ഓം അസ്യ ശ്രീ സ്വര്ണാകര്ഷണ ഭൈരവ സ്തോത്ര മഹാമംത്രസ്യ ബ്രഹ്മ ഋഷിഃ അനുഷ്ടുപ് ഛംദഃ ശ്രീ സ്വര്ണാകര്ഷണ ഭൈരവോ ദേവതാ ഹ്രീം ബീജം ക്ലീം ശക്തിഃ സഃ കീലകം മമ ദാരിദ്ര്യ നാശാര്ഥേ പാഠേ വിനിയോഗഃ ॥

ഋഷ്യാദി ന്യാസഃ ।
ബ്രഹ്മര്ഷയേ നമഃ ശിരസി ।
അനുഷ്ടുപ് ഛംദസേ നമഃ മുഖേ ।
സ്വര്ണാകര്ഷണ ഭൈരവായ നമഃ ഹൃദി ।
ഹ്രീം ബീജായ നമഃ ഗുഹ്യേ ।
ക്ലീം ശക്തയേ നമഃ പാദയോഃ ।
സഃ കീലകായ നമഃ നാഭൌ ।
വിനിയൊഗായ നമഃ സർവാംഗേ ।
ഹ്രാം ഹ്രീം ഹ്രൂം ഇതി കര ഷഡംഗന്യാസഃ ॥

ധ്യാനമ് ।
പാരിജാതദ്രുമ കാംതാരേ സ്ഥിതേ മാണിക്യമംഡപേ ।
സിംഹാസനഗതം വംദേ ഭൈരവം സ്വര്ണദായകമ് ॥

ഗാംഗേയ പാത്രം ഡമരൂം ത്രിശൂലം
വരം കരഃ സംദധതം ത്രിനേത്രമ് ।
ദേവ്യായുതം തപ്ത സുവര്ണവര്ണ
സ്വര്ണാകര്ഷണഭൈരവമാശ്രയാമി ॥

മംത്രഃ ।
ഓം ഐം ഹ്രീം ശ്രീം ഐം ശ്രീം ആപദുദ്ധാരണായ ഹ്രാം ഹ്രീം ഹ്രൂം അജാമലവധ്യായ ലോകേശ്വരായ സ്വര്ണാകര്ഷണഭൈരവായ മമ ദാരിദ്ര്യ വിദ്വേഷണായ മഹാഭൈരവായ നമഃ ശ്രീം ഹ്രീം ഐമ് ।

സ്തോത്രമ് ।
നമസ്തേഽസ്തു ഭൈരവായ ബ്രഹ്മവിഷ്ണുശിവാത്മനേ ।
നമസ്ത്രൈലോക്യവംദ്യായ വരദായ പരാത്മനേ ॥ 1 ॥

രത്നസിംഹാസനസ്ഥായ ദിവ്യാഭരണശോഭിനേ ।
ദിവ്യമാല്യവിഭൂഷായ നമസ്തേ ദിവ്യമൂര്തയേ ॥ 2 ॥

നമസ്തേഽനേകഹസ്തായ ഹ്യനേകശിരസേ നമഃ ।
നമസ്തേഽനേകനേത്രായ ഹ്യനേകവിഭവേ നമഃ ॥ 3 ॥

നമസ്തേഽനേകകംഠായ ഹ്യനേകാംശായ തേ നമഃ ।
നമോസ്ത്വനേകൈശ്വര്യായ ഹ്യനേകദിവ്യതേജസേ ॥ 4 ॥

അനേകായുധയുക്തായ ഹ്യനേകസുരസേവിനേ ।
അനേകഗുണയുക്തായ മഹാദേവായ തേ നമഃ ॥ 5 ॥

നമോ ദാരിദ്ര്യകാലായ മഹാസംപത്പ്രദായിനേ ।
ശ്രീഭൈരവീപ്രയുക്തായ ത്രിലോകേശായ തേ നമഃ ॥ 6 ॥

