𑍂𑌰𑍍𑌤𑌯𑍋 𑌹𑍍𑌯𑌷𑍍𑌟𑌧𑌾𑌯𑌸𑍍𑌯 𑌜𑌗𑌜𑍍𑌜𑌨𑍍𑌮𑌾𑌦𑌿𑌕𑌾𑌰𑌣𑌮𑍍 ।
𑌮𑍂𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 11 ॥
𑌤𑌤𑍍𑌤𑍍𑌵𑌂 𑌬𑍍𑌰𑌹𑍍𑌮𑌾𑌸𑌿 𑌪𑌰𑌮𑌮𑌿𑌤𑌿 𑌯𑌦𑍍𑌗𑍁𑌰𑍁𑌬𑍋𑌧𑌿𑌤𑌃 ।
𑌸𑌰𑍇𑌫𑌤𑌾𑌤𑍍𑌮𑌨𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 12 ॥
𑌯𑍇𑌯𑌂 𑌵𑌿𑌦𑌿𑌤𑍍𑌵𑌾 𑌬𑍍𑌰𑌹𑍍𑌮𑌾𑌦𑍍𑌯𑌾 𑌋𑌷𑌯𑍋 𑌯𑌾𑌂𑌤𑌿 𑌨𑌿𑌰𑍍𑌵𑍃𑌤𑌿𑌮𑍍 ।
𑌯𑍇𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 13 ॥
𑌮𑌹𑌤𑌾𑌂 𑌦𑍇𑌵𑌮𑌿𑌤𑍍𑌯𑌾𑌹𑍁𑌰𑍍𑌨𑌿𑌗𑌮𑌾𑌗𑌮𑌯𑍋𑌶𑍍𑌶𑌿𑌵𑌃 ।
𑌮𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 14 ॥
𑌸𑌰𑍍𑌵𑌸𑍍𑌯𑌜𑌗𑌤𑍋 𑌹𑍍𑌯𑌂𑌤𑌰𑍍𑌬𑌹𑌿𑌰𑍍𑌯𑍋 𑌵𑍍𑌯𑌾𑌪𑍍𑌯𑌸𑌂𑌸𑍍𑌥𑌿𑌤𑌃 ।
𑌹𑍍𑌯𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 15 ॥
𑌤𑍍𑌵𑌮𑍇𑌵 𑌜𑌗𑌤𑌸𑍍𑌸𑌾𑌕𑍍𑌷𑍀 𑌸𑍃𑌷𑍍𑌟𑌿𑌸𑍍𑌥𑌿𑌤𑍍𑌯𑌂𑌤𑌕𑌾𑌰𑌣𑌮𑍍 ।
𑌮𑍇𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 16 ॥
𑌧𑌾𑌮𑍇𑌤𑌿 𑌧𑌾𑌤𑍃𑌸𑍃𑌷𑍍𑌟𑍇𑌰𑍍𑌯𑌤𑍍𑌕𑌾𑌰𑌣𑌂 𑌕𑌾𑌰𑍍𑌯𑌮𑍁𑌚𑍍𑌯𑌤𑍇 ।
𑌧𑌾𑌂𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 1 ॥
𑌪𑍍𑌰𑌕𑍃𑌤𑍇𑌰𑍍𑌯𑌤𑍍𑌪𑌰𑌂 𑌧𑍍𑌯𑌾𑌤𑍍𑌵𑌾 𑌤𑌾𑌦𑌾𑌤𑍍𑌮𑍍𑌯𑌂 𑌯𑌾𑌤𑌿 𑌵𑍈 𑌮𑍁𑌨𑌿𑌃 ।
𑌪𑍍𑌰𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 1 ॥
𑌜𑍍𑌞𑌾𑌨𑌿𑌨𑍋𑌯𑌮𑍁𑌪𑌾𑌸𑍍𑌯𑌂𑌤𑌿 𑌤𑌤𑍍𑌤𑍍𑌵𑌾𑌤𑍀𑌤𑌂 𑌚𑌿𑌦𑌾𑌤𑍍𑌮𑌕𑌮𑍍 ।
𑌜𑍍𑌞𑌾𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 1 ॥
𑌪𑍍𑌰𑌜𑍍𑌞𑌾 𑌸𑌂𑌜𑌾𑌯𑌤𑍇 𑌯𑌸𑍍𑌯 𑌧𑍍𑌯𑌾𑌨𑌨𑌾𑌮𑌾𑌰𑍍𑌚𑌨𑌾𑌦𑌿𑌭𑌿𑌃 ।
𑌪𑍍𑌰𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 20 ॥
𑌯𑌸𑍍𑌯 𑌸𑍍𑌮𑌰𑌣𑌮𑌾𑌤𑍍𑌰𑍇𑌣 𑌨𑌰𑍋𑌮𑍁𑌕𑍍𑌤𑌸𑍍𑌸𑌬𑌂𑌧𑌨𑌾𑌤𑍍 । [ 𑌸𑌰𑍋𑌮𑍁𑌕𑍍𑌤 ]
𑌯𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 21 ॥
𑌛𑌵𑍇𑌰𑍍𑌯𑌨𑍍𑌨𑍇𑌂𑌦𑍍𑌰𑌿𑌯𑌾𑌣𑍍𑌯𑌾𑌪𑍁𑌰𑍍𑌵𑌿𑌷𑌯𑍇𑌷𑍍𑌵𑌿𑌹 𑌜𑌾𑌡𑍍𑌯𑌤𑌾𑌮𑍍 ।
𑌛𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 22 ॥
𑌸𑍍𑌵𑌾𑌂𑌤𑍇𑌵𑌿𑌦𑌾𑌂 𑌜𑌡𑌾𑌨𑌾𑌂 𑌯𑍋 𑌦𑍂𑌰𑍇𑌤𑌿𑌷𑍍𑌠𑌤𑌿 𑌚𑌿𑌨𑍍𑌮𑌯𑌃 ।
𑌸𑍍𑌵𑌾𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 23 ॥
𑌹𑌾𑌰𑌪𑍍𑌰𑌾𑌯𑌫𑌣𑍀𑌂𑌦𑍍𑌰𑌾𑌯 𑌸𑌰𑍍𑌵𑌵𑌿𑌦𑍍𑌯𑌾𑌪𑍍𑌰𑌦𑌾𑌯𑌿𑌨𑍇 ।
𑌹𑌾𑌕𑌾𑌰𑌰𑍂𑌪𑌿𑌣𑍇 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 24 ॥
𑌇𑌤𑌿 𑌶𑍍𑌰𑍀 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿 𑌮𑌂𑌤𑍍𑌰𑌵𑌰𑍍𑌣𑌪𑌦 𑌸𑍍𑌤𑍁𑌤𑌿𑌃 ॥
