Runa Vimochana Ganapathi Stotram - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

ఋణ విమోచన గణపతి స్తోత్రమ్

స్మరామి దేవదేవేశం వక్రతుణ్డం మహాబలమ్ ।
షడక్షరం కృపాసిన్ధుం నమామి ఋణముక్తయే ॥ 1 ॥

ఏకాక్షరం హ్యేకదన్తం ఏకం బ్రహ్మ సనాతనమ్ ।
ఏకమేవాద్వితీయం చ నమామి ఋణముక్తయే ॥ 2 ॥

మహాగణపతిం దేవం మహాసత్త్వం మహాబలమ్ ।
మహావిఘ్నహరం శమ్భోః నమామి ఋణముక్తయే ॥ 3 ॥

కృష్ణామ్బరం కృష్ణవర్ణం కృష్ణగన్ధానులేపనమ్ ।
కృష్ణసర్పోపవీతం చ నమామి ఋణముక్తయే ॥ 4 ॥

రక్తామ్బరం రక్తవర్ణం రక్తగన్ధానులేపనమ్ ।
రక్తపుష్పప్రియం దేవం నమామి ఋణముక్తయే ॥ 5 ॥

పీతామ్బరం పీతవర్ణం పీతగన్ధానులేపనమ్ ।
పీతపుష్పప్రియం దేవం నమామి ఋణముక్తయే ॥ 6 ॥

ధూమ్రామ్బరం ధూమ్రవర్ణం ధూమ్రగన్ధానులేపనమ్ ।
హోమధూమప్రియం దేవం నమామి ఋణముక్తయే ॥ 7 ॥

ఫాలనేత్రం ఫాలచన్ద్రం పాశాఙ్కుశధరం విభుమ్ ।
చామరాలఙ్కృతం దేవం నమామి ఋణముక్తయే ॥ 8 ॥

ఇదం త్వృణహరం స్తోత్రం సన్ధ్యాయాం యః పఠేన్నరః ।
షణ్మాసాభ్యన్తరేణైవ ఋణముక్తో భవిష్యతి ॥ 9 ॥

ఇతి ఋణవిమోచన మహాగణపతి స్తోత్రమ్ ।

Browse Related Categories: