ଓଂ ଅସ୍ୟ ଶ୍ରୀ ସ୍ଵର୍ଣାକର୍ଷଣ ଭୈରଵ ସ୍ତୋତ୍ର ମହାମଂତ୍ରସ୍ୟ ବ୍ରହ୍ମ ଋଷିଃ ଅନୁଷ୍ଟୁପ୍ ଛଂଦଃ ଶ୍ରୀ ସ୍ଵର୍ଣାକର୍ଷଣ ଭୈରଵୋ ଦେଵତା ହ୍ରୀଂ ବୀଜଂ କ୍ଲୀଂ ଶକ୍ତିଃ ସଃ କୀଲକଂ ମମ ଦାରିଦ୍ର୍ୟ ନାଶାର୍ଥେ ପାଠେ ଵିନିୟୋଗଃ ॥

ଋଷ୍ୟାଦି ନ୍ୟାସଃ ।
ବ୍ରହ୍ମର୍ଷୟେ ନମଃ ଶିରସି ।
ଅନୁଷ୍ଟୁପ୍ ଛଂଦସେ ନମଃ ମୁଖେ ।
ସ୍ଵର୍ଣାକର୍ଷଣ ଭୈରଵାୟ ନମଃ ହୃଦି ।
ହ୍ରୀଂ ବୀଜାୟ ନମଃ ଗୁହ୍ୟେ ।
କ୍ଲୀଂ ଶକ୍ତୟେ ନମଃ ପାଦୟୋଃ ।
ସଃ କୀଲକାୟ ନମଃ ନାଭୌ ।
ଵିନିୟୋଗାୟ ନମଃ ସର୍ଵାଂଗେ ।
ହ୍ରାଂ ହ୍ରୀଂ ହ୍ରୂଂ ଇତି କର ଷଡଂଗନ୍ୟାସଃ ॥

ଧ୍ୟାନମ୍ ।
ପାରିଜାତଦ୍ରୁମ କାଂତାରେ ସ୍ଥିତେ ମାଣିକ୍ୟମଂଡପେ ।
ସିଂହାସନଗତଂ ଵଂଦେ ଭୈରଵଂ ସ୍ଵର୍ଣଦାୟକମ୍ ॥

ଗାଂଗେୟ ପାତ୍ରଂ ଡମରୂଂ ତ୍ରିଶୂଲଂ
ଵରଂ କରଃ ସଂଦଧତଂ ତ୍ରିନେତ୍ରମ୍ ।
ଦେଵ୍ୟାୟୁତଂ ତପ୍ତ ସୁଵର୍ଣଵର୍ଣ
ସ୍ଵର୍ଣାକର୍ଷଣଭୈରଵମାଶ୍ରୟାମି ॥

ମଂତ୍ରଃ ।
ଓଂ ଐଂ ହ୍ରୀଂ ଶ୍ରୀଂ ଐଂ ଶ୍ରୀଂ ଆପଦୁଦ୍ଧାରଣାୟ ହ୍ରାଂ ହ୍ରୀଂ ହ୍ରୂଂ ଅଜାମଲଵଧ୍ୟାୟ ଲୋକେଶ୍ଵରାୟ ସ୍ଵର୍ଣାକର୍ଷଣଭୈରଵାୟ ମମ ଦାରିଦ୍ର୍ୟ ଵିଦ୍ଵେଷଣାୟ ମହାଭୈରଵାୟ ନମଃ ଶ୍ରୀଂ ହ୍ରୀଂ ଐମ୍ ।

ସ୍ତୋତ୍ରମ୍ ।
ନମସ୍ତେଽସ୍ତୁ ଭୈରଵାୟ ବ୍ରହ୍ମଵିଷ୍ଣୁଶିଵାତ୍ମନେ ।
ନମସ୍ତ୍ରୈଲୋକ୍ୟଵଂଦ୍ୟାୟ ଵରଦାୟ ପରାତ୍ମନେ ॥ 1 ॥

ରତ୍ନସିଂହାସନସ୍ଥାୟ ଦିଵ୍ୟାଭରଣଶୋଭିନେ ।
ଦିଵ୍ୟମାଲ୍ୟଵିଭୂଷାୟ ନମସ୍ତେ ଦିଵ୍ୟମୂର୍ତୟେ ॥ 2 ॥

ନମସ୍ତେଽନେକହସ୍ତାୟ ହ୍ୟନେକଶିରସେ ନମଃ ।
ନମସ୍ତେଽନେକନେତ୍ରାୟ ହ୍ୟନେକଵିଭଵେ ନମଃ ॥ 3 ॥

ନମସ୍ତେଽନେକକଂଠାୟ ହ୍ୟନେକାଂଶାୟ ତେ ନମଃ ।
ନମୋସ୍ତ୍ଵନେକୈଶ୍ଵର୍ୟାୟ ହ୍ୟନେକଦିଵ୍ୟତେଜସେ ॥ 4 ॥

ଅନେକାୟୁଧୟୁକ୍ତାୟ ହ୍ୟନେକସୁରସେଵିନେ ।
ଅନେକଗୁଣୟୁକ୍ତାୟ ମହାଦେଵାୟ ତେ ନମଃ ॥ 5 ॥

ନମୋ ଦାରିଦ୍ର୍ୟକାଲାୟ ମହାସଂପତ୍ପ୍ରଦାୟିନେ ।
ଶ୍ରୀଭୈରଵୀପ୍ରୟୁକ୍ତାୟ ତ୍ରିଲୋକେଶାୟ ତେ ନମଃ ॥ 6 ॥

ଦିଗଂବର ନମସ୍ତୁଭ୍ୟଂ ଦିଗୀଶାୟ ନମୋ ନମଃ ।
ନମୋଽସ୍ତୁ ଦୈତ୍ୟକାଲାୟ ପାପକାଲାୟ ତେ ନମଃ ॥ 7 ॥

ସର୍ଵଜ୍ଞାୟ ନମସ୍ତୁଭ୍ୟଂ ନମସ୍ତେ ଦିଵ୍ୟଚକ୍ଷୁଷେ ।
ଅଜିତାୟ ନମସ୍ତୁଭ୍ୟଂ ଜିତାମିତ୍ରାୟ ତେ ନମଃ ॥ 8 ॥

ନମସ୍ତେ ରୁଦ୍ରପୁତ୍ରାୟ ଗଣନାଥାୟ ତେ ନମଃ ।
ନମସ୍ତେ ଵୀରଵୀରାୟ ମହାଵୀରାୟ ତେ ନମଃ ॥ 9 ॥

ନମୋଽସ୍ତ୍ଵନଂତଵୀର୍ୟାୟ ମହାଘୋରାୟ ତେ ନମଃ ।
ନମସ୍ତେ ଘୋରଘୋରାୟ ଵିଶ୍ଵଘୋରାୟ ତେ ନମଃ ॥ 10 ॥

ନମଃ ଉଗ୍ରାୟ ଶାଂତାୟ ଭକ୍ତେଭ୍ୟଃ ଶାଂତିଦାୟିନେ ।
ଗୁରଵେ ସର୍ଵଲୋକାନାଂ ନମଃ ପ୍ରଣଵ ରୂପିଣେ ॥ 11 ॥

ନମସ୍ତେ ଵାଗ୍ଭଵାଖ୍ୟାୟ ଦୀର୍ଘକାମାୟ ତେ ନମଃ ।
ନମସ୍ତେ କାମରାଜାୟ ୟୋଷିତ୍କାମାୟ ତେ ନମଃ ॥ 12 ॥

ଦୀର୍ଘମାୟାସ୍ଵରୂପାୟ ମହାମାୟାପତେ ନମଃ ।
ସୃଷ୍ଟିମାୟାସ୍ଵରୂପାୟ ଵିସର୍ଗାୟ ସମ୍ୟାୟିନେ ॥ 13 ॥

ରୁଦ୍ରଲୋକେଶପୂଜ୍ୟାୟ ହ୍ୟାପଦୁଦ୍ଧାରଣାୟ ଚ ।
ନମୋଽଜାମଲବଦ୍ଧାୟ ସୁଵର୍ଣାକର୍ଷଣାୟ ତେ ॥ 14 ॥

ନମୋ ନମୋ ଭୈରଵାୟ ମହାଦାରିଦ୍ର୍ୟନାଶିନେ ।
ଉନ୍ମୂଲନକର୍ମଠାୟ ହ୍ୟଲକ୍ଷ୍ମ୍ୟା ସର୍ଵଦା ନମଃ ॥ 15 ॥

ନମୋ ଲୋକତ୍ରୟେଶାୟ ସ୍ଵାନଂଦନିହିତାୟ ତେ ।
ନମଃ ଶ୍ରୀବୀଜରୂପାୟ ସର୍ଵକାମପ୍ରଦାୟିନେ ॥ 16 ॥

ନମୋ ମହାଭୈରଵାୟ ଶ୍ରୀରୂପାୟ ନମୋ ନମଃ ।
ଧନାଧ୍ୟକ୍ଷ ନମସ୍ତୁଭ୍ୟଂ ଶରଣ୍ୟାୟ ନମୋ ନମଃ ॥ 17 ॥

ନମଃ ପ୍ରସନ୍ନରୂପାୟ ହ୍ୟାଦିଦେଵାୟ ତେ ନମଃ ।
ନମସ୍ତେ ମଂତ୍ରରୂପାୟ ନମସ୍ତେ ରତ୍ନରୂପିଣେ ॥ 18 ॥

ନମସ୍ତେ ସ୍ଵର୍ଣରୂପାୟ ସୁଵର୍ଣାୟ ନମୋ ନମଃ ।
ନମଃ ସୁଵର୍ଣଵର୍ଣାୟ ମହାପୁଣ୍ୟାୟ ତେ ନମଃ ॥ 19 ॥

ନମଃ ଶୁଦ୍ଧାୟ ବୁଦ୍ଧାୟ ନମଃ ସଂସାରତାରିଣେ ।
ନମୋ ଦେଵାୟ ଗୁହ୍ୟାୟ ପ୍ରବଲାୟ ନମୋ ନମଃ ॥ 20 ॥

ନମସ୍ତେ ବଲରୂପାୟ ପରେଷାଂ ବଲନାଶିନେ ।
ନମସ୍ତେ ସ୍ଵର୍ଗସଂସ୍ଥାୟ ନମୋ ଭୂର୍ଲୋକଵାସିନେ ॥ 21 ॥

ନମଃ ପାତାଳଵାସାୟ ନିରାଧାରାୟ ତେ ନମଃ ।
ନମୋ ନମଃ ସ୍ଵତଂତ୍ରାୟ ହ୍ୟନଂତାୟ ନମୋ ନମଃ ॥ 22 ॥

ଦ୍ଵିଭୁଜାୟ ନମସ୍ତୁଭ୍ୟଂ ଭୁଜତ୍ରୟସୁଶୋଭିନେ ।
ନମୋଽଣିମାଦିସିଦ୍ଧାୟ ସ୍ଵର୍ଣହସ୍ତାୟ ତେ ନମଃ ॥ 23 ॥

ପୂର୍ଣଚଂଦ୍ରପ୍ରତୀକାଶଵଦନାଂଭୋଜଶୋଭିନେ ।
ନମସ୍ତେ ସ୍ଵର୍ଣରୂପାୟ ସ୍ଵର୍ଣାଲଂକାରଶୋଭିନେ ॥ 24 ॥

ନମଃ ସ୍ଵର୍ଣାକର୍ଷଣାୟ ସ୍ଵର୍ଣାଭାୟ ଚ ତେ ନମଃ ।
ନମସ୍ତେ ସ୍ଵର୍ଣକଂଠାୟ ସ୍ଵର୍ଣାଲଂକାରଧାରିଣେ ॥ 25 ॥

ସ୍ଵର୍ଣସିଂହାସନସ୍ଥାୟ ସ୍ଵର୍ଣପାଦାୟ ତେ ନମଃ ।
ନମଃ ସ୍ଵର୍ଣାଭପାରାୟ ସ୍ଵର୍ଣକାଂଚୀସୁଶୋଭିନେ ॥ 26 ॥

ନମସ୍ତେ ସ୍ଵର୍ଣଜଂଘାୟ ଭକ୍ତକାମଦୁଘାତ୍ମନେ ।
ନମସ୍ତେ ସ୍ଵର୍ଣଭକ୍ତାନାଂ କଲ୍ପଵୃକ୍ଷସ୍ଵରୂପିଣେ ॥ 27 ॥

ଚିଂତାମଣିସ୍ଵରୂପାୟ ନମୋ ବ୍ରହ୍ମାଦିସେଵିନେ ।
କଲ୍ପଦ୍ରୁମାଧଃସଂସ୍ଥାୟ ବହୁସ୍ଵର୍ଣପ୍ରଦାୟିନେ ॥ 28 ॥

