॥ ଶ୍ରୀଶଂକରାଚାର୍ୟସ୍ତଵଃ ॥
ଶ୍ରୀଶଂକରାଚାର୍ୟଵର୍ୟଂ ସର୍ଵଲୋକୈକଵଂଦ୍ୟଂ ଭଜେ ଦେଶିକେଂଦ୍ରମ୍
ଧର୍ମପ୍ରଚାରେଽତିଦକ୍ଷଂ ୟୋଗିଗୋଵିଂଦପାଦାପ୍ତସନ୍ୟାସଦୀକ୍ଷମ୍ ।
ଦୁର୍ଵାଦିଗର୍ଵାପନୋଦଂ ପଦ୍ମପାଦାଦିଶିଷ୍ୟାଲିସଂସେଵ୍ୟପାଦମ୍ ॥1॥
(ଶ୍ରୀଶଂକରାଚାର୍ୟଵର୍ୟଂ)
ଶଂକାଦ୍ରିଦଂଭୋଲିଲୀଲଂ କିଂକରାଶେଷଶିଷ୍ୟାଲି ସଂତ୍ରାଣଶୀଲମ୍ ।
ବାଲାର୍କନୀକାଶଚେଲଂ ବୋଧିତାଶେଷଵେଦାଂତ ଗୂଢାର୍ଥଜାଲମ୍ ॥2॥
(ଶ୍ରୀଶଂକରାଚାର୍ୟଵର୍ୟଂ)
ରୁଦ୍ରାକ୍ଷମାଲାଵିଭୂଷଂ ଚଂଦ୍ରମୌଲୀଶ୍ଵରାରାଧନାଵାପ୍ତତୋଷମ୍ ।
ଵିଦ୍ରାଵିତାଶେଷଦୋଷଂ ଭଦ୍ରପୂଗପ୍ରଦଂ ଭକ୍ତଲୋକସ୍ୟ ନିତ୍ୟମ୍ ॥3॥
(ଶ୍ରୀଶଂକରାଚାର୍ୟଵର୍ୟଂ)
ପାପାଟଵୀଚିତ୍ରଭାନୁଂ ଜ୍ଞାନଦୀପେନ ହାର୍ଦଂ ତମୋ ଵାରୟଂତମ୍ ।
ଦ୍ଵୈପାୟନପ୍ରୀତିଭାଜଂ ସର୍ଵତାପାପହାମୋଘବୋଧପ୍ରଦଂ ତମ୍ ॥4॥
(ଶ୍ରୀଶଂକରାଚାର୍ୟଵର୍ୟଂ)
ରାଜାଧିରାଜାଭିପୂଜ୍ୟଂ ରମ୍ୟଶୃଂଗାଦ୍ରିଵାସୈକଲୋଲଂ ୟତୀଡ୍ୟମ୍ ।
ରାକେଂଦୁସଂକାଶଵକ୍ତ୍ରଂ ରତ୍ନଗର୍ଭେଭଵକ୍ତ୍ରାଂଘ୍ରିପୂଜାନୁରକ୍ତମ୍ ॥5॥
(ଶ୍ରୀଶଂକରାଚାର୍ୟଵର୍ୟଂ)
ଶ୍ରୀଭାରତୀତୀର୍ଥଗୀତଂ ଶଂକରାର୍ୟସ୍ତଵଂ ୟଃ ପଠେଦ୍ଭକ୍ତିୟୁକ୍ତଃ ।
ସୋଽଵାପ୍ନୁୟାତ୍ସର୍ଵମିଷ୍ଟଂ ଶଂକରାଚାର୍ୟଵର୍ୟପ୍ରସାଦେନ ତୂର୍ଣମ୍ ॥6॥
(ଶ୍ରୀଶଂକରାଚାର୍ୟଵର୍ୟଂ)