ദിഗംബര നമസ്തുഭ്യം ദിഗീശായ നമോ നമഃ ।
നമോഽസ്തു ദൈത്യകാലായ പാപകാലായ തേ നമഃ ॥ 7 ॥

സർവജ്ഞായ നമസ്തുഭ്യം നമസ്തേ ദിവ്യചക്ഷുഷേ ।
അജിതായ നമസ്തുഭ്യം ജിതാമിത്രായ തേ നമഃ ॥ 8 ॥

നമസ്തേ രുദ്രപുത്രായ ഗണനാഥായ തേ നമഃ ।
നമസ്തേ വീരവീരായ മഹാവീരായ തേ നമഃ ॥ 9 ॥

നമോഽസ്ത്വനംതവീര്യായ മഹാഘോരായ തേ നമഃ ।
നമസ്തേ ഘോരഘോരായ വിശ്വഘോരായ തേ നമഃ ॥ 10 ॥

നമഃ ഉഗ്രായ ശാംതായ ഭക്തേഭ്യഃ ശാംതിദായിനേ ।
ഗുരവേ സർവലോകാനാം നമഃ പ്രണവ രൂപിണേ ॥ 11 ॥

നമസ്തേ വാഗ്ഭവാഖ്യായ ദീര്ഘകാമായ തേ നമഃ ।
നമസ്തേ കാമരാജായ യോഷിത്കാമായ തേ നമഃ ॥ 12 ॥

ദീര്ഘമായാസ്വരൂപായ മഹാമായാപതേ നമഃ ।
സൃഷ്ടിമായാസ്വരൂപായ വിസര്ഗായ സമ്യായിനേ ॥ 13 ॥

രുദ്രലോകേശപൂജ്യായ ഹ്യാപദുദ്ധാരണായ ച ।
നമോഽജാമലബദ്ധായ സുവര്ണാകര്ഷണായ തേ ॥ 14 ॥

നമോ നമോ ഭൈരവായ മഹാദാരിദ്ര്യനാശിനേ ।
ഉന്മൂലനകര്മഠായ ഹ്യലക്ഷ്മ്യാ സർവദാ നമഃ ॥ 15 ॥

നമോ ലോകത്രയേശായ സ്വാനംദനിഹിതായ തേ ।
നമഃ ശ്രീബീജരൂപായ സർവകാമപ്രദായിനേ ॥ 16 ॥

നമോ മഹാഭൈരവായ ശ്രീരൂപായ നമോ നമഃ ।
ധനാധ്യക്ഷ നമസ്തുഭ്യം ശരണ്യായ നമോ നമഃ ॥ 17 ॥

നമഃ പ്രസന്നരൂപായ ഹ്യാദിദേവായ തേ നമഃ ।
നമസ്തേ മംത്രരൂപായ നമസ്തേ രത്നരൂപിണേ ॥ 18 ॥

നമസ്തേ സ്വര്ണരൂപായ സുവര്ണായ നമോ നമഃ ।
നമഃ സുവര്ണവര്ണായ മഹാപുണ്യായ തേ നമഃ ॥ 19 ॥

നമഃ ശുദ്ധായ ബുദ്ധായ നമഃ സംസാരതാരിണേ ।
നമോ ദേവായ ഗുഹ്യായ പ്രബലായ നമോ നമഃ ॥ 20 ॥

നമസ്തേ ബലരൂപായ പരേഷാം ബലനാശിനേ ।
നമസ്തേ സ്വര്ഗസംസ്ഥായ നമോ ഭൂര്ലോകവാസിനേ ॥ 21 ॥

നമഃ പാതാളവാസായ നിരാധാരായ തേ നമഃ ।
നമോ നമഃ സ്വതംത്രായ ഹ്യനംതായ നമോ നമഃ ॥ 22 ॥

ദ്വിഭുജായ നമസ്തുഭ്യം ഭുജത്രയസുശോഭിനേ ।
നമോഽണിമാദിസിദ്ധായ സ്വര്ണഹസ്തായ തേ നമഃ ॥ 23 ॥

പൂര്ണചംദ്രപ്രതീകാശവദനാംഭോജശോഭിനേ ।
നമസ്തേ സ്വര്ണരൂപായ സ്വര്ണാലംകാരശോഭിനേ ॥ 24 ॥

നമഃ സ്വര്ണാകര്ഷണായ സ്വര്ണാഭായ ച തേ നമഃ ।
നമസ്തേ സ്വര്ണകംഠായ സ്വര്ണാലംകാരധാരിണേ ॥ 25 ॥