ନମୋ ହେମାଦିକର୍ଷାୟ ଭୈରଵାୟ ନମୋ ନମଃ ।
ସ୍ତଵେନାନେନ ସଂତୁଷ୍ଟୋ ଭଵ ଲୋକେଶଭୈରଵ ॥ 29 ॥

ପଶ୍ୟ ମାଂ କରୁଣାଵିଷ୍ଟ ଶରଣାଗତଵତ୍ସଲ ।
ଶ୍ରୀଭୈରଵ ଧନାଧ୍ୟକ୍ଷ ଶରଣଂ ତ୍ଵାଂ ଭଜାମ୍ୟହମ୍ ।
ପ୍ରସୀଦ ସକଲାନ୍ କାମାନ୍ ପ୍ରୟଚ୍ଛ ମମ ସର୍ଵଦା ॥ 30 ॥

ଫଲଶ୍ରୁତିଃ
ଶ୍ରୀମହାଭୈରଵସ୍ୟେଦଂ ସ୍ତୋତ୍ରସୂକ୍ତଂ ସୁଦୁର୍ଲଭମ୍ ।
ମଂତ୍ରାତ୍ମକଂ ମହାପୁଣ୍ୟଂ ସର୍ଵୈଶ୍ଵର୍ୟପ୍ରଦାୟକମ୍ ॥ 31 ॥

ୟଃ ପଠେନ୍ନିତ୍ୟମେକାଗ୍ରଂ ପାତକୈଃ ସ ଵିମୁଚ୍ୟତେ ।
ଲଭତେ ଚାମଲାଲକ୍ଷ୍ମୀମଷ୍ଟୈଶ୍ଵର୍ୟମଵାପ୍ନୁୟାତ୍ ॥ 32 ॥

ଚିଂତାମଣିମଵାପ୍ନୋତି ଧେନୁ କଲ୍ପତରୁଂ ଧୃଵମ୍ ।
ସ୍ଵର୍ଣରାଶିମଵାପ୍ନୋତି ସିଦ୍ଧିମେଵ ସ ମାନଵଃ ॥ 33 ॥

ସଂଧ୍ୟାୟାଂ ୟଃ ପଠେତ୍ ସ୍ତୋତ୍ରଂ ଦଶାଵୃତ୍ୟା ନରୋତ୍ତମୈଃ ।
ସ୍ଵପ୍ନେ ଶ୍ରୀଭୈରଵସ୍ତସ୍ୟ ସାକ୍ଷାଦ୍ଭୂତ୍ଵା ଜଗଦ୍ଗୁରୁଃ ॥ 34 ॥

ସ୍ଵର୍ଣରାଶି ଦଦାତ୍ୟେଵ ତତ୍‍କ୍ଷଣାନ୍ନାସ୍ତି ସଂଶୟଃ ।
ସର୍ଵଦା ୟଃ ପଠେତ୍ ସ୍ତୋତ୍ରଂ ଭୈରଵସ୍ୟ ମହାତ୍ମନଃ ॥ 35 ॥

ଲୋକତ୍ରୟଂ ଵଶୀକୁର୍ୟାଦଚଲାଂ ଶ୍ରିୟମଵାପ୍ନୁୟାତ୍ ।
ନ ଭୟଂ ଲଭତେ କ୍ଵାପି ଵିଘ୍ନଭୂତାଦିସଂଭଵ ॥ 36 ॥

ମ୍ରିୟଂତେ ଶତ୍ରଵୋଽଵଶ୍ୟମଲକ୍ଷ୍ମୀନାଶମାପ୍ନୁୟାତ୍ ।
ଅକ୍ଷୟଂ ଲଭତେ ସୌଖ୍ୟଂ ସର୍ଵଦା ମାନଵୋତ୍ତମଃ ॥ 37 ॥

ଅଷ୍ଟପଂଚାଶତାଣଢ୍ୟୋ ମଂତ୍ରରାଜଃ ପ୍ରକୀର୍ତିତଃ ।
ଦାରିଦ୍ର୍ୟଦୁଃଖଶମନଂ ସ୍ଵର୍ଣାକର୍ଷଣକାରକଃ ॥ 38 ॥

ୟ ୟେନ ସଂଜପେତ୍ ଧୀମାନ୍ ସ୍ତୋତ୍ରଂ ଵା ପ୍ରପଠେତ୍ ସଦା ।
ମହାଭୈରଵସାୟୁଜ୍ୟଂ ସ୍ଵାଂତକାଲେ ଭଵେଦ୍ଧ୍ରୁଵମ୍ ॥ 39 ॥

ଇତି ରୁଦ୍ରୟାମଲ ତଂତ୍ରେ ସ୍ଵର୍ଣାକର୍ଷଣ ଭୈରଵ ସ୍ତୋତ୍ରମ୍ ॥