బ్రహ్మోవాచ ।
నమః పిత్రే జన్మదాత్రే సర్వదేవమయాయ చ ।
సుఖదాయ ప్రసన్నాయ సుప్రీతాయ మహాత్మనే ॥ 1 ॥

సర్వయజ్ఞస్వరూపాయ స్వర్గాయ పరమేష్ఠినే ।
సర్వతీర్థావలోకాయ కరుణాసాగరాయ చ ॥ 2 ॥

నమః సదాఽఽశుతోషాయ శివరూపాయ తే నమః ।
సదాఽపరాధక్షమిణే సుఖాయ సుఖదాయ చ ॥ 3 ॥

దుర్లభం మానుషమిదం యేన లబ్ధం మయా వపుః ।
సమ్భావనీయం ధర్మార్థే తస్మై పిత్రే నమో నమః ॥ 4 ॥

తీర్థస్నానతపోహోమజపాదీన్ యస్య దర్శనమ్ ।
మహాగురోశ్చ గురవే తస్మై పిత్రే నమో నమః ॥ 5 ॥

యస్య ప్రణామ స్తవనాత్ కోటిశః పితృతర్పణమ్ ।
అశ్వమేధశతైస్తుల్యం తస్మై పిత్రే నమో నమః ॥ 6 ॥

ఇదం స్తోత్రం పితృః పుణ్యం యః పఠేత్ ప్రయతో నరః ।
ప్రత్యహం ప్రాతరుత్థాయ పితృశ్రాద్ధదినేఽపి చ ॥ 7 ॥

స్వజన్మదివసే సాక్షాత్ పితురగ్రే స్థితోఽపి వా ।
న తస్య దుర్లభం కిఞ్చిత్ సర్వజ్ఞత్వాది వాఞ్ఛితమ్ ॥ 8 ॥

నానాపకర్మ కృత్వాఽపి యః స్తౌతి పితరం సుతః ।
స ధృవం ప్రవిధాయైవ ప్రాయశ్చిత్తం సుఖీ భవేత్ ।
పితృప్రీతికరైర్నిత్యం సర్వకర్మాణ్యథార్హతి ॥ 9 ॥

ఇతి బృహద్ధర్మపురాణాన్తర్గత బ్రహ్మకృత పితృ స్తోత్రమ్ ।