Chintamani Shatpadi - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

చిన్తామణి షట్పదీ

ద్విరదవదన విషమరద వరద జయేశాన శాన్తవరసదన ।
సదనవసాదన దయయా కురు సాదనమన్తరాయస్య ॥ 1 ॥

ఇన్దుకలా కలితాలిక సాలికశుమ్భత్కపోలపాలియుగ ।
వికటస్ఫుటకటధారాధారోఽస్యస్య ప్రపఞ్చస్య ॥ 2 ॥

వరపరశుపాశపాణే పణితపణాయాపణాయితోఽసి యతః ।
ఆరూహ్య వజ్రదన్తం ఆఖుం విదధాసి విపదన్తమ్ ॥ 3 ॥

లమ్బోదర దూర్వాసన శయధృతసామోదమోదకాశనక ।
శనకైరవలోకయ మాం యమాన్తరాయాపహారిచారుదృశా ॥ 4 ॥

ఆనన్దతున్దిలాఖిలవృన్దారకవృన్దవన్దితాఙ్ఘ్రియుగ ।
సుఖధృతదణ్డరసాలో నాగజభాలోఽతిభాసి విభో ॥ 5 ॥

అగణేయగుణేశాత్మజ చిన్తకచిన్తామణే గణేశాన ।
స్వచరణశరణం కరుణావరుణాలయ దేవ పాహి మాం దీనమ్ ॥ 6 ॥

రుచిరవచోఽమృతరావోన్నీతా నీతా దివం స్తుతిః స్ఫీతా ।
ఇతి షట్పదీ మదీయా గణపతిపాదామ్బుజే విశతు ॥ 7 ॥

ఇతి చిన్తామణిషట్పదీ ॥

Browse Related Categories: