(ఋ.1.10.15.1)
ఉదీ॑రతా॒మవ॑ర॒ ఉత్పరా॑స॒ ఉన్మ॑ధ్య॒మాః పి॒తర॑-స్సో॒మ్యాసః॑ ।
అసుం॒-యఀ ఈ॒యుర॑వృ॒కా ఋ॑త॒జ్ఞాస్తే నో॑-ఽవన్తు పి॒తరో॒ హవే॑షు ॥ 01
ఇ॒ద-మ్పి॒తృభ్యో॒ నమో॑ అస్త్వ॒ద్య యే పూర్వా॑సో॒ య ఉప॑రాస ఈ॒యుః ।
యే పార్థి॑వే॒ రజ॒స్యా నిష॑త్తా॒ యే వా॑ నూ॒నం సు॑వృ॒జనా॑సు వి॒ఖ్షు ॥ 02
ఆహ-మ్పి॒తౄన్సు॑వి॒దత్రాం॑ అవిత్సి॒ నపా॑త-ఞ్చ వి॒క్రమ॑ణ-ఞ్చ॒ విష్ణోః॑ ।
బ॒ర్హి॒షదో॒ యే స్వ॒ధయా॑ సు॒తస్య॒ భజ॑న్త పి॒త్వస్త ఇ॒హాగ॑మిష్ఠాః ॥ 03
బర్హి॑షదః పితర ఊ॒త్య(1॒॑ )ర్వాగి॒మా వో॑ హ॒వ్యా చ॑కృమా జు॒షధ్వ॑మ్ ।
త ఆ గ॒తావ॑సా॒ శన్త॑మే॒నాథా॑ న॒-శ్శం-యోఀర॑ర॒పో ద॑ధాత ॥ 04
ఉప॑హూతాః పి॒తర॑-స్సో॒మ్యాసో॑ బర్హి॒ష్యే॑షు ని॒ధిషు॑ ప్రి॒యేషు॑ ।
త ఆ గ॑మన్తు॒ త ఇ॒హ శ్రు॑వ॒న్త్వధి॑ బ్రువన్తు॒ తే॑-ఽవన్త్వ॒స్మాన్ ॥ 05
ఆచ్యా॒ జాను॑ దఖ్షిణ॒తో ని॒షద్యే॒మం-యఀ॒జ్ఞమ॒భి గృ॑ణీత॒ విశ్వే॑ ।
మా హిం॑సిష్ట పితరః॒ కేన॑ చిన్నో॒ యద్వ॒ ఆగః॑ పురు॒షతా॒ కరా॑మ ॥ 06
ఆసీ॑నాసో అరు॒ణీనా॑ము॒పస్థే॑ ర॒యి-న్ధ॑త్త దా॒శుషే॒ మర్త్యా॑య ।
పు॒త్రేభ్యః॑ పితర॒స్తస్య॒ వస్వః॒ ప్ర య॑చ్ఛత॒ త ఇ॒హోర్జ॑-న్దధాత ॥ 07
యే నః॒ పూర్వే॑ పి॒తర॑-స్సో॒మ్యాసో॑-ఽనూహి॒రే సో॑మపీ॒థం-వఀసి॑ష్ఠాః ।
తేభి॑ర్య॒మ-స్సం॑రరా॒ణో హ॒వీం‍ష్యు॒శన్ను॒శద్భిః॑ ప్రతికా॒మమ॑త్తు ॥ 08
యే తా॑తృ॒షుర్దే॑వ॒త్రా జేహ॑మానా హోత్రా॒విద॒-స్స్తోమ॑తష్టాసో అ॒ర్కైః ।
ఆగ్నే॑ యాహి సువి॒దత్రే॑భిర॒ర్వాఙ్‍ స॒త్యైః క॒వ్యైః పి॒తృభి॑ర్ఘర్మ॒సద్భిః॑ ॥ 09
యే స॒త్యాసో॑ హవి॒రదో॑ హవి॒ష్పా ఇన్ద్రే॑ణ దే॒వై-స్స॒రథ॒-న్దధా॑నాః ।
ఆగ్నే॑ యాహి స॒హస్ర॑-న్దేవవ॒న్దైః పరైః॒ పూర్వైః॑ పి॒తృభి॑ర్ఘర్మ॒సద్భిః॑ ॥ 10
అగ్ని॑ష్వాత్తాః పితర॒ ఏహ గ॑చ్ఛత॒ సద॑స్సద-స్సదత సుప్రణీతయః ।
అ॒త్తా హ॒వీంషి॒ ప్రయ॑తాని బ॒ర్హిష్యథా॑ ర॒యిం సర్వ॑వీర-న్దధాతన ॥ 11
త్వమ॑గ్న ఈళి॒తో జా॑తవే॒దో-ఽవా॑డ్ఢ॒వ్యాని॑ సుర॒భీణి॑ కృ॒త్వీ ।
ప్రాదాః॑ పి॒తృభ్య॑-స్స్వ॒ధయా॒ తే అ॑ఖ్షన్న॒ద్ధి త్వ-న్దే॑వ॒ ప్రయ॑తా హ॒వీంషి॑ ॥ 12
యే చే॒హ పి॒తరో॒ యే చ॒ నేహ యాం‍శ్చ॑ వి॒ద్మ యాఁ ఉ॑ చ॒ న ప్ర॑వి॒ద్మ ।
త్వం-వేఀ ॑త్థ॒ యతి॒ తే జా॑తవేద-స్స్వ॒ధాభి॑ర్య॒జ్ఞం సుకృ॑త-ఞ్జుషస్వ ॥ 13
యే అ॑గ్నిద॒గ్ధా యే అన॑గ్నిదగ్ధా॒ మధ్యే॑ ది॒వ-స్స్వ॒ధయా॑ మా॒దయ॑న్తే ।
తేభి॑-స్స్వ॒రాళసు॑నీతిమే॒తాం-యఀ ॑థావ॒శ-న్త॒న్వ॑-ఙ్కల్పయస్వ ॥ 14
ఓం శాన్తి॒-శ్శాన్తి॒-శ్శాన్తిః॑ ।
