॥ অথ কেনোপনিষত্ ॥

ওং স॒হ না॑ববতু । স॒হ নৌ॑ ভুনক্তু । স॒হ বী॒র্য়ং॑ করবাবহৈ । তে॒জ॒স্বিনা॒বধী॑তমস্তু॒ মা বি॑দ্বিষা॒বহৈ᳚ ।

ওং শাংতিঃ॒ শাংতিঃ॒ শাংতিঃ॑ ॥

ওং আপ্য়ায়ংতু মমাংগানি বাক্প্রাণশ্চক্ষুঃ শ্রোত্রমথো বলমিংদ্রিয়াণি চ সর্বাণি । সর্বং ব্রহ্মৌপনিষদং মাঽহং ব্রহ্ম নিরাকুর্য়াং মা মা ব্রহ্ম নিরাকরোদনিরাকরণমস্ত্বনিরাকরণং মেঽস্তু । তদাত্মনি নিরতে য উপনিষত্সু ধর্মাস্তে ময়ি সংতু তে ময়ি সংতু ।

ওং শাংতিঃ॒ শাংতিঃ॒ শাংতিঃ॑ ॥

কেনেষিতং পততি প্রেষিতং মনঃ
কেন প্রাণঃ প্রথমঃ প্রৈতি যুক্তঃ ।
কেনেষিতাং-বাঁচমিমাং-বঁদংতি
চক্ষুঃ শ্রোত্রং ক উ দেবো যুনক্তি ॥ 1 ॥

শ্রোত্রস্য় শ্রোত্রং মনসো মনো যদ্
বাচো হ বাচং স উ প্রাণস্য় প্রাণঃ ।
চক্ষুষশ্চক্ষুরতিমুচ্য় ধীরাঃ
প্রেত্য়াস্মাল্লোকাদমৃতা ভবংতি ॥ 2 ॥

ন তত্র চক্ষুর্গচ্ছতি ন বাগ্গচ্ছতি নো মনঃ ।
ন বিদ্মো ন বিজানীমো যথৈতদনুশিষ্য়াত্ ॥ 3 ॥

অন্যদেব তদ্বিদিতাদথো অবিদিতাদধি ।
ইতি শুশ্রুম পূর্বেষাং-য়েঁ নস্তদ্ব্য়াচচক্ষিরে ॥ 4 ॥

যদ্বাচাঽনভ্য়ুদিতং-য়েঁন বাগভ্য়ুদ্যতে ।
তদেব ব্রহ্ম ত্বং-বিঁদ্ধি নেদং-য়ঁদিদমুপাসতে ॥ 5 ॥

যন্মনসা ন মনুতে যেনাহুর্মনো মতম্ ।
তদেব ব্রহ্ম ত্বং-বিঁদ্ধি নেদং-য়ঁদিদমুপাসতে ॥ 6 ॥

যচ্চক্ষুষা ন পশ্যতি যেন চক্ষূংষি পশ্যতি ।
তদেব ব্রহ্ম ত্বং-বিঁদ্ধি নেদং-য়ঁদিদমুপাসতে ॥ 7 ॥

যচ্ছ্রোত্রেণ ন শ‍ঋণোতি যেন শ্রোত্রমিদং শ্রুতম্ ।
তদেব ব্রহ্ম ত্বং-বিঁদ্ধি নেদং-য়ঁদিদমুপাসতে ॥ 8 ॥

যত্প্রাণেন ন প্রাণিতি যেন প্রাণঃ প্রণীযতে ।
তদেব ব্রহ্ম ত্বং-বিঁদ্ধি নেদং-য়ঁদিদমুপাসতে ॥ 9 ॥

॥ ইতি কেনোপনিষদি প্রথমঃ খংডঃ ॥