ධ්යානම් ।
ත්රිනේත්රං ගජාස්යං චතුර්බාහුධාරං
පරශ්වාදිශස්ත්රෛර්යුතං භාලචංද්රම් ।
නරාකාරදේහං සදා යෝගශාංතං
ගණේශං භජේ සර්වවංද්යං පරේශම් ॥ 1 ॥

බිංදුරූපෝ වක්රතුංඩෝ රක්ෂතු මේ හෘදි ස්ථිතඃ ।
දේහාංශ්චතුර්විධාංස්තත්ත්වාංස්තත්ත්වාධාරඃ සනාතනඃ ॥ 2 ॥

දේහමෝහයුතං හ්යේකදංතඃ සෝऽහං ස්වරූපධෘක් ।
දේහිනං මාං විශේෂේණ රක්ෂතු භ්රමනාශකඃ ॥ 3 ॥

මහෝදරස්තථා දේවෝ නානාබෝධාන් ප්රතාපවාන් ।
සදා රක්ෂතු මේ බෝධානංදසංස්ථෝ හ්යහර්නිශම් ॥ 4 ॥

සාංඛ්යාන් රක්ෂතු සාංඛ්යේශෝ ගජානනඃ සුසිද්ධිදඃ ।
අසත්යේෂු ස්ථිතං මාං ස ලංබෝදරශ්ච රක්ෂතු ॥ 5 ॥

සත්සු ස්ථිතං සුමෝහේන විකටෝ මාං පරාත්පරඃ ।
රක්ෂතු භක්තවාත්සල්යාත් සදෛකාමෘතධාරකඃ ॥ 6 ॥

ආනංදේෂු ස්ථිතං නිත්යං මාං රක්ෂතු සමාත්මකඃ ।
විඝ්නරාජෝ මහාවිඝ්නෛර්නානාඛේලකරඃ ප්රභුඃ ॥ 7 ॥

අව්යක්තේෂු ස්ථිතං නිත්යං ධූම්රවර්ණඃ ස්වරූපධෘක් ।
මාං රක්ෂතු සුඛාකාරඃ සහජඃ සර්වපූජිතඃ ॥ 8 ॥

ස්වසංවේද්යේෂු සංස්ථං මාං ගණේශඃ ස්වස්වරූපධෘක් ।
රක්ෂතු යෝගභාවේන සංස්ථිතෝ භවනායකඃ ॥ 9 ॥

අයෝගේෂු ස්ථිතං නිත්යං මාං රක්ෂතු ගණේශ්වරඃ ।
නිවෘත්තිරූපධෘක් සාක්ෂාදසමාධිසුඛේ රතඃ ॥ 10 ॥

යෝගශාංතිධරෝ මාං තු රක්ෂතු යෝගසංස්ථිතම් ।
ගණාධීශඃ ප්රසන්නාත්මා සිද්ධිබුද්ධිසමන්විතඃ ॥ 11 ॥

පුරෝ මාං ගජකර්ණශ්ච රක්ෂතු විඝ්නහාරකඃ ।
වාහ්න්යාං යාම්යාං ච නෛරෘත්යාං චිංතාමණිර්වරප්රදඃ ॥ 12 ॥

රක්ෂතු පශ්චිමේ ඪුංඪිර්හේරංබෝ වායුදික් ස්ථිතම් ।
විනායකශ්චෝත්තරේ තු ප්රමෝදශ්චේශදික් ස්ථිතම් ॥ 13 ॥

ඌර්ධ්වං සිද්ධිපතිඃ පාතු බුද්ධීශෝऽධඃ ස්ථිතං සදා ।
සර්වාංගේෂු මයූරේශඃ පාතු මාං භක්තිලාලසඃ ॥ 14 ॥

යත්ර තත්ර ස්ථිතං මාං තු සදා රක්ෂතු යෝගපඃ ।
පුරශුපාශසංයුක්තෝ වරදාභයධාරකඃ ॥ 15 ॥

ඉදං ගණපතේඃ ප්රෝක්තං වජ්රපංජරකං පරම් ।
ධාරයස්ව මහාදේව විජයී ත්වං භවිෂ්යසි ॥ 16 ॥

ය ඉදං පංජරං ධෘත්වා යත්ර කුත්ර ස්ථිතෝ භවේත් ।
න තස්ය ජායතේ ක්වාපි භයං නානාස්වභාවජම් ॥ 17 ॥

යඃ පඨේත් පංජරං නිත්යං ස ඊප්සිතමවාප්නුයාත් ।
වජ්රසාරතනුර්භූත්වා චරේත්සර්වත්ර මානවඃ ॥ 18 ॥

ත්රිකාලං යඃ පඨේන්නිත්යං ස ගණේශ ඉවාපරඃ ।
නිර්විඝ්නඃ සර්වකාර්යේෂු බ්රහ්මභූතෝ භවේන්නරඃ ॥ 19 ॥

යඃ ශෘණෝති ගණේශස්ය පංජරං වජ්රසංජ්ඤකම් ।
ආරෝග්යාදිසමායුක්තෝ භවතේ ගණපප්රියඃ ॥ 20 ॥

ධනං ධාන්යං පශූන් විද්යාමායුෂ්යං පුත්රපෞත්රකම් ।
සර්වසංපත්සමායුක්තමෛශ්වර්යං පඨනාල්ලභේත් ॥ 21 ॥

න භයං තස්ය වජ්රාත්තු චක්රාච්ඡූලාද්භවේත් කදා ।
ශංකරාදේර්මහාදේව පඨනාදස්ය නිත්යශඃ ॥ 22 ॥

යං යං චිංතයතේ මර්ත්යස්තං තං ප්රාප්නෝති ශාශ්වතම් ।
පඨනාදස්ය විඝ්නේශ පංජරස්ය නිරංතරම් ॥ 23 ॥

ලක්ෂාවෘත්තිභිරේවං ස සිද්ධපංජරකෝ භවේත් ।
ස්තංභයේදපි සූර්යං තු බ්රහ්මාංඩං වශමානයේත් ॥ 24 ॥

ඒවමුක්ත්වා ගණේශානෝऽංතර්දධේ මුනිසත්තම ।
ශිවෝ දේවාදිභිර්යුක්තෝ හර්ෂිතඃ සංබභූව හ ॥ 25 ॥

ඉති ශ්රීමන්මුද්ගලේ මහාපුරාණේ ධූම්රවර්ණචරිතේ වජ්රපංජරකථනං නාම ත්රයෝවිංශෝऽධ්යායඃ ।