వినాయకో విఘ్నరాజో గౌరీపుత్రో గణేశ్వరః ।
స్కన్దాగ్రజోఽవ్యయః పూతో దక్షోఽధ్యక్షో ద్విజప్రియః ॥ 1 ॥

అగ్నిగర్వచ్ఛిదిన్ద్రశ్రీప్రదో వాణీప్రదాయకః ।
సర్వసిద్ధిప్రదః శర్వతనయః శర్వరీప్రియః ॥ 2 ॥

సర్వాత్మకః సృష్టికర్తా దేవానీకార్చితః శివః ।
సిద్ధిబుద్ధిప్రదః శాన్తో బ్రహ్మచారీ గజాననః ॥ 3 ॥

ద్వైమాతురో మునిస్తుత్యో భక్తవిఘ్నవినాశనః ।
ఏకదన్తశ్చతుర్బాహుశ్చతురః శక్తిసంయుతః ॥ 4 ॥

లమ్బోదరః శూర్పకర్ణో హరిర్బ్రహ్మవిదుత్తమః ।
కావ్యో గ్రహపతిః కామీ సోమసూర్యాగ్నిలోచనః ॥ 5 ॥

పాశాఙ్కుశధరశ్చణ్డో గుణాతీతో నిరఞ్జనః ।
అకల్మషః స్వయం సిద్ధః సిద్ధార్చితపదామ్బుజః ॥ 6 ॥

బీజాపూరఫలాసక్తో వరదః శాశ్వతః కృతీ ।
ద్విజప్రియో వీతభయో గదీ చక్రీక్షుచాపధృత్ ॥ 7 ॥

శ్రీదోఽజ ఉత్పలకరః శ్రీపతిస్తుతిహర్షితః ।
కులాద్రిభేత్తా జటిలశ్చన్ద్రచూడోఽమరేశ్వరః ॥ 8 ॥

నాగయజ్ఞోపవీతీ చ కలికల్మషనాశనః ।
స్థూలకణ్ఠః స్వయఙ్కర్తా సామఘోషప్రియః పరః ॥ 9 ॥

స్థూలతుణ్డోఽగ్రణీర్ధీరో వాగీశః సిద్ధిదాయకః ।
దూర్వాబిల్వప్రియః కాన్తః పాపహారీ సమాహితః ॥ 10 ॥

ఆశ్రితశ్రీకరః సౌమ్యో భక్తవాఞ్ఛితదాయకః ।
శాన్తోఽచ్యుతార్చ్యః కైవల్యో సచ్చిదానన్దవిగ్రహః ॥ 11 ॥

జ్ఞానీ దయాయుతో దాన్తో బ్రహ్మద్వేషవివర్జితః ।
ప్రమత్తదైత్యభయదో వ్యక్తమూర్తిరమూర్తిమాన్ ॥ 12 ॥

శైలేన్ద్రతనుజోత్సఙ్గఖేలనోత్సుకమానసః ।
స్వలావణ్యసుధాసారజితమన్మథవిగ్రహః ॥ 13 ॥

సమస్తజగదాధారో మాయీ మూషకవాహనః ।
రమార్చితో విధిశ్చైవ శ్రీకణ్ఠో విబుధేశ్వరః ॥ 14 ॥

చిన్తామణిద్వీపపతిః పరమాత్మా గజాననః ।
హృష్టస్తుష్టః ప్రసన్నాత్మా సర్వసిద్ధిప్రదాయకః ॥ 15 ॥

అష్టోత్తరశతేనైవం నామ్నాం విఘ్నేశ్వరం విభుమ్ ।
యః పూజయేదనేనైవ భక్త్యా సిద్ధివినాయకమ్ ॥ 16 ॥

దూర్వాదళైః బిల్వపత్రైః పుష్పైర్వా చన్దనాక్షతైః ।
సర్వాన్కామానవాప్నోతి సర్వవిఘ్నైః ప్రముచ్యతే ॥ 17 ॥

ఇతి భవిష్యోత్తరపురాణే వినాయకాష్టోత్తరశతనామ స్తోత్రమ్ ।