ఉమాఙ్గోద్భవం దన్తివక్త్రం గణేశం
భుజాకఙ్కణైః శోభినం ధూమ్రకేతుమ్ ।
గలే హారముక్తావలీశోభితం తం
నమో జ్ఞానరూపం గణేశం నమస్తే ॥ 1 ॥
గణేశం వదేత్తం స్మరేత్ సర్వకార్యే
స్మరన్ సన్ముఖం జ్ఞానదం సర్వసిద్ధిమ్ ।
మనశ్చిన్తితం కార్యమేవేషు సిద్ధ్యే-
-న్నమో బుద్ధికాన్తం గణేశం నమస్తే ॥ 2 ॥
మహాసున్దరం వక్త్రచిహ్నం విరాటం
చతుర్ధాభుజం చైకదన్తైకవర్ణమ్ ।
ఇదం దేవరూపం గణం సిద్ధినాథం
నమో భాలచన్ద్రం గణేశం నమస్తే ॥ 3 ॥
ససిన్దూరసత్కుఙ్కుమైస్తుల్యవర్ణః
స్తుతైర్మోదకైః ప్రీయతే విఘ్నరాజః ।
మహాసఙ్కటచ్ఛేదకం ధూమ్రకేతుం
నమో గౌరిపుత్రం గణేశం నమస్తే ॥ 4 ॥
యథా పాతకచ్ఛేదకం విష్ణునామ
తథా ధ్యాయతాం శఙ్కరం పాపనాశః ।
యథా పూజితే షణ్ముఖే శోకనాశో
నమో విఘ్ననాశం గణేశం నమస్తే ॥ 5 ॥
సదా సర్వదా ధ్యాయతామేకదన్తం
సుసిన్దూరకం పూజితం రక్తపుష్పైః ।
సదా చర్చితం చన్దనైః కుఙ్కుమాక్తం
నమో జ్ఞానరూపం గణేశం నమస్తే ॥ 6 ॥
నమో గౌరికాగర్భజాపత్య తుభ్యం
నమో జ్ఞానరూపిన్నమః సిద్ధికాన్త ।
నమో ధ్యేయపూజ్యాయ హే బుద్ధినాథ
సురాస్త్వాం భజన్తే గణేశం నమస్తే ॥ 7 ॥
భుజఙ్గప్రయాతం పఠేద్యస్తు భక్త్యా
ప్రభాతే జపేన్నిత్యమేకాగ్రచిత్తః ।
క్షయం యాన్తి విఘ్నా దిశః శోభయన్తం
నమో జ్ఞానరూపం గణేశం నమస్తే ॥ 8 ॥
ఇతి శ్రీఢుణ్ఢిరాజ భుజఙ్గ ప్రయాత స్తోత్రమ్ ।