സ്വര്ണസിംഹാസനസ്ഥായ സ്വര്ണപാദായ തേ നമഃ ।
നമഃ സ്വര്ണാഭപാരായ സ്വര്ണകാംചീസുശോഭിനേ ॥ 26 ॥

നമസ്തേ സ്വര്ണജംഘായ ഭക്തകാമദുഘാത്മനേ ।
നമസ്തേ സ്വര്ണഭക്താനാം കല്പവൃക്ഷസ്വരൂപിണേ ॥ 27 ॥

ചിംതാമണിസ്വരൂപായ നമോ ബ്രഹ്മാദിസേവിനേ ।
കല്പദ്രുമാധഃസംസ്ഥായ ബഹുസ്വര്ണപ്രദായിനേ ॥ 28 ॥

നമോ ഹേമാദികര്ഷായ ഭൈരവായ നമോ നമഃ ।
സ്തവേനാനേന സംതുഷ്ടോ ഭവ ലോകേശഭൈരവ ॥ 29 ॥

പശ്യ മാം കരുണാവിഷ്ട ശരണാഗതവത്സല ।
ശ്രീഭൈരവ ധനാധ്യക്ഷ ശരണം ത്വാം ഭജാമ്യഹമ് ।
പ്രസീദ സകലാന് കാമാന് പ്രയച്ഛ മമ സർവദാ ॥ 30 ॥

ഫലശ്രുതിഃ
ശ്രീമഹാഭൈരവസ്യേദം സ്തോത്രസൂക്തം സുദുര്ലഭമ് ।
മംത്രാത്മകം മഹാപുണ്യം സർവൈശ്വര്യപ്രദായകമ് ॥ 31 ॥

യഃ പഠേന്നിത്യമേകാഗ്രം പാതകൈഃ സ വിമുച്യതേ ।
ലഭതേ ചാമലാലക്ഷ്മീമഷ്ടൈശ്വര്യമവാപ്നുയാത് ॥ 32 ॥

ചിംതാമണിമവാപ്നോതി ധേനു കല്പതരും ധൃവമ് ।
സ്വര്ണരാശിമവാപ്നോതി സിദ്ധിമേവ സ മാനവഃ ॥ 33 ॥

സംധ്യായാം യഃ പഠേത് സ്തോത്രം ദശാവൃത്യാ നരോത്തമൈഃ ।
സ്വപ്നേ ശ്രീഭൈരവസ്തസ്യ സാക്ഷാദ്ഭൂത്വാ ജഗദ്ഗുരുഃ ॥ 34 ॥

സ്വര്ണരാശി ദദാത്യേവ തത്‍ക്ഷണാന്നാസ്തി സംശയഃ ।
സർവദാ യഃ പഠേത് സ്തോത്രം ഭൈരവസ്യ മഹാത്മനഃ ॥ 35 ॥

ലോകത്രയം വശീകുര്യാദചലാം ശ്രിയമവാപ്നുയാത് ।
ന ഭയം ലഭതേ ക്വാപി വിഘ്നഭൂതാദിസംഭവ ॥ 36 ॥

മ്രിയംതേ ശത്രവോഽവശ്യമലക്ഷ്മീനാശമാപ്നുയാത് ।
അക്ഷയം ലഭതേ സൌഖ്യം സർവദാ മാനവോത്തമഃ ॥ 37 ॥

അഷ്ടപംചാശതാണഢ്യോ മംത്രരാജഃ പ്രകീര്തിതഃ ।
ദാരിദ്ര്യദുഃഖശമനം സ്വര്ണാകര്ഷണകാരകഃ ॥ 38 ॥

യ യേന സംജപേത് ധീമാന് സ്തോത്രം വാ പ്രപഠേത് സദാ ।
മഹാഭൈരവസായുജ്യം സ്വാംതകാലേ ഭവേദ്ധ്രുവമ് ॥ 39 ॥

ഇതി രുദ്രയാമല തംത്രേ സ്വര്ണാകര്ഷണ ഭൈരവ സ്തോത്രമ് ॥