ଓଂ ଭ॒ଦ୍ରଂ କର୍ଣେ॑ଭିଃ ଶୃଣୁ॒ୟାମ॑ ଦେଵାଃ । ଭ॒ଦ୍ରଂ ପ॑ଶ୍ୟେମା॒କ୍ଷଭି॒ର୍ୟଜ॑ତ୍ରାଃ । ସ୍ଥି॒ରୈରଂଗୈ᳚ସ୍ତୁଷ୍ଟୁ॒ଵାଗ୍ମ୍ ସ॑ସ୍ତ॒ନୂଭିଃ॑ । ଵ୍ୟଶେ॑ମ ଦେ॒ଵହି॑ତଂ॒-ୟଁଦାୟୁଃ॑ । ସ୍ଵ॒ସ୍ତି ନ॒ ଇଂଦ୍ରୋ॑ ଵୃ॒ଦ୍ଧଶ୍ର॑ଵାଃ । ସ୍ଵ॒ସ୍ତି ନଃ॑ ପୂ॒ଷା ଵି॒ଶ୍ଵଵେ॑ଦାଃ । ସ୍ଵ॒ସ୍ତି ନ॒ସ୍ତାର୍କ୍ଷ୍ୟୋ॒ ଅରି॑ଷ୍ଟନେମିଃ । ସ୍ଵ॒ସ୍ତି ନୋ॒ ବୃହ॒ସ୍ପତି॑ର୍ଦଧାତୁ । ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥
ଓଂ ଅଥ ସୂର୍ୟାଥର୍ଵାଂଗିରସଂ-ଵ୍ୟାଁ᳚ଖ୍ୟାସ୍ୟା॒ମଃ । ବ୍ରହ୍ମା ଋ॒ଷିଃ । ଗାୟ॑ତ୍ରୀ ଛଂ॒ଦଃ । ଆଦି॑ତ୍ୟୋ ଦେ॒ଵତା । ହଂସଃ॑ ସୋ॒ଽହମଗ୍ନିନାରାୟଣ ୟୁ॑କ୍ତଂ ବୀ॒ଜମ୍ । ହୃଲ୍ଲେ॑ଖା ଶ॒କ୍ତିଃ । ଵିୟଦାଦିସର୍ଗସଂୟୁଁ॑କ୍ତଂ କୀ॒ଲକମ୍ । ଚତୁର୍ଵିଧପୁରୁଷାର୍ଥ ସିଦ୍ଧ୍ୟର୍ଥେ ଵି॑ନିୟୋ॒ଗଃ ।
ଷଟ୍ସ୍ଵରାରୂଢେ॑ନ ବୀଜେ॒ନ ଷଡଂ॑ଗଂ ର॒କ୍ତାଂବୁ॑ଜସଂସ୍ଥି॒ତଂ ସପ୍ତାଶ୍ଵ॑ରଥି॒ନଂ ହିର॑ଣ୍ୟଵ॒ର୍ଣଂ ଚ॑ତୁର୍ଭୁ॒ଜଂ ପଦ୍ମଦ୍ଵୟାଽଭୟଵର॑ଦହ॒ସ୍ତଂ କାଲଚକ୍ର॑ପ୍ରଣେତା॒ରଂ ଶ୍ରୀସୂର୍ୟନାରାୟ॒ଣଂ-ୟଁ ଏ॑ଵଂ-ଵେଁ॒ଦ ସ ଵୈ ବ୍ରା᳚ହ୍ମ॒ଣଃ ।
