గకారరూపో గమ్బీజో గణేశో గణవన్దితః ।
గణనీయో గణోగణ్యో గణనాతీత సద్గుణః ॥ 1 ॥

గగనాదికసృద్గఙ్గాసుతోగఙ్గాసుతార్చితః ।
గఙ్గాధరప్రీతికరోగవీశేడ్యోగదాపహః ॥ 2 ॥

గదాధరనుతో గద్యపద్యాత్మకకవిత్వదః ।
గజాస్యో గజలక్ష్మీవాన్ గజవాజిరథప్రదః ॥ 3 ॥

గఞ్జానిరత శిక్షాకృద్గణితజ్ఞో గణోత్తమః ।
గణ్డదానాఞ్చితోగన్తా గణ్డోపల సమాకృతిః ॥ 4 ॥

గగన వ్యాపకో గమ్యో గమానాది వివర్జితః ।
గణ్డదోషహరో గణ్డ భ్రమద్భ్రమర కుణ్డలః ॥ 5 ॥

గతాగతజ్ఞో గతిదో గతమృత్యుర్గతోద్భవః ।
గన్ధప్రియో గన్ధవాహో గన్ధసిన్ధురబృన్దగః ॥ 6 ॥

గన్ధాది పూజితో గవ్యభోక్తా గర్గాది సన్నుతః ।
గరిష్ఠోగరభిద్గర్వహరో గరళిభూషణః ॥ 7 ॥

గవిష్ఠోగర్జితారావో గభీరహృదయో గదీ ।
గలత్కుష్ఠహరో గర్భప్రదో గర్భార్భరక్షకః ॥ 8 ॥

గర్భాధారో గర్భవాసి శిశుజ్ఞాన ప్రదాయకః ।
గరుత్మత్తుల్యజవనో గరుడధ్వజవన్దితః ॥ 9 ॥

గయేడితో గయాశ్రాద్ధఫలదశ్చ గయాకృతిః ।
గదాధరావతారీచ గన్ధర్వనగరార్చితః ॥ 10 ॥

గన్ధర్వగానసన్తుష్టో గరుడాగ్రజవన్దితః ।
గణరాత్ర సమారాధ్యో గర్హణస్తుతి సామ్యధీః ॥ 11 ॥

గర్తాభనాభిర్గవ్యూతిః దీర్ఘతుణ్డో గభస్తిమాన్ ।
గర్హితాచార దూరశ్చ గరుడోపలభూషితః ॥ 12 ॥

గజారి విక్రమో గన్ధమూషవాజీ గతశ్రమః ।
గవేషణీయో గమనో గహనస్థ మునిస్తుతః ॥ 13 ॥

గవయచ్ఛిద్గణ్డకభిద్గహ్వరాపథవారణః ।
గజదన్తాయుధో గర్జద్రిపుఘ్నో గజకర్ణికః ॥ 14 ॥

గజచర్మామయచ్ఛేత్తా గణాధ్యక్షోగణార్చితః ।
గణికానర్తనప్రీతోగచ్ఛన్ గన్ధఫలీ ప్రియః ॥ 15 ॥

గన్ధకాది రసాధీశో గణకానన్దదాయకః ।
గరభాదిజనుర్హర్తా గణ్డకీగాహనోత్సుకః ॥ 16 ॥

గణ్డూషీకృతవారాశిః గరిమాలఘిమాదిదః ।
గవాక్షవత్సౌధవాసీగర్భితో గర్భిణీనుతః ॥ 17 ॥

గన్ధమాదనశైలాభో గణ్డభేరుణ్డవిక్రమః ।
గదితో గద్గదారావ సంస్తుతో గహ్వరీపతిః ॥ 18 ॥

గజేశాయ గరీయసే గద్యేడ్యోగతభీర్గదితాగమః ।
గర్హణీయ గుణాభావో గఙ్గాదిక శుచిప్రదః ॥ 19 ॥

గణనాతీత విద్యాశ్రీ బలాయుష్యాదిదాయకః ।
ఏవం శ్రీగణనాథస్య నామ్నామష్టోత్తరం శతమ్ ॥ 20 ॥

పఠనాచ్ఛ్రవణాత్ పుంసాం శ్రేయః ప్రేమప్రదాయకమ్ ।
పూజాన్తే యః పఠేన్నిత్యం ప్రీతస్సన్ తస్యవిఘ్నరాట్ ॥ 21 ॥

యం యం కామయతే కామం తం తం శీఘ్రం ప్రయచ్ఛతి ।
దూర్వయాభ్యర్చయన్ దేవమేకవింశతివాసరాన్ ॥ 22 ॥

ఏకవింశతివారం యో నిత్యం స్తోత్రం పఠేద్యది ।
తస్య ప్రసన్నో విఘ్నేశస్సర్వాన్ కామాన్ ప్రయచ్ఛతి ॥ 23 ॥

॥ ఇతి శ్రీ గణపతి గకార అష్టోత్తర శతనామస్తోత్రమ్ ॥