ଓଂ ଭୂର୍ଭୁଵଃ॒ ସୁଵଃ॑ । ତତ୍ସ॑ଵି॒ତୁର୍ଵରେ᳚ଣ୍ୟଂ॒ ଭର୍ଗୋ॑ ଦେ॒ଵସ୍ୟ॑ ଧୀମହି । ଧିୟୋ॒ ୟୋ ନଃ॑ ପ୍ରଚୋ॒ଦୟା᳚ତ୍ । ସୂର୍ୟ॑ ଆ॒ତ୍ମା ଜଗ॑ତସ୍ତ॒ସ୍ଥୁଷ॑ଶ୍ଚ । ସୂର୍ୟା॒ଦ୍ଵୈ ଖଲ୍ଵି॒ମାନି॒ ଭୂତା॑ନି॒ ଜାୟଂ॑ତେ । ସୂର୍ୟା᳚ଦ୍ୟ॒ଜ୍ଞଃ ପର୍ଜନ୍ୟୋ᳚ଽନ୍ନମା॒ତ୍ମା ।
ନମ॑ସ୍ତେ ଆଦିତ୍ୟ । ତ୍ଵମେ॒ଵ ପ୍ର॒ତ୍ୟକ୍ଷଂ॒ କର୍ମ॑ କର୍ତାସି । ତ୍ଵମେ॒ଵ ପ୍ର॒ତ୍ୟକ୍ଷଂ॒ ବ୍ରହ୍ମା॑ଽସି । ତ୍ଵମେ॒ଵ ପ୍ର॒ତ୍ୟକ୍ଷଂ॒-ଵିଁଷ୍ଣୁ॑ରସି । ତ୍ଵମେ॒ଵ ପ୍ର॒ତ୍ୟକ୍ଷଂ॒ ରୁଦ୍ରୋ॑ଽସି । ତ୍ଵମେ॒ଵ ପ୍ର॒ତ୍ୟକ୍ଷ॒ମୃଗ॑ସି । ତ୍ଵମେ॒ଵ ପ୍ର॒ତ୍ୟକ୍ଷଂ॒-ୟଁଜୁ॑ରସି । ତ୍ଵମେ॒ଵ ପ୍ର॒ତ୍ୟକ୍ଷଂ॒ ସାମା॑ସି । ତ୍ଵମେ॒ଵ ପ୍ର॒ତ୍ୟକ୍ଷ॒ମଥ॑ର୍ଵାସି । ତ୍ଵମେ॒ଵ ସର୍ଵଂ॑ ଛଂଦୋ॒ଽସି । ଆ॒ଦି॒ତ୍ୟାଦ୍ଵା॑ୟୁର୍ଜା॒ୟତେ । ଆ॒ଦି॒ତ୍ୟାଦ୍ଭୂ॑ମିର୍ଜା॒ୟତେ । ଆ॒ଦି॒ତ୍ୟାଦାପୋ॑ ଜାୟଂ॒ତେ । ଆ॒ଦି॒ତ୍ୟାଜ୍ଜ୍ୟୋତି॑ର୍ଜାୟ॒ତେ ।
ଆ॒ଦି॒ତ୍ୟାଦ୍ଵ୍ୟୋମ ଦିଶୋ॑ ଜାୟଂ॒ତେ ।
ଆ॒ଦି॒ତ୍ୟାଦ୍ଦେ॑ଵା ଜାୟଂ॒ତେ । ଆ॒ଦି॒ତ୍ୟାଦ୍ଵେ॑ଦା ଜାୟଂ॒ତେ । ଆ॒ଦି॒ତ୍ୟୋ ଵା ଏ॒ଷ ଏ॒ତନ୍ମଂ॒ଡଲଂ॒ ତପ॑ତି । ଅ॒ସାଵା॑ଦି॒ତ୍ୟୋ ବ୍ର॒ହ୍ମା । ଆ॒ଦି॒ତ୍ୟୋଽଂତଃକରଣ ମନୋବୁଦ୍ଧି ଚିତ୍ତା॑ହଂକା॒ରାଃ । ଆ॒ଦି॒ତ୍ୟୋ ଵୈ ଵ୍ୟାନଃ ସମାନୋଦାନୋଽପା॑ନଃ ପ୍ରା॒ଣଃ ।
ଆ॒ଦି॒ତ୍ୟୋ ଵୈ ଶ୍ରୋତ୍ର ତ୍ଵକ୍ ଚକ୍ଷୂରସ॑ନଘ୍ରା॒ଣାଃ । ଆ॒ଦି॒ତ୍ୟୋ ଵୈ ଵାକ୍ପାଣିପାଦପା॑ୟୂପ॒ସ୍ଥାଃ । ଆ॒ଦି॒ତ୍ୟୋ ଵୈ ଶବ୍ଦସ୍ପର୍ଶରୂପର॑ସଗଂ॒ଧାଃ । ଆ॒ଦି॒ତ୍ୟୋ ଵୈ ଵଚନାଦାନାଗମନ ଵିସ॑ର୍ଗାନଂ॒ଦାଃ । ଆନଂଦମୟୋ ଵିଜ୍ଞାନମୟୋ ଵିଜ୍ଞାନଘନ॑ ଆଦି॒ତ୍ୟଃ । ନମୋ ମିତ୍ରାୟ ଭାନଵେ ମୃତ୍ୟୋ᳚ର୍ମା ପା॒ହି । ଭ୍ରାଜିଷ୍ଣଵେ ଵିଶ୍ଵହେତ॑ଵେ ନ॒ମଃ ।
ସୂର୍ୟାଦ୍ଭଵଂତି॑ ଭୂତା॒ନି ସୂର୍ୟେଣ ପାଲି॑ତାନି॒ ତୁ । ସୂର୍ୟେ ଲୟଂ ପ୍ରା᳚ପ୍ନୁଵଂ॒ତି ୟଃ ସୂର୍ୟଃ ସୋଽହ॑ମେଵ॒ ଚ । ଚକ୍ଷୁ॑ର୍ନୋ ଦେ॒ଵଃ ସ॑ଵି॒ତା ଚକ୍ଷୁ॑ର୍ନ ଉ॒ତ ପ॒ର୍ଵତଃ॑ । ଚକ୍ଷୁ॑ର୍ଧା॒ତା ଦ॑ଧାତୁ ନଃ ।
ଆ॒ଦି॒ତ୍ୟାୟ॑ ଵି॒ଦ୍ମହେ॑ ସହସ୍ରକିର॒ଣାୟ॑ ଧୀମହି । ତନ୍ନଃ॑ ସୂର୍ୟଃ ପ୍ରଚୋ॒ଦୟା᳚ତ୍ ।
ସ॒ଵି॒ତା ପ॒ଶ୍ଚାତ୍ତା᳚ତ୍ ସଵି॒ତା ପୁ॒ରସ୍ତା᳚ତ୍ ସଵି॒ତୋତ୍ତ॒ରାତ୍ତା᳚ତ୍ ସଵି॒ତାଽଧ॒ରାତ୍ତା᳚ତ୍ ସଵି॒ତା ନଃ॑ ସୁଵତୁ ସ॒ର୍ଵତା᳚ତିଗ୍ମ୍ ସଵି॒ତା ନୋ᳚ ରାସତାଂ ଦୀର୍ଘ॒ମାୟୁଃ॑ ।
ଓମିତ୍ୟେକାକ୍ଷ॑ରଂ ବ୍ର॒ହ୍ମ । ଘୃଣି॒ରିତି॒ ଦ୍ଵେ ଅ॒କ୍ଷରେ᳚ । ସୂର୍ୟ॒ ଇତ୍ୟକ୍ଷ॑ରଦ୍ଵ॒ୟମ୍ । ଆ॒ଦି॒ତ୍ୟ ଇତି॒ ତ୍ରୀଣ୍ୟକ୍ଷ॑ରାଣି । ଏତସ୍ୟୈଵ ସୂର୍ୟସ୍ୟାଷ୍ଟାକ୍ଷ॑ରୋ ମ॒ନୁଃ ।
ୟଃ ସଦାହରହ॑ର୍ଜପ॒ତି ସ ଵୈ ବ୍ରାହ୍ମ॑ଣୋ ଭ॒ଵତି ସ ଵୈ ବ୍ରାହ୍ମ॑ଣୋ ଭ॒ଵତି । ସୂର୍ୟାଭିମୁ॑ଖୋ ଜ॒ପ୍ତ୍ଵା ମହାଵ୍ୟାଧି ଭୟା᳚ତ୍ ପ୍ରମୁ॒ଚ୍ୟତେ । ଅଲ॑କ୍ଷ୍ମୀର୍ନ॒ଶ୍ୟତି । ଅଭକ୍ଷ୍ୟ ଭକ୍ଷଣାତ୍ ପୂ॑ତୋ ଭ॒ଵତି । ଅଗମ୍ୟାଗମନାତ୍ ପୂ॑ତୋ ଭ॒ଵତି । ପତିତ ସଂଭାଷଣାତ୍ ପୂ॑ତୋ ଭ॒ଵତି । ଅସତ୍ ସଂଭାଷଣାତ୍ ପୂ॑ତୋ ଭ॒ଵତି । ଅସତ୍ ସଂଭାଷଣାତ୍ପୂ॑ତୋ ଭ॒ଵତି ।
ମଧ୍ୟାହ୍ନେ ସୂର୍ୟାଭି॑ମୁଖଃ ପ॒ଠେତ୍ । ସଦ୍ୟୋତ୍ପନ୍ନପଂଚମହାପାତକା᳚ତ୍ ପ୍ରମୁ॒ଚ୍ୟତେ । ସୈଷା ସାଵି॑ତ୍ରୀଂ-ଵିଁ॒ଦ୍ୟାଂ ନ କିଂଚିଦପି ନ କସ୍ମୈଚି॑ତ୍ ପ୍ରଶଂ॒ସୟେତ୍ । ୟ ଏ॒ତାଂ ମହାଭାଗଃ ପ୍ରା॑ତଃ ପ॒ଠତି ସ ଭାଗ୍ୟ॑ଵାନ୍ ଜା॒ୟତେ ପ॑ଶୂନ୍ଵିଂ॒ଦତି । ଵେଦା᳚ର୍ଥଂ-ଲଁ॒ଭତେ । ତ୍ରିକାଲମେ॑ତଜ୍ଜ॒ପ୍ତ୍ଵା କ୍ରତୁଶତଫଲମ॑ଵାପ୍ନୋ॒ତି । ହସ୍ତାଦି॑ତ୍ୟେ ଜ॒ପତି ସ ମହାମୃ॑ତ୍ୟୁଂ ତ॒ରତି ସ ମହାମୃ॑ତ୍ୟୁଂ ତ॒ରତି ୟ ଏ॑ଵଂ-ଵେଁ॒ଦ । ଇତ୍ୟୁ॑ପ॒ନିଷ॑ତ୍ ।
ଓଂ ଭ॒ଦ୍ରଂ କର୍ଣେ॑ଭିଃ ଶୃଣୁ॒ୟାମ॑ ଦେଵାଃ । ଭ॒ଦ୍ରଂ ପ॑ଶ୍ୟେମା॒କ୍ଷଭି॒ର୍ୟଜ॑ତ୍ରାଃ । ସ୍ଥି॒ରୈରଂଗୈ᳚ସ୍ତୁଷ୍ଟୁ॒ଵାଗ୍ମ୍ ସ॑ସ୍ତ॒ନୂଭିଃ॑ । ଵ୍ୟଶେ॑ମ ଦେ॒ଵହି॑ତଂ॒-ୟଁଦାୟୁଃ॑ । ସ୍ଵ॒ସ୍ତି ନ॒ ଇଂଦ୍ରୋ॑ ଵୃ॒ଦ୍ଧଶ୍ର॑ଵାଃ । ସ୍ଵ॒ସ୍ତି ନଃ॑ ପୂ॒ଷା ଵି॒ଶ୍ଵଵେ॑ଦାଃ । ସ୍ଵ॒ସ୍ତି ନ॒ସ୍ତାର୍କ୍ଷ୍ୟୋ॒ ଅରି॑ଷ୍ଟନେମିଃ । ସ୍ଵ॒ସ୍ତି ନୋ॒ ବୃହ॒ସ୍ପତି॑ର୍ଦଧାତୁ । ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥
